Ռադիո Մարտունի's tracks

Տեսնում ես խնդիրներ, որոնց լուծում այդպես էլ չի տրվում, Ցանկանում ես մասնակցել համայնքիդ բարելավմանը, Պատրաստ ես գործ ունենալ իրական գումարների հետ, ապա«Մարտունի Երիտասարդական Բանկի» հայտարարված դրամաշնորհային մրցույթը հենց քեզ համար է։ Մեզ կարող են դիմել 14-35 տարեկան երիտասարդները, կամ երիտասարդական կազմակերպությունները։Հայտերը ընդունվում են մինչև մարտի 13–ը, ժամը՝ 13։13։Տրամադրվող դրամաշնրհի առավելագույն գումարը 90.000 դրամ է։Հայտի ձևը կարող եք ներբեռնել օնլայն Կամ այցելել «Մարտունու կանանց համայնքային խորհուրդ» («Մարտունի երիտասարդական բանկ կոմիտե») (ք. Մարտունի, Կամոյի 17):Տեղեկությունների համար կարող եք զանգել 043 700 285 , հեռ.համարներին կամ գրել [email protected] էլ. հասցեին

14-35 տարեկան ես, գործունյա ու նախաձեռնող։Զբաղվում ես ձեռներեցությամբ կամ ցանկանում ես հիմնել սեփական բիզնեսը, բայց չունես անհրաժեշտ միջոցներ։Պատրաստ ես գործ ունենալ իրական գումարների հետ,ուրեմն «Մարտունի Երիտասարդական Բանկի» կողմից իրականացվող «Երիտասարդ ձեռներեց» ծրագիրը հենց քեզ համար է։Դիմիր մեկ օրյա դասընթացին, որից անմջապես հետո կհայտարարվի դրամաշնորհ։Դասընթացը տեղի է ունենալու մարտ 7–ին՝ Գավառում:Մասնակցության համար լրացրեք հետևյալ հայտը` Անցիր հղումով․ https://docs.google.com/forms/d/1tOCN7vw7iQv8Od0ELZ2ZuB5motLPzLpykGZUsNApHj8/viewform կամ այցելեք «Մարտունու կանանց համայնքային խորհուրդ» (Մարտունի երիտասարդական բանկ կոմիտե) ք. Մարտունի, Կամոյի 17:Հայտերը կընդունվեն մինչև փետրվարի 29–ը՝ ներառյալ։Տեղեկությունների համար կարող եք զանգել043 700 285, 098 87 79 44 հեռ.համարներով կամ գրել [email protected] էլ. հասցեին:

Այսօր կխոսենք ցավոտ բայց և հրատապ լուծում պահանջող խնդրի մասին Հայաստանում տարեկան շուրջ 1400 աղջիկ երեխա չի ծնվում արհետսական ընդհատումների հետևանքով, որը պայմանավորված աղջիկների նկատմամբ խտրական վերաբերմունքով։Ազգային մտածելակերը ասում է որ տղան է ժառանգորդը, աղջկա դերը երկրորդացվելով, իսկ ազգային անվտագության տեսանկյունից նման վերաբերմուքնի շարունակականությունը կհանգեցինի նրան, որ 2060 թվակինի Հայստանը կկորցնի շուրջ 90000 աղջիկ ։Այս տարի Եվրոպական միության ֆինանսավորմաբ մեկնարկել է պտղի սեռի խտրական ընտրության դեմ պայքար ծրագիրն, որը իրականանցվում է Մարդկային զարգացման միջազգային կենտրոնը, Սեյվ դը չիլդրենը , Մարտունո կանանց համայնքային խորհուրդ և Արմավիրի զարգացման կենտրոն հասարկական կազմակերպությունները։https://www.youtube.com/watch?v=mF33BU9clXo

Այս օրերին հանրապետության բոլոր դպրոցներում պատրաստվում էին ասմունքի համահայկական 4-րդ փառատոնին։ Մարտունու ներտարածաշրջանային մրցույթը տեղի ունցավ հոկտեմբերի 27–ին, որին մասնակցություն էին ցուցաբերել գրեթե բոլոր համայնքներից ։Երկու տարիքային խմբով անցկացվող մրցույթի 9–12 դասարաններ դասակարգում հաթող էր ճանաչվել Երանոսի թիվ 2 միջնակարգ դպրոից 12–րդ դասարանի աշակերտուհի Գեղեցիկ Ավագյանը։ Մարզային փուլը տեղի է ուենալու նոյեմբերի 5–ին՝ Գավառում։ Գեղեցիկին մաղթենք փայլուն ելույթ եւ հաղթանակ։«Ռադիո Մարտունի»՝ տեղեկատվություն բոլորի համար։

Վարդավառյան հարցազրույց Անահիտ Գեւորգյանի հետ։

Ողջույն «Ռադիո Մարտունին» է եթերում, խոսում է Լիանա Հովհաննիսյանը։Այս տարի հուլիս 12–ին համայն հայությունը նշելու է Վարդավառ ազգային տոնը։ Այսօր փորձելու եմ պատմել եւ մեկնել, թե ինչ գեղեցիկ ավանդազրույցներ կան այս գեղեցիկ տոնի հետ կապված։Վարդավառը Հայաստանում ամենասիրված տոներից մեկն է: Այն եկել է հեթանոսական շրջանից և նվիրված է եղել սիրո և գեղեցկության աստվածուհի Աստղիկին: Տոնի խորհրդանիշներն են վարդը` սիրո ծաղիկը, և վարդաջուրը:Աստվածային սերը մարմնավորում է աստվածուհի Աստղիկը, որի սիրո աղբյուրը Վահագնն է` ուժի, զորության ու հաղթության աստվածը: Իսկ Վահագնի հաղթանակների և զորության աղբյուրը Աստղիկն է:Ըստ արիական ավանդույթների` ստորգետնյա աստվածը արարչական ընտանիքից գողանում է Աստղիկին, որի հետևանքով արիների միջից վերանում են Սերն ու Գեղեցկությունը, նրանց հոգիներում բուն է դնում ատելությունը և նրանք դառնում են տգեղ ու դժնակ: Բայց Վահագնը, հաղթելով Վիշապին, ազատում է Աստղիկին և, շրջելով Արարատով, արիներին օծում է վարդաջրով, վարդավառ է սարքում և նրանց վերստին օժտում աստղիկյան սիրառատությամբ:Քրեստոնեությունը ընդունելուց հետո, եկեղեցին փոխարինեց այս տոնը Պայծառակերպության տոնով, սակայն ընդունված արարողությունները մեծ մասը մնաց անփոփոխ:Այն սովորաբար նշվում է Զատիկից 98 օր անց: Տոնի ժամանակ բոլորը, անկախ տարիքից և սոցիալական դիրքից լցնում են ջուր իրար վրա. Ոչ ոք չի կարող խուսափել դույլերով «օրհնողներին»:Այդ օրը մեծ թե փոքր խանդավառությամբ իրար օծում են ջրով, միմյանց Սեր ու Գեղեցկություն են տալիս, երգում, պարում, նորոգում աստվածային խորհուրդը, փառաբանում Աստղիկին, իրար նվիրում նորոգ սիրո խորհրդանիշ ծաղիկը` Վարդը:Եվ վերջու, որպես հավելում նշենք, որ այսօր, հուլիսի 6–ին Վարդենիկ համայնքում «Համայնքի զարկերակ» կազմակերպության ղեկավար Արտուշ Խաչատրյանը կազմակերպում է ջրոցի։ Միացե՛ք։

Ողջույն եթերում «Ռադիո Մարտունին» է, խոսում է Լիանա Հովհաննիսյանը։Երկար դադարից հետո ձեզ միացել ենք նոր ծրագրերով, գաղափարներով, եւ թեմաներով։Հունիսի 10–ին «Մարտունու կանանց համայնքային խորհուրդում» վերամեկնարկեց «Մարտունի ինֆոտուն» ծրագիրը։ Ծրագիր, որի նպատակն է Մարտունու տարածաշրջանում մեդիագրագիտության եւ տեղեկատվական նոր տեխնոլոգիաների կիրառմամբ իրականացնել հանրային վերահսկողություն։Ֆինանասավորվելով «Մեդիան քաղաքացիների տեղեկացված մասնակցության համար» ծրագրի շրջանակներում առաջիկա մեկ տարում իր առջեւ դրել հետեւյալ խնդիրները՝ արտունու տարածաշրջանում նպաստել գրագետ մեդիա սպառողների ձևավորմանը՝ «Մեդիագրագիտության» դասընթացների կազմակերպաման միջոցով: Երիտասարդությանը ներգրավել համայնքային խնդիրների վերհանման, բարձրաձայնման, լուծման, վերահսկման, իրադարձությունների լուսաբանման գործընթացներում՝ քաղ․լրագրության դասընթացների կազմակերպման միջոցով։ Համայնքներում սոցիալական ապակենտրոնացման, թափանցիկության եւ հաշվետվողականության վերաբերյալ գիտելիքների ավելացում՝ հանրային միջոռացառումների կազմակերպման միջոցով։ Երիտասարդության միջոցով համայնքային, սոցիալական եւ տեղեկտվական խնդիրների լուծման ապահովում՝ «Մարդամեջ» սոցիալական նորարական ճամբարների կազմակերպման միջոցով։Հարցեի դեպքում կարող եք այցելել http://martuniinfo.blogspot.com/ հասցեով, կամ գրել [email protected] էլ փոստին։ Այսօր այսքանը մինչ նոր եթեր։

Ողջույն Եթերում «Ռադիո Մարտունին» է, խոսում է Լիանա Հովհաննիսյանը։Այսօր ռադիոակնարկ պատրաստել ենք Ներքին Գետաշեն գյուղի մասին» 1828 թ–ին կնաքված Թուրքմենչայի պայմանագրով, երբ Արլ Հայաստանը անցավ Ռուսաստանի իշխանության տակ եւ 1829–ին Անդրիանապոլիս պայմանագրով հնարավորություն ընձեռնվեց Արմ․ Հայաստանի հայ բնակչությանը գաղթել եւ վերաբնակեցնել Արլ Հայաստանը Ալաշկերտ գավառի Ալաշկերտ քաղաքից, որն այն ժամանակ կոչվում էր Թոփքաղ Ղալա բնակչությունը գաղթեց եւ հաստատվեց Մարտունու շրջանում հիմնելով նոր գյուղեր։ Գաղթածների մի մասը բնակատեցվին միջնադարյան Կոթ քաղաքի ավերակների վրա հիմնված Ներքին Ադյաման՝ այժմ Գետաշեն գյուղում․ 1830թ–ի մայիսին Մելիք /իշխան/ Հակոբ Եղյանի գլխավորությամբ։Ներքին Գետաշենի տեղում եղել է դեռևս 9-րդ դարից հայտնի Կոթ գյուղաքաղաքը, որը 9-10-րդ դարերում առևտրական կարևոր հանգույց էր Դվին-Պարտավ քարավանային ճանապարհի վրա, ինչպես նաև Բագրատունիների արքունական ձկնորսարանը: Գյուղը և նրա շրջակայքը հարուստ են հնություններով: Գյուղի կենտրոնում գտնվում և սբ. Վարդան (9-10 դարեր) եկեղեցին, սբ. Ամենափրկիչ մատուռը (12-13 դարեր): Գյուղի արևմտյան կողմում, բլրի վրա գտնվում են նշանավոր Կոթավանքը կամ Կոթի սբ. Աստվածածին եկեղեցին (9դ.), բազմաթիվ խաչքարեր: 1908թ–ին հնագետ Լալայանը գյուղի Ջոջ կուլոն վայրում եւ Դեմեր հանդամասում կատարել է պեղումներ հայնտաբերել 53 դամբարաներ, որոնք պատկանում են բրոնզե դարի վերջին շրջանին, հայտնաբերել է սայլ որը Հայաստանի բրոնզե դարի հազվագույտ նմուշներից է։Նման պատմամշակութային հարստությամբ եւ իր տեղայնությամբ գյուղը բոլոր հնարավորությունները ունի դառնալու զբոսաշրջիկության համար անփոխարինելի վայր։

Ողջույն«Ռադիո Մարտունին» է եթերում, խոսում է Լիանա ՀովհաննիսյանըԱյսօր առաջարկում եմ «ռադիոճանապարհորդություն» կատարենք դեպի Վերին Գետաշեն։Գյուղը տեղակայված լինելով Ն․Գետաշեն եւ Մադինա գյուղերի արանքում, Արմաղան լեռան լանջին, բարձրադիր դիրք է գրավում մյուս բնակավայրերի նկատմամբ՝ աննկարագրելի գեղեցիկ տեսարան բացելով դեպի Սեւանը։ Իսկ հարակից կիրճով հոսում է Ագրիճի գետը, մինչեւ 51 կմ երկարությամբ ջրառատ գետի վրա ՀԷԿ կառուցելըգյուղի տարբեր անկյուներից հնարավոր էլ լսել նրա հստակ կարկաչունը։Գյուղը նախկինում Ադիաման անվանուն է կրել եւ ընդգրկված է եղել Երևանի նահանգի Նոր Բայազետի գավառումԳյուղը հիմնադրվել է 1828 թվականին Արևմտյան Հայաստանի` հիմնականում Ալաշկերտ գավառի Խաստուր (Հացատուր, Խացատուր) գյուղից, Մուշից և այլ բնակավայրերից գաղթած հայ ընտանիքներով: 1878 թվին գյուղում կառուցվել է Սուրբ Աստվածածին եկեղեցին, որի բակում թաղված է ֆիդայի` Վահան հազարապետի աճյունը: Գյուղից 15 կմ հարավ-արևմուտք կան` ՙՍպիտակ բանալի՚ (Մ.թ.ա. 1-ին հզմ), ՙՏաթև՚ (Մ.թ.ա. 2-րդ հզմ) ամրոցներ, քարայր-կացարաններ (Մ.թ.ա. 1-ին հզմ): Գյուղում կան 9-14 դդ խաչքարեր, 15-16 դդ ՙՁորի մատուռ՚ կոչվող մատուռը: Երբերմն երկար տարիներ ապրելով կողք կողքի ճանաչելով միմյանց տարբեր բնորոշումներ տալով իրար, մոռանում ենք ընդգրկուն դարձնել մեր հայացքը դեպի այլ միջավայր։Առաջարկում դպրոցական, աշխատանքային արշավներ կազմակերպելիս նախ եւ առաջ առաջնորդվել քո իսկ բնակավայրի պաշմամշակութային կոթողներին ծանթանալով։ Քո իսկ միջոցով այն բացահայտես բոլորի համար։Հաճելի օր եւ մինչ նոր եթեր։

Նոյեմբերի 4–ին Եվրասիա համագործակցություն հիմնաադրամում տեղի ունեցավ «ՀԿ ԴեՊո–Հասարկական կազմակերպությունների զարգացում ծրագրի» պաշտոնական բացումը։Ծրագիրը միտված լինելով խթանելուն քաղաքացիական հասարակության կայուն զարգացմանը, 5 տարբեր կազմակերպություններ որպես կոնցերսումի անդամ, փորձելու են դա իրականացել 5 տարվա ընթացքում տարբեր գործողություների եւ գործիքների կիրառմամբ։ Եվրասիա համագործակցություն հիմնադրամը, «Մարտունու կանանց համայնքային խորհուրդ» հկն, «Մեդիա նախաձեռնությունների կենտորն» ՀԿ, «Գորիսի մամուլի ակումբը», «Աջակցություն Նոյեմբերյանին» ՀԿ, ինչպես նաեւ «Հետազոտական ռեսուրսների կովկասյան կենտրոններ–Հայասատանը» իրենց դերերը ունեն այդ ծրագրում։Ավելի մանրամասն ծրագրի նպատակների եւ ռազմավարության մասին «Մարտունի Ինֆոտուն» կայքում․ http://martuniinfo.blogspot.com/2014/11/blog-post.htmlԱյսօր տաղավարում հյուրըկալել ենք Մարունու կանանց համայնքային խորհուրդ ՀԿ–ի նախագահ Անահիտ Գեւորգյանին, որպեսզի հասկանանք՝ ինչ ծրագիր է, որն է նպատակը, որն է «Մարտունու կանանց համայնքային խորհուրդի» դերը նրանում եւ ինչ պետք է սպասեն շահառուները ծրագրի արդյուքներից։

«Ռադիո Մարտունին» է եթերում։Երկար դադարից հետո ձեզ կրկին միացել է առցանց առաջին ռադիոն Մարտունիում։ Ողջույն Խոսում է Լիանա Հովհաննիսյանը։Չմոռնալով, որ մենք ներկայացնում էինք Մարտունու շրջանի տարբեր գյուղերը՝ այս եթերը կնվիրենք Լիճքին։Լիճք գյուղը շրջանի այլ գյուղերից իր բնակեցման պատմությամբ շատ բանով չի տարբերվում։ Բնակեցվել է 1830–ականերին Ալաշկերտից գաղթածների կողմից։ Ունեցել է բազում անվանումներ՝ Գել, Գյոլ, Գյոլքենդ, Եղեագնագեղ, իսկ 1946թ–ից կրում է Լիճք անունը։ Ինչպես այս շրջանի այլ բնակավայրերում Լիճքը նույնպես հարուստ է միջնադարյան պատմությամբ։ «Դռներ» կոչվող բնակատեղիում պահպանվել են դամբարանադաշտ եւ հուշակոթողներ։ Գյուղում կան նաեւ Ս․ Աստվածածին անունը կրող կիսախարխուլ հին սրբատեղիներ։ Դրանցից մեկի խորանի մասից հայտնաբերվել է արամերեն արձանագրությամբ Արտաշիսյան մի սահմանաքար:Հինը խնամելով լիճքեցիները չեն մոռանում կառուցել նաեւ նորը՝ ներկայի հիմքերը ապագյում անսասան պահպանլու համար։ Եվ ահա հոկտեմբերին Լիճքում բացվեց եւ օծվեց Սր․ Խաչ նորակառույց եկեղեցին։ Եկեղեցու կառուցումը հնարավոր են դարձրել գյուղի հարյուրավոր բարերարների շնորհիվ։ Եկեղեցին կառուցված լինելով 7-9 դարերի եկեղեցշինականական հորինվածքով տեղական բազալտով է,կենտրոնագմբեթ ունի 20 մետր բարձրություն: Եկեղեցու արտաքին շքեղությունը հոգեւոր նվիրվածության առհավատչյա լինելով թող հայոց հինավուրց հավատի հարատեւոթյունը վկայի։Այսօր այսքանը․մնացեք «Ռադիո Մարտունու» հետ։

«Ռադիո Մարտունին» է եթերում։Տաղավարում աշխատում է Լիանա Հովհաննիսյանը։ ՈղջույնՍեպտեմբեր 17-18 Մարտունի Ինֆոտանը Մեդիա Նախաձեռնությունների կետրոնը մեդիագրագիտության դասընթաց էր անցկացնում Գեղարքունիքի մարզի տարբեր դպրոցների շուրջ 20 ուսուցիչների համար։ Նրանք տարբեր առարկաներ դասավանդող մանկավարժներ էին, ում հետաքրքրում է մեդիագրագիտություն առարկան եւ ովքեր ցանկություն ունեն օգնել աշակերտներին` ավելի գրագետ մեդիասպառողներ դառնալ:Սյուզաննա Մարկարյանը Լիճքի միջնակարգ դպրոցի հայոց լեզվի եւ գրականության ուսուցիչ է ով նույնպես մասնակցում էր դասընթացին:«1.Սյուզաննա ․․․»Երկու օրվա ընթացքում փորձ կատարվեց համակողմանի գիտելիքներ փոխանցել մասնակիցներին։ Լրագրող, մեդիափորձագետ եւ դասախոս Մեսրոպ Հարությունյանը ներկայացրեց Մեդիայի իրավական կարգավորումները եւ խոսեց էթիկական հարցերի շուրջ։ «2.Մեսրոպ ․․․․ »Իսկ Մեդիա նախաձեռնությունների կենտրոնի աշխատակից, մեդիագրագիտության ծրագրի ղեկավար Լուսինե Գրիգորյանը իր խոսում ասաց․«3.Լուսինե ․․․»Այսօր մեր կյանքը առանց մեդիայի անհնար է պատկերացնել, իսկ ինչ մեզ շրջապատում է պետք է ճանաչելի դառնա մեր իսկ անվտանգության համար։

«Ռադիո Մարտունին» է եթերում։ Ողջույն։ Խոսափողի մոտ Լիանա Հովհաննիսյանն է։ Որպես կանոն աշխարհում ձեռնարկված սկսնակ բիզնեսների 80%–ից ավելին մատնվում է անհաջողության։ Բայց այդ փաստը չխանգարեց ՓՄՁ ԶԱԿ–ի՝ Հայաստանի փոքր եւ միջին ձեռնարկատիրության զարգացման ազգային կենտրոնի կողմից կազմակերպել դասընթաց– ուսուցում Մարտունու տարածաշրջանի սկսնակ ձեռներցների համար, չնայած մասնակիցներ կային նաեւ Վարդենիսից եւ Գավառից։Մարտունի ինֆոտանը շուրջ երկու ամիս տեւած ուսուցմանը մասնակցում էին 15 հոգի՝ 12 բիզնես գաղափարով։ Ուսուցման ընթացում նրանց տրվեց հիմարար գիտելիքներ շուկայավարման, արտադրության կազմակերպման, ֆինանսական պլանավոման, վաճառքի ավելացման մասին։Մասնակիցները դասընթացից միայն գիտելիքներ ստանալու ակնկալինքեր չունեն։ Դասընթացի գլխավոր նպատակն է նպաստել Հայաստանում նոր ձեռնարկությունների հիմնադրմանը և նոր աշխատատեղերի ստեղծմանը՝ 5 տարի մարման ժամկետով 5 միլ դրամ վարկ տրամադրելու միջոցով։Դասընթացը հաջող ավարտածները սեպտեմբերի 9–ին հանձնաժողովի առաջ ներկայացրեցին իրենց բիզնես պլաները դրամական աջակցություն ստանալու ակնկալիքով։ Մասնակիցների մեջ էր նաեւ Սյուզաննա Կզլյանը, ով ներկայացնում էր Մարտունիում գործող իր Գեղեցկության սրահի արդիականացման նախագիծը« Գործող Գեղեցկության սրահ է ․․․ »Մասնակիցները տարբերվում են իրենց յուրօրինակ գաղափարներով։ Վարդենիսի շրջանի Ավազան գյուղից Արմենը դիմել է օրգանիկ, առանց հավելանյութերի, չրի արտադրության համար չորանոց կառուցելու նպատակով։Նորարարական գաղափարով է ներկայացրել Մարտունի քաղաքի բնակիչ Սեւակ Բաղդասարյանը ․․․«Ծրագրի նպատակն է ․․․»Մասնակցիներից Եղիազար Դավթյանը բիզնես նախագիծն ներկայացնում է իր գործընկեր Անահիտ Գեւորգյանի հետ արդեն գործող արտադրության տեխնիական համալրման համար հավելյալ աջակցություն ստանալու նպատակով․«Առաջին հերթին ․․․»Բիզնես ասպարեզում լրիվ նորեկ է Մարտունու տարածաշրջանի Վաղաշեն գյուղի բնակիչ Հակոբ Ալեքսանյանը ․«Նպատակն է ․․․ »ՓՄՁ ԶԱԿ–ի դասընթացում, որպես խորհրդատու աշխատած Աստղիկ Հովեյանը «Ռադիո Մարտունու» հետ զրույցում ասաց․ «․․․․ »Եթե մեր ռեպորտաժից զինվեցիք բիզնես գաղափարներով, որպես հավելյալ տեղեկատվություն ասենք, որ նմատիպ դասընթաց շուտով կամզակերպվելու է նաեւ Գավառ քաղաքում։Ցանկացած գաղափարի պարագայում ստեղծեք ձեր մտապատկերը եւ երբեք մի հեռացեք նրանից եւ մի օր կբացահայտեք, այն այլեւս իրականություն է։ «Ռադիո Մարտունի» առցանց ռադիո Մարտունիում հասանելի ամենուր։

Եթերում կրկին «Ռադիո Մարտունին» է։ Ձեզ հետաքրքրող ամեն ինչ փորձում է ներկայացնել «Ռադիո Մարտունու» հեղինակ եւ վարող Լիանա Հովհաննիսյանը։ՈղջույնՄոտ մեկ ամիս առաջ Մարտունիում հյուրընկալված ֆրանսիացի զբոսաշրջիկները քաղաքում կանաչ փոքրիկ բացատ գտնելով պիկնիկ էին կազմակերպել։Եթե նրանք այսօր էլ նույն տեղը գնային տարբերություն գուցե չնկատեին, բայց մարտունեցու աչքից չի վրիպի այն փաստը, որ շուրջ 20 տարի անխնամ եւ անտեր մնացած Մարտունու միակ զբոսայգին կենդանացել է, բարեկարգվել է այգու արահետները, տեղադրվել են նստարաներ, այգու տարբեր անկյուններում կգտնես գեղեցիկ գունավորված մանական խաղահրապարակներ, անցկացվել է լուսավորություն, իսկ ամենակարեւորը թերեւս նորոգվել եւ նոր շունչ են ստացել շատրվանները։Այս արդյունքին հասնելու համար քաղաքապետարանը հատկացրել էր 14 մլն դրամ, շուրջ 5 ամիս տեւած շինարարական աշխատանքներից հետո սեպտեմբերի 8–ին տոնական միջոցառմամբ զբոսայգին հյուրընկալեց մարտունեցիներին։ Ինչպես «Ռադիո Մարտունու» հետ զրույցում պատմեց Մարտունի քաղաքի փոխքաղաքապետ Արամ Կարապետյանը․« 5 ամսում կատարվել է վերանորագման վերակառուցման աշխատանքներ, թարմացվել շատրվանային համակարը, լուսավորության նոր համակարգ է անցկացվել ․․․»։Փոքրից մինչեւ մեծ անթաքույց հրճվանքով պտտվում էին գունագեղ շատրվաների մոտով, փորձում տեղ զբաղեցնել ճոճանակների մոտ իսկ ավելի համարձակները բեմին հարող տարացքում, պարում, զվարճանում եւ մասնակցում կազմակերպված մրցույթներին։«Ռադիո Մարտունու» հետ իրենց տպավորություններով կիսվեցին նաեւ քաղաքցիները։« Շատ գեղեցիկ է ․․․․»Այսօր այսքանը։Իմացեք ամեն ինչ Մարտունու մասին միանալով «Ռադիո Մարտունուն»։

Ձեզ կրկին միացել առցանց առաջին ռադիոն Մարտունիում, Խոսում է Լիանա Հովհաննիսյանը։«Ռադիո Մարտունին» այսօր եւս կներկայացնի հետաքրքիր պատմություն տարածաշրջանի մասին։ՈղջույնՍեւանա լճի «կյանքը» փրկելու համար 1963թվ–ից մինչեւ 1981 թ–ը ձեռնարկվեց Արփա–Սեւան ջրատարի կառուցումը։ Արփա գետի ջրերը 48 կմ հոսելով թունելով «լույս աշխարհ» են գալիս Սևանա լճի մոտ: Ըստ նախագծի թունելի ելքը պետք է դուրս գար Վարդենիկ գետի մոտ, ներկայաիս ելքից մոտ 15 կմ հեռավորության վրա: Սակայն ճակատագրի թելադրանքով և գեոդեզիական չափումներով ելքը դուրս եկավ Ծովինար-Արծվանիստ համայնքերի մեջտեղում, մոտավորապես դա այն հատվածն է, որտեղ ըստ ավանդապատումի գտնվել է Ծովինարի աղբյուրը: 1981թ, երբ բացվեց ջրատարը և թունելից երևացին ջրի առաջին շիթերը, գյուղացիները ակամա գոռացին, «էս են կորած աղբյուրն ա»։Բայց սա դեռ ամենը չէր, շինարական աշխատանքների ընթացքում, հենց ելքի «գլխավերևում» բացվեց նաև ուրարտական մի արձանագրություն, որը փաստում է Սարդուրի որդի Ռուսսա թագավորի կողմից կառուցված Թեյշեբա աստծո անունով քաղաք–բերդի մասին։Թունելի ելքից մինչև լիճը 100-120 մ տարածություն է` այդտեղ հաճախ կարելի է տեսնել մարդկանց: Ասում են ջուրը երկար հոսելով մութ տարածքով, երբ լույս աշխարհ է գալիս, բուժիչ հատկություն է ձեռք բերում, ունի կլանող հատկություն և կարող է մարդկանց ազատել դեպրեսիաներից, նևրոզներից, սթրեսներից, անկումային տրամադրությունից:Մնացեք «Ռադիո Մարտունու» հետ եւ ապահովագրվեք ընկճախտից։ Առողջ եղեք։

Շարունակելով ռադիոճանապահրոդությունները «Ռադիո Մարտինին» ողջունում է ձեզ։ Խոսաում է Լիանա Հովհաննիսյանը։Այսօր մտովի կտեղափոխվենք Ծովասար։Մարտունու տարածաշրջանի Ծովասար գյուղը հիմնադրվել է 1828թ.–ին Ալաշկերտից տեղահանվածների կողմից ։ Գյուղը անվանվանափոխվել է Ծովասար 2006 թվականանին, մինչ այդ ունեցել է տարբեր անվանումներ` Թազաքյանդ, Թազագյուղ, Նորաշեն, բայց գյուղը նորը չէր կարող լինել, որովհետև դրա գոյության մասին են վկայում նախաքրիստոնեական շրջանում կատարված հուղարկավորությունները, անթվագիր գերեզմանաքարերը։ Այստեղ բնակչություն եղել է 9 -10 դարերում։ Սրա վկայությունն է Բագրատունիների ժամանակաշրջանում կառուցված եկեղեցին։ Մոտակա Պողոսի Գյուղ կոչված տարածքից գտած արամեական գրերով սահմանաքարերը բաժանել են գյուղերն ու տարածքները։Ավելի ուշ` 1828-1831թվականերին Մշո Հորանդար Գավառի Դաթար գյուղից 12 ընտանիք, 96 մարդ է եկել: Երբ եկել են ավերակ գյուղատեղ են գտել, քանի որ 1604թ–ին Շահ Աբասը այստեղով անցնելով ավերել էր տարածքը։ Ճանապարհներն այնպես է քանդել, որ մարդիկ այլևս հնարավորություն չունենան հետ վերադառնալու։ Սակայն Մուշից եկածները այստեղ եկեղեցի և ավերակ տներ տեսնելով որոշել են այն դարձնել իրենց թազա գյուղը։ Հինը թողած արեւմուտքում ձեռնարկեցին նորի շենացման գործը։Իսկ դուք չկտրվելով ձեր գործերից մնացեք «Ռադիո Մարտունու» հետ։

Բարեւ սիրելի ունկնդիրներ, եթերում «Ռադիո Մարտունին» է եւ ինչպես միշտ խոսում է Լիանա Հովհաննիսյանը։Նախորդ թողարկման ժամանակ ձեզ ներկայացրեցի Մարտունու տարածաշրջանը բնակեցնելու մասին, իսկ այսօրվանից կանրադառնամ առանձին գյուղերի ստեղծմանը, անվանակոչմանը եւ այլ հետաքրքիր պատումներին։Եւ առաջին գյուղը Ծովինարն է։Ժողովրդական առասպելը պատմում է, որ Մարտունու տարածաշրջանի Սևանա լճի ափին մոտ գտնվող Ծովինար և Արծվանիստ գյուղերի տարածքում քաղցրահամ ջրի մի աղբյուր է եղել։ Այդ անմահական ջուրը մարդիկ շատ խնայողաբար էին օգտագործում` խմելուց հետո անմիջապես փակում էին ջրի ծորակը:Մի անգամ Ծովինար անունով մի նորահարս ,ջուր վերցնելուց հետո անփութորեն բաց է թողնում աղբրի ակունքը։ Մինչև լույս հոսած աղբրի ջուրը լցվում է շրջակայքը, կորցնում է աղբրի ակունքը ու գոյացնում մի լիճը:Առավոտյան ջրի եկած առաջին կինը տեսնելով կատարվածը անիծում է անշնորհք հարսին։ Անեծքից նորահարսը քար է դառնում։ Սակայն հետո տեսնելով, թե իրականում այս լիճը ինչքան օգուտ է բերում բնակչությանը անեծքով քարացած հարսի պատվին գյուղը կոչում են Ծովինար:Սա Ծովինարի մասին, մնացեք մեզ հետ եւ գուցե հերթը հասնի նաեւ ձեր գյուղին։ Հաճելի աշխատանքային շաբաթ։

«Ռադիո Մարտունին» է եթերում, խոսում է Լիանա Հովհաննիսյանը։Ավանդապատումների շարքը շարունակելով այսօր կխոսենք Մարտունին բնակեցնելու մասին։Մարտունին բնակեցվելու մասին գրավոր փաստերը խոսում են միայն մինչև 12-րդ դարը։ Այնուհետև լռություն է տիրել մինչև 1800-ականները, երբ Ալաշկերտից ու Մուշից թուրքերի կողմից քշված հայերը հասել են Սևանա լճի ափերը:Սևանա լճի մոտակայքում հանգստանալու կանգ առած քարավանը աղջիներին ուղարկում է խմելու ջուր բերելու։ Աղջիկները վերադառնում են դույլերի մեջ թրտացող իշխաններով։ Նրանք հասկանում են, որ այդ հարստությունից հեռանալ պետք չէ։ Նրանք այլևս առաջ չեն շարժվում ու այստեղ հիմնում են առաջին բնակավայրերը։ Այսպես, Սևանա լճի ափը ժանյակապատվում է տներով, շարունակելով իրենց հետ բերված մեր Արևմտյան հողերի ավանդույթները: Քանի որ Սևանն էլ շատ են նմանեցնում Վանին` անունը կնքում են Վան։ Ձմռանը լիճն ամբողջավին սառչում է, պատվում մերկ սառույցով ու մարդիկ ասում են Սև Վան եկավ մեր գլխին: Հետագայում ելնելով բնակլիմայանկան պայմաներից լճի ձուկը` իշխանը, բեղլուն, բոջագը, կողակը հարյուրավոր կիլոգրամներով աղ են դրել ու ողջ ձնմեռը կերել խաշած կարտոֆիլով։ Էս հողերում սա է եղել մեր պապերի փրկությունը։Մեկ այլ ավանդույթով ալաշկերտցիների մի խումբ հոգնած հասնում է Ագրիջա գետը, ուզում է անցնի, տեսնում է ջուրը լրիվ կարմիր է։ Ահաբեկված հայերը մտածում են, թե այստեղ էլ թուրքերից չեն փրկվի … գետը հայերի արյունով է լցված։ Սակայն ուշադիր նայելով տեսնում ե, որ առատ խաղացող կարմրախայթ ձուկն է կարմրություն տալիս ջրին։ Հանգստանալուց, համեղ ձուկը ճաշակելուց հետո այստեղ հիմնում են իրենց նոր գյուղերը։Մոտ 200 տարի առաջ Արմ․ Հայաստանիցայստեղ գաղթածները ապրում են իրենց գենետիկ հիշողության մեջ Մարտունու տարածաշրջանի բնակլիմայական պայմանների մասին առաջին տպավորությունները դաջած, իրենց բնակավայրի շենացման եւ պահպանման գործին չի խանգարում անգամ այն, որ լիճն այլեւս նախկին զուլալությունը չունի, վերջին իշխանը արհեստական ջրվազանից է բռնվել, եւ իրենց սրտերում կրող այն վախը, որ ջրառատ գետի վրա կկառուցվի հերթական ՀԷԿ–ը։Ժամանակները փոխվում են փոխելուվ իրեր եւ իրավիճակներ, կարեւորը ցանկացած փոխություն մարդուն Մարդ տեսակից չհեռացնի։Դուք էլ մի հեռացեք Ռադիո Մարտունու թողարկումներից, լավ մնացեք։

Եթերում «Ռադիո Մարտունունին» է։ Խոսում է Լիանա Հովհաննիսյանը։ ՈղջույնՇարունակելով ավանդապատումների շարքը երկորդ թողարկումը կնվիրենք Արմաղան լեռան գագաթին ծվարած մատուռի ստեղծման ավադազրույցին։Արմաղանի մատուռի մասին տարբեր լեգենդներ կան։ Լեգենդներից մեկում ասվում Է, որ իբր հայ տղան սիրահարվել է քուրդ աղջկան ու երկար ժամանակ սիրահարներեն եղել։ Գիտեին, որ ծնողները ամուսնանալ չէին թողնի։ Եվ տղան որոշում է փախցնել աղջկան ու բարձրացնում է Արմաղանի գագաթը։ Մտածելով, որ լեռը բարձրանալ դժվար է և իրենց ետևից չեն գա։ Աղջկա հայրը ինչ-որ տեղից իմանում է, որ իր աղջիկը և առեւանգողը լեռան գագաթին են և իր ամբողջ ցեղախմբով նժույգներով գալիս հասնում են գագաթը։ Գիշերը գաղտագողի մոտենում են ու բռնում։ Աղջիկն ու տղան մատուռի տեղում են քնած լինում՝ լուսնի լույսի տակ։ Հայրն աղջկան ասում է, որ եթե հետ գաս՝ տղային ձեռք չեմ տա, իսկ եթե ետ չգաս երկուսիդ էլ կմորթեմ տեղում ։ Լեգենդի համաձայն աղջիկը չի վերադառնում հոր հետ: Բավականանին տառապանքներից հետո զայրացած քուրդ ցեղապետը սպանում է նրանց, դիակն թողում է այդտեղ և գնում։ Լեգենդի համաձայն հետո զղջում է, ետ է գալիս սպանվածների տեղը ու նույն տեղում մատուռ է կառուցում՝ դարձնում սրբավայր: Մատուռ են կառուցում նաև հայերը: 2009թ հայկական մատուռի տեղում կառուցվել է բազալտե հոյակերտ գմբեթավոր, սրբատաշ եկեղեցի, որը կրում է Սբ Հարություն անունը։Սիրո այս տխուր պատմությունը թող բոլոր սիրահարներին պայքարի ուժ տա եւ պսակվի հաջողությամբ։Մինչ նոր եթեր։

Եթերում «Ռադիո Մարտունին» է։ Առցանց ռադիոյի եթերից խոսում է Լիանա Հովհաննիսյանը։ Շուրջ 10 օր տեւած «Սեւանա Լիճ» շախմատային մրցաշարը այսօր ունեցավ իր տրամաբանական ավարտը։Ինչպես վաղ հայտնել էինք 16–րդ կարգի շախմատային մրցաշարին մասնակցում էին տաս մասնակից՝ չորս երկրներից՝ Հայաստան, Ուկրաինա, Ռուսաստանի Դաշնություն եւ Հնդկաստան։Մարտունու մշակույթի տանը 18։00ին մեկնարկեց մրցանակների հանձնման պաշտոնական արարողությունը։ Առավելագույն միրավորներով մրցաշարը գլխավորում է հնդիկ շախմատիստ Վիդիթ Սանթոշը, երկրոդ տեղում հայաստանցի Հրանտ Մելքումյանն է, իսկ երրորդ տեղը կիսել են ՌԴի երկու ներկայացուիչները։Երկրորդ հորիզոնական զբաղեցրած Հրանտ Մելքումյանը մեզ հետ կիսվեց մրցաշարի վերաբերյալ իր տպավորություններով․«Մրցաշարը հիմնականում հավաքել էր երիտասարդ շախմատիստների, որոնք ամեն պարտիաներում տալիս են իրենց ողջ էներգիան եւ ձգտում են հաղթանակի, տպավորություններն ընդհանուր առմամբ միայն դրական են, որովհետեւ արդյուքիցս գոհ եմ, իսկ մրցաշարը անցավ համառ պայքարում հաղթողը լիովին արժանի էր»։ Փակման արարողությանը շնորհավորական խոսքով հանդես եկան Մարտունու քաղաքապետ Բագրատ Հարությունյանը, Գեղարքունիք մարզի շախմատի ֆեդերացիայի նախագահ մարզպետ Ռաֆիկ Գրիգորյանը, ինչպես նաեւ Շախմատի ֆեդերացիայի նախագահի առաջին տեղակալ Սմբատ Լպուտյանը, ով իր խոսքում կարեւորեց շախմատի նման բարձր կարգի մրցաշարի անցկացումը Մարտունիում․«Քիչ վայրեր կան աշխարհում որտեղ անցկացվում են նման բարձր կարգի մրցաշար, ուրախ եմ, որ արդեն որերորդ տարին կարողանում ենք անցկացնել մնան բարձր կարգի մրցաշար։ Որախ եմ, որ ամեն օր մենք «Հայլուրով» կարողանում ենք լսել այն նորությունները, որոնք Մարտունի քաղաքից էին գալիս եւ մեր ամբողջ հանրապետությունը գիտեր, որ Մարտունիում անցկացվում էր շախմատի մրցաշար»։Բոլոր մասնակիցների համար նվերներ էին պատրաստել Մարտունու քաղաքապետարանը եւ Գեղարքունիքի մարզպետարանը, ինչպես նաեւ մրցանակներ հանձնեց Շախմատի ֆեդերացիան։Ցածր միավորներով վերջին հորիզոնականը զբաղեցրած Հովհաննես Գաբուզյանը չի ընկճվում արդյունքներից, ինչպես ինքը նշեց իր խոսքում․«Եթե սովորական մրցաշարերում խաղում ես վարկանիշ բարձրացնելու մրցանակները գրավելու համար, ապա այստեղ կոնկրետ ես մասնակցում էի ուժեղների հետ խաղալու, խաղիս մակարդակը բարձրացնելու համար»։ «Սեւանա լիճ» շախմատային մրցաշարը այս տարի ավարտվեց՝ մյուս տարի շարունակություն ունենալու միտումով։Իսկ մենք ավարտում ենք մեր թողարկում նոր հանդիպման ակնկալիքներով։

«Ռադիո Մարտունին» այսօր Ձեզ ողջունում է Վարդենիկ համայնքից։ Բարեւ, խոսում է Լիանա Հովհաննիսյանը։Խորհրդային միության փլուզումից հետո նորանկախ Հայաստանում նախկինում գործող պետական աջակցություն ստացող շատ կրթամշակութային օջախներ սեփականշնորհվեցին եւ վերածվեցին այլ բաների: Այդ տեղի ունեցավ նաեւ «Այրարատ» կինոթատրոնի հետ, որը հիմա շատերը գիտեն, որպես «Ռոսսիա» տոնավաճառ, իսկ Մարտունի քաղաքի նախկին կինոթատրոնը մասնավորվելուց հետո պարապուդի է ենթարկվել եւ անհայտ է նրա ապագան: Իսկ այսօր Վարդենիկ համայնքի երիտասրադներիը «Համայնքի զարկերակ» երտասարդական–հասարակական կազմակերպության եւ նույն գյուղի բնակիչներ Արթուր եւ Զավեն Կարապետյանների հովանավորչությամբ կանխորոշեցին ոչ միայն իրենց համայնքի կինոթատրոնի, այլ նաեւ ողջ համայնքի մշակութային, ժամանցային կյանքի ուղին:Ժամը 12։00–ին տեղի ունեցավ «Վարդենիկ» կինոթատրոնի պաշտոնական բացումը: Հասարակական կազմակերպության նախագահ, ծրագրի իրականացման անմիջական ղեկավար Արտուշ Խաչտրյանը իր խոսում ասաց․«Քանի որ մենք ունեինք գեղեցիկ դահլիճ, որը նախկինում էլի կինոթատրոն է եղել, որոշեցինք էլի կինոթատրոնի կյանք տալ։ Մեր ցանկություն է շաբաթական երկու անգամ ունենալ դիտումներ, արդեն ունենք պայմանագիր «Մոսկվա» կինոթատրոնի հետ, իրենց հետ համատեղ իրենց հետ զուգահեռ կարող ենք իրենց ցույց տված նույն ֆիլմերը ցուցադրել։ Վարդենիկի մշակութային կյանքը մեկ քայլ առաջ զարգացում կապրի, ժամանցը կապահովենք»։ Կինոթատրոնը պատրաստվում է շաբաթն երկու անգամ երեկայան ժամերին կինոդիտումներ կազմակերպել, ֆիլմերը լինելու են բազմաժանր, ցուցադրվելու են մանկական, արտասհամայնան, հին ու նոր հայկական ֆիլմեր: Արտուշ Խաչատրյանի փոխանցմամբ լինելու են նաեւ բարեգործական ցուցադրություններ իսկ հիմնական ցուցադրությունից ստացված հասույթը ուղղվելու է կինոթատրոնի որոշակի բացերը լրացնելուն եւ համայնքային այլ նախաձեռնությունների իրականացման համար:Վերջում որպես փաստ հավելեմ, որ այսօր բացվեց Գեղարքունիքի մարզի միակ կինոթատրոնն, այն էլ Մարտունու տարածաշրջանի Վարդենիկ համայնքում:Հաճելի կինոդիտումներ եւ մինչն նոր եթեր:Մարտունի Ինֆոտունը օրը ներկայացրել է ֆոտոռեպորտաժով, անցեք լինքով եւ դիտեք http://martuniinfo.blogspot.com/2014/08/blog-post.html

Բարեւ բոլոր ունկնդիրներին, եթերում «Ռադիո Մարտունին» է։ Առցանց ռադիո Մարտունու մասին՝ հասանելի ամենուր։Խոսում է Լիանա Հովհաննիսյանը։ Այսօրվանից սկսում ենք Մարտունու մասին ավանդապատումների շարքը։Առաջին թողարկում նվիրում ենք Արմաղան լեռանը։Արմաղան լեռը Գեղմա լեռնաշղթայի 2829 մետր բարձրության գագաթ է։ Արմաղան անունը հնուց է եկել։ Արմաղանը «Սասունցի Դավթ»ի էպոսից եկող անուն է, եթե հիշում եք Մեծ Մհերի կինն էր՝ Դավթի մայրը։ Հավանաբար լեռը իր գեղեցկության, բարձր լինելու և անհասանելիության պատճառով են այդպես կոչել։ Գագաթային մասում ունի հրաբխային խառնարան, որը լցված է ջրով: Լճակ հատկապես մայիս-հունիս ամիսներին շատ ջրառատ է լինում իսկ ափերը ծածկվում են ծաղկի գորգերով։Ըստ ավանդապատումի, երբ Արմաղանը պատվում է մարախուղով, ապա իջնում են փերիները, որ ջուր խմեն ու մարդկանց մնան անտեսանելի: Ասում են երջանիկներին է բախտ վիճակվում ներկա գտնվել այդ տեսարանին: Ասում են նաեւ, որ Արմաղան լեռն Աստծո պարգև է, և մեկ անգամ այնտեղ եղածները վարակվում են նրանով և անպայման նորից այցելում:Ես մի քանի օր առաջ Արմաղանը գրավեցի եւ գերվեցի, հաջորդ անգամ կբարձրանամ փերիներ տեսնելու հույսով եւ հաջողություն նոր եթերի ակնկալիքներով։

Ողջույն եթերում «Ռադիո Մարտունին» է։ Առաջին առցանց ռադիոն Մարտունիում։ Շախմատային ողջույն է Ձեզ հղում Լիանա Հովհաննիսյանը։Շախմատը կամ այլ կերպ ճատրակը հորինել են հնդիկները դեռ 2000 տարի առաջ։Կա ավանդապատում, թե պարսիկ շահը հրամայում է իմաստուններին խաղ հնարել եւ դա ուղարկում է հնդիկ արքային, հնդիկ իմաստուները բացահայտում են խաղի գաղտնիքը, հորինում են մեկ այլ խաղ եւ ուղարկում պարսից շահին՝ ոչ ոք չի կարողնաում հասկանալ խաղի իմաստը, այդպիսով շահը մատ լինում։ Այսպես առաջանում է շախմատը եւ տարածում գտնում ողջ աշխարհում։Իսկ աշխարհի փոքրիկ անկյունում՝ Մարտունիում, այսօր ժամը 15։00–ին մեկնարկեց «Սևանա Լիճ - 2014» XVI կարգի շախմատի միջազգային մրցաշարը, Հայաստանի շախմատի ակադեմիայի, շախմատի ֆեդերացիայի հետ համատեղ։ Մրցաշարին մասնակցելու են միջազգային գրոսմայստերներ Հայաստանից և արտերկրից: Հայաստանը ներկայացնելու են Հրանտ Մելքումյանը, Զավեն Անդրիասյանը, Ռոբերտ Հովհաննիսյանը, Սամվել Տեր-Սահակյանը և Հովհաննես Գաբուզյանը։ Մրցաշարը կտեւի մինչեւ օգոստոսի 4-ը։ Երաժշտական այս նոտտաներով Ձեզ հրաժեշտ եմ տալիս, մինչ նոր եթեր, եւ թող հաղթի լավագույն մտածողը։

Ողջո՛ւյն, եթերում «Ռադիո Մարտունին» է: Առաջին օնլայն ռադիոն Մարտունիում: Ձեզ հետ խոսում է ծրագրի հեղինակ եւ վարող Լիանա Հովհաննիսյանը: Մեր անդրանիկ եթերը հեռարձակում ենք «Մարտունու կանանց համայնքային խորհուրդ հասարակական կազմակերպությունից»: Այսօր կարեւոր օր է ոչ միայն «Ռադիո Մարտունու» համար, այլ նաեւ այսօր «Իղձ» սոցիալական ձեռնարկության պաշտոնական բացումն է:Ձեռնարկությունը հիմնվել է «Մարտոնու կանանց համայնքային խորհուրդ» ՀԿ–ի կողմից «Հաշմանդամություն ունեցող անձանց կենսամակարդակի բարելավում զբաղվածության խթանման միջոցով» /LIFE/ ծրագրի շրջանակներում: Վերջինս իրականացվում է Սեյվ դը Չլիդրեն կազմկերպության կողմից՝ ԱՄՆ Միջազգային զարգացման գործակալության ֆինանսավորմամբ: Ծրագրի նպատակն է աջակցել հաշմանդամություն ունեցող անձանց հավասար աշխատանքային հնարավորությունների խթանմանը:Հենց հիմա, այս պահին կար ու ձեւի եւ գունավոր տպագրության արտադրամասերի պաշտոնաան բացումն է: Հասարակական կազմակերպությունը ձեռնարկության հետ մեկտեղ հանձն է առել հաշմանդամություն ունեցող 10 անձանց աշխատատեղերի ստեղծման նախաձեռնությունն, որոնց վերապատրաստումը հնարավոր դարձրեցին Զբաղվածություն Մարտունու տարածքային կենտորնի մասնագիտական ուսուցման շրջանակներում: Ձեռնարկության բացմանը ներկա են Մարտունու քաղաքապետարանի, Գեղարքունիքի մարզպետարանի, տեղական բիզնես կառույցների, ինչպես նաեւ դրամաշնորհատու կազմակերպությունների ներկայացուցիչներ: Այսուհետ կարող եք ձեռք բերել նրանց կողմից արտադրվող տրիկոտաժեղեն, սպիտակեղեն, մանկական հագուստը, ինչպես նաեւ տպագրությունում պատվիրել A3 չափի պաստառներ, գովազդային վահանակներ, բուկլետներ, այցեքարտեր, կարող եք կատարել անհատական պատվերներ:Ցանկանում ենք մաղթել նորաստեղծ արտադրությանը հաջող ընթացք եւ բեղուն աշխատանք: Այսօր այսքան, հաջորդ եթերը շուտով: