Groeipyne

9 Julie 2026: Deur vir 'n kind voor te lees en stories te vertel, ontsluit jy soveel meer as net hulle verbeelding. Dis ‘n verrykende ervaring vir sowel leser as luisteraar. Nelmarie Kemp van die Stigting vir die Bemagtiging deur Afrikaans vertel van hulle Zoe-leesprojek vir Graad R tot Graad 3, en hoe hulle leesfasiliteerders in gemeenskappe oplei.

2 Julie 2026: Sig is een van die mens se vyf tradisionele sintuie. Ons oë help ons om die wêreld om ons te kan sien en verken. Natasha Pieterse, ‘n pediatriese oogkundige, vertel van die oogprobleme wat by voorskoolse kinders kan opduik, en ons hoor of die eet van wortels wel help om goeie sig te bevorder.

25 Junie 2026: Ouers vind dit soms moeilik om oënskynlike negatiewe opmerkings oor hulle kinders se onaanvaarbare gedrag te aanvaar. Hulle is dadelik op die aanval en gereed die kinders te verdedig, want heel dikwels sien ouers hulle kinders as ‘n verlengstuk van wie hulle is. Kleinkinderonderrigspesialis en kleuterskooljuffrou, Yolandi van den Heever praat oor dissipline en die toepassing en handhawing daarvan.

18 Junie 2026: Wanneer ons dink aan leer, dink ons aan boeke, oefeninge en formele onderrig. Maar is dit wat jong kinders nodig het? Wilna van Rooyen, ‘n onderwyskundige en vroeëkinderontwikkelingspesialis, glo dat leer, veral in die voorskoolse fase, prettig moet wees.

11 Junie 2026: Met Wêreld-Speeldag wil die Verenigde Nasies die aandag te fokus op die belangrike rol van speel in kinders se ontwikkeling. Ons praat hieroot met spelterapeut en kliniese sielkundige, Jo-Marie Bothma.

4 Junie 2026: Kinderbeskermingsweek is ’n tyd waarin bestek geneem moet word van kinders in onveilige situasies en omgewings, en wat ons as ‘n samelewing kan doen om hulle te beskerm. Maatskaplike werker Edith Kriel vertel van haar organisasie, JellyBeanz, wat dienste verskaf aan kinders en hulle gesinne wat trauma beleef het.

28 Mei 2026: Irlen Sindroom is ’n visuele persepsieprobleem, wat soms verkeerd gediagnoseer word. Irlen-diagnostikus Martelean Venter praat verder oor hoe die toetsing geskied, en die rol van ‘n gekleurde bril in die behandelingsproses.

21 Mei 2026: Irlen-sindroom is ‘n visuele persepsieprobleem, wat verkeerd gediagnoseer kan word. Martelean Venter, is een van slegs drie Irlen-diagnostici in Suid-Afrika. Sy verduidelik wat die sindroom beheld.

Kinders kan met verskillende leeruitdagings presenteer. Een daarvan is disleksie. Disleksie-terapeut Marguerite Koch verduielik wat hierdie leergestremdheid behels.

Arbeidsterapeut Charlene Cruickshank praat oor die rol van arbeidsterapie om kinders se fisieke en emosionele funksionaliteit optimaal te versterk.

Konflik binne gesinsverband is onvermydelik. Hoe hanteer ‘n ouer konflik met veral ‘n voorskoolse kind? Voorligtingsielkundige Fiona Doman-Olivier bespreek die verskillende soorte konflik, en gee raad oor konflikhantering.

Byna elke nuwe ouer sal kan getuig van slapelose nagte met ‘n nuwe kleinding. Wat het voeding en baba se slaappatrone met mekaar uit te waai? Slaapkonsultant Jolandi Becker vertel watter rol voeding speel, en hoe dit slaap beïnvloed.

Wêreld Stemdag word elke jaar op 16 April gevier. Een van die mooiste klanke vir ‘n ouer is dié van ‘n kind. Hanlie Degenaar, spraakterapeut en oudioloog verbonde aan die Sentrum vir Gesondheid en Menslike Prestasie aan die Noordwes-Universiteit, vertel wat elke kind se stem so uniek maak.

Om leesbaar te kan skryf, is een van die vaardighede wat al van kleins af vir kinders aangeleer word. Die kollig val op skryf as ‘n basis vir leer, saam met Wilna van Rooyen, ‘n onderwyskundige en vroeë kinderontwikkelingspesialis betrokke by die Afrikaanse Onderwysnetwerk.

Volgens die Wêreld Gesondheidsoganisasie is daar wêreldwyd ongeveer 1,25 miljoen kinders tussen 0 en 14 jaar oud wat tuberkulose het. Dr. Cordelia Elly, ‘n pediater verbonde aan die Brooklyn Chest TB-hospitaal in Kaapstad, praat oor die impak van tuberkulose op voorskoolse kinders.

Die eerste kwartaal van die 2026-akademiese jaar is verby. Ons fokus op die vorderingsverslag van kinders in kleuterskole.

Marie Schoeman van Downsindroom SA praat oor die werk wat hulle doen.

Hoe ernstig is die probleem van gehoorverlies onder Suid-Afrikaanse kinders? Agneta Grove, ‘n oudioloog en spraakterapeut, vertel van navorsing in dié verband,

Wat is aandagafleibaarheid-hiperaktiwiteitsindroom, en wat is van die wanpersepsies wat steeds hieroor bestaan? Lana Theron, ‘n geregistreerde berader, gee wenke en strategieë vir ouers en onderwysers.

Hoe hanteer ons gesprekke met kinders oor ingewikkelde onderwerpe soos identiteit, insluiting en ‘n gevoel van behoort? Mari Payne, Seniordirekteur: Opvoeding en Programme by Sesame Workshop International South Africa het raad.

Die wêreld kan soms baie wreed wees. Wat ons kan doen om ons kinders veilig te hou en paraat te maak? Ons fokus op lyfie-veiligheid. Wat is dit, en wat is dit nie? Lana Theron, 'n geregistreerde berader en tans besig met haar doktorale tesis met haar navorsing gerig op lyfieveiligheid, gee praktiese raad aan ouers.

Volgens ‘n internasionale studie wat elke paar jaar gedoen word, is Suid-Afrikaanse kinders swak lesers. Die regering is besig met intervensieprogramme, soos ‘n aanpassing aan die leerplan. Reinette Lombard, ‘n remediërende terapeut en skrywer, vertel hoe hierdie planne vorder, en hoekom lees belangrik is vir goeie akademiese prestasie.

Dis vandeesweek Nasionale Swangerskap-bewusmakingsweek. Ons weet hoe belangrik ‘n gesonde swangerskap is - nie net fisies nie, maar ook geestelik. Natascha Olivier, ‘n dieetkundige en borsvoedingskonsultant, het wyshede en raad vir verwagtende vroue, hulle binnekring en hulle gemeenskappe.

Suid-Afrika het elf amptelike landstale, met gebaretaal wat ook amptelike erkenning geniet. Kinders word groot in ‘n meertalige omgewing. Hoe raak dit hulle? Spraakterapeut en skrywer Christien Neser praat oor moedertaal en meertaligheid.

Die Minister van Basiese Onderwys , Siviwe Gwarube, het harde woorde laat val oor boeliegedrag, spesifiek by skole. Skole het beleid hieroor, hou praatjies en bewusmakingsdae, maar tog voel ouers dikwels dat daar min werklike optrede is. Kleinkinder-onderrigspesialis en kleuterskooljuffrou, Yolandi van den Heever, vra die ongemaklike vraag: Is boelies nie dalk ‘n weerspieëling van die volwassenes is hulle lewe nie?

Vroeë-kinderontwikkelingskenners gee raad vir akademiese jaar wat voorlê.

Sweminstrukteur Ida van Wyk vertel hoekom dit uiters belangrik is om kinders op ‘n jong ouderdom aan swem en waterveiligheid bloot te stel.

Is speel net vir kinders? Wat is die voordele verbonde aan ongestruktureerde spel, of te wel vryspel. Spraakterapeut en oudioloog Hanlie Degenaar van die Sentrum vir Gesondheid en Menslike Prestasie aan die Noordwes-Universiteit het die antwoorde.

Is skermtyd die nuwe kinderoppasser? Watter uitwerking het dit op kinders? Hanlie Degenaar, ‘n spraakterapeut en oudioloog verbonde aan die Sentrum vir Gesondheid en Menslike Prestasie aan die Noodwes-Universiteit, het navorsing hieroor gedoen.

Die skooljaar is verby, en 'n welkome verposing en 'n tyd van samesyn lê voor. Hoe moet ons hierdie tyd die beste benut? Wilna van Rooyen, ’n vroeë kinderontwikkelingspesialis verbonde aan die Afrikaanse Onderwysnetwerk, gee raad.

Wat het skoolgereedheid met Graad 12-uitslae uit te waai? Ontwikkelingskenner en opvoeder dr. Melodie de Jager verduidelik die verband tussen die twee.

Die vakansie is op hande, en baie gesinne gaan op reis na ‘n vakansiebestemming. Hoe gemaak as jy ‘n kleuter of ‘n pienkvoet het? Hoe maak jy reisplanne? Hoe beïnvloed die vakansie hulle slaap en roetine? Slaapkonsultant Jolandi Becker gee raad.

Hoe beïnvloed fisieke aktiwiteit ‘n kind se skoolgereedheid? Kinderkinetikus Karyna le Roux praat oor die belangrike rol wat beweging en fisieke aktiwiteit speel in die holistiese ontwikkeling van kinders.

Is jou kind emosioneel gereed vir skool? Ons kyk na die emosionele voorbereiding van jou kind vir Graad 1.

Lizette van Huysteen, ‘n vroeëkinderontwikkelinspesialis, praat verder oor die boublokke om ‘n grondslag vir wiskundeprestasie te lê.

Lizette van Huysteen, ‘n vroeëkinderontwikkelingspesialis, praat oor die boublokke om ‘n grondslag vir wiskundeprestasie te lê.

Natascha Olivier, ‘n dieetkundige en borsvoedingskonsultant, praat oor Nasionale Voedingsweek, en gee raad oor gesonde kos en eetgewoontes.

Ouer-opleidingspesialis Heidi Malan praat verder oor ouer/kind-verhoudings.

‘n Mens sou dink dat ouerskap natuurlik kom, maar ‘n pienkvoet kom nie met ‘n handleiding nie! Ons fokus op ouer/kind-verhoudings saam met ouer-opleidingspesialis Heidi Malan.

Die ontdekkingsreis wat ons ouers saam met veral hulle voorskoolse kinders onderneem, is soms deurspek met onsekerhede. Die wêreld lyk soms boos, en rondom ons tuimel dinge ineen. Ons is bekommerd oor wat die toekoms vir kinders inhou. Kliniese sielkundige en spelterapeut dr. Jo-Marie Bothma gee raad.

Internasional Fetale Alkoholspektrum-afwykingsdag word jaarliks internasionaal op 9 September herdenk. Dis ‘n bewusmaking van die skadelike gevolge van alkoholgebruik tydens swangerskap, en die behoefte aan toepaslike dienste. Dr. Leana Olivier, bestuurshoof van die nie-regeringsorganisasie, Fetal Alcohol Related Research, vertel meer.

Ons fokus op die gevreesde siektes, infeksies en infestasies wat by kleuterskole kop uitsteek, en waaroor ons nie graag gesels nie. Wat is hand-voet-en-mondsiekte? En wat van kopluise en ringwurms? Kleinkinderonderrigspesialis en kleuterskooljuffrou Yolandi van den Heever gee raad.

Marita Bezuidenhout, ‘n ma van drie met meer as ‘n dekade se betrokkenheid in die babakos-bedryf, praat oor die oorgang van borsmelk of formulemelk na vaste kos. Waar begin jy, en waaraan stel jy jou baba eerste bekend?

Ons fokus op verbeelding, en die impak wat verbeeldingspel op voorskoolse kinders se ontwikkeling het. Wilna van Rooyen, ’n vroeë kinderontwikkelingspesialis betrokke by die Afrikaanse Onderwysnetwerk, vertel hoekom dit belangrik is om jou kind se verbeelding vrye teuels te gee.

Ons kyk na finansiële uitdagings, en die impak wat dit op ons kosmandjies kan hê. Wat koop jy, en wat los jy? Dieetkundige Christa Dunn het die antwoorde.

Ons kyk na die rol van nuuskierigheid, weetgierigheid en verbeelding in ‘n voorskoolse kind se ontwikkeling. Wilna van Rooyen, ’n vroeëkinderontwikkelingspesialis betrokke by die Afrikaanse Onderwysnetwerk, praat oor daardie verkenningsoomblikke en ons kleintjies wat alles wil weet. Vra maar vir ouers wat 30 000 vrae deur die loop van ‘n oggend moet antwoord!

Amanda Broodryk van die Laeveld deel haar persoonlike reis met haar seuntjie by wie disleksie geïdentifiseer is. Opvoedkundige en disleksiekenner Yolanda Gani deel ook haar insigte.

Anthea Warner praat met die Basiese Onderwysdepartement en Sesame Workshop International South Africa oor die registrasie van vroeë kinderontwikkelingsentra.

Ons fokus op leesagterstand, en wat die regering se planne is om die probleem aan te pak, saam met remedierende terapeut en medeskrywer van die Tippie-reeks, Reinette Lombard.

Ons kyk na jong kinders se akademiese reis, en wanneer dinge nie volgens plan verloop nie. Wat staan ons te doen wanneer daar struikelblokke opduik? Kleinkinder-onderrigspesialis en kleuterskoolonderwyser Yolandi van den Heever gee raad.