Skattaspjallið

Sveitarstjórnarkosningar eru fram undan en víðast hvar eru skattstofnar keyrðir í botni. Hvergi þó eins og í stærsta sveitarfélaginu, sjálfri höfuðborginni. Kjartan Magnússon hefur áratugareynslu af setu í borgarstjórn Reykjavíkur og þekkir vel sögu skattahækkana og útþenslu borgarbáknsins. Hann er gestur Skattaspjallsins í dag. Eiga skattgreiðendur einhverja möguleika þegar kjörnir stjórnmálamenn og embættismenn snúa bökum saman um að stækka báknið? Líklega ekki, en Kjartan rekur þessa sögu í Reykjavík og fer yfir nokkur dæmi um hvernig löggjafinn hefur sett af stað ferli sem skilar sér í gríðarlegum hækkunum til borgaranna. Er þetta sjálfvirkt ferli kostnaðar- og skattahækkana eða er þetta samsæri gegn skattgreiðendum?Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠[email protected]

Í dag renna um 53 prósent allra ríkisútgjalda til velferðarmála, svo sem örorku- og atvinnuleysisbóta, málefna fjölskyldna og aldraðra, auk heilbrigðisþjónustu, en þetta hlutfall var um 46 prósent í upphafi aldarinnar. Slík útgjöld eru líkleg til að vaxa hratt á næstu árum vegna öldrunar þjóðarinnar sem og vegna aukinnar þátttöku íbúa af erlendum uppruna í hinum ýmsu bótaflokkum velferðarkerfisins. Þessi þróun getur teflt fjárhagslegri sjálfbærni íslenska velferðarkerfisins í tvísýnu. Hver eru áhrif íbúa af erlendum uppruna á kostnað íslenska velferðarkerfisins?Til að ræða þetta kemur dr. Kristinn Sv. Helgason, sérfræðingur í opinberri stefnumótun og fyrrverandi starfsmaður Sameinuðu þjóðanna, í Skattaspjallið að þessu sinni. Kristinn hefur víðtæka reynslu eftir að hafa starfað víða um heim, lengst af við kostnaðargreiningar vegna þróunarmála. Hann hefur mikilvæga innsýn í hvert stefnir á Íslandi.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠[email protected]

Skattgreiðendur landsins hljóta stöðugt að spyrja sig hvar verkefni ríkisins eigi að vera og hvort réttlætanlegt sé að greiða niður starfsemi sem einkaaðilar geta sinnt, oft með það á vörum að það sé „skynsamlegt“ fyrirkomulag eða stutt „lýðheilsusjónarmiðum“. Það á sannarlega við um sölu ríkisins á áfengi í gegnum verslunarrekstur ÁTVR sem í dag rekur 53 smásöluverslanir með áfengi, allar með tapi. Gestur Skattaspjallsins að þessu sinni er ötull baráttumaður gegn ríkisrekstri og sóun fjármuna skattgreiðenda. Arnar Sigurðsson, eigandi og stofnandi vínbúðarinnar Sante, þekkir vel að eiga við einokunarstöðu ríkisins. Arnar ræðir þá baráttu sem sjálfstæðar vínbúðir standa í við hið opinbera en um leið ætlar hann að fara yfir dulda skattheimtu og sóun opinberra fjármuna. Arnar liggur ekki á skoðunum sínum og alltaf fræðandi að hlusta á hann.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠[email protected]

Samtök skattgreiðenda hafa sent Fjársýslunni og Fjármálaráðuneytinu erindi þar sem samtökin bjóðast til þess að taka að sér að birta öll opinber gögn um allar greiðslur hins opinbera, skattgreiðendum að kostnaðarlausu. Þetta gerist um leið og annað mælaborð Samtaka skattgreiðenda hefur verið birt, en að þessu sinni er um að ræða betrumbætt viðmót á opna reikninga ríkisins (opnirreikningar.is). Komið hefur í ljós að þrátt fyrir fögur fyrirheit er hinu opinbera ómögulegt að birta opinber gögn með aðgengilegum hætti – alltaf þarf að fela eitthvað fyrir skattgreiðendum. Í Skattaspjalli við þá Arnar Arinbjarnarson og Róbert Bragason, sérfræðinga Samtaka skattgreiðenda, er farið yfir þessa sögu.Samtök skattgreiðenda fá mikinn fjölda ábendinga um hvernig megi fara betur með opinbert fé og einnig berast upplýsingar um umdeilanlega gjörninga. Þannig var upplýst að ein og sama manneskjan hefur fengið styrk úr Þróunarsjóði innflytjendamála þrjú ár í röð um leið og viðkomandi hafi tilkynnt um framboð sitt í komandi borgarstjórnarkosningum. Það undarlega er að þessi verkefni lúta að því að auka kosningaþátttöku innflytjenda sem setur frambjóðandann í óheppilega stöðu.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠[email protected]

Hver heldur hagsmunum skattgreiðenda á lofti í sölum Alþingis þegar flestir flokkar styðja aukna útþenslu ríkisins og skattahækkanir? Fjárlagafrumvarpið var samþykkt með hvorki meiri né minni en 143 milljarða hækkun á fjárheimildum milli ára. Þetta jafngildir 9% hækkun en skattar eru hækkaðir um rúmlega 30 milljarða króna en ríkissjóður afgreiddur með 28 milljarða halla. Skattgreiðendur framtíðarinnar fá sinn reikning því skuldir aukast. Nanna Margrét Gunnlaugsdóttir settist inn á þing fyrir Miðflokkinn að loknum síðustu kosningum og hefur gert sig að eindregnum talsmanni hagræðingar og sparnaðar í ríkisrekstri. Í Skattaspjallinu í dag ræðir Nanna Margrét hvernig það er að berjast við allt að því sjálfvirka útgjaldaþörf ríkisins og hvernig það er að orða hagræðingu og einkaframtak sem lausn í sölum Alþingis. Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠[email protected]

Samspil almannatrygginga, lífeyrissjóða og annarra opinberra stuðningskerfa er flókið og verður í raun stöðugt flóknara. Yfirsýn er því lítil og um margt skortir heildstæða gagnasöfnun sem varð til þess að sérfræðingar Samtaka skattgreiðenda, þeir Arnar Arinbjarnarson og Róbert Bragason hafa tekið saman mikið yfirlit um það hvort að Íslendingar hafi yfirhöfuð efni á að vera á vinnumarkaði? Niðurstaða þeirra er að það skorti fullkomlega á yfirsýn og að endurskoða þurfi bótakerfin frá grunni, án aðkomu stofnana og sérfræðingastétta sem staðið hafa fyrir hönnun núverandi kerfis. Þá kemur í ljós að kjör öryrkja eru mjög ólík eftir kyni og fjölskyldugerð. Öll umræða um kjör öryrkja sem ekki tekur tillit til fjölskyldubóta missir því marks.Sláandi niðurstöður úr kerfinu sýna að til að ná sömu ráðstöfunartekjum eftir húsnæðiskostnað og einstæð þriggja barna móðir á örorku þarf þriggja barna einstæð móðir á vinnumarkaði að hafa um 1,4 milljónir á mánuði í heildartekjur. Gríðarlegur fjárhagslegur hvati er því fyrir foreldra barna að komast á örorku en þó sérstaklega fyrir einstæðar mæður.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠[email protected]

Tekjur af sköttum tengdum loftslagsmálum aukast jafnt og þétt, bæði hér á landi og í Evrópusambandinu. Í haust fékk þingmaðurinn Karl Gauti Hjaltason svar við fyrirspurn þar sem hann spurði um þá fjármuni sem veitt er til loftslagsmála árlega. Svarið sem Karl Gauti fékk var á margan hátt ófullnægjandi en þó eru ýmsar tölur þar sláandi. Upplýst var að á tímabilinu 2017 til 2024 hefðu runnið 144 milljarðar króna til loftslagsmála eða rúmlega 20 milljarðar á ári. Um leið var sagt að áætlanir gerðu ráð fyrir að á næstu fimm árum verði enn gefið í og upphæðin verði rúmlega 113 milljarðar. En í hvað fara peningarnir? Um það er heldur fátt um svör. Karl Gauti kemur í Skattaspjallið og ræðir flæði lofts og peninga.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠[email protected]

Miklar breytingar hafa orðið á velferðarkerfinu á undanförnum áratug en nú er svo komið að fjórða hver kona á vinnualdri þiggur örorkubætur. Róbert Bragason, sérfræðingur hjá Samtökum skattgreiðenda, kemur í Skattaspjallið til að rýna í tölur úr velferðarkerfinu og við ræðum hvernig breytingar á samfélaginu birtast í gegnum útgjöld þar. Nýjar upplýsingar sýna að hlutfall Íslendinga af báðum kynjum á vinnualdri sem fær endurhæfingar- eða örorkulífeyri hækkar úr 13% árið 2012 í 18% árið 2025. Þar munar um mest að hlutfall kvenna á vinnualdri, sem fær endurhæfingar- eða örorkulífeyri, fer úr 17% í 23% á sama tímabili og hlutfall karla úr 10% í 13%.Þá hefur fjöldi einstaklinga með erlendan bakgrunn sem fá endurhæfingar- eða örorkulífeyri sexfaldast frá árinu 2012 en sé litið til kvenna eingöngu hefur fjöldinn sextánfaldast á sama tíma. Þessar tölur vekja athygli en ekki síður sú staðreynd að framkvæmdavaldið veitir ekki upplýsingar um barnalífeyrisgreiðslur í nýlegu svari til þingmanns. Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠styrkja samtökin hérna⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠[email protected]

Stjórnendur í atvinnulífinu fá gjarnan glaðning frá skattayfirvöldum um áramót þegar skattar og gjöld hækka og nýr veruleiki blasir við. Hermann Guðmundsson, forstjóri og stofnandi verslunarfyrirtækisins Kemi, er einn harðasti talsmaður einkaframtaksins hér á landi. Hann er gestur Skattaspjallsins í dag og ræðir aukna skattheimtu, vaxandi ríkisumsvif og þverrandi mátt í atvinnulífinu. Hermann telur að það séu miklar áskoranir framundan fyrir viðskiptalífið og kallar eftir því að ríkisstjórnin sýni að henni sé alvara þegar kemur að hagræðingu og sparnaði í ríkisrekstri. Hermann segir það áhyggjuefni hve umsvif hins opinbera aukist nánast sjálfkrafa og að ekki sé hugað nægilega að öðrum lausnum þegar kemur að verkefnum ríkisins, svo sem einkarekstri.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠styrkja samtökin hérna⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠[email protected]

Skattgreiðendur fengu sannarlega kartöflu í skóinn þegar fjárlagafrumvarpið var samþykkt með hvorki meiri né minni en 143 milljarða hækkun á fjárheimildum milli ára. Þetta jafngildir 9% hækkun en skattar eru hækkaðir um rúmlega 30 milljarða króna og ríkissjóður afgreiddur með 28 milljarða halla. Skattgreiðendur framtíðarinnar fá sinn reikning því skuldir aukast um 82 milljarða á næsta ári. Því má spyrja hvort barátta Samtaka skattgreiðenda sé til einhvers? Til að ræða það kemur Skafti Harðarson, formaður Samtaka skattgreiðenda, í Skattapjallið nú þegar jólin eru að koma. Skafti segist oft vera spurður að því hvort baráttan fyrir lækkun skatta og minni ríkisumsvifum sé ekki harla tilgangslítil. Hann bendir á að hugsanlega væri ástandið enn verra ef ekki væri fyrir baráttu þeirra sem þó reyna að andæfa sjálfvirkri aukningu ríkisútgjalda. Í spjalli við Sigurð Má Jónsson fer Skafti yfir það sem hefur gerst hjá Samtökum skattgreiðenda sem hafa eflst mjög undanfarið. Um leið bendir hann á að mikil vinna sé framundan í aðdraganda sveitarstjórnarkosninga. Það er því mikilvægt að hlusta á jólaguðspjall skattgreiðenda.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠styrkja samtökin hérna⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠[email protected]

Grænir skattar hafa aukist jafnt og þétt undanfarin ár og skattheimta undir merkjum loftslagsmála hvílir þungt á einstaklingum og atvinnulífinu. Um leið rísa stofnanir og félagasamtök verða til sem taka við þessum fjármunum, oft undir heldur óljósum formerkjum. Frosti Sigurjónsson rekstrarhagfræðingur hefur gefið út bókina Hitamál sem hefur vakið mikla athygli. Hann er gestur Skattspjallsins í dag og fer yfir þá skattheimtu sem fer fram undir merkjum loftslagsmála og hvernig óviss vísindi eru látin styðja við aukna skattheimtu. Loftslagshópur Samtaka skattgreiðenda heldur því áfram að spyrja gagnrýnna spurninga. Þegar spurt er um kostnað vegna loftslagsaðgerða koma almenn og ógreinileg svör en verkefnisstjórn loftslagsaðgerða á að skila framvinduskýrslu árlega en hefur sleppt því árin 2023 og 2024. Síðasta skýrsla verkefnisstjórnarinnar kom út árið 2022. Frosti fer yfir þetta allt saman í þættinum.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠styrkja samtökin hérna⁠⁠⁠ eða senda okkur póst til að fá nánari kynningu á starfseminni á ⁠⁠⁠[email protected]

Hvað kosta loftslagsskattar og -gjöld skattgreiðendur landsins? Það er eins og enginn viti það almennilega og þegar fyrirspurnum er beint að ríkinu verður fátt um svör. Til að ræða þetta koma þeir Róbert Bragason og Arnar Arinbjarnarson, sérfræðingar Samtaka skattgreiðenda, í settið. Ætlunin er að setja á stofn loftslagshóp Samtaka skattgreiðenda og því beina þeir til þeirra hlustenda sem hafa áhuga á eða þekkingu á loftslagsmálum að vera í hópi á vegum samtakanna um loftslagsmál sem stefnt er á að hittist reglulega. Þegar spurt er um kostnað vegna loftslagsaðgerða koma almenn og ógreinileg svör en verkefnisstjórn loftslagsaðgerða á að skila framvinduskýrslu árlega en hefur sleppt því árin 2023 og 2024. Síðasta skýrsla verkefnisstjórnarinnar kom út árið 2022. Komið hefur í ljós að á annan tug barna sem komið hafa til landsins á grundvelli fjölskyldusameiningar eru eða hafi verið í forsjá yfirvalda eftir að í ljós kom að börnin hafi engin blóðtengsl við þá einstaklinga sem þau eru hér að sameinast. Ótrúlegt mál en Samtök skattgreiðenda eru með útistandandi fyrirspurnir og gagnabeiðnir frá því í sumar vegna þessara útgjalda sem Barna og fjölskyldustofa hefur ekki svarað enn þrátt fyrir ítrekanir.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠styrkja samtökin hérna⁠⁠ eða senda okkur póst til að fá nánari kynningu á starfseminni á ⁠⁠[email protected]

Hver eru mörk ríkisútgjalda og hvað eiga einstaklingar að fá að halda eftir af sjálfsaflafé sínu. Þegar einhver andhæfir gegn útgjöldum hins opinbera er sá hinn sami gjarnan spurður hvort hann vilji ekki mennta börnin, lækna sjúka eða sinna öldruðum. Því er þá gjarnan bætt við að menn eigi ekki að láta peningana taka völdin þegar aðrir eru að reyna að byggja upp manneskjulegt samfélag. Oftast er það þó þannig að þeir sem mest tala um mennsku og manneskjulegt samfélag eru þeir sem vilja stunda mesta tilfærslu fjármuna í samfélaginu og þá auðvitað hafa sjálfa sig í miðju þessu millifærslukerfi. Þegar við ræðum stærð og umfang hins opinbera erum við oft að ræða heimspekilegar spurningar og fáir eru betri til að svara því en  Hannes Hólmsteinn Gissurarson, prófessor emeritus í stjórnmálafræði við Háskóla Íslands og virkur þátttakandi í stjórnmálaumræðum á Íslandi um langt árabil. Hannes er kunnur að eindregnum stuðningi við frjálshyggju og hefur manna mest lagt sig eftir því að ræða hlutverk ríkisvaldsins og stærð þess. Hannes er gestur Skattaspjallsins í dag.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠styrkja samtökin hérna⁠ eða senda okkur póst til að fá nánari kynningu á starfseminni á ⁠[email protected]

Enn á ný ræðum við hvað skattgreiðendur fá fyrir peninginn! Nýlega skall á íbúa höfuðborgarsvæðisins mikill snjóstormur og til að umferðin gangi áfallalaust fyrir sig þurfti að ryðja götur og moka snjó. Getur verið að kostnaður við snjómokstur hafi margfaldast á föstu verðlagi hjá einstaka sveitarfélögum? Finnst fólki að það skili sér í betri þjónustu? Til að ræða þetta koma þeir Róbert Bragason og Arnar Arinbjarnarson, sérfræðingar Samtaka skattgreiðenda, í settið en þeir hafa safnað saman upplýsingum úr bókhaldi sveitarfélaganna sem dregur fram athyglisverða þróun í útgjöldum vegna snjómoksturs. Um leið eru Samtök skattgreiðenda að vinna að nýju mælaborði sem sýnir í hvað útsvarsgreiðslur skattgreiðenda fara. Gamla mælaborðið úr reikningum ríkisins er til umræðu en fljót leit þar dregur fram allan sannleikann um gríðarlega útgjaldaaukningu hjá umtalaðasta embætti landsins, embætti Ríkislögreglustjóra. Allt um það í þættinum.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að styrkja samtökin hérna eða senda okkur póst til að fá nánari kynningu á starfseminni á [email protected]

Er bíllinn þarfasti skattgreiðandinn? Það er erfitt að segja en Daði Már Kristófersson, fjármála- og efnahagsráðherra, skildi eftir 8 milljarða króna gat þegar fjárlögin voru kynnt sem að bílaeigendum er ætlað að brúa. Runólfur Ólafsson, framkvæmdastjóri Félags íslenskra bifreiðaeigenda, er gestur Skattspjallsins í dag en FÍB hefur gagnrýnt áform fjármálaráðherra harðlega og telur að sem fyrr sé verið að færa óeðlilegan kostnað yfir á bifreiðaeigendur. Runólfur segir að FÍB sé fylgjandi þeirri meginhugsun að bíleigendur greiði í samræmi við afnot af vegakerfinu, að teknu tilliti til loftslagsmarkmiða stjórnvalda. FÍB telur eðlilegt að gjaldið miðist við þyngd og koltvísýringsútlosun ökutækja sem endurspeglar slit á vegum og umhverfisáhrif. Vel undirbúið kílómetragjald sem tryggir jafnræði greiðenda er einföld og hagkvæm leið til þess en hann telur að framkvæmdin mótist því miður af ráðaleysislegri og óskilvirkri stjórnsýslu.Nánari upplýsingar eru á ⁠⁠⁠skattgreidendur.is⁠⁠⁠Hægt að er að fylgjast með starfi samtakanna og skrá sig á póstlista á skattgreidendur.is og með því að fylgja samtökunum á Facebook eða X.Samtökin reiða sig á frjáls framlög einstaklinga og fyrirtækja. Hægt er að styrkja starf samtakanna hér: skattgreidendur.is/styrkja

Umræða um útgjöld ríkisins til menningar og listar getur komið róti á marga eins og nýleg úttekt Samtaka skattgreiðenda á ritlaunum listamanna undanfarin 25 ár sýndi. Mikil umræða fór af stað um úttektina og sýndist sitt hverjum. Úttekt samtakanna var unnin upp úr opinberum gögnum frá Rannís og því var eingöngu um opinberar tölur að ræða. Af hverju kemur slík samantekt jafn illa við marga? Er ekki eðlilegt að fjalla um útgjöld sem þessi? Til að ræða þetta koma þeir Róbert Bragason og Arnar Arinbjarnarson, sérfræðingar Samtaka skattgreiðenda, í settið. Margir hafa fagnað úttektinni og hvatt til þess að samtökin haldi áfram að skoða útgjöld til menningar og lista með slíkum hætti. Þá verður farið yfir þær úttektir sem eru í gangi á vegum samtakanna en fjölmargar upplýsingafyrirspurnir eru nú til meðhöndlunar hjá hinu opinbera. Það verður spennandi að sjá hvaða svör sérfræðingar Samtaka skattgreiðenda fá.  Nánari upplýsingar eru á ⁠⁠skattgreidendur.is⁠⁠Hægt að er að fylgjast með starfi samtakanna og skrá sig á póstlista á skattgreidendur.is og með því að fylgja samtökunum á Facebook eða X.Samtökin reiða sig á frjáls framlög einstaklinga og fyrirtækja. Hægt er að styrkja starf samtakanna hér: skattgreidendur.is/styrkja

Hvert er hlutverk hins opinbera í hagkerfinu og hvernig hefur það þróast í gegnum tíðina? Til að ræða þetta kemur Ragnar Árnason, prófessor emeritus við Háskóla Íslands, í Skattaspjallið til Sigurðar Más Jónssonar. Ragnar ætti ekki að þurfa að kynna en hann hefur verið farsæll og virtur fræðimaður og áberandi álitsgjafi í þjóðfélagsumræðunni. Ragnar fer í spjallinu yfir hvaða áhrif umsvif hins opinbera hafa á frelsi fólks, heimila og einstaklinga og hvað fræðin segja um vaxandi ríkisumsvif í hagkerfum og þá sérstaklega á Íslandi. Einnig fer Ragnar yfir það hve afskaplega léleg skilvirkni hins opinbera er þegar kemur að ráðstöfun opinbers fjár. Hvað kostar það samfélagið? Þá fer hann yfir þróun í hlutdeild hins opinbera af vergri landsframleiðslu. Árið 1945 tók hið opinbera til sín 19% en á síðasta ári var hlutfallið komið upp í 47% af VLF. Hvaða áhrif hefur það og eru skattgreiðendur að fá allt fyrir peninginn?  Nánari upplýsingar eru á ⁠skattgreidendur.is⁠Hægt að er að fylgjast með starfi samtakanna og skrá sig á póstlista á skattgreidendur.is og með því að fylgja samtökunum á Facebook eða X.Samtökin reiða sig á frjáls framlög einstaklinga og fyrirtækja. Hægt er að styrkja starf samtakanna hér: skattgreidendur.is/styrkja

Fjárlagatíminn er hættulegur tími fyrir skattgreiðendur því þá birtast allir með óskalista sinn um útgjöld til fjármálaráðherra. Og þó svo að vildi til að hann stæði í lappirnar fær þingið leyfi til að bæta við útgjaldaliðum í takt við pólitískar óskir. Til að ræða fjárlagagerðina og hvaða hættur steðja nú að á haustmánuðum kemur Skafti Harðarson, formaður Samtaka skattgreiðenda, í Skattaspjallið til Sigurðar Más Jónssonar. Mun fjármálaráðherra standa í lappirnar eða munu útgjaldaráðherrarnir fá óskir sínar uppfylltar, það er spurningin? Fólk þyrstir í meiri stuðning kerfisins, segir Inga Sæland, félags- og húsnæðismálaráðherra, við Morgunblaðið í dag en flokkur hennar hefur eingöngu útgjöld fyrir ríkissjóð á sinni könnu. Hvernig á þetta að ganga upp núna þegar ríður á að ríkissjóður sé rekinn með ábyrgum hætti þar sem hagvöxtur er enginn og kostnaður hins opinbera eykst sjálfkrafa. Skattgreiðendur eru í viðkvæmri stöðu núna.Nánari upplýsingar eru á skattgreidendur.isHægt að er að fylgjast með starfi samtakanna og skrá sig á póstlista á skattgreidendur.is og með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Mikill kraftur hefur verið í starfsemi Samtaka skattgreiðenda að undanförnu og í þættinum ræðir Sigurður Már Jónsson við Arnar Arinbjarnarson frá Samtökunum um þau verkefni sem hafa verið unnin, tilfallandi gagnrýni og hvað er fram undan. Enn og aftur upplýsist hve ófullkomnar og ónógar upplýsingar skattgreiðendur landsins fá um hvernig fjármunum frá þeim er varið. Einnig kemur á óvart hve miklar villur og rangfærslur eru í umferð en greinendur Samtaka skattgreiðenda hafa verið uppteknir við að greiða úr slíku. Í þættinum er einnig farið yfir hinn mikla vöxt tekna RÚV af útvarpsgjaldi eftir að íbúum landsins tók að fjölga mikið, sannkallaður hvalrekaskattur Ríkisútvarpsins. Sérstaklega þegar þess er gætt að þessir nýju íbúar eiga flestir erfitt með að nýta sér þjónustuna sem þeir eru látnir greiða fyrir. Þá er farið yfir ósamræmi í fjölda starfsmanna í sendiráðum, væntanlega leigusamninga vegna hælisleitenda og atvinnuleysi eftir ríkisfangi. Sú umfjöllun sætti nokkurri gagnrýni sem er svarað í þættinum. Í lok spjallsins er svo farið yfir hluta þess sem er fram undan hjá samtökunum. Nánari upplýsingar eru á skattgreidendur.isHægt að er að fylgjast með starfi samtakana og skrá sig á póstlista á skattgreidendur.is og með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

„Skattalækkanir koma öllum til góða, allir eru nokkru bættari, en það er oft ekki mjög sýnilegt. Þegar nýjar opinberar stofnanir taka til starfa mæta fjölmiðlar á staðinn og taka myndir af dýrðinni, klippt er á borða og klingt í glösum. Þá er yfirleitt líka búið að gera því rækileg skil í fjölmiðlum þegar fyrsta skóflustungan var tekin. Enginn skálar í fjölmiðlum þegar skattar lækka; enginn klippti á borða þegar eignarskatturinn var klipptur af og enginn tók skóflustungu þegar erfðafjárskatturinn var kveðinn niður.Þess vegna er mikilvægt að við almennir borgarar höldum því á lofti sem vel er gert í skattamálum. “ Svona skrifaði Sigríður Andersen, þingmaður Miðflokksins, fyrir nokkrum árum en hún er gestur Skattaspjallsins í dag. Sigríður hefur verið ötull talsmaður skattgreiðenda og í ræðu og riti gagnrýnt útþenslu ríkisins og endalausar kröfur á skattgreiðendur. Í spjalli dagsins fer hún yfir þær áskoranir sem hún sér nú í gegnum störf sín sem alþingismaður og hvaða áskoranir áform nýrrar ríkisstjórnar setja á staðfestu fjárveitingavaldsins. Hægt að er að fylgjast með starfi samtakana og skrá sig á póstlista á skattgreidendur.is og með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Hvaða tölum getum við treyst þegar kemur að málefnum útlendinga og hælisleitenda? Svarið er ekki eins einfalt og margir telja eins og kemur fram í Skattaspjallinu í dag þar sem Sigurður Már Jónsson ræðir við þá Róbert Bragason og Arnar Arinbjarnarson gagnasérfræðinga Samtaka skattgreiðenda. Þeir Róbert og Arnar halda áfram að færa okkur fróðleik úr ríkisreikningi sem er öðrum hulin, meðal annars beinan kostnað ríkisins vegna annars vegar alþjóðlegrar þróunarsamvinnu og hins vegar hælisleitenda. Hvoru tveggja er í vissum skilningi útlendingamál. Þeir félagar hafa tekið saman upplýsingar sem varpa ljósi þróun útgjalda á tímabilinu frá 2004 til og með 2024. Algjör sprenging hefur orðið í báðum þáttum á tímabilinu. Heildarútgjöld námu um 890 milljónum árið 2004 en hvorki meira né minna en 34 milljörðum árið 2024. Þar af voru heildarútgjöld til þróunarmála um 13,5 milljarðar en útgjöld vegna hælisleitenda 20,5 milljarðar samanborið við 220 milljónir árið 2012 þegar útgjöld vegna hælisleitenda voru fyrst sérgreind í ríkisbókhaldi. Þegar ofan í þessar tölur er kafað kemur margt undarlegt í ljós eins og kemur fram í samtalinu. Hér má finna ítarlegar upplýsingar um útgjöldin ásamt Excel skjölum: https://www.skattgreidendur.is/sprenging-i-utgjoldum-til-utlendingamala-fra-2004/Hægt að er að fylgjast með starfi samtakana og skrá sig á póstlista á skattgreidendur.is og með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Föstudaginn 27. júní hóf starfsmaður í fullu starfi að fá útborgað fyrir vinnu sína! Hvernig má það vera? Jú, þetta er niðurstaða úttektar Viðskiptaráðs á „launafleygnum“ svokallaða, sem er mismunurinn á launakostnaði vinnuveitanda og útborguðum launum starfsmanns. Það er staðreynd að ef launagreiðandi greiðir milljón í laun fer aðeins rétt rúmlega helmingur til launamannsins sjálfs. Ragnar Sigurður Kristjánsson, hagfræðingur hjá Viðskiptaráði, kom í Skattaspjallið til að ræða þetta og ýmislegt annað er snertir skattgreiðendur.Hægt að er að fylgjast með starfi samtakana og skrá sig á póstlista á skattgreidendur.is og með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Í þættinum ræðir Sigurður Már við þá Arnar Arinbjarnarson og Róbert Bragason hjá Samtökum skattgreiðenda um nýtt mælaborð samtakanna. Mælaborðið sýnir ríkisreikning frá árinu 2004 til 2023 niður á bókhaldslykil, eða með öðrum orðum; hvert peningar skattgreiðenda hafa farið undanfarin 20 ár. Á verðlagi dagsins í dag nemur sú fjárhæð sem mælaborðið sýnir um 25 þúsund milljörðum.Arnar tekur fjögur dæmi í þættinum þar sem ýmislegt kemur í ljós sem ekki hefur komið fram áður. Mælaborðið er enn í þróun en á næstu misserum mun allt viðmót verða mun betra.Hægt að er að fylgjast með starfi samtakana á skattgreidendur.is eða með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Eru ríkisútgjöld í hagkerfum nútímans dæmd til að vaxa með ósjálfbærum hætti? Oftast virðast stjórnmálamenn áhugalitlir um hagræðingu og aðhald og hugsa aðeins um að auka útgjöld ríkisins til alls konar hluta. Skattgreiðendur sitja að endingu uppi með reikninginn. Gestur Skattaspjallsins í dag er Sigmundur Davíð Gunnlaugsson, formaður Miðflokksins. Sigmundur er þekktur fyrir að nálgast hlutina með nýstárlegum og frumlegum hætti, er sannarlega maður lausna á stjórnmálasviðinu. Sigmundur Davíð hefur áhyggjur af þróun ríkisreksturs, heima sem erlendis. Stöðugt er verið að auka útgjöld og það virðist sjálfvirkt. Í spjalli sínu við Sigurð Má Jónsson, umsjónarmann Skattaspjallsins, fer Sigmundur Davíð yfir vandamálin en talar ekki síður um lausnir.Hægt að er að fylgjast með starfi samtakana á skattgreidendur.is eða með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Sigurður Már Jónsson ræðir við Róbert Bragason, hjá Samtökum skattgreiðenda, um bókhaldsskekkjur og leyndarhyggju í bókhaldi ríkissjóðs. Vandamálið virðist útbreitt og Róbert nefnir í þættinum dæmi frá Dómsmálaráðuneytinu, Háskóla Íslands og Alþjóðlegri þróunarsamvinnu.Hægt að er að fylgjast með starfi samtakana á skattgreidendur.is eða með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Í þættinum ræðir Sigurður Már Jónsson við Óla Björn Kárason, fv. þingmann, sem hefur látið sig skattamál varða í gegnum tíðina.

Í öðrum þætti af Skattaspjallinu, hlaðvarpi Samtaka skattgreiðenda, ræðir Sigurður Már Jónsson við Róbert Bragason og Arnar Arinbjarnarson sem hafa á undanförnum mánuðum starfað í sjálfboðavinnu fyrir samtökin. Þeir ræða um hvernig starfið hefur gengið og nefna m.a. dæmi um hvernig hefur gengið að fá starfsmannafjölda hins opinbera og ótrúlegan slóðaskap við ársreikningaskil stofnanna.Hægt að er að fylgjast með starfi samtakana á skattgreidendur.is eða með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja

Í þessum fyrsta þætti af Skattaspjallinu, hlaðvarpi Samtaka skattgreiðenda, ræðir Sigurður Már Jónsson við Skafta Harðarson sem er formaður Samtaka skattgreiðenda. Samtökin fagna 13 ára afmæli í dag, en þau voru stofnuð þann 16. apríl 2012. Undanfarið hálft ár hefur mikið starf verið unnið hjá samtökunum í því að greina hvert skattpeningarnir eru að fara, kanna ýmis formsatriði hjá hinu opinbera sem einkaaðilum er refsað fyrir o.s.frv.Hægt að er að fylgjast með starfi samtakana á skattgreidendur.is eða með því að fylgja samtökunum á Facebook eða X.Hægt er að styrkja starf samtakanna hér: skattgreidendur.is/styrkja