學識開咪

有報道指出，美軍喺中東軍事行動中使用 Anthropic 嘅 Claude 協助情報分析與戰術模擬。同時，美國國防部與 Anthropic 亦因 AI 喺軍事用途上嘅限制而出現公開爭議。究竟 AI 嘅風險係咩？當AI能力快速提升，安全邊界應該由誰劃定？ 與此同時，BBC 實測示範，透過特定設計，好容易就欺騙咗頂尖AI模型，似乎比起傳統搜尋器更容易受騙。今集我哋會由 Anthropic 嘅安全框架出發，拆解值得深思, 而且已經迫在眉睫嘅真實 AI 風險。 -- Hosting provided by SoundOn

呢一集我哋由《梅艷芳》《九龍城寨》《夜王》等電影出發，思考一個更深層嘅問題：點解香港近年最受歡迎嘅電影，都集體回望舊年代？當一座城市反覆重拍過去黃金歲月，究竟係單純懷舊，定係正在重新理解「時間」本身？由儒法之爭到基督教時間觀，我哋會拆解懷舊復古背後嘅循環與線性時間思想結構。問題唔在於回望，而在於香港仲會唔會再次想像未來？ 主持：Hugo、啟明 -- Hosting provided by SoundOn

今年係馬年，但原來生肖唔止係民俗咁簡單，背後牽涉一套好完整嘅時間及文化制度。由天文觀察、到曆法計算、再到國家治理同日常生活。今集我哋想從十二生肖嘅動物講起，介紹十二生肖喺唔同地區同少數民族語境入面點樣被吸收、改寫、甚至出現唔同版本。再介紹相關嘅時間系統 - 天干地支。 主持：Hugo、啟明 -- Hosting provided by SoundOn

今日農曆年初一，但有冇諗過原來唔係理所當然係？古代農曆原來邊個月係歲首變咗幾次。呢種情況其實我哋一啲都唔陌生? 今集將會同大家講下曆法裏面其中一個好重要嘅概念 - 正朔。農曆其實唔完全係陰曆? 陰曆陽曆有咩唔同? 嚟到今日，Lunar New Year 定 Chinese New Year 嘅用法依然引起爭論。了解曆法嘅歷史，有冇可能可以跳出呢種爭論? 主持：Hugo、啟明 -- Hosting provided by SoundOn

我哋今日習慣用「某國之人」去理解一個人，但對春秋戰國人嚟講，身份可能同時包括家族、封邑、文化圈，甚至對「周」嘅整體秩序認同。當一個人出使他國、做客卿或流動於諸侯之間，佢嘅自我認同會唔會比我哋想像中更加流動？《尋秦記》為我哋提供咗一個思考國家意識同身份認同嘅切入點。 主持：Hugo、啟明 -- Hosting provided by SoundOn

《尋秦記》原著小說其實相當著重人性同權謀，對神秘思想嘅運用相對克制；但去到電視劇版本反而加入咗更多「天命」「預兆」同「占卦」元素，甚至出現一段關鍵嘅占卦情節，由李斯解《易經》。呢啲內容喺小說入面係完全冇出現過。今集就由呢啲改編入手，討論呢啲元素點樣反映戰國一套重要嘅思想結構。 主持：Hugo、獻皿 -- Hosting provided by SoundOn

《尋秦記》其實大量借用了墨家思想作為結構骨架。主角項少龍修習所謂「墨子劍法」，亦出現一個具高度組織性嘅墨家網絡，能夠跨國運作、介入諸侯政治；而「魯公祕錄」所代表嘅技術知識，亦明顯呼應《墨子》當中對守城、機關、工藝嘅重視。再加上項少龍身上反覆出現嘅「救人」「減少殺戮」傾向，以及故事不斷碰觸嘅命運與歷史必然問題，其實都係墨家思想入面極為關鍵嘅議題。作者點樣將一套先秦思想轉化為現代小說可以運作嘅敘事裝置？ 主持：啟明、Hugo -- Hosting provided by SoundOn

《尋秦記》如果拎開劇情同情懷，純粹由「穿越」返戰國去諗，其實究竟聽唔聽得明人哋講嘢？又睇唔睇得明佢哋寫嘅字？ 今集就借《尋秦記》做引子，用一個比較貼地嘅方式，傾吓真實嘅古代語言係點，同埋電視劇同電影點樣處理呢個問題。 主持：啟明、Hugo -- Hosting provided by SoundOn

《尋秦記》有好多生活嘅畫面：主角啱啱跌落去嗰種手足無措、要搵人幫、要搵位落腳、要避開被人當成怪人，甚至連講句說話、行一步路都要諗清楚。如果你真係穿越返戰國，衣食住行係點？衣着會唔會俾人覺得可疑？最唔慣食嘅會係味道定係食嘅方式？住又慣唔慣？出行又係咩情況? 今集繼續有專家帶你走進戰國時代! 主持：啟明、Hugo -- Hosting provided by SoundOn

世界各地正討論限制社交媒體，澳洲率先禁止未滿 16 歲使用，並將責任放喺平台身上，實施效果如何？禁制表面係回應沉迷、精神健康同網絡欺凌問題，實際反映社會對資訊、注意力同成長環境失控嘅焦慮。究竟大人有冇責任同權力去監管小朋友使用社交媒體？Yope, Lemon8, Kick, Twitch, Snapchat 呢啲青少年人用嘅社交媒體我哋又有幾熟悉？AI 生成內容越嚟越真假難辨，會唔會之後變成連大人都需要限制？今集我哋會討論 : 應唔應該禁？點解社會會想禁？呢種禁令背後反映咗乜？家長及教師又可以點樣回應？ 主持：啟明、Hugo -- Hosting provided by SoundOn

承接上一集，我哋討論咗 AI 對學生嘅影響，包括習作愈來愈容易代寫、學習方式變得碎片化，甚至影響學生對閱讀與思考嘅投入。不過，AI 帶來嘅震盪，其實同時亦落喺老師同整套評核制度身上。大班授課、助教批改、分數曲線、期末為主嘅評核方法，本來就存在不少結構性問題；AI 出現之後，老師嘅工作、評分標準、公平性要求同專業判斷，都同時受到挑戰。 今集我哋將焦點放喺老師，探討 AI 點樣改變老師嘅工作包括討論如何評核工作、制度出現咩漏洞、老師點樣維持教學質素，並同導師一齊搵返初心，思考未來教育制度應該走邊一個方向。 主持：啟明、Hugo -- Hosting provided by SoundOn

最近外國有報道指出，美國德州大學奧斯汀分校一位歷史教授批改 400 份學生論文時，發現文章嘅句式、結構同論證方式極為相似。佢認為問題唔止係學生用 AI，而係大學長期依賴「標準化題目＋大班授課＋助教批改」嘅制度，令作業變得極易被 AI 代寫。 同一時間，過去幾年網上教學急速普及，我哋喺「學識」平台做課程時，也試過設計唔同形式嘅習作，亦清楚感受到標準化題目喺線上更容易被複製，甚至完全交由 AI 生成。 今集希望集中探討 AI 對「學生」帶來嘅改變：學習方式、功課態度、動機、理解深度，以至「點樣先算係真正自己嘅作業」。 主持：啟明、Hugo -- Hosting provided by SoundOn

上網搜尋，問ChatGPT已經係大部分人獲取資訊嘅方法。睇書仲有冇意義? 要要點樣睇書? 仲做唔做筆記? 仲用螢光筆畫到五顏六色? 有人習慣將段落轉寫到筆記簿，有人近年轉用 Notion、GoodNotes、OneNote 等數碼工具，整合重點、加標籤、做資料庫。不少筆記 App 加入生成式 AI 功能，可以自動提煉重點、整理章節結構、甚至根據用家嘅閱讀習慣建立知識框架。喺呢個背景之下，我哋想問：由紙筆到 AI，閱讀與學習嘅目的同方法，其實改變咗幾多？又有幾多仍然維持不變？ 主持：啟明、Hugo -- Hosting provided by SoundOn

近月多款大型語言模型陸續更新，包括 GPT-5.1、Claude 4.5、Grok 4.1，以及引起廣泛討論嘅 Gemini 3。Gemini 3 喺編程、自動生成互動式遊戲介面（UI）、整合工具鏈方面嘅示範，令創作同開發者圈子格外關注。不過，相比幾年前 GPT-3／4 面世時嘅大量討論，社會對今次 AI 升級嘅反應就顯得冷靜好多。 教育工作者同學生亦開始習慣用固定嘅一兩個平台。當工具使用習慣逐漸固定，新 model 嘅提升雖然重要，但未必再成為改變行為嘅主要動力。本集將會討論：性能增強仲係咪等於社會影響力擴大？用家依賴同生態綁定又會帶嚟咩後果？ 主持：啟明、Hugo -- Hosting provided by SoundOn

早前港大爆出有學者喺學術論文中引用「虛構文獻」嘅事件，震驚學術界。報道指，事件由於參與論文生博士生用AI整理文獻資料後未有察覺，以致論文引用的文獻中出現假文獻，署名作者亦認為事作純屬不小心，無關學術誠信。 生成式AI會自動「編造」學術文獻不是新鮮事，但整件過程竟然無被任何人或期刊評審察覺，係學生濫用，導師和評審機制把關不力，還是制度落後更新唔到？當AI改變咗知識生產方式，學術界可以點樣面對同轉型？ 主持：啟明、Hugo -- Hosting provided by SoundOn

最近有香港學校容許學生用簡體字作答考試，即時引起熱議。有家長話「香港要守護繁體正字」，又有人話「簡體都係中文，有咩問題？」，表面睇係教育問題，實際上反映著香港人有關語言、文化、身份嘅討論。 今集《#學識開咪》藉事件追溯漢字演變嘅歷史，分析「文字簡化」背後嘅文化和社會意義。現代簡體字改革，有其政治同歷史原因，簡體字對文化發展係咪一件好事？過於簡化有咩利弊？對比起追求效率與實用嘅簡體字，繁體字有咩獨特優勢？從文化保育嘅角度，我哋可以點樣保存甚至推廣繁體字？ 主持：啟明、Hugo -- Hosting provided by SoundOn

你係 ENFP 定 INTJ？近年唔少香港人都迷上 MBTI 測試，認識新朋友時成日都會問：「你係咩人格？」👀 但你有冇諗過，其實中國古人其實都有緊類似嘅性格分析？ 今集《學識開咪》由 MBTI 熱潮講起，如何簡單理解MBTI的分類？MBTI測試的目的是甚麼？我們會比較一下現代的性格分類，以及中國古代對人格、性情嘅理解方式，發現原來兩者雖然方法唔同，但背後有一啲理念同假設都有相似嘅地方。 主持：Pan、Hugo -- Hosting provided by SoundOn

OpenAI 早前宣佈，12月起 ChatGPT 將放寬限制，容許成年用戶創作和接收情色內容。ChatGPT一直以保守著稱，此次策略轉彎的關鍵原因，相信是來自市場競爭的巨大壓力，因為Grok AI早前已率先推出可生成色情影片的模式。不過，目前尚未明確說明哪些類型的內容會被歸類為「允許的色情作品」。 呢項更新隨即引起熱議，有人覺得係創作自由嘅進步，有人就擔心 AI 將會成為色情工業新主角，催生出大量無倫理監管嘅色情內容，甚至加劇「AI精神病（AI Psychosis)」的問題。當AI能進一步滿足人類對性和暴力的慾望，世界將會如何走向呢？ 主持：Pan、Hugo -- Hosting provided by SoundOn

被戲稱為「都市傳說」的麥浚龍新電影《風林火山》，上映後迅速成為全城熱話，網民評價超兩極，有網民狠批電影「不如唔好上」，網上的負評比正評多。不過可能唔多人知道，《風林火山》呢個片名，其實源自《孫子兵法》：「其疾如風，其徐如林，侵掠如火，不動如山」 今集 #學識開咪 有古文專家Hugo同易經專家獻皿，追本溯源講解「風林火山」四個字的典故和意義，字面上來自《孫子兵法》，但背後亦與《易經》嘅智慧相關。電影以犯罪與權力鬥爭為題，角色所牽涉的權謀同策略，甚或背後代表嘅處世哲學，或者都可以用翻古代經典去「超譯」。聽完呢集，可能你會有對套電影有一個新嘅睇法！ 主持：Pan、Hugo、獻皿 -- Hosting provided by SoundOn

直播帶貨係近電商平台最主要的銷售方式，中國大陸近月就出現不少「AI直播帶貨員」，唔使瞓、唔收佣、24小時不停賣貨，大大降低電商業者的成本，但同時有不少消費者稱，試過在AI直播間下單後「中伏」。 同時間，OpenAI 又宣佈 ChatGPT 加入 「即時結帳」功能，即係你喺 ChatGPT 問完：「有冇推介嘅跑鞋？」佢唔止會幫你揀款，仲可以即刻落單買埋，唔使再跳去其他平台。AI主導嘅「智能消費時代」會點樣改變我哋嘅消費習慣和電商生態？未來購物可以點樣想像？信任與操控問題上又有冇隱憂？ 主持：Pan、Hugo -- Hosting provided by SoundOn

最近有不少AI與政府治理的新聞，阿爾巴尼亞宣佈「任命」全球首位AI部長Diella，負責處理政府採購程序，為的是打擊腐敗；而德國文化部長亦喺公開場合，用AI模擬化身發表演說。聽落好似新時代開端，AI官員係玩真定玩假？其實係咪象徵意義大於實際意義？ 有評論批評，社會一旦接受並習慣具公信力的政府使用這類虛擬分身，可能進一步使民主淪為自動化流程，甚至削弱民主本身與人類在當中扮演的角色。呢個擔心係咪己人憂天？其實會唔會係一種新型的民主形式？ 主持：Hugo、Pan -- Hosting provided by SoundOn

提到《易經》，好多人第一個反應就係好深奧、好神秘，有人會覺得佢係同風水、算命有關。但其實《易經》喺中國文化同哲學入面，地位極之重要，甚至可以話係古代人嘅AI工具！ 今集 #學識開咪 請嚟易經專家、香港中文大學宗教研究哲學碩士胡獻皿，一齊講吓《易經》係一個點樣嘅工具，如何既能解釋世界，亦能占卜未來？原來古代人問《易經》，同我哋今時今日我哋用ChatGPT有好相似嘅地方，古人用佢嚟做乜？易經點樣協助人類面對未知？ 主持：Hugo、Pan 嘉寶：胡獻皿（香港中文大學宗教研究哲學碩士，易學普及平台「講八卦」小編） -- Hosting provided by SoundOn

AI技術喺影視娛樂界掀起咗新一輪震盪，最近靚聲嘅鄭子誠喺活動上直言，AI 已經可以高度模仿佢嘅聲音，令佢憂慮未來廣告、配音工作可能再唔需要佢。 聲音被「複製」，仲有冇人請專業配音？唔止聲音，同一時間TVB近日推出號稱本港首部AI短劇《在我心中，你是獨一無二》，顯示影視行業已經開始試水溫，用AI製作影視內容。由模仿聲音到生成畫面，演員、配音員甚至幕後工作人員，都開始擔心自己會唔會畀 AI 取代。 AI對影視娛樂圈係危定係機？從業員又如何面對AI浪潮？ 主持：啟明、Hugo、Pan -- Hosting provided by SoundOn

AI 嘅爆炸式發展帶嚟無限可能，但同時掀起咗一場「版權大戰」。近一年，OpenAI、Meta、Apple 等AI公司接連被作家和創作者告上法庭，指控佢哋喺未經授權情況下，拎咗受版權保護嘅作品去訓練模型。Claude嘅母公司Anthropic，近日亦就一宗使用盜版資源訓練AI模式嘅集體訴訟，同意支付15億美元和解。 到底AI公司取用作品訓練AI算唔算侵權？AI公司用創作者嘅著作做訓練，係咪應該有補償機制？創作者係咪應該有利潤分成？AI時代，我哋應該點樣平衡創作自由、法律保障同創新動力？ 主持：啟明、Hugo、Pan -- Hosting provided by SoundOn

Google Nano Banana橫空出世後立即爆紅，AI 圖像模型已成為科技巨頭必爭之地，而與圖像生成有密切關係嘅XR技術（Extended Reality，包括 AR、VR、MR），預計未來將會有更多與AI嘅技術融合，「AI + XR」會係下一代互聯網內容的核心模式呢？XR技術係咪真係會改變我哋未來生活？ 今集 #學識開咪 請嚟香港 XR Museum 嘅館長、資深XR設計師Esther，帶大家由行業 insider嘅角度，睇清楚 XR 科技最新走勢，呢項技術係未來幾年係咪真係會有重大突破？我地又可以點樣想像佢嘅應用呢？ 主持：啟明、Pan、Esther -- Hosting provided by SoundOn

「曼德拉效應」你聽過未？🤯 就係一班人一齊記錯同一件事，好似有人明明覺得曼德拉80年代喺獄中已經死咗，但其實佢後來出咗獄仲做咗南非總統。呢種「集體錯覺」長年喺網上引起唔少討論， 咁AI同呢件事有咩關係？National Geographic早前一篇文章就話，AI會加劇曼德拉效應更加嚴重。當AI可以快速生成文字、圖片、聲音，但內容未必準確，加上網民大量轉發，幾易就會製造出假嘅集體記憶。當虛構同事實混埋一齊，對社會有咩深遠影響？ 主持：啟明、Hugo、Pan #曼德拉效應 #AI #人工智能 #虛假資訊 #nationalgeographic #科技教育 #學識開咪 #廣東話Podcast #香港Podcast #科技與社會 -- Hosting provided by SoundOn

「藥倍安心」風波鬧到滿城風雨，由最初吹哨者質疑作品複雜度，到AI公司承認受委託代工，甚至近日當事人決定自願放棄獎項。兩個月過去，事件仲未平息，背後反映咗資源不均及代工風氣，到底香港學生創科比賽係咪早已經扭曲？ 當有錢家庭可以請專人寫程式，冇資源嘅學生只可靠自己嘅時候，贏輸係咪由一開始已注定？創科係咪只係精英遊戲？但當AI工具愈來愈普及，又會唔會可以將大家的差距嘅拉近，定進一步拉闊貧富差距？ 主持：啟明、Hugo、Pan -- Hosting provided by SoundOn

OpenAI正式推出新一代 ChatGPT 模型 GPT-5，官方話模型喺推理、數學、編程、寫作等都有重大突破，但係真實用落嘅體驗又係咪真係咁震撼？ GPT-5推出後，有不少用戶投訴 GPT-5 講嘢少咗人情味同奉承，感覺太冰冷，唔再「哄人」，話想要翻上一次嘅模型，反感嘅聲浪令到OpenAI開放翻之前嘅模型畀用家使用。GPT-5 究竟係「飛躍」定「炒作」？當 AI 愈嚟愈進步，我哋對佢嘅要求，係單純想佢更聰明，定係更像真人？ 主持：啟明、Hugo、Pan -- Hosting provided by SoundOn

廣東話曾被《經濟學人》評為世界五大最難學嘅語言之一，既然廣東話咁難學，對非母語者而言，有冇輕鬆又有效嘅方法學廣東話？ 今集 #學識開咪 請來YouTube頻道「Manki Cantonese」嘅經營者Manki，佢係兩年半拍咗超過2000條教學片，吸引唔少外國人學廣東話。佢話學語言唔一定要辛苦，唔一定要有動力，不停睇自己喜歡又聽得明嘅東西就得，呢套究竟係一套點嘅學習方法？ 我哋會一齊討論第二語言學習嘅方法，Manki應用嘅學習理論Cmprehensive Input 係乜野嚟？同主流語言學習方法有咩唔同？廣東話對外國人而言有咩難關？ 主持：Pan、Hugo、Manki -- Hosting provided by SoundOn

每天暑假都係放榜同入大學嘅季節，今年DSE誕生16位狀元，其中10位都揀咗讀醫，恰巧今年有官員寄語狀元唔一定要讀醫，可以去做大廚、舞者、歌唱家等，籲社會支持多元職業選擇，言論在網上掀起熱議。其實大學學科應該點樣去選擇？ 今集《#學識開咪》從大學選科講起，討論興趣與前途的矛盾，點解社會仍然傾向用「醫、律、工程」評價成功？為興趣讀書係咪一種奢侈？大學課程與理想之間的差距？我地又應該用咩態度和角度看待生涯規劃呢回事？ 主持：Pan、啟明、Hugo -- Hosting provided by SoundOn

Elon Musk旗下嘅 Grok AI 上星期推出新功能「AI Companion（AI伴侶）」，當中的性感動漫少女角色 Ani 引起廣泛關注及爭議，網上興起好多「解鎖攻略」嘅討論，點樣同佢傾計提升親密度，解鎖新動作甚至換性感衣服等😳。 從商業角度睇，全球AI陪伴市場將於未來5年快速增長，2023年達至500億港元嘅規模。AI情人已經唔再係天方夜談，點解AI情人咁吸引？未來會如何改寫人類對陪伴與親密關係的想像？陪伴型AI嘅興起又會對社交與消費行為造成乜野影響？今集 #學識開咪 同大家逐一探討。 主持：Pan、啟明、Hugo -- Hosting provided by SoundOn

有冇試過用AI寫文章，乍看之下覺得句句都好順暢有邏輯，但再睇多幾段就開始覺得，好似無咩重點、好似好多廢話，甚至唔知佢究竟講緊咩？ 今集《學識開咪》從 Salesforce AI 團隊做嘅研究講起，研究話比較三個頂尖大語言模型的寫作能力，寫出嚟嘅文章依然被專業作家評為「唔合格」，點解會咁？AI的通病係乜？ 另一邊廂隨著技術不斷發展，當AI幫你寫晒篇文，咁「你」仲係唔係個作者？寫作變成Prompt Game，未來寫作教育可以係點？🧐 📌 今集重點： ✍️ AI幫你寫文，但邏輯唔通、重複又空洞？逐點拆解AI寫作七宗罪 🤔 當AI寫作愈嚟愈普及，我哋仲需唔需要學作文？寫作教育係咪要全面轉型？ 主持：Pan、啟明、Hugo -- Hosting provided by SoundOn

唔知大家有冇聽過最近爆紅嘅日本組合「AiScReam」神曲《比起〇〇更喜歡你》？Ruby醬呢首歌本身已經洗腦，爆紅後出現咗好多二創memes，Nvidia CEO黃仁勳都變成惡搞對象😂 最近日本McDonald出咗一個同AiScReam 嘅聯乘廣告，明明係真人翻拍嘅，但竟然一大堆人以為係AI生成，結果官方都要特登澄清喺真人嚟架🤯 當AI生成嘅影像愈嚟愈似真人，而真人又愈嚟愈似AI，點樣分真假，甚或其實分真假已經不再重要？當AI生成影象真假混合，雖然可以玩memes激發創意，但亦可以成為詐騙、抹黑、操控輿論嘅工具，未來仲可以點樣fact-check、求真？今集《 #學識開咪》會同大家一一探討以上問題。 主持：Pan、啟明、Hugo -- Hosting provided by SoundOn

最近網絡上流傳一項MIT嘅研究，指經常用AI（例如ChatGPT）幫手寫嘢嘅人，大腦連結性同寫作能力都有明顯下滑📉。即係話，AI愈幫得手，人可能愈唔識諗、愈唔識寫？你問下自己——你上次真係用腦寫篇文，係幾時？🫠 依賴AI寫作、搵資料、整理內容，係咪真係會令人類大腦外判，喪失獨立思考的能力？我地又會唔會慢慢連「點諗、點寫、點表達」都唔記得？AI浪潮無法阻擋，我哋可以點樣善用AI之餘，同時透過AI提升我地嘅思考同溝通能力？ 主持：Pan、啟明、Hugo -- Hosting provided by SoundOn

你有冇試過，搜尋一個問題，結果ChatGPT即刻就畀左一個非常完整嘅回應，你根本唔需要再打開其他任何網頁查看資料？愈來愈多人依賴AI生成的摘要，出現咗零點擊搜尋（zero-click search）嘅現象。 今集 #學識開咪繼續有關AI與知識生產嘅討論，AI搜尋掘起為大眾資訊獲取方式帶來乜野改變？當AI幫我們讀哂所有內容同總結重點，人們仲有冇動力去做資料查證同比較？面對 AI 化搜尋未來，我哋有咩要反思？ 💥 今集重點： 🔎 AI搜尋如何衝擊搜尋引擎、共享知識平台以至一般人的行為習慣 🔎 AI搜尋令搵資料變得更快更易，但我哋嘅查證同思考能力有無跟上？ 🔎 我哋係咪開始懶得分真定假，直接信AI答案就算？ 主持：Pan、啟明、Hugo -- Hosting provided by SoundOn

細個讀歷史都一定聽過三皇五帝，全部都係能人所不能嘅神人同聖人，呢啲到底係傳說定真人？唔少人可能會覺得呢啲都係「古人作嘅故仔」，趣味野嚟嘅啫，但其實中國神話背後，潛藏住成個文明對道德同社會秩序嘅想像同理解🤯 承接上集，今集繼續有《牛哥講經》嘅牛哥同我哋講神話，一齊從神話走入哲學，深入拆解中國神話點樣奠基中國文化和哲學，點樣一直影響住後世嘅人對「政治」、「道德」、「理想社會」嘅理解。 -- Hosting provided by SoundOn

你知唔知道，唔止中國神話有「金蛋爆開」開天闢地，世界上其他文明神話——希臘、印度、埃及，原來都有「蛋生宇宙」呢個設定？😲 今集《學識開咪》請嚟《牛哥講經》主持牛哥，一齊深入拆解上古神話嘅文化同哲學意涵！ 點解神話唔係迷信，而係哲學、文化同世界觀嘅表達？今集由盤古開天、女媧造人的神話講起，一路比較中西神話點樣想像「世界點開始」、「人點嚟」同「神係咩角色」🤯 主持：Pan、Hugo、牛哥 -- Hosting provided by SoundOn

你有冇諗過，ChatGPT幫我寫email，幫我做翻譯溝通，仲學英文、學法文、學日文嚟做咩？ AI 咁勁，語言能力係咪已經「冇用武之地」？🤯當AI愈來愈勁，語言工具愈來愈方便，語言嘅價值仲有幾多？今集《#學識開咪》探討AI對語言嘅衝擊。 🎯 本集重點： ✅ AI 會唔會令學語言變得冇必要？ ✅ 語言除咗係溝通嘅工具，仲有咩價值？ ✅ 面對AI帶來嘅語言革命，我地應該點樣定位語言嘅學習？ 主持：啟明、Hugo、Pan -- Hosting provided by SoundOn

打開Threads，我地每日都睇到好多唔同嘅罵戰，而呢啲罵戰嘅背後，牽涉嘅係不同人對事情的判斷。我地日常生活每日都會面對好多判斷，無論係自己做嘅判斷，定係面對人地嘅判斷，區分真定假、好定壞、有問題抑或無問題…… 你平時點樣對一件事做判斷？睇證據？信權威？抑或「憑直覺」？科學嘅判斷就一定好過人文學科嘅判斷？今集 #學識開咪 請來 哲學博士Tyler及分子生物學博士Edwin，一齊深入探討日常生活中我哋點樣作出「合理判斷」，並對比人文哲學與科學兩者點樣作出所謂「客觀」嘅判斷。 真正有判斷力嘅人應該係點？想知嘅即刻聽今集啦！ 主持：啟明、Edwin、Tyler -- Hosting provided by SoundOn

你有冇聽過啲人話：「讀唐詩一定要用廣東話先壓韻！」又或者：「唐朝人講嘅，其實就係而家嘅廣東話！」 今集 #學識開咪 解構一下呢啲關於廣東話嘅都市傳說，討論一下： 🔍 廣東話係咪真係最古？比起潮州話、閩南話係咪更接近古語？ 🔍 廣東話保留咗好多「古雅」字？卒之、抑或、的而且確，原來都係古文！ 🔍 「古」就係有價值？定義廣東話嘅語言正統性，同文化身份建構有乜野關係？ 主持：啟明、Hugo、Pan -- Hosting provided by SoundOn

經常聽到大學生人工低嘅論調，傳媒亦引述數據，指大學生平均月入在過去20年不進反退，增幅低於高中畢業生，係咪就印證咗「學位貶值」和「讀書無用」的論調嗎？ 大學學位係咪真係愈來愈唔值錢？讀大學仲有咩價值？今集 #學識開咪 就學位眨值嘅問題，分析背後數據和現時大學生嘅變化，拆解大學教育的定位與社會觀念等。 主持：啟明、Hugo、Pan -- Hosting provided by SoundOn

最近Netflix爆紅英劇《混沌少年時Adolescence》成為網上熱話，故事圍繞著一名13 歲男孩因殺害女同學而遭逮捕嘅案件，背後深入探討青少年犯罪背後嘅社會議題，並觸及家庭教育、青少年心理健康，以及網路影響等多重層面，唔少人睇完都覺得好發人深省。 今集 #學識開咪就借住呢套劇，同大家傾吓青少年成長、網絡文化以及對教育嘅反思。作為教育工作者或者成年人，到底我地可以點教育下一代？教育唔止係知識傳遞，背後更需要理解一代人成長中嘅掙扎與需要，到底我地點樣聆聽、同行同理解新一代人？ -- Hosting provided by SoundOn

㩒一個制就可以將任何相片生成為「吉卜力風」，無論劇照、memes圖、個人照全部都可以玩！呢啲「翻版吉卜力」早前喺社交媒體洗哂版，有人玩得好開心，但同時引起藝術界及大眾熱議。 AI生成圖像會唔會令藝術失去意義，定係帶來新嘅契機？今集我哋請嚟藝術和哲學課程嘅導師 Idris，一齊傾吓： 👉 用AI整圖算唔算創作？藝術創作者點樣睇呢件事？ 👉 從歷史回顧，科技一直如何改變緊藝術？ 👉 AI作為教育與創作工具，其實有咩潛力？ 今集我哋唔講技術，而係深入反思創作和藝術嘅本質——到底AI畫圖，係工具定係敵人呢？🧐 -- Hosting provided by SoundOn

「愛意濃、情海蒼茫、痴心遇冷風」—— 如果你係而家嘅新歌見到呢啲歌詞，會唔會覺得好Leong好老土？ 今集《學識開咪》請嚟《天梯》嘅填詞人🎤 鍾晴 Wendy，分享佢入行和創作嘅經歷，並拆解廣東歌詞特色的演變，點樣反映緊唔同年代嘅語言變遷同文化背景📻！ 由《相思風雨中》、《李香蘭》等經典歌傾到近年hit爆嘅得獎歌《風的形狀》、《留一天與你喘息》，究竟點樣嘅字會令人覺得具「時代感」？由以前古詩式寫法，到現在會用新潮語填詞，廣東歌歌詞轉變左乜野特色？鍾意廣東歌同對語言文化有興趣嘅朋友，千其唔可以錯過呢集喇！ 主持：Pan、Hugo、鍾晴 -- Hosting provided by SoundOn

近年「躺平主義」🔥 成為唔少年輕人嘅共鳴口號，唔止係網絡潮語，仲成為一種全新生活態度。咁「躺平」係咪真係咩都唔做，hea住過日子咁簡單？🧐 定係其實背後另有哲理？ 所謂「躺平」未必真係咩都唔做，有時反而係一種選擇，一種抗衡主流社會價值觀嘅方式。今集 #學識開咪 請來哲學博士Leo，從哲學角度深度拆解「躺平」背後嘅文化意義，同大家一齊諗下——咩叫真正嘅自由？💭 📌 重點討論： ✅ 「爛泥扶唔上壁」vs.「佛系」vs.「躺平」——意思有幾唔同？🧎‍♂️😌 ✅ 點解會由「主動躺平」變成「被躺平」？🌀 社會點樣塑造我哋嘅選擇？ ✅ 道家思想中《莊子》講嘅「逍遙遊」🕊️ 同現代人講嘅躺平，有咩交叉點？ 主持：啟明、Hugo、Leo -- Hosting provided by SoundOn

近年個人成長和心靈提升課程廣受關注，特別是某些強調「突破自我」、「改變人生」的課程，往往帶來極大的影響力。然而，這些課程的真實性和有效性一直存在爭議，今集 #學識開咪 圍繞YouTuber錫蘭最近爆紅的影片《你的心靈不需要課程》進行深入探討，討論心靈課程的結構和心理影響，並進一步探討教育課程應該具備的標準和要求。 📌 重點討論： ✅ 心靈課程的核心爭議 🧐：課程的運作模式、個人成長 vs. 心理操控？ ✅ 課程應該具備什麼標準？🎓 專業資格問題、透明化與自願性等條件 主持：啟明、Hugo、Pan -- Hosting provided by SoundOn

AI 係未來定係威脅？隨住人工智能發展突飛猛進，唔少人開始擔心自己份工會唔會被AI取代！今集 #學識開咪 深入拆解 AI 點樣影響唔同職業，探討未來工作趨勢，一齊反思我地應該以點樣嘅心態迎接 AI 時代。 📌 內容重點： ✅ 邊啲工種最危險？ 🚨 翻譯、設計、Programmer、司機、律師，AI 到底取代咗幾多？ ✅ 創意 vs. 自動化 🎨 AI 係咪真係冇創意？定係佢已經可以幫你寫劇本、畫設計？ ✅ 人本嘅工作仲安唔安全？ 🏥 護理、社工、老師都面臨 AI 競爭！？ 主持：啟明、Hugo、Pan -- Hosting provided by SoundOn

網絡上成日爭論乜嘢先算「正字」，甚至有人話某啲詞係「蝗語」唔應該用，語言使用到底有無標準？誰有權決定某個詞語是否正確？語言係中立定係被文化、意識形態影響？今集學識開咪三位主持深入拆解語言變遷，帶你睇清廣東話用字爭議背後嘅社會因素。 主持：啟明、Hugo、Pan -- Hosting provided by SoundOn