TELESAILAK

Komiki istorioa abiapuntu hartuta apokalipsi zonbia egungo pop telesail bilakatu du THE WALKING DEADek eta pertsona askorengan iritzia emateko behar ekidiezina sorrarazi du. Zazpigarren emanaldiak urteetan zehar landuriko pertsonaien arteko harremanen sakontasun emozionala areagotu du, baina azken denboraldietan finduriko ildo dramatikoa alboratzea ere eragin du, telesailaren irregulartasunaren erakusle.

Michael Crichtonek 1973an pantaila handian islatu zuen eta egun Jonathan Nolanek telesailgintzaren unibertso emankorrean aberastu du. WESTWORLD parekorik ez duten torloju konplexuz osaturiko obra aparta da, ingeniari finen zehaztasuna, eta arkitekto gorenen irudimena baliatzen dituen istorio gozagarria. Telesail adimentsua da inolaz ere, esanahi ezkutuak interpetatzeko ikusleek modu aktiboan hauteman beharrekoa. Erantzun bakoitzak, hamaika galdera berri sorrarazi dizkigu, eta honen erakusle dira denboraldi amaierako ezusteko iraultza dramatikoak, istorioak osotasunean duen zentzua goitik behera birpentsatzeko beharra eragin digutenak Datozen urteetan ere maila gorena mantentzeko osagaiak dituen obra da, zalantzarik gabe.

'La Grande Bellezza' eta 'Youth' film entzutetsuen ostean, telebistara igaro da Paolo Sorrentino. Inoiz itzuliko ez den iraganaren inguruko istorioetatik, aukera infinituak eskaintzen dituen oraina hausnartzera igaro da. Sortzaile italiarrak berak idatzi eta zuzenduriko hamar atal, Aita Santu gazte eta iraultzailearen bidez, Batikanoaren, sinesmenaren eta identitatearen zirrikituetan murgiltzeko.

Sei urte igaro dira dagoeneko 'Murder House' etxe sorginduaren istorioak mundu zabalean jarraitzaile andana erakarri zuenetik. Denboraldiak igaro ahala, ordea, telesailaren gainbehera nabarmena izan da. Lanketa estetiko txukuna beti izan du alde Ryan Murphyk eta baita AEBen beldurrezko istorio ilunenak azaleratzeko abilezia ere, atenporalak diren giza basakerien arrazoietan sakontzeko gaitasuna. Baina telesaila irregularra bilakatu da, urteen poderioz istorio eta dinamikak errepikatu baititu, ikusgarritasunaren alde egin eta ondorioz, ikusle asko aspertu eta aldenduz. Udazkeneko trailer eta iragarpen berriekin zirrara pizten zuen jarraitzaileengan, baina negu partean denboraldi amaitzerako penatzen gintuen telesaila bihurtzen hasia zen AMERICAN HORROR STORY. Hain justu desafekzio horri aurre egiteko, erabateko aldaketa proposatu dute sortzaileek seigarren denboraldirako. Apenas egin zuten denboraldi berriaren inguruko promoziorik, izenburua eta gai nagusia sekretupean mantendu zituzten azken unera arte. Estrategia eraginkorra izan da honakoa, jakinmina areagotu duelako zaleen artean, eta gainera, denboraldiaren nortasun aldakorrarekin bete-betean egin duelako bat. #AmericanHorrorStory #MyRoanokeNightmare

Gailu teknologikoen erabilerak gizakiongan izan dezakeen eraginaren inguruan hausnartzen duen telesaila da BLACK MIRROR. 5 urtetan zehar zazpi atal ikusteko aukera besterik izan ez dugun arren, NETFLIXekin akordioa sinatzeak aukera infinituak ireki ditu Charlie Brooker sortzailearentzat: egun bakarrean sei atal ikusteko aukera. Ohi bezala, lotura dramatiko zuzenik ez duten istorio indibidualak jorratzen jarraitu du telesailak… azken batean, fikziozko istorio entretenigarrien batura baino askoz gehiago delako, errealitatearekin lotura estua eraiki eta uste baino gertuago egon daitekeen etorkizunaren erretratu distopikoa osatzen duen obra ere bada. Sei atalak, banan-banan aztertu ditugu gurean. #Black Mirror #3.denboraldia

Sorkuntza krisian hondoratu dela nabarmendu dute askok, telesaila kemen eta inspiraziorik gabeko lana dela… baina Allenek inoiz egin duen politikoenetakoa ere bada, eta susmoa dugu, ez ote den horixe izan gaitzespena jaso izanaren arrazoi nagusia, gure bizimoduaren inguruan hausnartzen duten eztabaida horiek berak mahaigaineratu izana.

Mr. Robot telesailak haize freskoa ekarri zuen telesailen unibertsora 2015eko udaran. Urtebete beranduago iritsi den bigarren denboraldia izan dugu aztergai gurean, bi erronka nagusi izan dituena, estreinakoaren maila mantentzea eta ikusleak asebetetzea. #Mr Robot #2.denboraldia