قلب البحر

في حلقة اليوم بش نحكيلكم بكل صراحة عن تجربتي الشخصية مع الصدق وكيفاه قررت اني نعيش حقيقية. بش نتعرفو على معنى الأمانة والعيش بصدق. علاش قررت نكون كيف ما انا بلا تصنع؟ كيفاش أثر الصدق على حياتي والي دايرين بيا؟ وشنو الصعوبات اللي واجهتها؟ :) ان شاء الله تتمتعو بحلقة اليوم من بودكاست قلب البحر وما تنساوش تشاركوني افكاركم وآرائكمApple Podcasts و Spotify تنجم تسمعنا علىللتواصل على صفحة الانستغرام، اضغط هنا

:في حلقة اليوم طرحت اهم المواضيع الي تعديت بيها شخصيا في تحضيراتي النفسية لدخول عالم ريادة الاعمال, خلال الاشهر الاخيرة:الهاجس وراء الثروةالهاجس وراء الموت و علاقته بنظرتي للحياة والاعمالالعوائق النفسية للناس اللي يباشرو مشاريعكيفاش نعرف رسالتي في الحياةإدمان السوشال ميدياتأثير الإدمان على العقل والوضوح:) ان شاء الله تتمتعو بحلقة اليوم من بودكاست قلب البحر وما تنساوش تشاركوني افكاركم وآرائكمApple Podcasts و Spotify تنجم تسمعنا علىللتواصل على صفحة الانستغرام، اضغط هنا

.في حلقة اليوم نشارككم بالتفصيل تجربتي مع الأخصائيين النفسيين والاطباء والكوتشز لعلاج الإكتئاب الحاد، الارق وضياع النفس:) ان شاء الله تتمتعو بحلقة اليوم وما تنساوش تشاركوني افكاركم وآرائكمApple Podcasts و Spotify تنجم تسمعنا علىللتواصل على صفحة الانستغرام، اضغط هنا

ساعات نظن انه بعض التصرفات السامة هي تعبير عن الحب والاهتمام، بالرغم من انها تخنقنا. وساعات نظن انه كوننا سامين هي عبارة عن قوة شخصية وفخر، بالرغم من اننا مخنوقين من تصرفاتنا واحاسيسنا.في حلقة اليوم من بودكاست قلب البحر بش نتطرقو للجانب البسيكولوجي متع الشخصية السامة والاسباب الي تخليها تتعلق او تكون علاقات سامة حتى وان لم يكن اختياري.:) ان شاء الله تتمتعو بحلقة اليوم وما تنساوش تشاركوني افكاركم وآرائكمApple Podcasts و Spotify تنجم تسمعنا علىللتواصل على صفحة الانستغرام، اضغط هنا

!قبل التطوير، يلزم التنظيف

حلقة اليوم عبارة على تفريغة قلب في موضوع جسد المرأة ونفسيتها وعلاش وكيفاش ما يتماشوش مع طريقة ونظام العمل الحالية. بعض التساؤلات طرحناهم حول اصحية افكار النسوية والمساواة بين المرأة والرجل في بيئة العمل.في حلقتنا حكينا زادة: هل يجب حقا اعتزال ما يؤذينا او مقاومته لحد التغيير ؟ ومتى يفقد الانسان احترامه لذاته في ظل الأحلام والأهداف المهنية:) ان شاء الله تتمتعو بالحلقة التاسعة من بودكاست قلب البحر وما تنساوش تشاركوني افكاركم وآرائكمApple Podcasts و Spotify تنجم تسمعنا علىللتواصل على صفحة الانستغرام، اضغط هنا

ليوم حبيت نفرغ قلبي ونحكي على مأساتي مع سيستام العمل و انتضاراته مني. سيستام نراه معقد وغير انساني وعملي برشا تساؤلات وامراض نفسية وضغط وسنوات وانا نحارب فيهحكيتلكم شوية على صعوبة العلاقات الي نواجهها وعلاش تصعب الحياة من دون اي سبب. ممكن الاسباب تافهة في منظوري لكنها صعيبة من منظور الاخر!كان انتم زادة عندكم نفس التساؤلات والاحاسيس احكيولي تجاربكم. ولو توصلتو لحل قطعي، نتمنى زادة تعاونوني بافكاركم:) نخليكم تتمتعو بالحلقة واشتركو في البودكاست باش ماتفوتكمش الحلقات الجايينApple Podcasts و Spotify تنجم تسمعنا علىللتواصل على صفحة الانستغرام، اضغط هنا

كره الذات موضوع عميق. فيه تقنيات وطرق، وطريقة تفكير ومنظور معين. ساعات كي نحاولو نحبو رواحنا نفشلو، لاننا نحاولو نداويو اعراض عدم حب الذات فقط، منغير ما نعرفو المناطق المعينة الي نكرهها في رواحناكره الذات ما يصيرش من سبب واحد لانه فيه اجيال مساهمة بكل جوارحها انها تتعلم كيفاه تكره انفسها ويعدوها للاجيال اللاحقة، لكن في الحلقة السابعة من بودكاست قلب البحر بش نكتشفو من هو العنصر المدبر وراء الحكاية هذه:) نخليك تتمتع بالحلقة واشترك في البودكاست باش ماتفوتكش الحلقات الجايينApple Podcasts و Spotify تنجم تسمعنا علىللتواصل على صفحة الانستغرام، اضغط هنا

تخاف من الفشل؟ تحس روحك تحب تهرب منو؟ وفي الاخر تلقى روحك هارب من الاهداف الي تحب تحققها و حابس في بلاسطك وضعيف العزيمة ؟.في هالحلقة من بودكاست قلب البحر، بش نفكرو في الفشل بمنظور جديد ونحاولو نحوّلوه إلى قوّة تدفعنا للأمام:في حلقتنا بش نتطرقو للتساؤلات هذهعلاش نخافو من الفشل أصلا؟شنوة التأثيرات السلبية للخوف من الفشل؟كيفاش نعاودو نعّرفو معنى الفشل باش يصير حافز ومش حاجز؟كيفاش نستفادو من الفشل ونحولوه مساعد لتحقيق النجاح؟!ومعاهم خطوات عملية في اخر الحلقة تساعدك تبني مفهومك واهدافك بالطريقة الي تناسبك انت +:) نخليك تتمتع بالحلقة واشترك في البودكاست باش ماتفوتكش الحلقات الجايين Apple Podcasts و Spotify تنجم تسمعنا علىللتواصل على صفحة الانستغرام، اضغط هنا

اليوم نتكلمو على حاجة شويّة ضدّ التيار، على تجربة شخصية وين قرّرت نعيش سنة كاملة بلا أهداف. برشة ناس ديما يتقلقو مالفكرة، كيفاش تعيش بلا ما تعرف وين ماشي؟ كيفاش تحفّز روحك؟في هالحلقة، نسمعو تجربة حقيقية لهالتحدّي وعلاه قرّرت نسيب حياتي تمشّي بلا خطّة مسبقة. بش نحكيو على شنوة صار خلال ها السّنة، كيفاش تأثّرت صحّتي البدنية و النفسية، و برشة أسئلة أخرى تِدور في بالكهالحلقة موش باش نقدّم فيها وصفة جاهزة للكل، لأنّ كل واحد وتجربتو مختلفة. الهدف هو نتفكّرو شوية على مفهوم الأهداف و مدى أهميتها في حياتنا، و نتعلّمو كيفاش نسيبو روحنا بين الحرية والحفاظ على توازننا الداخلي!ان شاء الله تستمتعو بالحلقة و نستنى نسمع حكاياتكم في المسجاتApple Podcasts و Spotify تنجم تسمعنا علىللتواصل على صفحة الانستغرام، اضغط هنا

في حلقة اليوم نغوصو في أعماق الرّوح، نتحدّثو عن ليالينا المُظلمة، اليأس اللي يَعترينا، و الحِسّ بالضّياع اللي يسيطر علينا أحيانًا. نتكلموا بصراحة على "ليلة النّفس المظلمة" اللي كل واحد منّا يمرّ بيها لكن ما يعرفش هي شنية و يظن انها فترة إكتئاب. فترة تتميز بالوحدة وتنتهي بالفقد والموت والحداد لكن هي رحلة حتمية نحو النّور ومليانة بالتحدّيات والامل والحرية والشجاعةاستعدّو لتجربة صريحة و عميقة نتشاركو فيها همومنا و نفكرو كيفاه نوصلو بيها لبرّ الأمان: رابط الصفحة المذكورة في البودكاستhttps://www.instagram.com/the.holistic.psychologist/Apple Podcasts و Spotify تنجم تسمعنا علىللتواصل على صفحة الانستغرام، اضغط هنا

شكون ما عداش سنين من عمرو وهو عايش كيف الروبوت. يصبح ويرقد على نفس الحاجة و نفس الاحساس. يحب يقدم في حياتو لكن يحس ايديه مكبلين، و مهما وصل لأعلى المراتب الي مشى فيبالو هي المبتغى، يتفاجأ الي احساس العجز باقي موجود وما غابش ولا لحظة!مرحبا بيك في الحلقة الثالثة من بودكاست قلب البحر.في حلقة اليوم نكتشفو شنية سبب اللعنة الي متبعتنا من سنين ومخليتنا حابسين في نفس البلاصة مهما نجريوان شاء الله تستمتعو بالحلقة و كان عجبتكم ما تنساوش تساندوني بالبرتاج :)Apple Podcasts و Spotify تنجم تسمعنا علىللتواصل على صفحة الانستغرام، اضغط هنا

مرحبا بيك في الحلقة الثانية من بودكاست قلب البحر. في حلقة اليوم نحب نطرق لسؤال: علاش الصحة النفسية مش مهمة لبرشا ناس إلى يومنا هذا ؟ برشا ناس باقي تربط موضوع تدهور الصحة النفسية بنقص الايمان و بالعقائد الدينية. وفما الي شكون يوصل يقنع نفسه انها لعنة مسلطة عليه من فوق. وفما زادة ناس تؤمن ان الحياة غير عادلة وهذا جزء من المعادلة هل صحيح بالرغم من تطور العلم والابحاث، التحاليل هذه هي الصحيحة ؟وعلاه الموضوع هذا من الاساس اصبح مطروح في الاعوام الاخيرة فقط ؟ ان شاء الله تستمتعو بالحلقة و كان عجبتكم ما تنساوش تساندوني بالبرتاج :)Apple Podcasts و Spotify تنجم تسمعنا علىللتواصل على صفحة الانستغرام، اضغط هنا

مرحبا بيك في الحلقة الاولى من بودكاست قلب البحرفي حلقتنا اليوم حبيت نحكيلكم على الدوافع الي خلاتني نخمم اني نبدا البودكاست هذا وعلاش توا بالذات!عندي سنوات نتسائل في نفس الاسئلة ولما لقيت الاجابات عرفت انه الاجابة ساعات لا تكفي. ساعات لازمك تاخذ المسؤولية وتفعلها على ارض الواقع بش تولي حدث يهم ويأثر في حياة الناس بصفة إيجابية. وهذه خطوتي الي نهديها لتونس ولفلسطين ولكل البلدان العربية الي تعاني من نفس الالم على جميع الاصعدةان شاء الله تستمتعو بالحلقة و كان عجبتكم ما تنساوش تساندوني بالبرتاج :)Apple Podcasts و Spotify تنجم تسمعنا علىللتواصل على صفحة الانستغرام، اضغط هنا