Бірінші бол

Қазақстан бокс федерациясының баспасөз хатшысы болып 1,5 ай қызмет атқарған Әзиз Жұмаділ БІРІНШІ БОЛ қонағы болды. Ақпан айында Қазақстан бокс федерациясының президенті болып Шахмұрат Мүтәліп сайланды. Не өзгерді? Боксшылардың олимпиадаға дайындығы қалай? Неге ҚБФ жабық ұйымға айналды, журналистерді неге алалайды? Бүгінгі подкастың кіріспесі осыдан басталды. Одан бөлек, Федерациядағы соңғы ауыс-түйістер де сөз болды. "Өткелде ат ауыстырма" деген, әуесқой бокста тәжірибесі жоқ Жалғас Түкешов қалай ҚБФ президентінің кеңесшісі болды? Азия жастар арасындағы чемпионат алдында ұлттық құрама бас бапкерін неге ауыстырды? Өзбекстан Парижде 2 дүркін олимпиада чемпионын шығаруды мақсат тұтып отыр. Ал қырғыздар күрестен кемі 2 олимпиада алтынын аламыз деп үміттеніп отыр. Қазақстанның не жоспары бар? Парижден күліп қайтамыз ба, әлде күмілжіп пе? Олжас Байбосын, Аслан Қаженов отандық бокс пен күрестегі проблемаларды атап, федерациялардың үнсіз отырғанына налыды. Ал, Әзиз Жұмаділ ең бастысы нәтиже екенін алға тартып, ақпараттық ашықтықты екінші планға қойды. Ал сіз не дейсіз? Подкасты соңына дейін көріп, ойыңыз бен пікіріңізді жазыңыз! 

Бүгін тұрақты спикеріміз Елдос Ахметовпен бірге ҚПЛ #6 турын талқыладық. "Жетісу" өз алаңында азулы "Ақтөбе" командасын жеңіп, турнир кестесінде 3-орынға көтерілді. Қайрат Нұрдәулетов расымен де мықты бапкер ме, әлде талдықорғандықтардың жолы болып кетті ме? Биыл ҚПЛ басты фавориті саналып отырған "Тобыл" неге өз алаңында "Жеңіс" командасын тықсыра алмады? Елдос Ахметов "Жеңіс" командасының Қостанайдан 1 ұпай алып қайтқанын сенсация деп есептемейді. Экс-футболшы "Тобыл" командасы қарсыласын дұрыс бағаламағанын, сол үшін "сазайын" тартқанын айтты. Ермұхамед Мәулен былтыр ғана ел чемпионы атанған "Ордабасы" командасында биыл жүйелі ойын жоғын, Мамаду Мбоджи кеткелі қорғаныс әлсірегенін айтты. Алда Еурокубок ойындарына іріктеу кезеңі келе жатыр, "Ордабасы" командасы соған дейін есін жимаса, көп қиындыққа тап болуы мүмкін. Олжас Байбосын қайыршының күйін кешіп жүрген Түркістан облысындағы командалардың қазіргі жағдайын мәселе етіп көтерді. "Жетісай" ойыншыларының жол шығынын жергілікті жомарт жандар көтеріп, кілем сататын кәсіпкер 1 млн теңге аударған. Подкаста біраз инсайд ақпарат та айтылды. Шетелдік компаниялардың бірі "Ақтөбе" клубына 30 млрд теңге инвестиция салғалы жатыр екен. Қалған қызықты естігіңіз келсе, подкастың әр минутын жібермей көріп шығыңыз.

Бүгінгі подкаст от болды. Өйткені, Қазақстан премьер-лигасының 5-туры аясындағы матчтар голға да, тосын нәтижеге де толы болды. Ермұхамед Мәулен әбден дайындалып, зығырданы қайнап келіпті. "Қайрат" – "Ақтөбе" матчының ұйымдастырылуы мен стадионға билет алып келген кей жанкүйердің даладан қайтқанын айтып шағымданды. Орталық стадионда өткен матчта қонақтар – "ақтөбеліктер" жеңіске жеткен еді. Сол матчтан кейін "Қайрат" футбол клубының басшысы Қайрат Боранбаев төрешілер тарапынан әділетсіздік болғанын айтып сынады. Бірақ Ермұхамед Мәулен танымал кәсіпкердің бұл сыны орынсыз екенін, "Ақтөбе" командасы шын мәнінде жеңіске лайық болғанын атап өтті. Тұрақты сарапшымыз Елдос Ахметов те сенбі-жексенбі күндері өткен ҚПЛ матчтарын жіті қадағалап, кей тұстарын қойындәптеріне түртіп алыпты. "Ордабасының" ойыны неге жүрмеді, неге ел чемпиондары өз алаңында "Қызылжар" командасын тықсырта алмады? Бас бапкер Александр Седнев пен команда капитаны Асхат Тағыберген арасында кикілжің бар ма? Төрт матч бойы 1 голдан артық сала алмай келе жатқан "Ордабасы" командасындағы дағдарысқа бас бапкер кінәлі ме? "Ордабасы" ойыншылары Седневті сливать етіп жатыр ма? Марин Томасовтың "Астана" сапындағы 100-ші голы командасына жеңіс сыйлай алмады. Биыл Қазақстан чемпиондығы үшін талас "Ақтөбе" мен "Тобыл" арасында өрби ме? БІРІНШІ БОЛ жүргізушілері мен арнайы сарапшысы бұл мәселеге де болжамын айтып, биылғы ҚПЛ фавориті кім болатынына тоқталды. Қазақстан ұлттық құрамасында 17 матч өткізген, еліміздегі бірнеше клубтың намысын қорғаған Елдос Ахметов әр подкаст сайын басынан өткен бір қызықты айтып беретін болды. Бұл жолы экс-футболшы қазір түріктердің "Адана" клубында ойнайтын Абат Айымбетовтің ырымшылдығы жайында тоқталды. Бәрін білгіңіз келсе, подкасты соңына дейін көріп шығыңыз!

Танымал актер Әшім Ахметов БІРІНШІ БОЛ қонағы болды. Футболға қатты қызығады – "Реал" жанкүйері. АПЛ матчтарын жібермей көреді екен.  Әшім Ахметов футбол скауты болғысы келетінін айтты. Нағыз таланттарды табу үшін ел аралап, қабілеті мықты қазақ балаларының бағын ашқысы келеді.  Актердің ойынша, Қазақстанда жетістікке жеткен жас таланттардың көбі тоқмейілсіп, даму жолынан шығып қалады. Тіпті, бұл барлық салаға қатысты көрінбейтін "індет" екенін айтты. Әлі күнге дейін екі дүркін олимпиада чемпионы шықпай жатқанын да осы "қасиетімізден" көреді.  АПЛ-да доп тебетін қазақ қашан туады? Қазақстан құрамасын ЕУРО мен МУНДИАЛЬ сияқты мәртебелі додаларға сүйрейтін лидерлер қашан пайда болады? Париж олимпиадасынан тағы алтынсыз оралмаймыз ба? Бүгінгі подкаста осы мәселелер сөз болды. Спорт жаңалықтары

Дұрыс тәжірибе. Өйткені, футболшының әрекетіне баға беруге моральдық құқы бар. Тьерри Анри шабуылшының, Гари Невилл қорғаушының әрекетіне дәл бағасын беріп, басым тұсы мен осал жерін дөп басып айта алады. Енді біз осы тәжірибені БІРІНШІ БОЛ жобасында жасағалы отырмыз. "Бірінші бол" – қазақ сегментіндегі Sky Sports болмақ. Өйткені, бұдан былай Қазақстанның бірнеше клубында ойнаған, ұлттық құрама сапында 17 матч өткізген Елдос Ахметов тұрақты сарапшымыз болады.  Елдос Ахметов ҚПЛ және Қазақстан кубогы аясындағы матчтарға тоқталып, ұлттық құрама ойындарына БІРІНШІ БОЛ жүргізушілерімен бірге талдау жасап отырады. Қазақстандағы әр тур, әр футбол бәсекесін ой елегінен өткізіп, жаманын "жасырмай", жақсысын "асырмай" баға береді.  Қазақстан кубогы: "Қайсар" неге ойсырай жеңілді? "Тобыл" биыл турнир фавориті ме? SD Family неге жауапсыз 6 гол жіберді? Осы сұрақтарға жауап іздегіңіз келсе, Елдос Ахметов қатысқан алғашқы подкасты қабыл алыңыз. https://1bol.kz/

Алдияр Жапарханов БІРІНШІ БОЛ қонағы болуға былтыр уәде берген. Бірақ павлодарлық "Ертіс" клубының жағдайына алаңдап, банкроттыққа шақ қалған тарихи команданы қайта жандандыру жолында аянбай қызмет етіп, футбол туралы подкастымызға енді ғана жолы түсіп отыр. Бүгінгі әңгімені ЕУРО-ға екі қадам қалғанда сүрінген Қазақстан құрамасы және еліміздегі спорт инфрақұрылымынан бастадық. "Астана Арена" жабық, онда жөндеу жұмыстары, Көшпенділер ойынына дайындық жүріп жатыр. Алматының орталық стадионы да UEFA талаптарына сай келмей қалуы мүмкін. 2016 жылы Орталық стадионда күрделі жөндеу жұмыстары жүргізіліп, УЕФА стандарты бойынша 4-ші категорияны алған еді. Сол уақыттан бері стадионның талапқа сәйкес келмейтін тұстарын ретке келтіруге уақыт берілген, алайда көрсеткен негізгі ескертулер бүгінге дейін орындалмаған екен.  Ендеше Қазақстан ұлттық құрамасы алдағы матчтарын қайда өткізеді. Күзде Ұлттар лигасы келе жатыр, В дивизионында Австрия, Словения, Норвегия елдерімен бір квартетте ойнаймыз. Эрлинг Холанд, Мартин Эдегор, Давид Алаба сияқты атақты футболшылар қайда ойнайды?  Әрине, негізгі әңгіме "Ертіс" клубының берешегі мен келешегі жайында болды. "Ертіс" клубын сақтап қалу жолында команда сапында ойнаған экс-футболшылардың бәрімен келіссөз жүргізілген. Кезінде уәде етілген жалақыны ала алмай кеткен Карлуш Фонсека 100 млн теңгеге жуық қарызын кешіретінін айтыпты. "Ертіс" сапында ойнаған сербиялық легионерлер де қарызын кешіретін болыпты. "Ертіс" құрамында ойнаған павлодарлық (жергілікті) футболшылардың бәрі де қарызын кешірім, өтеуін сұрамайтын болыпты. Қазақстандық 3-4 футболшы ғана қарызын өндіріп алуды көздеп отыр екен.  "Ертіс" енді қашан Қазақстан премьер-лигасына оралады? Команда қашан еңсесін түзейді? "Ордабасы" биыл Еурокубок ойындарында ұзаққа шаба ала ма? Міне, осы және басқа да мәселелерді белгілі әзілкеш Марат Достаев пен "Ирина Кайратовна" резиденті Алдияр Жапарханов БІРІНШІ БОЛ жүргізушілерімен бірге талқылады. https://1bol.kz/

Көпшіліктің сұрауы бойынша белгілі әнші Нұрлан Еспанов тағы да БІРІНШІ БОЛ қонағы болды. Нұрекең шашы желбіреп отырып елді елжірететін әңгіме айтып берді.  Нұрекең әңгіме айтуды "өнер" деңгейіне жеткізген. Майын тамызады, тыңдаған адамның аузының суын ағызады.  Нұрлан Еспанов бұл жолы да көсілді, түсірілім басталған сәттен бастап қамшы салдырмады. Әдемі әзілін де, ішіндегі ғыжылын да айтып, шер тарқатты. Тіпті, өзін келемеждеп, мазақ ететін оқырманына жауап та берді. Ол футбол мен әзілді түсінбейтін адамдарды "әрі ойнауға" шақырды. Қазақстан ұлттық құрамасының амбассадоры Нұрлан Еспанов егер осы шығарылым 90 мың қаралым жинаса, тағы да БІРІНШІ БОЛ қонағы болып, болашағы зор талантты балаларға сый-сияпатын беруге уәде етті. https://1bol.kz/

Футболдан Қазақстан премьер-лигасы басталғаны жаңа еді, ұлттық құрама халықаралық үзіліске шығып кетті.  Соңғы уикендте ішкі біріншілік қайта жанданып, кей клубтар 3-турын, кей клубтар 2-ші матчын өткізді.  ҚПЛ-ге қатысты сұрақ көп.  Кеше "Астана" - "Елімай" арасындағы матчта семейлік клубтың негізгі құрамында бір қазақ футболшысы шыққан жоқ. Дені - легионер. Қазақстандық футболшылардың арасында тек Сергей Кейлер мен Дмитрий Шмидт қана жүр. Бүгін осы матчты және ҚПЛ аясындағы басқа да ойындарды талқыладық.

Астана қаласында Афина олимпиадасының чемпионы, Баркер кубогының иегері Бақтияр Артаевтың жүлдесі үшін бокстан халықаралық турнир өтіп жатыр. Жарысқа Тәжікстан, Қырғызстан, Өзбекстан сияқты елдердің де боксшылары қатысып жатыр. 14 салмақ категориясы (жастар – 7, жасөспірімдер – 7) бойынша төрт елден жиналған 286 спортшы бақ сынап жатыр.  Осы дода қарсаңында той иесі Бақтияр Артаевпен арнайы әңгіме құрып, қазақ боксының қазіргі жай-күйі, Париж олимпиадасы жайлы талқыладық. Олимпиада чемпионы Астанадағы турнирді ұйымдастыруға кім мұрындық болып жатқанын айтты. Алдағы жылдары бұл турнир (Бақтияр Артаевтың жүлдесі үшін) дәстүрге айналып, оған қатысатын елдердің географиясы да кеңеюі мүмкін.  Одан бөлек, Бақтияр Артаев қазір немен айналысып жүргенін айтып, соңғы 2-3 жылдан бері неге көп көрінбей кеткенін түсіндірді. Боксшы қазір бизнесте жүр. Тараз қаласында мейрамхана мен сән салонын ашып, 50 шақты адамды жұмыспен қамтамасыз етіп отыр екен.  Ел арасында "Бақтияр Артаев олимпиаданың үздік боксшысына берілген Баркер кубогын сатып жіберді" деген әңгіме бар. Боксшы бұл әңгіменің қайдан шыққанын түсіндірді және Баркер кубогын сатпағанын, қазір оның дубликатын күтіп отырғанын айтты.  Өте қызық подкаст болды. Артаев енді мемлекеттік қызметке орала ма? Қызмет ұсынса дайын ба? Міне, осы және басқа да әңгімелерді естігіңіз келсе, подкасты соңына дейін көріңіз.

Бүгінгі әңгімеміз – аралас жекпе-жек, MMA, UFC, поп-ММА тақырыбында болды. БІРІНШІ БОЛ қонағы – спорт менеджері, промоутер, қоғам белсендісі Нұраддин Садықов.  Нұраддин бұл спорттың әлі де пайда әкелетін бизнеске айналмағанын алға тартты. Ол үшін менеджерлік компаниялар Шавкат Рахмонов сынды атағы жер жаратын, даңқы аспандаған жауынгер жасақтауы керек.  Қазір OCTAGON лигасы әлемге танымал UFC жұлдызын жасақтау үшін барын салып жатыр екен. Нұраддин Садықов "Менің мақсатым – кемі екі-үш Хабиб шығару" деп мәлімдеме жасады.  Одан бөлек, қазіргі файтерлерге тек талантты спортшы болу аздық ететінін, әлемдік межені бағындырып, жекпе-жегіне мыңдаған көрермен тарту үшін шоу бизнеске жақын болуы керегін айтты.  Хан Ата мен Дикий Дарабоз неге ешқашан профиге шыға алмайды? Поп-ММА профи файтерлердің аяғына тұсау ма, әлде оның пайдасын көре алмай отырмыз ба? Осы және басқа да қызықты әңгімені естігіңіз келсе, подкасты соңына дейін көріп шығыңыз.

Алда Қазақстан ұлттық құрамасының маңызды ойыны келе жатыр. ЕУРО жолында Грекияға қарсы ойнаймыз. Осы маңызды матч алдында Қазақстан футбол федерациясының президенті Әділет Бәрменқұлов БІРІНШІ БОЛ қонағы болды. Подкаста елдегі стадион мәселесі, ҚПЛ-дегі легионерлер саны, Федерацияның атқарып жатқан жұмысы және алдағы жоспары талқыланды. Қазір "Ақтөбе" сапында жарқырап жүрген қандасымыз Ыдырыс Омаев жақын арада Қазақстанның көк паспортын алып, Грекияға қарсы матчта ұлттық құрама сапында дебют жасауы мүмкін. ҚФФ президенті гректерге қарсы ойыннан не күтетінін айтып, жанкүйерлерді ұлттық құраманы қолдауға шақырды. Одан бөлек, Әділет Бәрменқұлов қазақ футболын сынайтын белгілі файтер Қуат Хамитке жауабын берді.

Италияның Бусто-Арсицио қаласында бокстан әлемдік іріктеу турнирі аяқталды. Биылғы додаға елімізден 11 боксшы (6 ер, 5 әйел) қатысып, ел намысын қорғады. 11 спортшының бесеуі Париж олимпиадасына жолдама алды.  Қыздар құрамасы бұл турнирді өте сүреңсіз өткізді. Бірде-бірі Парижге лицензия ала алмады. Бапкер ауысуы керек пе, қыздар боксына қандай реформа керек? Римма Волосенко әділетсіздікке ұшырады ма? Оны неге қорғап қала алмадық?  Махмуд Сабырхан 57 келіде атой сала ала ма? Оның таланты оза ма, әлде салмағы кедергі бола ма? Асыланбек Шымбергеновті неге қолдауымыз керек? GGG шенеунік болған соң абыройынын айырылып қалмай ма? Италиядан боксшыларымыз сүйіндіретін де, күйіндіретін де нәтиже арқалап қайтты. БІРІНШІ БОЛ подкастында осы мәселелерді талқыладық.

Футболдан Қазақстан Премьер-лигасы ойындарының екінші туры аяқталды. «Тобыл» мен «Астана» әзірге ұпай жоғалтқан жоқ. Ал, ел чемпионы «Ордабасы» мен чемпионаттың басты фавориті «Қайрат» сырт алаңда тең ойнап, маңызды ұпайдан айрылды. «Шахтердің» халі мүшкіл. Бүгінгі подкастта спорт журналисі Бек Төлеуовпен ел чемпионатының соңғы турына шолу жасадық.

Биыл Қазақстан премьер-лигасында біраз өзгеріс бар. Қазақстан кәсіпқой футбол лигасының атауы (ҚКФЛ) Qazaqstan Football League (QFL) болып өзгерді. Кей клубтардың қаржылық қиындығына байланысты осы маусымда чемпионатқа 14 емес, 13 команда қатысады. Клубтағы легионерлер санына қатысты шектеу жеңілдетілді. Биыл ҚПЛ матчтары "QazSport", "Q Arena" және "Q Football" арналарынан көрсетіледі.  Қазақ футболындағы осы және басқа да өзгерістер жайлы, сондай-ақ ұлттық құраманың Грекияға қарсы алдағы ойыны туралы белгілі спорт комментаторы Әлімжан Асқармен әңгіме тарқатып көрдік. Сайтымыз: https://1bol.kz/

БІРІНШІ БОЛ алғаш рет хоккей тақырыбына подкаст арнап отыр. Қонақтар - белгілі хоккей комментаторы Жігер Әзберген және хоккей клубтарының баспасөз саласында істейтін Бекежан Ардақұлы. Қазақстан хоккейі дегеніміз тек "Барыс" емес, қазір ұлттық құрамада жүрген жігіттердің дені Ресейдің, Еуропаның клубтарында ойнап жүр. Бұл ішкі бәсеке үшін де, Қазақстан хоккейінің болашағы үшін де маңызды. "Барыс" неге биыл бәрінен жеңіліп жатыр? Командаға реформа керек пе?  Атақты NHL-де ойнайтын қазақ баласы қашан шығады? Бексұлтан Мақыштың болашағынан не күтеміз? Бүгінгі әңгімеде осы және басқа да мәселелерді сөз еттік. Сайтымыз: https://1bol.kz/

Нағыз футбол енді басталады, ұйқысыз түндер енді жалғасады. Өйткені, бүгін түнде Чемпиондар лигасының плей-офф кезеңі басталады. Кім фаворит, кім аутсайдер? Еуропа футболында не жаңалық? "Ордабасы" Еурокубокта ұзаққа шаба ала ма, Қазақстанға атақты "Реал Мадрид" клубын әкеле ала ма? Бүгінгі подкаста осы тақырыптарды қаузадық. Танымал әзілкеш Марат Достаев пен Мағжан Нұрғали (bayGUYS резиденті) Чемпиондар лигасының плей-офф матчтарына болжамын жасады.  Кішігірім спойлер – Марат та, Мағжан да "Реал" фанаты. Бұл подкаст "Реал" клубының хейтерлеріне ұнамауы әбден мүмкін. Сайтымыз: https://1bol.kz/

Бүгінгі подкаста дзюдо туралы сөйлестік. Париж олимпиадасынан үміт бар ма? Елдос Сметовтен үміт күнкендей, қай спортшыға үміт арта аламыз?  Спорт журналисі Әйгерім Тоқсанбек федерация жұмысы мен ондағы проблемалар туралы айтты. Спорт ғылымы, нақты стратегия сөз болды.  Бұрын дзюдодан Азия балуандары дес бермеуші еді, Еуропа қалай Азияның алдына түсті? Ғылым неге алға шығып, талант аздық ететін болды? Осының бәрін подкаста талқыладық.

Танымал әзілкеш Марат Достаев тағы да БІРІНШІ БОЛ қонағы болды. Подкаста стадион салу, Абаттың трансфері, Азия кубогында атой салған өзбек пен тәжік футболы сөз болды. Сарапшылар Медиалиганы қатты сынады. Ермұхамед Мәулен Медиалигадағы арзан шоу мен жиі болатын төбелесті спортқа жат қылық деп есептейді. Марат Достаев болса, атына сай Медиалигада нағыз танымал (медиа) тұлғалар ойнағанын жөн санайды. Өйткені, кейбір командаларда әртістерден гөрі кәсіби футболшылар қаптап жүр.  Подкаст қонағы Максим Самородов, Ислам Чесноков сияқты ұлттық құрама сапындағы талантты ойыншыларды Абат Айымбетовтен үлгі алып, Еуропа клубтарында ойнау мүмкіндігін қарастыруға шақырды. Марат Достаев Түркия суперлигасын – Еуропаға апаратын алтын көпір деп есептейді. Сайтымыз: https://1bol.kz/

Бүгін легионерлер мәселесін сөз еттік. Футболдағы, олимпиадалық спорт түрлеріндегі келімсектердің жайы қозғалды. Тәуелсіздік алғалы Қазақстан атынан шыққан 101 легионер қазір өз еліне оралып, тарихи отанында тұрып жатыр екен.  Қазақстан намысын қорғаған легионерлердің бәрі медаль әперіп жатыр ма? Жоқ. Спорт журналисі Аслан Қаженов легионерлердің қызметіне жүгіну Өзбекстан тәжірибесінде де барын, бірақ көрші елде ол сәтті жүзеге асып жатқанын айтты.  Жапония спортында алдағы 100 жылға стратегия әзірленеді екен. Оның бәрі ғылыми зерттеуге, сараптамаға негізделіп жасалады. Ал қазақ спортында нақты мақсат та, стратегия да жоқ.  Айтпақшы, Бокс федерациясының басшысы Кеңес Рақышев орнынан кетуі мүмкін бе? Кеңес Рақышев кетсе, федерацияның келесі президенті кім болады? Оның себебін білгіңіз келсе, подкасты соңына дейін көріп шығыңыз... Сайтымыз: https://1bol.kz/

Жандос Айтбайұлы - Қазақстан телеарналары футболдан әлем чемпионатын, олимпиада ойындарын толық көрсете бастаған жылдардан бастап халықаралық жарыстардан қазақ тілінде репортаж жасаған спорт журналистикасының буыны.  Спорт сарапшысы бастапқыда қазақтілді комментаторлардың көп сыналғанын, сол сыннан шыңдалып шыққанын айтып берді. Соңғы уақытта ҚПЛ-де ойнайтын легионерлерге қойылатын шектеуді жеңілдету мәселесі қоғамда қатты талқыланып жатыр. Жандос Айтбайұлының да ҚФФ президентінің шешіміне қатысы өз айтары бар екен. Сарапшымыз қазақстандық футбол клубтарын біртіндеп жекеменшікке беру мәселесін қозғады. Айтуынша, Қазақстанда Боранбаев сияқты қалталы азаматтар көп, бірақ олар жемқорлық жайлаған футболға жолағысы келмейді.  Спорт комментаторы көтерген қалған қызықты естігіңіз келсе, подкасты бастан-аяқ көріп шығыңыз. Сайтымыз: https://1bol.kz/

Азамат Рзағалиев – вайнер, актер және футбол жанкүйері. Өзі де бала күнінде доп теуіп, профессионал футболшы болуды армандапты. Тіпті, қазақстандық клубтардың бірі оған келісімшарт ұсынып, бірақ жалақысы қолына тимейтінін айтқан. Осылайша Азаматтың футболшы болу арманы орта жолдан үзіліпті. Александр Марочкин екеуі бала кезден бірге футбол ойнаған. Азамат қазір ұлттық құрама сапында ойнайтын Марочкиннің болашағы барын сол кезден байқаған екен. Бірақ, Өзбекстаннан көшіп келген тағы бір талантты қазақ жігітінің жолы болмағанын айтып өтті. Оған біздегі футбол менеджерлерін кінәлады.  Айтпақшы, Қазақстанда футболдағы жемқорлық жайлы сериал түсірілмек екен. Шамамен "Сәке" сериалы сияқты болмақ. Қалған қызықты білгіңіз келсе, подкасты соңына дейін көріп, Азамат Рзағалиевтің әңгімесіне құлақ түріңіз. Сайтымыз: https://1bol.kz/

Балауса Мұздыманды сыртынан көрген адам гимнаст (көркем) деп ойлауы мүмкін. Бірақ ол – күрзі жұдырық иесі. Ұрда-жық спортында мұндай да сұлу арулар болады екен-ау! Сол бокстағы аруымыз көктемде Америка асып, кәсіпқой бокстағы карьерасына дем беруді жоспарлап отыр. Бірақ ұлттық құрамаға да оралып, биыл Париж олимпиадасында, одан бөлек Астанада өтетін әйелдер арасындағы әлем чемпионатына қатысуды мақсат тұтып отыр.  Балауса неге Ангелина Лукасты місе тұтпайды? Ол неге ұлттық құраманың жалақысынан бас тартты? Неге чемпион болған боксшы жігіттерді халық басына көтереді де, қыздар елеусіз қалады? Міне, подкаста осы туралы әңгіме өрбіді. Одан бөлек, Балауса Мұздыман отбасы жайлы, боксқа келуі жайлы бұрын-соңды еш жерде айтпаған құпиясын бөлісті. 

Құралбек Ордабаев - қазақтың Лев Яшині. Тимур Сегізбаев, Сейілда Байшақов сияқты қазақ футболының аңызы.  Кеңес уақытында алматылық "Қайрат" клубы ұлттық құраманың рөлін де атқарды. Сол команданың қақпасын Құралбек Ордабаев 11 жыл торуылдап, атақ пен даңққа, жанкүйерлердің махаббатына бөленді. Қазір даңқты қақпашы "Қайрат" клубында қызмет атқарып жүр. Айтуынша, "Қайрат" командасындағы кейбір жас футболшылар Құралбек Ордабаевты танымайды екен.  Мемлекет басшысы Қасым-Жомарт Тоқаев ұлттық құраманың матчтарын тамашалауға барғанда, айналасында даңқты қақпашыдан басқасының бәрі жүреді. 75 жасқа қараған ардагер реніші барын ашық айтты. Айтпақшы, Құралбек Ордабаев 1979 жылдың тамызында болған ұшақ апатын еске алды. Әуеде соқтығысқан екі ұшақтың бірінде "Пахтакор" футбол клубының 17 мүшесі болған. Жалпы, апатқа ұшыраған екі ұшақта болған 178 адам қайтыс болды, соның ішінде 14 адам - "Пахтакор" футболшылары. Ардагер қақпашы сол бір трагедияны есіне алып, "Пахтакор" футболшылары мінген ұшаққа негізі "Қайрат" ойыншылары отыруы керек болғанын айтты.  Кезінде Қазақстан футбол федерациясын басқарған Құралбек Ордабаев легионерлерге қойылған шектеуді алып тастау мәселесіне тоқталды. Айтуынша, бұл шешім ҚПЛ мен ұлттық құрамаға кері әсер етуі мүмкін. Сайтымыз: https://1bol.kz/

Қашанғы футбол мен бокс туралы айта береміз?! Бүгін велоспорт жайлы әңгіме қозғадық. Подкаст қонағы – белгілі журналист, велоспортты жақсы білетін Дина Тұрарқызы. Велоспорт дегенде, алдымен Александр Винокуров еске түседі. 2006 жылы мәртебелі Вуэльта көпкүндігінің жеңімпазы атанған, 2012 жылы Лондон олимпиадасының жеңімпазы атанған. Дина Тұрарқызы 2012 жылы жасы 39-ға келген Александр Винокуровтан ешкім жүлде күтпегенін айтты. Тіпті, мәреге бірінші болып жеткен спортшыны қарсы алғандардың арасында қазақстандықтардан ешкім болмаған. Қолына Туымызды ұстатып, қуанашын бөлісетін бірде-бір отандасы жанынан табылмаған. Олимпиададан оралған соң сол кездегі Спорт және туризм министрі Талғат Ермегияев даңқты велошабандоз Александр Винокуровтан кешірім сұраған. Енді алда Париж олимпиадасы келе жатыр. Төрт жылда бір келетін дүбірлі доданың басталуына 200 күн ғана қалды. Парижде велошабандоздарымыз жүлде сала ала ма? Алексей Луценко бабында ма? Ұстазының жолын қайталай ала ма? Азия ойындарында атой салған Евгений Федоров олимпиада жүлдесінен үміткерлер тізіміне ене ала ма? Александр Винокуров неге "велоспорт деген – лотерея" дейді. Себебі, велоспортта жеңімпаздың кім болатынын болжау өте қиын. Сайтымыз: https://1bol.kz/ Подкаст жүргізушілері:Олжас Байбосын - https://www.instagram.com/olzhas_baibosin/Ермұхамед Мәулен - https://www.instagram.com/e.maulen/  Подкаст қонағы:Дина Тұрарқызы - https://www.instagram.com/dinaturar/

Биыл ҚПЛ қалай өтеді? Түсірілім сапасы реттеле ме? Стадиондар жөндеуге жабылса, кей клубтар қайда доп тебеді? Неге Қазақстанда футболға миллиардтап ақша бөлінсе де инфақұрылым мәселесі  шешілмейді? Дембо Дарбоның "Астана" сапында жалақысы 12 млн теңге болғанына кім кінәлі?  Ермұхамед Мәулен, Олжас Байбосын және Уәлихан Қосанбай футболға бөлінетін миллиардтар мен басқа олимпиадалық спортқа бөлінетін миллиондарды айтып, біраз дауласып қалды. Подкастың шамамен 10 минуты Қуат Хамиттің "режимінде" өтті.  Олжас Байбосын елде әлеуметтік мәселелер шешілмей, футболға миллиаидтап ақша құюды құптамайтынын айтты. Ермұхамед Мәулен әріптесінің сынына жауап беріп, мәселені қыруар қаржыны дұрыс жұмсай алмай отырған "Астана" футбол клубы басшыларынан іздеген дұрыс деген пайымын айтты. Қызық, дәмді әңгіме болды. Подкасты соңына дейін көріңіз. Сайтымыз: https://1bol.kz/

Бірақ боксшыларымыздың кейінгі нәтижесі сиырқұйымшақтанып кетті. Ташкентте топ жарған жігіттердің көбі Азия ойындарында биіктен көріне алмады. Себебі неде? Тоқмейілсіп кетті ме, чемпиондар жаттығу залына емес, той-томалаққа әуес болып алды ма? Ұлттық құрама жігіттерінің босаңсып кеткенін Федерацияның ресми өкілі де мойындап отыр.  Бүгінгі подкастың қонағы - Қазақстан бокс федерациясының атқарушы директоры Әзиз Қожамбетов. Әзиз Қожамбетов әңгімені "Чемпиондар түні" бокс кешінен бастады. Рейтинг бермейтін, лицензия ұстатпайтын мұндай турнир сонда не үшін керек? Федерация өкілі Асыланбек Шымбергенов оңбай жеңілген турнирдің не мақсатта өткізілгенін түсіндірді. Одан бөлек, қазір профессионал бокста жүрген Данияр Елеусіновтің ұлттық құрамаға оралуы жайлы әңгіме сөз болды. Олимпиада чемпионы, әлем чемпионы Данияр Елеусінов әуесқой боксқа (ұлттық құрамаға) оралатын болса, есік ашық. Бірақ ол өзін дәлелдеп, бірнеше турнирге қатысуы керек. Федерация өкілі қазақстандық боксшылардың төрешілер тарапынан әділетсіздікке жиі ұшырайтынын жасырмады. Азия ойындарында Асыланбек Шымбергеновтің жеңілісінен кейін Ұлттық олимпиада комитеті шағым түсірген. Бірақ нәтижесіз. Былтыр Қазақстан бокс федерациясы AIBA мүшелігінен шығу жағдайын да қарастырған. Бірақ соңында прагматикалық шешім қабылдап, ұйымда қала беруді ұйғарған. Былтыр Қазақстан бокс федерациясы AIBA мүшелігінен шығу жағдайын да қарастырған. Бірақ соңында прагматикалық шешім қабылдап, ұйымда қала беруді ұйғарған. Биыл Олимпиада ойындарынан бөлек, ерлер арасында да, әйелдер арасында да әлем чемпионаты өтпек. Яғни, AIBA бокстан әлем чемпионатын жыл сайын ұйымдастырып, жүлде қорын да көбейткелі отыр. Әзиз Қожамбетов жүлде қорының күрт көбеюі боксшыларға кері әсерін тигізе ме деп алаңдайды. Өйткені, 400 мың доллар алған боксшы ақшаға масайып, жүлдесі аз - бірақ өте маңызды турнирлерге қатысудан бас тартуы мүмкін. Федерация өкілі боксшылардың да адам екенін еске салып, олардың жетістігіне жеке басының мәселесі де тікелей әсер ететінін жеткізді. Мәселен, 2009 жылы Миланда өткен әлем чемпионатының жартылай финалында Серік Сәпиевтің ресейлік Андрей Замковойдан жеңілуіне қандай фактор әсер еткенін айтып берді. БІРІНШІ БОЛ подкастында айтылған сөз Қазақстан бокс федерациясы басшылығының жанына батыпты. Федерация өкілі спорт журналисі Аслан Қаженовтың мәлімдемесімен келіспейтінін айтып, өз позициясын білдірді. Одан әрі әңгіме басқа елдің азаматтығын алып жатқан боксшыларымыз туралы өрбіді. Мәселен, Владислава Кухта дейтін боксшы Венгрия азаматтығын алған. Федерацияның атқарушы директоры спортшылардың арасындағы мұндай "үрдіске" қалай қарайтынын айтты. Жалпы, Венгрия тарапы Бекзат Нұрдәулетовке де құда түскісі келген. Бірақ Бекзат бұл ұсыныстан бас тартқан. Сайтымыз: https://1bol.kz/

БІРІНШІ БОЛ жылды қорытындылау үшін бір топ спорт комментаторының басын қосты. Ермұхамед Мәулен, Олжас Байбосын, Уәлихан Қосанбай, Эльдар Аманбаев, Ерсін Ерік секілді белгілі комментаторлар 2023 жылдағы спорттағы жетістіктер мен "әттеген-ай" дейтін тұстарымызға тоқталды. Ермұхамед Мәулен ұрда-жық (UFC, MMA, бокс) спортшыларды БАТЫР деп төбеге көтеруді дұрыс деп есептемейтінін айтты. Эльдар Аманбаев компромат жинап жүрген комментатор екен. Ол жақында волейболдағы былықтарды жайып салатынын ескертті. Ерсін Ерік Финляндиядағы жеңістен кейін эфирде айтқан "Дала ерлері" әні мен биыл хит болған тіркестері жайлы сөз қозғады. Уәлихан Қосанбай бокстағы жетістіктерді тізіп, Асыланбек Шымбергеновтің соңғы жекпе-жегін сынға алды. Олжас Байбосын биыл қай спортшыны үздік санайтынын айтып, оның себебін түсіндіріп берді. Құрметті көрермен! БІРІНШІ БОЛ ұжымы осындай нотада жылды аяқтап отыр. 2024 жылы ЕУРО финалдық кезеңі үшін Қазақстан ұлттық құрамасын маңызды матчтары болады.  Алда Париж олимпиадасы және басқа да әлем чемпионаттары өтеді. Дүниежүзілік көшпенділер ойыны Астанада ұйымдастырылып, ұлттық спортшылар бақ сынайды. Сондықтан, үнемі БІРІНШІ БОЛ жобасынан ажырамаңыз. Біздің айтарымыз көп, жоспарымыз мол!

Қазақстанда Допингке қарсы ұлттық орталық жұмыс істейді. Жыл сайын Германияға 3000 допинг сынамасын өткізеді екен. Мемлекеттен миллиардтар бөлінетін бұл орталық кімнің мүддесі үшін жұмыс істеп отыр? Спортшылардың бірі 38 рет допинг сынамасын өткізген? Орталықтың көксегені не? Бұл мәселені БІРІНШІ БОЛ подкастында белгілі спорт журналисі Аслан Қаженов көтерді.  Олжас Байбосын, Уәлихан Қосанбай және Аслан Қаженов жылды қорытындылап, спорттағы реформа, допинг мәселесі, Париж олимпиадасы жайында сөз қозғады.  Жуырда бокстан ұлттық құрама капитаны Асыланбек Шымбергенов Астанада өткен "IBA чемпиондар кешінде" мексикалық Хосе Мигель Боррегомен жекпе-жек өткізіп, нокдаун алды. Құрама лидерінің жеңілісі Париж олимпиадасы қарсаңында психологиялық соққы болуы мүмкін бе? Одан бөлек, спорттағы ғылым сөз болды. Аслан Қаженов Қазақстанда кейбір спорт бапкерлері баланы 5-6 жасынан бастап бокс мектебіне алып, болашағына "балта шауып" жатқанын айтты.  Спорт сарапшылары 2024 жылы өтетін Париж олимпиадасында кімдер жүлделі болатынын да айтты. Арасында инсайд ақпарат та бар.  Подкасты соңына дейін көріңіз. Қазақ спортындағы біраз мәселе айтылды.  

Қазір доп теуіп жүрген футболшылар ашылып әңгіме айта алмайды. Өтйкені әр айтқан "шындығы" карьерасына сызат түсіріп, қудалауға ұшырауы мүмкін. Ал, Самат Отарбаев болса бутсысын шегеге іліп, кәсіби футболдағы карьерасын аяқтаған адам. Бүгін бүкпесіз әңгіме болды. Самат Отарбаев "Ордабасы", "Ақтөбе", "Тараз" секілді клубтардың қақпашысы болған. 2020 жылы небәрі 30 жасында карьерасын аяқтап, кәсіби футболмен қош айтысты. Самат әлі де ойнағысы келеді екен? Бірақ футболдан кетуіне не түрткі болды? Пандемия ма, жазықсыз жала ма? 2016 жылы "Ақтөбе" – "Ордабасы" арасындағы матч дауға айналғанын білесіздер. Сол кезде "Ақтөбе" қақпасында Самат Отарбаев тұрды. Экс-қақпашы бұл ойынның "келісілген матч" екенін мойындамайтынын айтты. Самат Отарбаевтың тәжірибесінде "келісілген матчтар" болды ма? ҚПЛ-да қандай былықтар бар? Ойыншылар сатыла ма, әлде төрешілер ме? Италия ойыншысы Сандро Тонали өзі ойнаған матчқа бәс тігіп, басы дауға қалды. Ал Самат Отарбаев "Тараз" клубында жүргенде екі рет автогол жасаған. Қақпашыны жанкүйерлер сол кезде неге сынады? Неге ҚПЛ-де автогол көп болады? Одан бөлек, Самат Отарбаев 2016 жылы "Ордабасы" клубынан өз қалауымен кетпегенін айтып, базынасын жеткізді. Десе де, "Ақтөбе" клубына ауысқанына өкінбейтінін, бүгінде оны "Ордабасы" жанкүйерлері емес, "ақтөбеліктер" көбірек танитынын жасырмады. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://www.instagram.com/olzhas_baibosin/ Ермұхамед Мәулен - https://www.instagram.com/e.maulen/ Подкаст қонағы: Самат Отарбаев - https://www.instagram.com/otarbayev/

Бірінші минуттан бастап қамшы салдырмады. Анекдот та айтты, пәлсапалық пайымын да ортаға салды. Нұрлан Еспанов футболдан алыс емес. Жасы 50-ге келсе де үнемі доптың соңында жүр. Қазақстан ұлттық құрамасының амбассадоры. Ол жастарға жанашыр болғысы келеді. Егер таланты тасып тұрған, футболға деген махаббаты зор үш бала табылса, бәріне қымбат бутсы (оригинал – жейдесі, шортысы, гетры) сыйлайтынын айтты. Айтпақшы, Нұрлан Еспанов футбол функционеріне айналса (агент), Қазақстан футболын насихаттау үшін Арсен Венгер, Зиденин Зидан, Роналдиньо сияқты футбол тұлғаларын елге әкелгісі келетін арманын жасырмады. Нұрлан Еспанов жақында қазақтың бір талантты баласын "Трабзонспор" клубына апарып, түрік скауттарына таныстыруды жоспарлап отыр екен. Ол "нағыз талант – талантты тани білген адам" деп есептейді. Қазақтың талантты балалары әлемдік клубтарда доп тепкенін шын қалайды. Подкасты соңынан дейін көріңіз, егер осы шығарылым 10 мың лайк жинаса, Нұрлан Еспанов тағы да БІРІНШІ БОЛ қонағы болып, бұрын-соңды еш жерде айтпаған әңгімесін бөлісуге уәде берді. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://www.instagram.com/olzhas_baibosin/ Ермұхамед Мәулен - https://www.instagram.com/e.maulen/ Подкаст қонағы: Нұрлан Еспанов - https://www.instagram.com/espanov_n/

Арман Пірманов футбол клубын ашқысы келеді, тіпті шығыны мен командаға алатын ойыншыларына дейін есептеп, жоспарын жасап қойған. Одан бөлек, блогер Испанияға сапары, ондағы футбол менеджменті туралы сөз қозғады. Маманның айтуынша, киберспортта ақша өте көп. Тіпті, жүлде қоры футболдан әлем чемпионатынан да (Мундиаль) асып түседі. Подкаста балалар футболын дамытпай отырған, инфрақұрылым мен база салмаған клубтардың да жайы сөз болды. Егер сіз қазақ тіліндегі сапалы жобалардың көп болғанын қаласаңыз, мүмгіндіңізше бізді қаржылай қолдаңыз! Көкке самғау үшін қанат керек, сол үшін сізден донат керек! https://pay.kaspi.kz/pay/0nczyqwb Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://www.instagram.com/olzhas_baibosin/ Ермұхамед Мәулен - https://www.instagram.com/e.maulen/ Подкаст қонағы: Арман Пірманов - https://www.instagram.com/arman_pirmanov/

Егер сіз қазақ тіліндегі сапалы жобалардың көп болғанын қаласаңыз, мүмгіндіңізше бізді қаржылай қолдаңыз! Көкке самғау үшін қанат керек, сол үшін сізден донат керек! https://pay.kaspi.kz/pay/0nczyqwb ҚПЛ демалысқа шықты, ұлттық құрама желтоқсанда Катар командасымен жолдастық кездесу өткізіп, ресми матчқа наурыз айында бір-ақ шығады. Осы үзілісті пайдаланып, футболдың өткені мен бүгінін әңгіме еттік. Қазақстанның ЕУРО-ға шығуына әудем жер қалды. Мұндай мүмкіндік енді бола ма, әлде тағы 30 жыл тағатсыздана күтеміз бе? Қазақстан құрамасына қандай легионерлер керек? Исламбек Қуат, Сергей Малый, Абзал Бейсебеков сияқты ардагерлердің орнын басатын талантты жастарымыз бар ма? Бүгінгі әңгімеде осы және басқа да мәселелер әңгіме болды. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://instagram.com/olzhas_baibosin Ермұхамед Мәулен - https://instagram.com/e.maulen Подкаст қонағы: Марғұлан Тұрсынов - https://instagram.com/margulan_tursynov

Бүгінгі подкаста Әйгерім жаңа қырынан танылды. Спорттағы қиындықтар, патриотизм, Париж олимпиадасына деген жоспары туралы айтты. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://instagram.com/olzhas_baibosin Ермұхамед Мәулен - https://instagram.com/e.maulen Подкаст қонағы: Әйгерім Әбілқадырова - https://www.instagram.com/ab_aigerimm/

Есен Елеукен әңгімені арыдан бастады. Тәуелсіздік алғаннан кейінгі футбол жайлы, қазір өзі құрған үш футбол командасының болашағы жайлы әңгімелеп берді. Ұлттық құраманың да алдағы матчтары талқыланды. Гректерге қарсы мүмкіндігіміз, ұлттық құрамадағы буын алмасу процесі әңгімеге арқау болды. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://instagram.com/olzhas_baibosin Ермұхамед Мәулен - https://instagram.com/e.maulen Подкаст қонағы: Есен Елеукен - https://instagram.com/eseneleuken_resmi

Токио олимпиадасын алтын ала алмаған спортшыларымыз Парижден де бос қайта ма? Олимпиада алтынын алады деп сеніммен айта алатын қандай спортшымыз бар? Бүгінгі подкастымызда осы жайында әңгіме құрдық. Подкаст жүргізушілері: Олжас Байбосын - https://www.instagram.com/olzhas_baibosin/ Уәлихан Қосанбай - https://www.instagram.com/ualikhan_kosanbay/ Подкаст қонағы: Аслан Қаженов - https://www.instagram.com/kazhenov.aslan/

Бірінші бол қонағы - белгілі автоблогер Олжас Оқас. Олжас Оқас футболдан алыс емес. Әкесі талай футболшы тәрбиелеген. Соның бірі - Бауыржан Тұрысбек. Олжастың өзі де бала күнінде Юрий Перцухпен бірге доп тепкен. Подкаста Азия мен Еуропа футболы сөз болды. Одан бөлек, жарнама берушілер мен инфрақұрылым мәселесі айтылды. Словения - Қазақстан матчы да әңгімеге арқау болды. Абат Айымбетовты неге ерте шығармады? Магомед Адиев неден қателесті? Тәжірибе шешуші фактор болды ма? Алда Қазақстан құрамасы Еуро додасына Ұлттар лигасы арқылы жолдама алуға тырысады. Гректерге қарсы мүмкіндігіміз қандай? Үміт бар ма? Ол матчқа дейін Зайнутдинов, Тағыберген, Исламхан сынды ойыншыларымыз командаға орала ма? Подкасты соңына дейін көріңіз. Өте маңызды мәселелер көтерілді. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://instagram.com/olzhas_baibosin Ермұхамед Мәулен - https://instagram.com/e.maulen Подкаст қонағы: Олжас Оқас - https://youtube.com/@OLJASOQAS

"Тараз" клубы Қазақстан премьер-лигасына қашан оралады? Клубта Бауыржан Исламхан, Бақтияр Зайнутдинов сияқты таланттар тағы бар ма? Бұл сұрақтарға "Тараз" футбол клубының директоры Жандос Ахметов жауап берді. Жандос Ахметов 2022 жылдың басында "Тараз" футбол клубының жетекшісі болып тағайындалды. Оған дейін клубтың қарызы 1 млрд теңгеден (3 млн доллар) асып кеткен. Қазір клубтың қарызы қанша? "Тараз" ФК директоры клуб қарызының қалай өтеліп жатқанын, "Бешикташ" Бақтияр Зайнутдиновтың трансфері үшін төлеген ақшаның 5%-ы "Тараз" клубына қашан төленетінін айтып берді. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.google.com/feed/aHR0cHM6Ly9wb2RzdGVyLmZtL3Jzcy54bWw_cGlkPTg4MjUx?sa=X&ved=0CAMQ4aUDahcKEwjIhdvlquGCAxUAAAAAHQAAAAAQQQ&hl=ru Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын - https://www.instagram.com/olzhas_baibosin/ Ермұхамед Мәулен - https://www.instagram.com/e.maulen/ Подкаст қонағы: Жандос Ахметов - https://www.instagram.com/zhandos_akhmetov_/

Нұрлан Қоянбаев ұлттық құраманың матчына арнап 20 мың ТУ тіктіру идеясы қайдан келгенін, оған қанша қаржы кеткенін және бұл челленджді тағы кімдер қолдауға дайын екенін айтты. Одан бөлек, футболдан Қазақстан ұлттық құрамасының жейдесінің түсі де сөз болды. Құрама жейдесінің түсі (сары) Нұрлан Қоянбаевқа ұнамайды екен. Продюсер ұлттық құрама жейдесі Қазақстанның туымен астасып тұрса, көк байрағымыздың элементтері көбірек болса деп есептейді. Қоянбаевтың ойынша, қазіргі футболдағы жетістігімізге тек бас бапкердің емес, футболшылардың 30 жыл бойы пісіп жетілуі, қоғамның да ілгерілеп дамуы сияқты факторлар әсер еткен. Белгілі продюсер Бақтияр Зайнутдинов ("Бешикташ") пен Рамазан Оразовтың ("Копер") трансферіне қалай ықпал еткенін, болашақта қазақстандық футболшылардың Еуропаның беделді командаларында ойнауы үшін қандай "жоспар" әзірлеп отырғанын да айтты. Әкімдік қаржыландыратын отандық клубтардың да мәселесі сөз болды. Нұрлан Қоянбаев стадионына адам жиналмайтын командаларды сынға алды. Сайтымыз: https://1bol.kz/ Подкаст жүргізушілері: Олжас Байбосын - https://www.instagram.com/olzhas_baibosin/ Ермұхамед Мәулен - https://www.instagram.com/e.maulen/ Подкаст қонағы: Нұрлан Қоянбаев - https://www.instagram.com/koyanbayevnurlan/

Артур балаларға арналған академия ашуға не себеп болғанын, футболдағы жемқорлық пен инфрақұрылымның аздығы жайында мәселе көтерді. Одан бөлек, Қазақстанда футбол мамандарының жоқтығы саланың қарыштап дамуына тұсау болып отырғанын айтты. ЕУРО-2024 финалдық кезеңіне жолдама алу үшін Қазақстан құрамасы іріктеуде маңызды екі матч өткізеді. Артур Сан-Марино және Словения арасындағы матчтардан қандай нәтиже күтетінін айтты. Рамазан Оразов пен Нұрәлі Әліп алдағы матчта сары қағаз алатын болса, "Стожице" стадионында өтетін шешуші матчта шыға алмайтынын жеткізді. Ермұхамед Мәулен де әдеттегідей инсайд ақпаратын бөлісті. Жастар құрамасын күшейтіп, негізгі құрамға "әскер" жасақтауды осы бастан қолға алу керегін айтты. Сайтымыз: https://1bol.kz/ Подкаст жүргізушілері: Олжас Байбосын - https://instagram.com/olzhas_baibosin Ермұхамед Мәулен - https://instagram.com/e.maulen Подкаст қонағы: Артур Асқарұлы - https://instagram.com/archibaaalt

Министрліктің ресми өкілі 775 млн доллардың нақты қай спорт түрлеріне бөлінетінін, жаңадан құрылған ведомствоның алдында қандай міндеттер тұрғанын айтып берді. Азиададағы фиаско, Париж олимпиадасына дайындық мәселесі сөз болды. Диас Ахметшәріп бұдан былай министрлік тек жүлде әкелетін спорт түрлерін (олимпиадалық) ғана қаржыландыру жоспары барын атап өтті.  Спорт министрлігі Қазақстандағы 180 спорт түрін қаржыландырып келгенімен, Тәуелсіздік жылдарынан бері Қазақстан қоржынына бас-аяғы 12-13 спорт түрінен ғана медаль түсіп келеді екен. Қысқасы, бюджеттен бөлінген қаражат құмға сіңген судай жұтылып кетіп жатыр.  Ұлыбритания олимпиада бағдарламасына кіретін тек 15 спорт түріне бюджеттен қаржы бөледі, Германия 18 спорт түріне қазынадан ақша береді, Өзбекстан тек 17 спорт түріне бюджет қаржысын жұмсайды. Ал Қазақстан 180 спорт түріне қыруар қаражат жұмсап отыр.  Одан бөлек, Диас Ахметшәріп кадр мәселесі, спорт медицинасы, инфрақұрылым тапшылығы жайында сөз етті. Қазақстанда ресми түрде тіркелген 13 мың спортшыға 39 дәрігер ғана қызмет етеді екен. Сайтымыз: https://1bol.kz/ Басқа платформалар: Apple Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Google Podcasts: https://podcasts.apple.com/kz/podcast/%D0%B1%D1%96%D1%80%D1%96%D0%BD%D1%88%D1%96-%D0%B1%D0%BE%D0%BB/id1713061004 Яндекс Музыка: https://music.yandex.ru/album/27909405?dir=desc&activeTab=about Подкаст жүргізушілері: Олжас Байбосын https://instagram.com/olzhas_baibosin Уәлихан Қосанбай https://instagram.com/ualikhan_kosanbay Подкаст қонағы: Диас Ахметшәріп https://www.facebook.com/profile.php?id=100011442125671&mibextid=ZbWKwL

Марат Оралғазин футболшылардың бойынан нендей қасиеттерді көргісі келетінін, алдағы Сан-Марино және Словенияға қарсы шешуші матчтарда ұлттық құрамадан қандай нәтиже күтетінін айтты.  Одан бөлек, спортшылардың медиа тұлға ретінде дамуы мен танымал болудың жауапкершілігі жайында сөз етті. Спортшыларды ойын бүкпесіз айтып, халық алдында мейлінше ашық болуға шақырды. Футбол сарапшысы Ермұхамед Мәулен де спорттағы бағытымызды, жоспарымызды айқындап алу жөнінде пікрін айтты. Көп дүние айтылды. Подкаст 100 минутқа созылды. Подкаст жүргізушілері: Олжас Байбосын - https://instagram.com/olzhas_baibosin Ермұхамед Мәулен - https://instagram.com/e.maulen Подкаст қонағы: Марат Оралғазин - https://instagram.com/oralgazin

Алматыда бокс шоуын өткізуге қанша қаражат керек? Кәсіпқой боксшының рингтегі карьерасы қаншаға созылады?   IBO тұжырымы бойынша чемпион болды, енді кәсіпқой бокстың шыңы саналатын WBA, WBC, WBO, IBF тұжырымдарын қашан бағындырады?   Подкаст жүргізушілері: Олжас Байбосын - https://www.instagram.com/olzhas_baibosin/  Уәлихан Қосанбай - https://www.instagram.com/ualikhan_kosanbay/  Подкаст қонағы: Жаңқош Тұраров - https://www.instagram.com/zhankoshturarov/

"Ондай-ондай ханның қызында да болады" демекші, біздің де басымыздан өтіп жатыр. Осындай сапасыз видео үшін шымкенттік операторларға "алғыс" айтамыз. Той түсіріп әдеттенген адамға қалай ҚОЙ дейміз! Қолын қақпадық, түсіргенін жариялап отырмыз. Оларға түсірілім үшін ақысы төленді, ал біз қарымтасына сапасыз видео алдық. Кішігірім спойлер: подкаст барысында үйін ремонттап, бұрғылап (дрель) жатқан бір шымкенттіктің әрекетін анық естисіз. Үшеуара әңгіме бітетін тұста жарық сөніп қалып, әпенділіктің шыңына жетеміз. Бұл подкаст осындай "қожанасыр" тірлікпен, әсіре әпенділікпен есте қалды. Қысқасы, Шымкент төрінде "Орбасының" тарихи жеңісі туралы, тырнақалды чемпиондығы жайлы сөз қозғадық. Көп қызық айтылды. Белгілі КВН-ші Марат Достаев "Ордабасы" жеңісіне қалай қуанғанын айтса, белгілі футбол сарапшысы Ермұхамед Мәулен шымкенттік клубтың болашағы жайлы кеңінен көсілді. Сайтымыз: https://1bol.kz Подкаст жүргізушісі: Олжас Байбосын - https://www.instagram.com/olzhas_baibosin/ Подкаст қонақтары: Марат Достаев - https://www.instagram.com/marat_dostayev/ Ермұхамед Мәулен - https://www.instagram.com/e.maulen/

H тобында аш қасқырлар көп. Әзірге бұл топтан еш команда Еуро-2024 додасына жолдама алған жоқ. Словения, Дания және Қазақстан құрамалары соңғы турға дейін топтан шығуға таласады. Өйткені жолдама алуға деген мүмкіндік осы үш құрамада ғана қалды.   Бүгінгі подкаста Копенгагендегі жеңіліс (Дания), Хельсинкидегі ұлы жеңіс (Финляндия) туралы айттық.   Сырт алаңдағы екі ойынды өз көзімен көріп қайтқан белгілі футбол сарапшысы Ермұхамед Мәулен және спорт комментаторы Уәлихан Қосанбай ұлттық құраманың Еуроға мүмкіндігін, үмітін айтты.   Қазақстан құрамасы іріктеу сынындағы қалған екі матчта жеңіске жетсе (Сан-Марино, Словения), 2024 жылы Еуро финалдық кезеңінде атой сала аламыз ба? Әлде Қазақстан Еуро додасына Ұлттар лигасы арқылы шыға ма? Біз енді Уатсаптамыз, жазыл, Бірінші бол! - https://whatsapp.com/channel/0029VaD42221yT2CzbQszq1m https://1bol.kz/   Подкаст жүргізушісі: Олжас Байбосын - https://instagram.com/olzhas_baibosin Подкаст қонақтары: Ермұхамед Мәулен - https://instagram.com/e.maulen Уәлихан Қосанбай - https://instagram.com/ualikhan_kosanbay

Бүгінгі подкаста Азия ойындарына барған спортшылардың жаттығуын, психологиялық дайындығын, спорт айналасындағы факторларды өз көзімен көріп, ел білмейтін көп дүниеге куә болған журналист Аслан Қаженов пен жарысты бастан-аяқ тамашалаған спорт жанкүйері Абырой Халықпен әңгіме құрдық.   Спорт журналисі Аслан Қаженов Азия ойындарына Елена Рыбакина мен Александр Бубликтің қатыспағанына қынжылыс білдірді. Егер Қазақстанның үздік теннисшілері Азиадаға барғанда, қоржынымызға тағы екі алтын түсер еді.    Одан бөлек, боксшыларымыз – Асыланбек Шымбергенов пен Карина Ибрагимоваға әділетсіздік жасалғанын, Қазақстан құрамасы көркем гимнастикадан қолда тұрған алтыннан "айырылып" қалғанын айтты.  https://1bol.kz/   Подкаст жүргізушісі: Олжас Байбосын - https://www.instagram.com/olzhas_baibosin/    Подкаст қонақтары: Аслан Қаженов - https://www.instagram.com/kazhenov.aslan/  Абырой Халық - https://www.instagram.com/abiroy_halykov

Сондықтан әңгіме чемпион атанғалы тұрған "Ордабасы" жайлы емес, Қазақстан ұлттық құрамасының Дания мен Финляндияға қарсы өткізетін матчтары туралы болды.   Комментаторлардың табысы жайлы, эфирдің толықтай қазақ тіліне көшуі туралы сөз болды. Қазақстандағы интеллектуалдық қызмет дұрыс бағаланбайтыны айтылды.   Абыройсыз Азиада - Қытайға бір қора болып барып, 48 қола арқалап қайтқан спортшылардың болашағы талқыланды.   https://1bol.kz/ - спорт, махаббат, мәдениет   Подкаст жүргізушісі: Олжас Байбосын - https://www.instagram.com/olzhas_baibosin/  Подкаст қонақтары: Ермұхамед Мәулен - https://www.instagram.com/e.maulen/  Эльдар Аманбаев - https://www.youtube.com/@TheFaceskz

Чемпиондық "Ордабасы" командасына не береді? Шымкенттік команданың ел чемпионы болуына қандай факторлар әсер етті?   ФИФА неге Астанадан кеңсесін ашқысы келіп отыр? Болашақта Өзбекстан мен Қазақстан елдерінің футболдан әлем чемпиоанатын бірлесіп өткізе алатын әуселесі бар ма?   Футбол бар – инфрақұрылым тапшы, клубтар жеткілікті – стадиондар Еуро стандартына сай емес.   БІРІНШІ БОЛ подкастының қонақтары биыл олжалы болған "Ордабасы" мен еліміздегі футбол инфрақұрылымы жайлы мәселе қозғады.    Подкаст жүргізушісі: Олжас Байбосын https://www.instagram.com/olzhas_baibosin/  Подкаст қонақтары: Ермұхамед Мәулен https://www.instagram.com/e.maulen/  Арман Абдоллаев https://www.instagram.com/armanabdollayev/

Сәкен Бибосыновтың екінші айналымдағы жеңілісі, Париж олимпиадасына әзірлігіміз, өзбек боксшыларының Азиядағы үстемдігі туралы сөз болды.   Подкаст жүргізушісі: Олжас Байбосын - https://instagram.com/olzhas_baibosin Подкаст қонақтары: Уәлихан Қосанбай - https://instagram.com/ualikhan_kosanbay Бауыржан Рысбек - https://instagram.com/baurzhan_rysbek

Ұйқыңызды қиып көріп шықсаңыз өкінбейсіз. Тозығы жеткен ескі стадиондар мен миллиардтарға салынған сапасыз спорт кешендері туралы, балалар футболы жайлы айтылды.   Жақында ғана ҚПЛ аясында өткен Астана - Ордабасы матчының нәтижесі сөз болды. Тарихында тұңғыш рет Қазақстан чемпионы атануға шақ тұрған Ордабасының алдағы мүмкіндігіне болжам айтылды.   Ниеті түзу болғанымен, амалы "қисық" бағдарлама - "Оле Бразил" туралы да сөз болды.   Спикерлер Қазақстан чемпионатын лигаларға бөлу мәселесіне де тоқталды.   Подкаст жүргізушісі: Олжас Байбосын - https://www.instagram.com/Olzhas_baibosin/ Подкаст қонақтары: Ермұхамед Мәулен - https://www.instagram.com/E.maulen/ Асқар Хамиден - https://www.instagram.com/asqar_hamiden/

Қазір кәсіпқой бокста жүрген Абылайхан алдағы жекпе-жегі, мақсаты, жоспары туралы айтып берді. Одан бөлек, екі бірдей олимпиададағы сәтсіздігі туралы (Рио-2016, Токио-2020) тоқталды.   Кейіпкеріміз боксшылардың басты үрейі - білім алу, тіл үйрену, жеке тұлға ретінде даму жайында да пікірін айтты.    Абылайханды сүйреген Серік Сәпиев пе? Ұлттық құрамадағы боксшыларға психолог әйелдердің қызметі расымен керек пе? Алдағы жазғы Азиадада қазақстандық боксшыларды не күтіп тұр? Ұлттық құрамаға қайта оралғысы келе ме? Геннадий Головкин ең соңғы жекпе-жегін Қазақстанда өткізгелі жатыр ма?    Бүгінгі БІРІНШІ БОЛ подкастында қонағымызбен осы және басқа да тақырыптарда кеңінен әңгімелестік.   Подкаст жүргізуші: Олжас Байбосын https://www.instagram.com/Olzhas_baibosin/ Подкаст қонақтары: Уәлихан Қосанбай https://www.instagram.com/ualikhan_kosanbay/ кәсіпқой боксшы Абылайхан Жүсіпов https://www.instagram.com/jussupov_ablaikhan/