A marxinación do ESPAÑOL no PUERTO RICO

Os idiomas oficiais no Puerto Rico son, actualmente, o Español e máis o Inglés. O Español é o maioritario na poboación. O Inglés, aínda que só é falado por unha parte minoritaria dos portorriqueños, é a lingua de prestixio, socialmente dominante, da illa. Estas circunstancias fan que o Español sufra unha minusvaloración moi semellante á que lle acontece na Galiza entre o Galego e o Español, ...só que aquí cos papeis invertidos. Nos noventa houbo unha forte polémica entre a oficialidade das linguas. No 1991 estabeleceuse a oficialidade única do Español durante 1 ano e nove meses. Co gallo deste feito, en España concedéuselle o premio Príncipe de Asturias ao Gobernador de Puerto Rico na altura (o que non deixa de ser unha contradicción, xa que aquí nin se plantexa a simple posibilidade de estabelecer algo semellante nas Comunidades con lingua propia do Estado Español). Neste áudio preséntase un video moi curtiño, no que se expón a polémica existente neste país arredor destas dúas línguas, para despois extraer conclusións e paralelismos co que nos acontece aquí, na Galiza. Pódese achar a conferencia completa no Podcast de "A LINGUA HOXE" co título "LINGUA e SOCIEDADE. Interferencias linguísticas".