The Corner_podcast

ယခုအပတ် တင်ဆက်တဲ့ ပေါ့ကတ်စ် အစီအစဥ်မှာ လတ်တလော ကမ္ဘာ့ဖြစ်ရပ်များထဲက စိတ်ဝင်စားဖွယ်ရာ ဖြစ်ရပ်များကို ကောက်နုတ် သုံးသပ်ထားပါတယ်။ The Corner ကနေ စီစဥ်တင်ဆက်တဲ့ "နိုင်ငံတကာရေးရာ သုံးသပ်ချက်" ပေါ့ကတ်စ်အစီအစဥ်မှာ The Corner ရဲ့ Host ကိုတင်နဲ့ အတူ နိုင်ငံတကာရေးရာ ကျွမ်းကျင်သူ ဆရာ ချစ်ဝင်းမောင် (ဆရာချစ်) တို့က ဆွေးနွေးထားကြပါတယ်။ဒီတစ်ပတ် အစီအစဥ်မှာအမေရိကန် အစ္စရေး - အီရန် စစ်ပွဲ နောက်ဆုံးအခြေအနေစင်္ကာပူနိုင်ငံမှာ နှစ်စဥ်ကျင်းပလေ့ရှိတဲ့ ရှန်ဂရီလာ ဒိုင်ယာလော့ ၂၀၂၆ မှာ အမေရိကန်က အာရှနိုင်ငံတွေကို ဘာသတင်းစကားတွေ ပေးလိုက်ပါသလဲမကြာခင် ကျင်းပတော့မယ့် ၂၀၂၆ ဖီဖာ ကမ္ဘာ့ဖလားပွဲကြီးကို ကမ္ဘာ့နိုင်ငံရေး ဖြစ်ရပ်တွေ လွှမ်းမိုးထားသလားဆိုတဲ့ ခေါင်းစဥ်များကို ပြည့်ပြည့်စုံစုံ ဆွေးနွေး တင်ပြထားပါတယ်။ဒီလို နိုင်ငံတကာ ရေးရာသုံးသပ်ချက်များကို အပတ်စဥ် တင်ဆက်သွားနိုင်အောင် ကြိုးစားနေပါတယ်။ လိုအပ်ချက်များ၊ အကြံပြုချက်များရှိရင်လည်း ရေးသားထားခဲ့နိုင်ပါတယ်။The Corner Podcast team

ကျွန်တော် ကိုချမ်းနဲ့ သိကျွမ်းရင်းနှီးခဲ့တာတော့ ကြာပါပြီ။ ဒါပေမဲ့ နောက်ပိုင်းမှာ အလုပ်တာဝန်တွေနဲ့ အခြေအနေအမျိုးမျိုးကြောင့် တစ်ယောက်နဲ့တစ်ယောက် လူချင်းမတွေ့ဖြစ်တာ ၇ နှစ်နီးပါးလောက်တောင် ရှိသွားခဲ့ပါပြီ။ကိုချမ်း အင်္ဂလန်ကို ရောက်ပြီး သူ့ဆေးပညာနဲ့ပဲ အသက်မွေးဝမ်းကျောင်း ဆက်လုပ်နေတာကို သိရတော့ နိုင်ငံရပ်ခြားမှာ ကိုယ်တတ်မြောက်ထားတဲ့ပညာနဲ့ အသက်မွေး၀မ်းကျောင်း အလုပ်ဆက်လုပ်နိုင်ခြင်းဟာ နည်းသည့် ကုသိုလ်ကံ မဟုတ်လို့ သူ့ကို မုဒိတာ ပွားမိတယ်။ကိုချမ်းကိုကြည့်ရင် တည်တည်ငြိမ်ငြိမ်နှင့် မျက်နှာသွင်ပြင်က ရှင်းလင်း နေတတ်တာကို သတိပြုမိတယ်။ သို့သော်လည်း သူဟာ အမှတ်တမဲ့နေတတ်သူ တစ်ယောက်မဟုတ်။ မြန်မာနိုင်ငံမှာ သူရှိစဥ်ကတည်းက လူပင် ငယ်သော်လည်း စာပေ အသိုင်းအဝိုင်းတွင် လူချစ်လူခင်များသူ၊ လူမှုဆက်ဆံရေး ကောင်းမွန်သူတစ်ဦးလည်း ဖြစ်ပါတယ်။ စာပေ၊ ရုပ်ရှင်နှင့်ဂီတ ကို စိတ်ဝင်စားသူ တစ်ယောက်ဖြစ်လို့ အကြောင်းအရာ တော်တော်များများကို သူပါဝင် ဆွေးနွေးနိုင်တာကြောင့်လည်း ဖြစ်မည်။ လူငယ်ပေမယ့်လည်း လူကြီးဆန်ဆန် တွေးခေါ်နိုင်သူတစ်ယောက်ဖြစ်တာကြောင့်လည်း ဖြစ်မည်။သေချာတာတစ်ခုကတော့ စာပေမျိုးဆက်ကနေ ပေါက်ဖွားလာသူတစ်ယောက်မို့ အလိုအလျောက် စာပေတာဝန်ကို ယူရင်း ဆရာဝန်အလုပ်ကိုလည်း အသက်မွေးဝမ်းကြောင်းအဖြစ် လုပ်ကိုင်နေသူ တစ်ဦးဖြစ်လို့မြင်မိပါတယ်။အခု ပေါ့ကတ်စ် အစီအစဥ်က သူနဲ့ကျွန်တော် စကားအကြာဆုံး ပြောဖြစ်ကြခြင်းဖြစ်ပါတယ်။ ကြာရုံသာမက အကြောင်းအရာတော်တော်များများကိုလည်း ပြောဖြစ်ခဲ့ကြတာဖြစ်လို့ မှတ်မှတ်ရရ တွေ့ဆုံမှု တစ်ခုလို့လဲ ပြောမယ်ဆိုရနိုင်ပါတယ်။ကိုချမ်းနဲ့ စကားပြောထားတာတွေကို နားထောင်ကြည့်ပါ။ကိုတင် (The Corner)

The Corner "သူတို့ပြောတဲ့စကား" Podcast အစီအစဥ်ကနေ ဒီတစ်ပတ် အသံကုထုံး - sound healing အကြောင်း တင်ဆက်လိုက်ပါတယ်။အသံရဲ့ တုန်ခါမှုလှိုင်းတွေကတစ်ဆင့် စိတ်နဲ့ခန္ဓာကို ပြန်လည်ကုသပေးမယ့် "Sound Healing" (အသံ ကုထုံး) အစီအစဉ်မှာ ကျွန်တော်တို့နဲ့အတူ အထူးဧည့်သည်တော်အဖြစ် "Holistic Therapist - မလတ်" ကို ဖိတ်ခေါ်ထားပြီး၊ အသံလှိုင်းတွေက စိတ်ဖိစီးမှုတွေကို ဘယ်လိုလျော့ချပေးလဲဆိုတဲ့အကြောင်းကို နက်နက်ရှိုင်းရှိုင်း ဆွေးနွေးသွားမှာ ဖြစ်ပါတယ်။ စိတ်အပန်းပြေစေမယ့် အသိပညာသစ်တွေကို နားဆင်ဖို့ အဆင်သင့်ပဲလားခင်ဗျာ။ကိုတင် - Host, The Corner

မကြာခင် ရက်ပိုင်းတွေအထိ ကမ္ဘာ့ဖြစ်ရပ်များကို စုစည်းသုံးသပ်ထားပါတယ်။ The Corner ကနေ စီစဥ်တင်ဆက်တဲ့ "နိုင်ငံတကာရေးရာ သုံးသပ်ချက်" ပေါ့ကတ်စ်အစီအစဥ်မှာ The Corner ရဲ့ Host ကိုတင်နဲ့ အတူ နိုင်ငံတကာရေးရာ ကျွမ်းကျင်သူ ဆရာ ချစ်ဝင်းမောင် (ဆရာချစ်) တို့က ဆွေးနွေးထားကြပါတယ်။ဒီတစ်ပတ် အစီအစဥ်မှာအမေရိကန်-အီရန် စစ်ပွဲ နောက်ဆုံးအရေးအမေရိကန် သမ္မတ ဒေါ်နယ်ထရမ့်ရဲ့ တရုတ်နိုင်ငံ ချစ်ကြည်ရေးခရီး အလွန် ရလာဒ်များ နှင့်အတူအမေရိကန် နိုင်ငံရေး အပြောင်းအလဲများကို ပြည့်ပြည့်စုံစုံတင်ပြထားပါတယ်။ဒီလို နိုင်ငံတကာ ရေးရာသုံးသပ်ချက်များကို အပတ်စဥ် တင်ဆက်သွားနိုင်အောင် ကြိုးစားနေပါတယ်။ လိုအပ်ချက်များ၊ အကြံပြုချက်များရှိရင်လည်း ရေးသားထားခဲ့နိုင်ပါတယ်။The Corner Podcast team

The Corner ကနေ တင်ဆက်လိုက်တဲ့ ပထမဦးဆုံး ပေါ့ကတ်စ် ကြည့်ပြီးကြပီလားခင်ဗျာ။ ဒီဗီဒီယိုလေးကတော့ The Corner ရဲ့ Podcast အစီအစဥ်သစ်ကို မိတ်ဆက်ပေးလိုတာနဲ့အတူ ပေါ့ကတ်စ်ဆိုတာကို လွယ်ကူတဲ့ ဥပမာပေးပြီး ရှင်းပြထားပါတယ်။

ယခုခေတ်တွင် ရှားပါးလာပြီဖြစ်သော ဆွတ်ပျံ့တမ်းတဖွယ်၊ အမှတ်တရ ဖြစ်ဖွယ်၊ ဗဟုသုတရှာမှီးကြရာ "တစ်ချိန်က မြန်မာ မဂ္ဂဇင်းများ" အကြောင်းကို စာပေ ဝါသနာရှင်နှင့် စာရေးသူ မဂ္ဂဇင်း ထုတ်ဝေသူတို့နှင့်အတူ ဤ ပေါ့ကတ်စ်တွင် ဆွေးနွေးထားကြပါသည်။The Corner စီစဥ်သူ ကိုတင်နှင့်အတူ စာပေဝါသနာရှင် ဆရာ အောင်ကြီး (KIDD)၊ စာရေးဆရာ နှင့် မဂ္ဂဇင်းများကို စီစဥ်ခဲ့သူ ဆရာ ချစ်ဝင်းမောင်တို့ ဤ Podcast တွင် ပါဝင်ထားကြသည်။စာပေကို ချစ်မြတ်နိုးသူများနှင့် တစ်ချိန်က မဂ္ဂဇင်းလောက အကြောင်းကို စိတ်ဝင်စားသူများ ကြိုက်နှစ်သက်ကြလိမ့်မယ်လို့ ယုံကြည်ပါသည်။ဤ podcast ကဲသို့ အခြားစိတ်ဝင်စားစရာ ခေါင်းစဥ်ဆွေးနွေးခန်းများကို ကြည့်ရှုနားဆင်လို့ပါက The Corner Podcast channel ကို Like and Subscribe လုပ်ထားခြင်းဖြင့် ခေါင်းစဥ်အသစ်များ မလွတ်စေရန် လုပ်ထားနိုင်ပါသည်။The Corner podcast team