Iniciativa nes Ondes: Entrevistes

Charra completa col responsable d'iguar el I Asturies Summer Beer Festival. El perconocíu Serxu Solares col qu'afondamos nun garrapiellu custiones al rodiu esta iniciativa tan prestosa y novedosa n'Asturies

Siguimos charrando con convidaos nel nuesu programa y güei acompáñanos equí, Carlos Alba 'Cellero', periodista, actor, cuentacuentos y monologuista. Estudió Ciencies de la Información na Universidá Complutense de Madrid, ellí formóse como actor y n'Asturies fízose popular como anovador del monologuismu con varios perxonaxes, ente ellos Cellero (que-y da l'alcuñu artísticu). Los sos monólogos tienen conteníu social y políticu. Tamién escribió'l llibru 'Del chigre', qu'asoleyó Trabe va unos años.

Como ye vezu nel nuesu programa radio, de xemes en cuando, falamos col presidente d'Iniciativa pol Asturianu de temes d'actualidá rellacionaos cola organización

N’Iniciativa pol Asturianu nes Ondes siempres falamos de la importancia que l’asturianu algame normalidá en toles estayes na nuesa sociedá. Ún de los primeros llugares onde s’entamó a sentir la nuesa llingua de xeitu vehicular foi na música y el grupu más nomáu naquellos percomplicaos años ochenta foi’l percélebre “Los Berrones”. Pa nós güei ye perprestosu poder charrar unos minutinos al traviés la llínia telefónica con ún de los sos componentes que nun ye otru que Ramón Blanco.

Avérase al nuesu programa'l vocal d'imaxe de l'asociación Iniciativa pol Asturianu, Alex Ordiales, col que charramos fonderamente al rodiu esta estaya perimportante.

Falamos n'asturianu fonderamente col conceyal de cultura d'Avilés, Román Antonio Álvarez, al rodiu dellos temes de la tercer ciudá más poblada d'Asturies como'l Centru Niemeyer, la Selmana de les Lletres, etc.

Moisés Noval, xerente de la empresa Reteyaores, que fai usu de la llingua asturiana nos sos documentos; cúntanos el porqué d'esta iniciativa y cómo ye recibía polos sos veceros.

Falamos del Máster de Profesoráu pa secundaria, bachilleratu y FP. El Máster va impartise nel cursu 2013-2014, n'horariu de tarde, incluyendo práctiques n'institutos nes mañanes del segundu semestre, en 2014. Ente los profesores de les asignatures de la especialidá d'asturianu tán Ramón d'Andrés y Xosé Antón González Riaño. Esti máster constitúi un requisitu pal accesu a la función docente nos niveles de secundaria obligatoria, bachilleratu y formación profesional. Asina, la realización d'esti Máster ye la vía única p'aportar a ser profesor de secundaria y de bachilleratu tantu en centros públicos como privaos.

Media docena d'editoriales asturianes van tener presencia na fiesta del llibru y la rosa de Sant Jordi, que va tomar les cais de Barcelona'l próximu martes, día 23. El sector editorial asturianu va tar representáu per primer vegada na cita llibrera más importante de Catalunya como resultáu d'un proyectu que punxeron en marcha'l Centru Asturianu de Barcelona y Ediciones Seronda. Falamos con Francisco Alvarez d'Ediciones Seronda

La Xunta Cultural Rebelgu fai posible les actividaes del X Mercáu Tradicional La Flor de L.lena, que se desen dolca los díes 6 y 7 d'abril nel barriu La Caleya. El sábadu entamó esta décima edición cola apertura del mercáu siguío por pasucais, un ciclu de teatru, el tradicional pregón, un alcuentru folcóricu, la mascarada "Os Reises", y a les 22:30 la Nuechi Folk, compuesta polos grupos llocales Spanta la Xente y La Col.lá Propinde, punteros nel panorama musical fechu n'Asturies.

La Xunta Cultural Rebelgu fai posible les actividaes del X Mercáu Tradicional La Flor de L.lena, que se desen dolca los díes 6 y 7 d'abril nel barriu La Caleya. El sábadu entamó esta décima edición cola apertura del mercáu siguío por pasucais, un ciclu de teatru, el tradicional pregón, un alcuentru folcóricu, la mascarada "Os Reises", y a les 22:30 la Nuechi Folk, compuesta polos grupos llocales Spanta la Xente y La Col.lá Propinde, punteros nel panorama musical fechu n'Asturies.

La Xunta Cultural Rebelgu fai posible les actividaes del X Mercáu Tradicional La Flor de L.lena, que se desendolca los díes 6 y 7 d'abril nel barriu La Caleya. El sábadu entamó esta décima edición cola apertura del mercáu siguío por pasucais, un ciclu de teatru, el tradicional pregón, un alcuentru folcóricu, la mascarada "Os Reises", y a les 22:30 la Nuechi Folk, compuesta polos grupos llocales Spanta la Xente y La Col.lá Propinde, punteros nel panorama musical fechu n'Asturies.

Siguimos n’Iniciativa pol Asturianu nes Ondes y préstanos abondu charrar fonderamente colos dos convidaos que tan equí con nós güei. Ellos son Flavia y Vérval, miembros del grupu música Xera.

Siguimos n’Iniciativa pol Asturianu nes Ondes y vamos dir pa la fastera occidental d’Asturies pa falar de música. A cuenta d’ello, como ye vezu nel nuesu programa, vamos facer usu de la llingua de la zona que nun ye otra que l’eonaviego a fala. El grupo de música Os Folkgazais estrenou fai pouco el suo novo disco col título de “Haiga”. Pra falar d’él, estamos a través da línea telefónica cun dos suos componentes que non é outro que Abel Pérez l’acordionista d’este grupo.

Siguimos con más convidaos nel nuesu programa y vamos falar de l’asturianu nes escueles. L’Asamblea de Docentes d’Asturianu aconceyóse cola conseyera d’Educación, Cultura y Deporte, Ana González, y p’aldericar d’esti asuntu, tan con nós: Emma Rodríguez García y Faustino Zapico de l’Asamblea de Docentes d’Asturianu

L’asociación Iniciativa pol Asturianu sigue aconceyándose con estremaes personalides nel mundu la política p’algamar compromisos de la so parte pa cola nuesa llingua. Esta vegada foi na Delegación del Gobiernu n’Asturies onde Inaciu Galán, el presidente, y Vítor Suárez, el vicepresidente de l’asociación tuvieron al rodiu dos hores col xefe de Gabinete de la Delegación, Alberto Mortera. Pa cuntanos tolos detalles de la mesma ta con nós al traviés de la llínea telefónica, Vítor Suárez, vicepresidente d’Iniciativa pol Asturianu.

Charramos, faciendo usu de la nuesa llingua, col percélebre ciclista Samuel Sánchez qu’amosó’l so sofitu a la oficialidá del asturianu. El conceyu Noreña pon una montonera pilancos pal usu del nuesu idioma nel trabayu alministrativu de los conceyales. Inaciu Iglesias de Foro Asturies y Pablo Pérez Fonseca de Conceyu Abiertu ufriéronnos la so opinión al rodiu esti llaceriante asuntu. Pablo Canal de l'asociación "El Cencerru" de Valdesoto nel conceyu Siero desplícónos la tradición de "Los Sidros y Les Comedies". Denis Soria, miembru de la direutiva d'Iniciativa pol Asturianu, denunció nel nuesu programa'l documentu remitíu a los/es trabayadores de la RTPA (Radio televisión Pública d'Asturies) onde se camienta a los mesmos a nun usar l'asturianu o facelo de xeitu llaceriante. Rafael Rodríguez Valdés del Serviciu de Normalización Llinguística del conceyu Corvera falónos del nuevu cursu d’asturianu qu’entamen esti mes. Podréis sentir asinamesmu una valoración de l'asociación Iniciativa pol Asturianu del so aconceyamientu con diputaes y diputaos asturianos nel Congresu en Madrid na voz del so presidente Inaciu Galán. Pa rematar, deprenderemos como cá día un poquiñín d’asturianu cola nuesa mayestra Ana María Suárez.

Siguimos n’Iniciativa pol Asturianu con más convidaos y vamos dir agora pal conceyu Corvera nel centru’l país. Dende esta selmana y fasta’l 13 de marzu, ábrese’l plazu pa inscribise nel "Cursu Básicu de Llingua Asturiana" que, igual que n’ediciones anteriores, quier ser un mecanismu de deprendimientu de les normes básiques d’escritura del idioma, pero tamién una manera d’averase a dellos aspeutos de la cultura asturiana. El cursu, que ye de baldre, va ser impartíu pol técnicu responsable del Serviciu de Normalización Llingüística de Corvera, esti nun ye otru que Rafael Rodríguez Valdés que mos atiende al traviés de la llínia telefónica.

Siguimos n’Iniciativa pol Asturianu nes ondes charrando con más convidaos n’estremaes estayes na nuesa sociedá. Agora ye’l tiempu pa falar de ciclismu y préstanos a esgaya falar con ún de los nuesos ciclistes más célebres. Esti nun ye otru qu’el perconocíu Samuel Sánchez.

Denis Soria, miembru de la direutiva d'Iniciativa pol Asturianu, denuncia nel nuesu programa'l documentu remitíu a los/es trabayadores de la RTPA (Radio televesión Pública d'Asturies) onde se camienta a los mesmos a nun usar l'asturianu o facelo de xeitu llaceriante

Cachu de la entrevista que tuvimos con percélebre ciclista Samuel Sánchez nel nuesu programa onde amuesa'l so sofitu pa cola llingua asturiana

Siguimos n’Iniciativa pol Asturianu nes Ondes y retornamos a falar al rodiu los pilancos que tan teniendo dalgunos conceyales nel ayuntamientu Noreña pal usu de la nuesu llingua nel so trabayu. Nesti casu atiéndenos al traviés de la llínia telefónica, Pablo Pérez Fonseca, conceyal de l’agrupación política Conceyu Abiertu por Noreña.

El conceyu Noreña ta poniendo día tres día pilancos pal usu normal del asturianu nos trámites alministrativos de dellos conceyales nesta corporación municipal. Aldericamos d’esti asuntu con Inaciu Iglesias, conceyal de Foro Asturies nesti ayuntamientu asturianu......

Otru convidáu avérase a esti programa radiofónicu y nesti casu vamos falar de la recuperación de la tradición de Los Sidros y Les Comedies pola asociación “El Cencerru” de la parroquia Valdesoto nel conceyu Siero. Pa facelo, vamos dir fasta ellí y charrar fonderamente d’esti asuntu al traviés de la llínia telefónica con Pablo Canal Rodríguez, miembru d’esta asociación.

Siguimos n’Iniciativa pol Asturianu nes Ondes y vamos contautar col presidente de l’asociación, Inaciu Galán, p’afondar en dellos aconceyamientos y actividaes que surdieron al rodiu Iniciativa nes caberes feches. Tenésmoslu con nós al traviés de la llínia telefónica.

El grupu de teatru Padre Coll y la banda Duerna iguaron ‘Antroxando’, un espectáculu humorísticu-músical pa toles edaes. Delles formaciones collaboraron como los alumnos de la escuela de música de la Asociación d’Etnografía y Folclor Reija de Llangréu, el coru de l’Agrupación Artístico Cultural Padre Coll y la Banda Gaites Conceyu de Llangréu. Falamos col so direutor, el mayestru gaiteru Pablo Carrera

Charramos col músicu Ricardo Saavedra del grupu del occidente asturianu Bacotexo. Tuvimos presentes na presentación del llibru “La Chelita-El Salvador 1992” del dibuxante Ruma Barbero que mos faló del mesmu. Fernando Valle Roso ufrió’l so primer conciertu p’amosar al públicu’l so nuevu trabayu “Camín d’ayures”. El propiu cantante atendiónos al rematar y cuntónos delles cosuques al rodiu esti discu. L’asignatura d’asturianu nes escueles pue desainiciase por cuenta de la nueva llei d’educación del ministru Wert. María Díaz, vocal d’enseñu d’Iniciativa desplicónos tolos detalles d’esti llaceriante asuntu. Una nena d’orixe rumano de diez años vien d’algamar el segundu puestu nun concursu de cuentos n’asturianu. Falamos cola so mayestra. Podréis sentir asinamesmu una valoración de l'asociación Iniciativa pol Asturianu a la negativa del estáu pa poner los cartelos de les carreteres n'asturianu na voz del so presidente Inaciu Galán, que tamién mos cuntará'l so nuevu trabayu de terminoloxía n'asturianu al rodiu'l turismu. Pa rematar, deprenderemos como cá día un poquiñín d’asturianu cola nuesa mayestra Ana María Suárez.

Vamos falavos agora n’Iniciativa pol Asturianu nes ondes dalgu qu’amuesa cómo la nuesa llingua propia pue estudiase con ciñu y usase pa cualesquier estaya de la nuesa vida anque ún nun seya asturianu o asturiana de nacencia. Una escolina d’orixe rumanu nomada Livia ta acabantes d’algamar el segundu llugar nel décimucuartu Certame de Cuentos «Valle del Ese-Entrecabos» con «Una historia naviesca» escrita n’asturianu. Esta nena que tien diez años ta estudiando nel colexu Asturamérica de la villa Cuideiru. La so mayestra ye Ana María Súarez que mos atiende al traviés de la llínia telefónica.

Tamos con Ruma Barbero, qu’amás de dibuxante, ye músicu del grupu asturianu Felpeyu; pa falar d’esti so primer llabor que ye la novela gráfica porque ta presentando per toa Asturies el so caberu trabayu: “La Chelita, El Salvador 1992”.

Tamos col cantante Fernando Valle Roso acabante de la so actuación nel Teatru Filarmónica d’Uviéu pa presentar el so primer discu en solitariu, ‘Camín d’Ayures’.

La mayestra d’asturianu y vocal d’enseñu d’Iniciativa pol Asturianu, María Díaz Suárez, participó na xunta de docentes d’asturianu convocada pol sindicatu del enseñu SUATEA por mor del procesu d’aprebación de la nomada Llei Wert que dexaría al asturianu fuera del sistema educativu. Pa charrar d’esti asuntu perimportante, tamos en contautu al traviés de la llínia telefónica cola propia María Díaz.

Agora n’Iniciativa pol Asturianu nes Ondes vamos dir pal occidente d’Asturies y como facemos siempres vamos usar la llingua d’esa fastera del país que nun ye otra que l’eonaviegu o fala. Homes invisibles é el título del segundo disco del grupo música Bacotexo y pra falar d’él, tamos en contacto al través da línea telefónica con Ricardo Saavedra, baxo y coros d’esta formación musical asturiana.

N'Iniciativa pol Asturianu nes Ondes vamos afondar agora en delles custiones col presidente de la organización, Inaciu Galán, que ta al otru llau de la llínea telefónica....

Iniciativa pol Asturianu sigue faciendo por meyorar la so comunicación y ta iguando un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA. A lo llargo de los al rodiu sesenta minutos que dura la emisión, hai tiempu pa conocer les noticies del movimientu de reivindicación llingüística, entrevistes, música y hasta un pequeñu requexu pa deprender asturianu.

Agora n’Iniciativa pol Asturianu nes Ondes ye tiempu pa falar de llibros fechos na nuesa llingua. Presentóse apocayá un nuevu trabayu col nomatu “Un país llamáu Dixebra”. Al traviés de les lletres y los discos, les vivencies y les semeyes, esti llibru percuerre'l cuartu sieglu de vida de esta banda avilesina que pasa por ser la más xenuina, llonxeva ya influyente del rock fechu n’asturianu. L’autor del mesmu ye Francisco Álvarez col que tamos en contautu al traviés de la llínea telefónica....

Siguimos n’Iniciativa pol Asturianu nes Ondes con más convidaos y vamos colar pa la villa l’adelantáu, Avilés. Ellí, la estaya de la llingua d’esta ciudá desendolca delles campañes pa esparder la conocencia del nuesu idioma. P’afondar nes mesmes, tamos en contautu al traviés de la llínea telefónica con Montse Machicado, responsable de la Estaya de la llingua asturiana nel conceyu Avilés.

Tolos llunes de 18.00 a 18.30 en Radio Parpayuela de Mieres-94.0 FM- dende'l 14 xineru emítese Iniciativa pol Asturianu nes Ondes

A páxina web: http://www.quefemos.com/ é una referencia pa saber todo tipo d’actividaes nesta zona d’Asturias. Son tres as personas que tan trabayando na misma y pa afondar nello, tamos en contacto a través da línea telefónica con ua de ellas. É Diana Alba Fernández...

Iniciativa pol Asturianu sigue faciendo por meyorar la so comunicación y ta iguando un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA. A lo llargo de los al rodiu sesenta minutos que dura la emisión, hai tiempu pa conocer les noticies del movimientu de reivindicación llingüística, entrevistes, música y hasta un pequeñu requexu pa deprender asturianu.

Falamos fonderamente del llabor que fai'l secretaríu d'Iniciativa pol Asturianu, Rubén Llames, dientro la organización.

Iniciativa pol Asturianu organizó la presentación de "Se lo dije a la noche / Díxi-ylo a la nueche" en Xixón. Un llibru-dvd del escritor castellanu Juan Carlos García Hoyuelos, con poemes tornaos a toles llingües de la Península. Nel actu participaron escritores y artistes asturianos y lleoneses, cuntando tamién cola actuación de la cantante de tonada Anabel Santiago.

Xurde ñaz en Roces nel conceyu Xixón, foi miembru d'asociaciones y entidaes culturales yá pel añu mil nuevecientos noventa. Denpués de los sos trabayos, artículos y collaboraciones nos medios de comunicación n’asturianu, incorpórase nel añu mil nuevecientos noventa y cinco al programa 'Hoy por Hoy' de Cadena Ser Xixón dedicáu a temes asturianos. Nel mil nuevecientos noventa y siete entama les sos collaboraciones na televisón llocal de Xixón y nel 98 ye popular pol so programa 'Caminos y Rondas'. Nel añu 2008 incorpórase a Canal 10 tv. d'El Comercio y el so programa L'Andariegu percuerre tola xeografia asturiana y parte de la Europea. Ye autor de dellos llibros y recibió estremaos galardones pol so trabayu asturianista y divulgativu.

Inaciu Galán y Denis Soria, miembros de la xunta direutiva d'Iniciativa pol Asturianu, aconceyaron con Teresa Sanjurjo, direutora de la Fundación Príncipe d'Asturies, nel llar de la institución organizadora de los Premios col mesmu nome, n'Uviéu. Nesta xuntanza, primer contautu ente dambes organizaciones, falóse de la situación sociollingüística d'Asturies, faciendo los representantes d'Iniciativa pol Asturianu delles propuestes concretes coles que la organización camienta que "la Fundación podría facer muncho pola normalización de la llingua asturiana y pol ameyoramientu del so prestixu social".

Iniciativa pol Asturianu sigue faciendo por meyorar la so comunicación y ta iguando un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA. A lo llargo de los al rodiu sesenta minutos que dura la emisión, hai tiempu pa conocer les noticies del movimientu de reivindicación llingüística, entrevistes, música y hasta un pequeñu requexu pa deprender asturianu.

A lo llargo d’esti mes de payares tolos domingos pela mañana na Casa La Cultura d’Avilés cellébrase’l certame que tien el nomatu “Al son d’Avilés”. Al cargu de la programación y coordinación d’esta amuesa de canción asturiana ta la perconocía Anabel Santiago, una de les voces más destacaes nesta disciplina n’Asturies.

Cathi McGill ñacía nel País de Gales; foi productora na BBC per 28 años, de 1975 a 2003, añu nel que se retiró. Agora, ella y el so maríu pasen delles temporaes a lo llargo l’añu nuna casina que tienen en Cuerres (Ribeseya) dende fai 10 años, onde ella dedícase a escribir, ente otres coses, una blogue "asturiasyngymraeg.wordpress.com" en llingua galesa nel que fala d'Asturies y de temática d'actualidá, tanto a nivel asturianu como estatal.

El perconocíu Centru d’Arte Rupestre Tito Bustillo asitiáu en Ribeseya entama visites guiaes a la so esposición permanente nos idiomes inglés, francés y n’asturianu nestos vinientes meses de payares y avientu. Azucena Bernardo ye la encargada de les visites guiaes n’asturianu.

Nesta charra tan prestosa l'actriz asturiana y la so pareya l'actor d'orixe inglés fálennos de les sos opiniones al rodiu l'asturianu ya el so papel como persones célebres nel espoxigamientu del so prestixiu y l'espardimientu de la so conocencia.

Inaciu Galán y Vítor Suárez, miembros de la dirección d’Iniciativa pol Asturianu aconceyaron esti llunes 29 d’ochobre cola diputada de Foru Asturies, Carmen Sela Fernández, en sede parllamentaria. El conceyu celebráu n’Uviéu xiró alredor de l’actualidá del idioma y nél la organización fizo delles propuestes a esta formación política. Asinamesmu esti miércoles 31 aconceyaron tamién, siguiendo cola so rolda de contautos con les fuercies polítiques asturianes, col senador d’Izquierda Xunida d’Asturies: Jesús Iglesias. Vamos comprobar cómo foron estos alcuentros, charrando al traviés de la llínea telefónica con Inaciu Galán, Presidente d’Iniciativa pol Asturianu.

Iniciativa pol Asturianu sigue faciendo por meyorar la so comunicación y pon en marcha una nueva iniciativa, un programa radiofónicu mensual que va dar anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA. A lo llargo de los alredor de sesenta minutos que va durar la emisión va haber tiempu pa conocer les noticies del movimientu de reivindicación llingüística, entrevistes, música y hasta un pequeñu espaciu pa deprender asturianu.