O caso de Gustavo Gallego

A xuiza négase en redondo a colaborar en calquera tipo de irregularidade. O policía Filgueira desvela algunhas das súas actividades “irregulares”.

“O empresario Pedro Souto recibiunos no seu restaurante ás nove e media en punto da noite e acomodounos nun reservado especialmente preparado para catro persoas, dende o que que resultaba imposíbel que nos visen os outros comensais” afirma o inspector Sánchez Pereiro antes de empezar a debullar os detalles do crime acaecido na praia do Matadoiro na Coruña en plena noite de San Xoan.

O inspector Sánchez Pereiro concerta unha cea no restaurante do hotel Tryp Maria Pita. Cita ao empresario Pedro Souto, a Ricardo Gallego e ao comisario Xosé Laxe. Quere desvelarlles as vicisitudes dos tres casos, aínda pendentes de resolución oficial, e explicarlles tamén o tipo de relación que gardan entre eles.

O inspector Sánchez Pereiro, despois de varios días de investigación, pensa que tan só necesita oír a versión de Gustavo Gallego para esclarecer por completo o caso do dobre crime acaecido na praia coruñesa do Matadoiro en plena noite de San Xoán. E axiña descobre que ese testemuño servirá tamén para resolver a desaparición, nesa mesma data fatídica, de Felipe, o encargado dun prostíbulo da Coruña.

Gustavo Gallego recuperase na capital da fase maníaca do trastorno mental que padece. Mentres tanto, Filgueira, un antigo compañeiro de Sánchez, que complementa o seu traballo policial con actividades de dubidosa legalidade, ofrecelle un posto na súa organización. Despois intenta chantaxear a unha xuiza.

Coas voces de Víctor Fernández como o inspector Sanchez Pereiro, Beni Suárez como o axente Márquez da Coruña e o Inspector Filgueira de Madrid. Mari Carmen García como Cristina Fandiño, Avelino García como Comisario Laxe e como Gustavo Gallego, María Cordal como María Silveira, Pablo Mariño como o Doutor Campiño e como Pedro Souto, Margarita Couce como Clara e Mari Carmen Varela como Lucía. E coa colaboración especial de Antonio Tizón (proxeneta portugués) Henrique Sanfiz (narrador) e Eugenia Sanmartín (prostituta na rúa Montera de Madrid)

Gustavo Gallego convértese nun perigo potencial debido á inmersión incontrolada na fase maníaca do trastorno bipolar que padece. Viaxou a Madrid disposto a saldar contas con non se sabe quen. Capítulo sexto da serie "O caso de Gustavo Gallego" adaptado por Antonio Tizón e dirixido por Eugenia Sanmartín.

O inspector Sánchez Pereiro investiga a aparición de dous cadáveres calcinados na praia do Matadoiro en plena noite de San Xoán, un dobre crime no que semella estar implicado Gustavo Gallego, un curmán do comisario, que encomenda ao inspector a busca do seu familiar desaparecido, un enfermo mental que dá toda a impresión de fuxir desesperadamente de algo. Axiña descobre que o fuxitivo, convertido nun perigo potencial debido á inmersión incontrolada na fase maníaca do trastorno bipolar que padece, viaxou a Madrid disposto a saldar contas con non se sabe quen. Pero o policía tan só toma conciencia da situación de risco que debe afrontar cando comproba que o curmán do comisario, tras apenas vinte e catro horas de estancia na capital, xa aparece implicado no asasinato de Fernández-Santos, un antigo profesor da facultade, e no suicidio de Roberto Domínguez, un vello compañeiro de pensión co que tamén compartiu experiencias, aínda non desveladas, case vinte anos atrás. E Sánchez Pereiro non só ve fundadas esas sospeitas senón que, co instinto policial que o caracteriza, intúe que outras vítimas poden incorporarse en calquera momento á lista macabra dos catro cadáveres atopados ata entón.

O inspector Sánchez Pereiro axiña descobre que Gustavo Gallego padece unha enfermidade mental. Os psiquiatras non se poñen de acordo acerca do diagnóstico, do tratamento nin do seu carácter perigoso. Coa axuda de Cristina Fandiño, a única persoa coa que contacta o fuxitivo, que lle entrega unha foto e unha media novela escrita polo seu amigo, onde se narran as súas vivencias durante a chamada Transición, Sánchez Pereiro segue os seus pasos por Santiago e Ourense

investigacións policiais continuan. A serie conta con guión adaptado por Antonio Tizón a partir da súa novela “A antesala luminosa”. Actores e actrices do grupo de teatro A Tenencia de Caamouco puxeron as voces, baixo a dirección de Eugenia Sanmartín e coa dirección de son de Xabier Fernández.

No capítulo primeiro o inspector Xosé Sánchez Pereiro investiga a identidade de dous cadáveres calcinados que aparecen nos arredores na praia coruñesa do Matadoiro en plena madrugada de San Xoán do ano 2000. Axiña descobre que un deles pode ser Gustavo Gallego, un curmán do comisario, que encomenda ao inspector a busca do seu familiar desaparecido. Cando comproba que está vivo, reconsidera por completo a súa investigación mentres vai lendo unha media novela escrita polo fuxitivo, que lle entregou a súa amiga Cristina Fandiño, onde se narran as vivencias de Gustavo durante a chamada Transición e onde Sánchez Pereiro aspira a atopar as claves que expliquen a verdadeira personalidade de Gustavo Gallego. Conta con guión adaptado por Antonio Tizón a partir da súa novela “A antesala luminosa”. Actores e actrices do grupo de teatro A Tenencia de Caamouco puxeron as voces, baixo a dirección de Eugenia Sanmartín e coa dirección de son de Xabier Fernández.

O inspector Xosé Sánchez Pereiro investiga a identidade de dous cadáveres calcinados que aparecen nos arredores da praia coruñesa do Matadoiro en plena madrugada de San Xoán do ano 2000. Ese é o comezo do argumento da radionovela ou podcast que Radio Fene Radiofusión comeza a emitir o vindeiro luns. Serán 12 capítulos que se emitirán todos os dias ás dez da mañá e as sete e media da tarde. Contan con guión adaptado por Antonio Tizón a partir da súa novela “A antesala luminosa”. Tizón falou así da obra que tamén aborda a problemática da enfermidade mental. Actores e actrices do grupo de teatro A Tenencia de Caamouco puxeron as voces, baixo a dirección de Eugenia Sanmartín e coa dirección de son de Xabier Fernández. O podcast poderá oírse tamén na web www.radiofusion.gal Sánchez Pereiro inicia a investigación contactando cos principais membros da cuadrilla dos que el cre xa posíbeis cadáveres. E contacta primeiro con Cristina Fandiño, que lle entrega unha media novela autobiográfica, escrita por Gustavo, que o policía comeza a ler polo capítulo 2, porque o libro tan só ten capítulos pares.