Entrevistes n'InfoAsturies

Esta selmana van ser trés les entrevistes qu'aportemos a los nuesos/es seguidores: -Entamamos contautando con Carlos Casado, gaiteru que fixo posible l'apaición d'un nuevu grupu música asturxaponés allugáu en Nueva York. -Ufrimos la fondera entrevista con Nuria Rodríguez, númberu dos de la candidatura Xixón Sí Puede, áu mos desplica tolos movimientos que se fixeron pa poder algamar l'alcaldía na ciudá de Xovellanos. -Rematamos coles charres feches n'Alderiques d'Asturies Tv con xente de Glayíos y del grupu música Skontra. InfoAsturies ye un proyeutu asturianu d'información alternativa, de recopilación, difusión y xeneración de noticies. Igua: Adrián Gradín TV y Radio 100% n’asturianu www.alderiquesdasturies.com

Nel programa d'esta selmana ufiertamos trés entrevistes: -Entamamos cola reflexón del profesor asturianu Carlos Xabel Lastra dende la Universidá de Harvard nos Estaos Xuníos alrodiu los partíos políticos n'Asturies. -Darréu facemos una esbilla del reportaxe que fiximos les cámares d'Alderiques d'Asturies TV esti pasáu sábadu 13 de xunu n'Uviéu por mor de la eleición del nuevu alcalde d'Uviéu coles valoraciones de los/es protagonistes. -Pa rematar, la nuesa convidada ye Violeta Sánchez qu'entamó una iniciativa na plataforma online change.org pa la prohibición d'un espectáculu ecuestre estos vinientes díes 19, 20 y 21 en Xixón na Feria Muestres. InfoAsturies ye un proyeutu asturianu d'información alternativa, de recopilación, difusión y xeneración de noticies. www.infoasturies.net TV y Radio 100% n’asturianu www.alderiquesdasturies.com

Nel nuesu programa falamos con dos convidaos: -Atiéndenos Faustino Zapico, hestoriador bien nomáu, col qu'afondaremos nuna data poco conocida nel país que ye'l 25 mayu de 1808 onde Asturies declaróse soberana. -Dempués la victoria del madrilanu Alberto Contador nel pasáu Giro d'Italia 2015, el nuesu comentarista de lluxu, l'ex-ciclista profesional asturianu Benjamín Noval fainos un repás d'esta edición de la carrera ciclista italiana. InfoAsturies ye un proyeutu asturianu d'información alternativa, de recopilación, difusión y xeneración de noticies. www.infoasturies.net TV y Radio 100% n’asturianu www.alderiquesdasturies.com

Nel programa d'esta selmana facemos un analís fonderu de lo que foi'l resultaú eleutoral nes recién cellebraes Eleiciones d'esti mayu 2015 col profesor ya investigador Pablo Martínez Testa que mos espellica les consecuencies tanto a nivel del país como los conceyos de los resultaos asocedíos. Tuvimos con Xulio, trabayador d'una subcontrata de Movistar que mos desplicó la so problemática llaboral. Pa rematar, ufrimos les entrevistes que fiximos n'Alderiques d'Asturies TV por mor de les visites guíaes n'asturianu al Muséu de Belles Artes d'Asturies. InfoAsturies ye un proyeutu asturianu d'información alternativa, de recopilación, difusión y xeneración de noticies. www.infoasturies.net Igua: Adrián Gradín TV y Radio 100% n’asturianu www.alderiquesdasturies.com

Nel nuesu programa falamos con Leandro Casielles del C.C. Astur Master col que tan compitiendo na categoría de veteranos per tol estáu. InfoAsturies ye un proyeutu asturianu d'información alternativa, de recopilación, difusión y xeneración de noticies. www.infoasturies.net Igua: Adrián Gradín TV y Radio 100% n’asturianu www.alderiquesdasturies.com

Esta selmana ufiertamos l'Especial #Eleiciones2015AdA que tamos faciendo na nuesa plataforma multimedia d'Alderiques d'Asturies. Nesti programa tarán: -Carmen Codesal de l'agrupación d'eleutores PUEBLU de Ribeseya. -Carme Pérez de la formación política Andecha Astur que tuvo na igua del programa amás de tar na llista de Xixón. -Pablo Pérez, conceyal y cabezaleru de la llista que presenta Conceyu Abiertu por Noreña. -Gaspar Llamazares, candidatu d'Izquierda Xunida a la Presidencia d'Asturies www.alderiquesdasturies.com

Esta selmana ufiertamos trés materiales a los nuesos/es siguiores: -Entamamos contautando con Emilio León, candidatu de Podemos Asturies a la nuesa Comunidá Autónoma. -Siguimos con un afondamientu especial a una de les carreres más nomaes nel ciclismu internacional, el Giro d'Italia qu'empicipió esti pasáu sábadu 9. El ex-ciclista profesional Benjamín Noval ye'l nuesu comentarista de lluxu y esmenúxanos con gran detalle lo que pue asoceder na "Corsa Rosa". -Pa rematar, sentiremos a Rafael Palacios, ex-Direutor de l'Axencia de Cooperación al Desarrollu n'Asturies que tuvo unos díes pequí dempués de tener emigráu a la Arxentina por motivos llaborales. Con él facemos un repas a la situación política del país.

Esta selmana nel nuesu programa facemos un Especial dedicáu a la Selmana de les Lletres Asturianes: -Entamamos con Xune Elipe, que cola so productora Goxe tien iguaes una serie de pieces que la radio autómica va emitir por mor d'esta Selmana de les Lletres Asturianes. -Afondamos nel tema elexíu como central nesti eventu añal de les nueses lletres que ye la tresmisión xeneracional y, como convidáu, falamos fonderamente con David Guardado de l'asociación Reciella, families pol asturianu.

Un nuevu programa d'Entrevistes n'InfoAsturies. Entamamos el mesmu cola seición que tien la mocedá asturiano áu mos van falar de los CIEs (Centros d'Internamientu d'Estranxeros). Mario Suárez del Fueyo, cabezaleru de la candidatura d'unidá popular "Xixón SÍ puede", falará con nós fonderamente de les sos mires puestes n'algamar l'alcaldía de la ciudá más poblada d'Asturies. www.alderiquesdasturies.com TV y radio 100% n'asturianu

Nel programa d'esta selmana ufiertamos a los/es nuesos/es oyentes dos entrevistes: -Entamamos falando fonderamente con David Díaz, ganador del procesu de primaries na formación política Equo Asturies. Vamos conocer les propuestes qu'esta formación política ufre a la ciudadanía. -La otra entrevista ye con Vanessa de la Plataforma Antifascista del Nalón que nos cunta la medría de los actos xenofobos nes Cuenques Mineres Asturianes.

Nel programa d'esta selmana ufiertamos dos entrevistes: -Entamamos con Nacho Cuartas, inxenieru que formó parte de la Delegación Asturiana añal polos drechos humanos a Colombia col qu'afondamos nel so viaxe y tolos testimonios que pudieron recoyer de la xente que vive nesti país sudamericanu nel propiu terrén. -La nuesa segunda entrevista ye con Isaac Vallina, miembru del Grupu Folclóricu "El Ventolín" del conceyu Siero qu'organiza la XXXVI Selmana del Folclore Astur dende'l 6 al 11 d'abril.

Nel nuesu programa entamamos con una seición que ye vezu nel nuesu espaciu radiofónicu: "Reflexones de la mocedá asturiano". Güei dan la norabona al nuevu espaciu "Llar La Llegra" inauguráu estos pasaos díes n'Uviéu. Xustamente ún de les persones que ta dientro esti nuevu centru autoxestionáu que ye'l "Llar La Llegra" sedrá'l nuesu protagonista esti programa. Trátase d'Iván que mos cuntará tol procesu nos últimos meses que se trabayó pa poder ufiertar esti nuevu llugar pa tola xente d'Asturies.

Esta selmana n'InfoAsturies Radio falamos fonderamente con Toño, ún de los mineros condergaos a cárcele polos fechos asocedíos en Zarréu (Degaña) en xunetu de 2012. Esi día dempués d'un accidente la xente del pueblu tomó la iniciativa de facer llabores de salvamentu p'ayudar a unos trabayadores que taben atrapaos nel pozu. Posteriormente cinco mineros foron condergaos a más de dos años de cárcele.

Esta selmana nel nuesu programa entamamos cola seición "Reflexones de la Mocedá asturiano" onde los más mozos/es faen esta vegada un llamáu a la escontra del fascismu n'Asturies. Falaremos fonderamente con Xune Elipe, cantante de Dixebra, productor musical y persona célebre nel nuesu país de dos temes bien estremaos. A lo primero, Xune cuntarános la so deceición col resultáu final del programa de TVE "Comando Actualidad" nel so reportaxe "Don de lenguas" onde'l nuesu idioma asturianu tuvo arrequexáu al final del mesmu, amosando una realidá deturpada de la situación llegal y vindicativa esistente nel nuesu país alrodiu esti tema. L'otru asuntu col qu'afonderamos con Xune ye la so decisión de sofitar a "Somos Asturies", parte de Podemos Asturies y la so esperanza pa col trabayu que pue facer dientro esta organización política.

Esta selmana'l nuesu programa radio tien al ciclismu como tema alrodiu'l que falaremos nel mesmu. Entamaremos cola conexón telefónica con Rocío Gamonal, la sierense proclamóse por sesta vegada Campeona d'España de ciclocross na categoría Élite. Un casi que remate a una gran carrera profesional. El fechu de sacar una bandera d'Asturies nos caberos metros de la preba ta xenerando una engarradiella que la propia Rocío esclaria nel nuesu espaciu radiofónicu. El segundu asuntu qu'ufiertamos güei ye un analís fonderu col nuesu collaborador, l'ex-ciclista asturianu Benjamín Noval col que peñeraremos la Vuelta España 2015 que se presentó fai unes selmanes onde Asturies vuelve tener unes etapes decisories na carrera.

Esta selmana ufiertamos a los/es nuesos/es oyentes dos materiales: Entamamos pola seición que la mocedá asturiano tien nel nuesu programa. Darréu vamos sentir el programa de tv especial qu'Alderiques d'Asturies TV iguó nel Asturies Summer Beer Festival falando con dellos convidaos.

Esta selmana n'InfoAsturies Radio falamos pa entamar con Carme Pérez del partíu políticu Andecha Astur que, tolos años por estes feches, fai un homenaxe al célebre activista Andrés Solar. Amás tuvimos nel Teatru Xovellanos en Xixón col actor Antón Caamaño acabante de la estrena de la obra "Xuanón namoráu"

Esta selmana falamos cola activista pixueta Estefanía Torres que foi absuelta pola acusación d'inxúries y llevantos por unes pallabres sacaes de LNE nes que rezaben que-yos llamaba corruptos al ex-alcalde de Cuideiru Francisco González Méndez y la ex-conceyala Verena Prendes. Tamién podremos sentir los testimonios de los trabayadores afectaos pol posible pieslle de la multinacional estáuxunidense Alcoa allugada n'Avilés depués de la manifestación cellebrada en pasaos díes.

Güei entamamos el nuesu programa radio con una nueva seición onde xente mozo asturiano va facer reflexones alrodiu la situación que mos arrodia. El convidáu que vien darréu ye Faustino Zapico, representante del sindicatu d'enseñu SUATEA, organización qu'algamó la victoria nes últimes eleiciones cellebraes na estaya educativa de l'Alministración Asturiana. Pa rematar, ufiertamos a los nuesos oyentes la entrevista que fiximos nes cámares d'Alderiques d'Asturies TV nel Outono de Bual falando colos sos responsables.

Esta selmana n'Entrevistes n'InfoAsturies ufiertamos a los/es nuesos/es oyentes l'alderique que s'emitió la selmana pasada falando alrodiu les Eleiciones Sindicales nel Enseñu d'esti 2014 que se cellebraron esti pasáu 4 d'avientu y que dieron la victoria al sindicatu SUATEA. Sentiremos la opinión de Primi Abella de la CSI y de Faustino Zapico de SUATEA cola conducción de la periodista Jana Suárez Morán y la presencia del Direutor d'Alderiques d'Asturies TV, Samuel Gradín.

Güei nesti nuevu programa d'Entrevistes n'InfoAsturies ufrimos dos materiales que se pudieron ver al traviés d'Alderiques d'Asturies TV: -La Presentación de "Somos Asturies" -La Manifestación de les fuercies asturianistes nel pasáu 8 setiembre "Día d'Asturies" www.alderiquesdasturies.com

Esta selmana ufiertamos a los nuesos/as oyentes dos entrevistes feches nes cámares d'Alderiques d'Asturies TV. Pa entamar, falamos col diputáu por Málaga, l'economista Alberto Garzón, que tuvo en Xixón presentando fai unos meses una nueva iniciativa política. El nuesu segundu convidáu ye'l conceyal de les CUP (Candidatura d'Unitá Popular) Raimon Ràfols que visitó Asturies pa intercambiar esperiencies cola xente de Conceyu Abiertu.

Nel programa de güei ufiertamos una entrevista y un reportaxe fechos nes cámares d'Alderiques d'Asturies TV esti pasáu branu. Entamamos cola visita que fixo'l célebre profesor universitariu y miembru de Podemos, Juan Carlos Monedero, a Xixón onde tuvo tiempu pa charrar con nós unos minutinos. Per otru llau, el Festival de la Sidra y la Mazana peslla'l branu xixonés y ellí tuvimos faciendo un reportaxe d'esti eventu.

Güei falamos con Xuacu Saturio, alministrador y embaxador téunicu en Uiquipedia n'asturianu alrodiu los actos que se cellebraron en pasaes feches n'Uviéu por mor del 10u Aniversariu del entamu de la Uiquipedia nel nuesu idioma.

Pa falar col nuesu convidáu de güei vamos colar lloñe d’Asturies gracies a les posibilidaes que mos ufierten les nueves ferramientes informátiques. Contautamos cola Arxentina, esti país sudamericanu, pa charrar unos minutinos de política y otres cosuques con Rafael Palacios. Más conocíu como Rafa Palacios, ye un políticu asturianu qu’ostentó cargos ente los que destaquen que foi Direutor de l'Axencia de Cooperación al Desarrollu del Gobiernu d'Asturies y candidatu a la presidencia d'Asturies pola coalición Bloque por Asturies-UNA amás de coordinar nel so tiempu’l Grupu Parllamentariu del Bloque por Asturies na Xunta Xeneral.

Esta selmana son dos les entrevistes qu'aportamos a los nuesos oyentes: Entamamos col ex-ciclista profesional asturianu Benjamín Noval col que afondamos nos resultaos de la pasada Vuelta España 2014 onde'l madrilanu Alberto Contador algamó la victoria y los asturianos Samuel Sánchez y Daniel Navarro tuvieron ente los diez primeros. La segunda charra ye col actor y monologuista Carlos Alba, conocíu col alcuñu de "Cellero", que fai la estrena de la so nueva obra n'asturianu "Xuan soldáu" el viniente 27 setiembre a les 20.00 nel Teatru Prendes de Candás.

Cellebráronse les Xornaes de Drechu y Represión na Universidá d'Uviéu y ellí tuvieron presentes les cámares d'Alderiques d'Asturies TV. Ufiertamos les entrevistes que fiximos a un garrapiellu convidaos/es que tuvieron pellí. www.alderiquesdasturies.com

Güei'l nuesu convidáu ye Manuel González Orviz, Coordinaor Xeneral d'Izquierda Xunida n'Asturies. Con él vamos afondar nel entamu de les negociaciones ente les estremaes fuercies polítiques de la esquierda asturiana pa la posible xuntanza pa les eleiciones del viniente añu 2015.

L’anuncia del Gobiernu d’Asturies fecha fai unes selmanes de la puesta en furrulamientu d’un serviciu p’atender les llamaes del 112 o emerxencies en 51 llingües ente los que nun ta l’asturianu, fixo que delles organizaciones amosaran la so indignación al respeutive. Una d’elles ye l’asociación cultural que tien el nomatu de N’Ast que vien trabayando dende cuantayá col enfotu de puxar pola cultura de nueso. P’afondar nesti llaceriante asuntu ta con nós güei ún de los sos representantes que yá tuviera nel nuesu programa radio dalguna otra vegada, ésti nun ye otru que Daniel Cueli….

Otra selmana más avérase a les nueses ondes otra vegada l'economista David Rivas col que mos quedaben pendientes dellos temes nos qu'afondar na llaceriante situación que mos arrodia.

Nel nuesu programa afondamos con Nacho González, mayestru, activista y comentarista deportivu en "La otra cara del Mundial", unes charres que se tan ufriendo per Asturies onde s'amuesa les protestes de la población brasileña por mor del descomonáu gastu que supón la organización d'esti Mundial de Fútbol 2014.

Esta selmana charramos col economista David Rivas n'Entrevistes n'InfoAsturies. Ye profesor titular d'estructura económica na Universidad Autónoma de Madrid, aú imparte les materies d'estructura económica mundial y de desendolcu caltenible. Foi miembru del Consejo Asesor de Medio Ambiente de España, del Consejo Asesor de Transporte de la Comunidad de Madrid, de la Comisión de Parques Nacionales de la Unión Internacional pa la Conservación de la Naturaleza (Organización de les Naciones Xuníes) y de los comités de desendolcu caltenible y desendolcu rural de la Comisión Europea. Tamién fora asesor técnicu nel ayuntamientu de Madrid. En 1986 participó na creación de la Fundación Universidá Llibre, con sede en Galicia, formada por profesores de pensamientu críticu de les universidaes de Sevilla, València, Santiago, Málaga, Extremadura y Autónoma de Madrid. Anguaño ye profesor ya investigador d'estremaos centros d'Europa y d'América, y ye miembru del Observatorio Llatinoamericanu d'Ordenación Territorial y Sostenibilidá y del Institutu Interuniversitariu d'Economía Espacial Sostenible. Dende 1993 ye miembru de l'Academia de la Llingua Asturiana. Ye miembru del Clube de Roma.

Otra vegada retornamos a contautar con un convidáu que yá tuviere nel nuesu programa y que nos desplicare d’un xeitu perfonderu y perprestosu que ye’l nomáu frayamientu hidraúlicu o fracking. Trátase de Paco Ramos, miembru d’Ecoloxistes n’Aición d’Asturies. Güei vamos falar con Paco, al que-y agradecemos fonderamente que tea a la nuesa disposición pa dar conocencia de dellos temes a toos y toes los que mos sienten, tou l’asuntu esti tan abegosu de les tarifes lléctriques y porqué pagamos cá día más pola lluz nos nuesos llares.

Nel programa de güei entamamos falando con Diego Rodríguez de Radio Nava, ún de les emisores que collaboren nel esperdimientu de los nuesos programas de radio n'asturianu, pa que mos cunte los pilancos qu'estes radios llibres atopen nel so llabor diariu y el so futuru. Los conceyales de les CUP (Candidatura d'Unitat Popular) de Catalunya en Vilanova i la Geltrú, Raimon Ràfols y Marc Font, tuvieron ufriendo delles charres n'Uviéu y Xixón alrodiu la so esperiencia nel trabayu municipalista. Al rematar les mesmes, pudimos charrar con ellos de delles custiones faciendo usu de les nueses dos llingües, el catalá y l'asturianu.

Güei nel nuesu programa cuntamos con dos convidaos: Entamamos col hestoriaor Faustino Zapico col que facemos un fonderu analís de l'anuncia del Rei Xuan Carlos I de la so abdicación y les consecuencies presentes y futures de la mesma. Darréu falamos con Emilio León, ún de les persones que tuvo día tres día nel CSOA La Madreña d'Uviéu fasta'l desenllaz final de desagospiu d'esti centru social autoxestionáu pa que mos cunte cómo ta la xente y tolo qu'asocedió ellí.

Güei cuntamos con tres convidaos nel nuesu programa. Entamamos afondando nos resultaos algamaos poles fuercies polítiques asturianes nes pasaes Eleiciones Europees. Pa ello, contautamos con Daniel Fernández, voceru de Compromisu por Asturies que sofitó la candidatura de Podemos, la gran sorpresa d'esta convocatoria. Darréu falaremos con Carme Pérez de la formación política asturiana Andecha Astur que diba dientro la coalición estatal Los Pueblos Deciden pa que mos faiga una valoración del diputáu algamáu. Pa rematar desplazámonos fasta'l CSOA La Madreña n'Uviéu onde con Iyán González charraremos del propiu centru y del espaciu La Llegra.

Güei nel nuesu programa falamos con dellos convidaos/es. Entamamos coneutando al traviés de la llínea telefónica con Manuel Benayas de la fuercia política asturiana "Compromisu por Asturies" que mos va desplicar el so sofitu a la candidatura Asturies Podemos. Darréu sedrán Alba y Bea del CSOA La Madreña les que mos cunten tola situación alrodiu esti llugar autoxestionáu n'Uviéu cola amenaza de desagospiu. Pa rematar, David de Paraos/es y Precarios/es d'Asturies qu'organizaron un pasucais per Uviéu p'amosar a tola ciudadanía la problemática d'esti coleutivu cada vegada más numberosu.

Güei son dos les entrevistes qu'ufiertamos a los que mos sienten nes nueses ondes. Pa entamar, falamos col percélebre periodista de TVE Xuan Cándano p'afondar na sentencia que dictaminó'l xuez anulando la sanción a la so escontra dientro del ente públicu. Tamién tará con nós Haydée Naveiras, representante de l'Asamblea d'Estudiantes de Viesques pa desplicanos el conflictu entamáu pol pieslle d'una de les sos biblioteques.

La Guardia Civil desenvolvió per tol estáu español la nomada "Operación Araña" col oxetivu de guetar perfiles que, según los sos voceros, faigan "emponderamientu de terrorismu" nes redes sociales. P'afondar nesta custión, güei'l nuesu convidáu ye Santi Fano, profesor de la UNED y especialista n'internet y redes sociales. Con él falamos de la seguranza qu'estes nueves ferramientes de comunicación nos ufren y del activismu n'elles.

El nuesu convidáu güei ye un miembru de la formación política "Conceyu Abiertu", Iván Martínez, col qu'afondaremos na so decisión de non presentase a les Eleiciones al Parllamentu Européu d'esti viniente 25 mayu.

Afondamos n'InfoAsturies Radio nun asuntu que ta algamando cierta sonadía nos medios de comunicación asturianos estes caberes feches. Trátase de la posible devolución d'una cantidá descomanada de perres que la Oficina de Llucha escontra'l Fraude (que tien l'acrónimu d'OLAF) paez reclamar poles obres nel puertu xixonés d'El Musel. Yá nel añu 2008, la formación política Andecha Astur denunciara eses irregularidaes, falamos con una vocera de la propia Andecha Astur que ye Carme Pérez.

Güei nes nueses ondes d'InfoAsturies Radio, el nuesu convidáu retorna a ser Vítor Cuetos, ún de los que ta detrás del movimientu pola Dignidá "Marches Asturies 22-M" que dende estremaos llugares del estáu axuntáronse en Madrid el pasáu 22 de marzu glayando por una vida digna pa les persones. Vamos afondar con él no que foi esa manifestación multitudinaria amás de lo que ta asocediendo posteriormente con una descomanada represión política escontra esti movimientu asambleariu.

Falamos agora n’InfoAsturies de la situación de les muyeres y les sos vindicaciones.El pasáu 8 marzu cellebróse’l Día Internacional de les Muyeres y préstanos pola vida güei, nes nueses ondes, afondar nesti tema. Pa ello, atiéndenos al traviés de la llínea telefónica Nuria Rodríguez, llicenciada en Ciencies de la Educación y esperta universitaria n’Investigaciòn d’Acción Participativa pola Universidá Pablo Olavide de Sevilla. Amás ye responsable de la estaya de muyer na formación política Compromisu por Asturies.

Güei nel nuesu programa ufiertamos dos entrevistes: Colamos con destín a los Estaos Xuníos pa falar con José Luis García, direutor de la Banda Gaites Villa de Xixón, por convertise na única representación asturiana nos festexos del desfile San Patriciu en Nueva York que se cellebra esti llunes 17 de Marzu. Nesta ocasión la Banda Gaites va percorrer la Quinta Avenida de la Gran Mazana con unos trenta y cinco músicos, ente gaiteros y percusionistes, como yá fixera nos años 2006 y 2007. Per otru llau, nel programa TV "Alderiques d'Asturies" charramos con Begoña Zabala, una abogada y feminista navarra con una llarga trayeutoria na defensa de los drechos llegales y reproductivos de les muyeres.

Güei'l nuesu convidáu nos micrófonos d'InfoAsturies Radio ye Marcos Fernández de la organización política asturiana Andecha Astur. Una dellegación d'Andecha Astur participó nos Alcuentros Internacionales: "Frente a la Troika la nuesa vía. Cambiu y Soberanía Nacional" Entamaos por EH Bildu, tuvieron llugar el pasáu dos de marzu, y nellos participaron organizaciones polítiques que comu Andecha Astur comparten una visión radicalmente crítica con respeutu al modelu d’integración europea. Ente otros participaron representantes del Sinn Féin (Irlanda), Syriza (Grecia), UDB (Bretaña), Bloco de Esquerda (Portugal), Sinistra Ecologia Libertà (Italia), Die Linke (Alemaña) y representantes d’otros pueblos y naciones. Estos Alcuentros permitieron conocer de primer man les lluches ya iniciatives desendolcaos n'estremaos países escontra la Troika y les polítiques d'austeridá.

Güei son tres los convidaos que s'averen a los micrófonos d'InfoAsturies Radio: Entamamos con Samuel Fernández, representante na Asamblea de Trabayadores de la empresa asitiada en Xixon, Tenneco. Una sentencia del Tribunal Superior de Xusticia d'Asturies declara nulos tolos despidos fechos n'avientu de l'añu pasáu. Darréu, Verónica Rodríguez desplícanos que ye y qué se fai nel espaciu autoxestionáu de "La Manzorga". Pa rematar, contautamos con Marco Antuña, sindicalista de la CSI que tien d'afrontar un xuiciu'l viniente miércoles 26 de febreru acusáu d'estrozos y pintaes nel mobiliariu urbanu demientres les protestes pola robla de los sindicatos mayoritarios d'un ERE en Caxastur-Liberbank.

Güei falamos nel nuesu programa con Vítor Cuetos, ún de los voceros de "Asturies en Marcha", movimientu que vien atropando’l sofitu de numberosos coleutivos como la PAH, Frente Cívico, o Izquierda Anticapitalista, pero sobre too dende’l SAT, el xermen de la iniciativa. Ún de los exes del so discursu ye señalar a la patronal, la banca y el gran empresariáu como grandes responsables de la situación llaceriante que vivimos anguaño.

Falamos agora n’InfoAsturies de n’Ast que ye una asociación cultural ensin ánimu de llucru aniciada’l 20 d’ochobre de 2006 col enfotu de puxar pola cultura tradicional asturiana, anque especialmente no tocante a la llingua asturiana. P’afondar na conocencia de la mesma, atiéndenos al traviés de la llínea telefónica, Daniel Cueli, miembru de la mesma y direutor de la revista de la propia asociación que tien el nomatu de “N’Ast. Cartafueyos d’Ensayu”.

Nel programa de güei vamos falavos de la primer película fecha totalmente n’asturianu. Trátase del llargumetraxe que tien el nomatu de Bernabé. Cunta la hestoria d’un fugáu nel oriente d’Asturies. Na so presentación el pasáu payares nel Festival Internacional de Cine de Xixón tuvo llugar un alderique alrodiu la célebre película onde taben presentes el so direutor Pablo Casanueva y l’actor protagonista Fernando Martínez.

Güei siguimos sintiendo les entrevistes más célebres del añu 2013 n'InfoAsturies Radio. Fai unos meses charramos fonderamente col perconocíu periodista de TVE Xuan Cándano alrodiu la denuncia que-y punxo'l sindicatu UXT por mor d'unos reportaxes na revista "Atlántica XXII" de la que ye direutor.