KS.陪你讀身體神學

係19xx年，人類科技大進步，發展到可以控制胚胎嘅出現和消失。 作者花4年時間(我就用咗133日) 去回答，係神學領域入面，乜嘢係人(人學)﹐同埋咁樣嘅人應該要點做(倫理學)。 197x年嘅講道集，來到2023年仍然擲地有聲，這就是我認為值得一讀的原因。多謝你陪我讀《身體神學》。下次再見。

對上帝所造嘅一切懷著敬意，係一種可取嘅態度，引導人係性結合和生育中，察覺男人和女人嘅位際共融，留係結合入面，體現人性嘅尊嚴...

對上帝嘅化工懷有敬意，係聖靈嘅恩賜。人在聖靈嘅啟示下，可以覺察到性結合和生育係上帝嘅創世奧秘，亦都係救贖嘅標記。咁樣睇先會洞察到性結合和負責任父母職兩者緊密相連嘅意義...

純生物學嘅層面，可以好機械式計算安全期和排卵期，然後自我克制咁安排夫妻嘅性結合...但係作者認為咁都係一種約化，將性結合降格為洩慾工具。 節制係要成熟地導引到激情和性興奮。激情和性興奮係夫妻性結合嘅效應，唔單止掛住激情，夫妻同時要全面地考慮負責任嘅父母職，對生命嘅開放，以及養育後代嘅成熟考慮...呢D加埋先反映人有交付自己嘅自由..

節制令人聯想到，係D 教徒清高咁戒絕性興奮同激情，但實情係節制係位格主體能夠引導性反應去維持位際共融和父母職嘅能力..

性學認為壓抑性慾為人嘅帶來心理扭曲。偏偏基督教則認為，控制性慾係趟開一個空間，比人去體會更深層和成熟嘅愛意表達。 節制，連結智、義、勇、愛等等其他德行，令人抗拒貪慾，恢復夫妻共融嘅尊嚴，係more than性結合嘅體會... 仲有5次閱讀就會去到最後一話。

愛係好正，婚姻係好好，但係世界係有好多困難和唔完美，令到人難以實踐人同人嘅位際共融。咁唔係講緊神學係同現實矛盾，而係因為受到貪慾嘅威脅。 威脅，就正正否定一種決定論：人係一定唔可以實現婚姻嘅美善...反而，人係獲祝福和加力，可以係節制中愈來愈近愛...

【來到本書嘅最後7話】婚姻生活係會有重大嘅困難，二人要時常係聖靈嘅愛中，汲取能力...

透過自然秩序嘅不孕期，節制自律咁去安排性結合，全盤考慮由個人到全人類嘅好處，以實踐婚姻嘅良好呼召(結合+生育)﹐係作者想表達的。 然而即使以自然不孕期，完全排除生育，都係濫用。實情就係，男女婚姻的呼召內在包括了，要對新生命開放。呢個係呼召嘅一部份。 由於人冇被要求愈生得多愈道德，都要講養育嘅實質處境，因此成熟節制嘅性結合行動好重要。呢種成熟節制唔單止係講性結合，亦都同時發揮係夫妻關係、親子關係之中。

節制係一種德行，按上帝創造身體嘅自然周期去節育，仍然保留了對家庭和生命的呼召開放，符合了婚姻和結合本身嘅呼召，而唔係否定呢個呼召。 唔抗孕，唔係為了忠於無位格嘅律法，而係忠於有位格嘅上帝...

位格結合包含住2個意義：愛和生育可能性。如果想人為操控，而唔係用自我克制嘅方式，抹殺生育可能性嘅呢個部份，就冇真實嘅自我交付，咁樣構成本質上嘅惡...

調節子女嘅數目，墮胎、結紮和避孕嘅手段，都唔符合教會嘅道德；而合乎道德嘅係善用自然機制--不孕期...

到底唔可以抗孕嘅倫理教導，實質係點樣演繹？

好多基督徒都聽過「天主教唔可以避孕」，但係卻唔知道呢個規範，背後嘅倫理學、神學/人學嘅理據係咩。故勿論你buy唔buy﹐都可以試下了解佢所建基嘅人觀和神學，探討呢個話題嘅時代脈絡(1965到1985之間) ，以及唔抗孕所引伸出對父母職嘅態度...

神學嘅發表，往往唔係無中生有，亦都好多時會建立係前人努力之上。作者嘗試解釋，身體神學嘅建立，係有前人嘅努力，亦都為到相通嘅聖徒，係唔同年代所提出嘅神學和倫理教導，得以整合，彼此支持和補充...

最後一季嘅閱讀，我哋會由1968年保祿六世嘅教會訓導入面嘅一段字講起。你可以理解佢為神學家分析工作後，精煉出來嘅教會倫理原則。 呢個原則，就係要將夫妻結合同夫妻生育嘅意義放埋一齊睇。

婚姻係一個聖禮，男女特質、佢嘅結合、持守婚姻展現嘅愛和忠誠、佢展現嘅教會基督合一嘅標記......都係令到無形嘅恩典，變得有形可見：係聖禮嘅標記。 婚禮，係有理由獲更深刻嘅重視；兩性吸引、結合，應該獲得更深刻嘅肯定。

多俾亞同新娘嘅初夜結合，係以身體來說話，亦都好似一個記號，令到人見到不可見嘅神恩典。佢地嘅禱文反映出佢地對婚姻嘅神學理解，係源自創造，所有作者話，呢個身體嘅語言，同時都好似係一個禮儀嘅語言，新人係聖禮嘅施行者，施行呢個記號，以身體述說神嘅原初創造嘅恩典。

夫妻結合呢個指出無形神恩嘅標記，除了係藉著身體嘅男女特質去反映神嘅恩典，亦都藉著身體嘅生死的奧秘去反映。 婚禮誓詞嘅直至死亡將我哋分開，就係人去選擇交付自己，呢種行動係表達咗要突破死亡嘅威脅。死，係會分開我哋，但係唔會因為死我就唔去愛...

今集進深睇基督教視為次經嘅《多比傳》。係天主教和東正教都納入舊約正典。 係多俾亞嘅經歷中，見到愛情猛於死亡，亦都見到佢以妹妹稱新娘，呢D都見於雅歌。到底多俾亞傳點樣呈現男女情愛和純愛呢？我哋要進入呢個有趣嘅部份...

情愛表現出嘅慾望能量，伴隨住永不安寧嘅特質，係結合中不斷要求新嘅認識，要求彼此不斷去交付自己，呼召人走向彼此交付嘅核心...

雅歌呈現嘅情愛，係不停咁尋覓對方。搵到，又更渴望對方，更想要尋穫更多。女性展現更多渴慕嘅成份，男性展現更多對完美嘅渴望。 而愛情亦有佢脆弱嘅一面...

雅歌嘅隱喻似乎唔係現代人可以輕易明白，但卻足以令我哋知道，新娘係點樣傾慕新郎，而新郎係點樣係感官受到女性特質所吸引。 兩個位格嘅結合，既係屬靈，又係屬感官，兩者係冇排斥...

叫新娘做妹妹，回顧佢由細到大，經驗到佢同自己都係來自父上帝(有同一人性)﹐呢個解釋咗雅歌係點樣演繹創世記嘅創造。 封鎖咗嘅花園和泉源，係另一個隱喻，提到人內在嘅不可侵犯特質...

第一次讀呢集，有種艱澀感，連埋EP110一起聽會更完整。 作者認為以隱喻方式稱新娘為妹妹，係要指出當我地重讀身體嘅語言時，係重讀創世記中，男人和女人所分享嘅同一人性。夫妻share緊同一人性，隱喻用了來自同一母胎嘅兄妹，隱喻幫讀者重返身體原初嘅場景咁。 而且，將新娘叫為妹妹，亦都說明呢個愛唔係單受libido性慾所支配，亦都關乎創世嘅原初孤獨、配偶性意義等等共同嘅人性。 記得聽埋下集。

夫妻間嘅愛運用眼目彼此直接經驗。雅歌借用好多隱喻去描述個個有形可見，但又難以言盡嘅身體語言，去描述男女互相經驗對方時嘅驚歎和歡愉...

有種講法認為人嘅所有行為都係受性慾所驅使，性慾係人嘅源動力。如果係咁樣睇婚姻，就會扭曲和掩蓋咗婚姻嘅聖事特質，令到人活係貪慾嘅支配下。雖然人係有原罪，但係人都有救贖，可以係聖靈中重讀 身體嘅語言，活出恆久嘅標記所指出嘅神恩...

身體唔識講嘢，但係行動係可以表達意義，所以叫呢個做身體語言。夫妻日復日嘅結合一體，就係keep住重讀身體嘅語言出蒞...

誓詞係重讀一次繼承自創世、先知到救贖嘅 身體嘅語言，標記著位際共融呢份恩典和真義。 誓詞呢個標記唔係流星咁，飛過就唔見，而係指向一個直到死亡將佢分開嘅結合，所以夫妻要持續咁去演繹出呢個身體嘅語言，包括身體嘅生育意義...

作者係度分析緊一個概念： 身體嘅語言。 點解上帝要用新郎去類比自己呢？要用新娘去類比以色列？因為身體嘅配偶意義，能夠說明上帝自己。 上帝(藉先知) 去解釋愛、忠誠、盟約，係透過身體嘅語言去解釋。例如：背叛上帝係咩概念？好難講，但係我哋以行淫出軌就明到，出軌就係身體嘅現實。上帝愛佢嘅子民，係點愛呢？透過男和女嘅身體配偶意義就明到，因為我哋身體說明咗男和女嘅結合，個種根本和特質。

我承認你係我妻子/丈夫...從今以後...直至死亡將我哋分開...點解結婚誓詞係咁樣款？原來誓詞係一個標記，顯示出2個位格嘅真實意向；而婚姻係未真正起作用...直到夫妻圓房。事實上，係源自英國嘅香港婚姻法都有呢個「未圓房就可以宣布冇結過婚」嘅條文。點解係咁呢？ 今集開始係第5季(全書共6季) 嘅第1集。

婚姻係關乎人和世界嘅聖事。因住活出肉身救贖，人可以以自己生命去確認呢份恩典，並且在誕生和死亡等處境，搵到位際共融嘅實質意義。婚姻亦都指示出基督和教會成為一體的奧秘，直到在上帝國中達至圓滿...

婚姻唔係貪慾嘅替補機制，唔係用來幫咸濕嘅人有滿足慾望。婚姻本身係一份呼召。呢個呼召係叫人以聖事形式，去表達上帝嘅拯救恩典。婚姻作為恩典嘅標記，指示出救贖嘅希望：指示在現身隨從聖靈生命嘅德性生活，亦都指示係基督教會結合為一嘅末世狀態。 生命係神聖嘅，因為隨從聖靈嘅父母，帶住呼召將一代又一代嘅人(恩典) 有形可見嘅世界，並同一切受造物去期盼上帝嘅拯救和歸來。人在世嘅起始和暫存嘅歷史進程，都同婚姻緊相連，標記住神恩。所以生命係神聖嘅。

罪人係可以仗賴婚姻聖事嘅特質呢個奧秘，重新發現受到貪慾威脅嘅人性尊嚴，男可以尊重女，女可以尊重男，男女可以尊重自己。唔係話婚姻本身有咩神奇力量，而係婚姻本身係無形恩典嘅有形標記，揭示神最原初俾人嘅揀選恩典；以及基督和教會一體嘅救贖奧秘...呢個情況下，基督才講出婚姻應該係點，唔應該係點...倫理背後，係有深厚嘅神學基礎...

基督答法利賽人時訴諸起初，其實都可以用一個解釋末後救贖嘅向度去理解。因為救贖意即新嘅創造。新嘅創造唔係無中生有，冇抹殺到上帝起初嘅創造，咁到底男人、女人、婚姻係點樣繼承住原始聖事(恩典標記)﹐去展現末後嘅救贖呢？

上次提到，如果要明白救恩，作者認為要以原初婚姻嘅聖事特質，作為基本結構先可理解救恩。甚至，洗禮同聖餐，都會以婚姻作為prototype﹐即搵到婚姻作為原型。點解呢？咁要從乜嘢係聖事講起...

我哋嘅福音，有一套說法去解釋救贖嘅恩典。就好似3福4律5色珠咁：神創世，人犯罪，基督用血代贖，人潔淨清義，有永生，句號。作者則從以弗所書所引用嘅舊約，創世記、以賽亞書等，作為錨點，串連起上帝點樣用婚姻呢個有形可見嘅現實，去解釋唔容易被理解嘅救恩。創世時人被揀做萬物之靈，已經係預定了救恩，基督道成肉身，再次以婚姻嘅自我交付之愛，去救贖所愛嘅以色列民和其他義子。婚姻係理解救贖中，重要嘅現世標記...

聖餐、洗禮係基督設立嘅聖禮，但係基督冇設立到婚姻，加上婚姻同救贖冇關，所有婚禮嘅神聖特質一直冇獲得基督徒充分嘅重視。不過其實婚姻係父上帝自創造以先，就係人身上設定嘅標記，係視人為「勁好」嘅標記，所以婚姻可以話係最原初嘅聖事...

我地知道夫妻類比了2樣嘢：上帝/以色列 和基督/教會。呢個類比係發揮緊咩作用？一個作用係知道神徹底咁交出自己，呢一個係俾人明白返婚姻嘅本質到底係咩...

以弗所書嘅描述，可以追溯到以賽先知嘅說法，亦即係上帝係以色列嘅夫君...

以弗所書採用夫妻類比基督同教會嘅結合，其實有豐富嘅舊約傳統去back up...今次開始會轉戰以賽亞書嘅相關經文片段，講解上帝點樣睇自己同選民嘅關係...

保羅講這奧秘真係偉大，我想像到佢嘅讚嘆語氣，確係發現到基督作為新郎嘅呢種類比，點樣from day 1 就反映係上帝創世嘅持續計劃入面。男女結合一體呢個現實，既係公開已知嘅，真正反映救恩個part又係隱藏起蒞嘅...到以弗所書時揭開和展示呢個隱藏part...

婚姻「你中有我，我中有你」個種成為一體嘅感覺，其實係來自愛所促成嘅一體特質...呢種去愛，去為對方放棄自己(丈夫先去捨己，妻子再去順服)﹐正正反映基督救贖世界嘅奧秘...就係因為婚姻係呢種恩典標記。就算有人主張婚禮唔直接係關乎人得救所以唔係聖禮，都掩蓋唔到婚姻所散發嘅神聖氣息...

教會同基督結合，成為一體，冇令到教會或者基督嘅士但一方主體消失。既係2個主體，又係一體，夫妻都係咁。冇話丈夫壓倒妻子嘅主體，令到妻子尊嚴受損。結婚唔係要毁滅對方嘅尊嚴，反而係使到對方獲得應有嘅重視和獨特。教會都係咁，透過洗禮，同基督連結，冇令信徒嘅自我位格和尊嚴消失，反而係使之更接近基督...

我哋似乎可以用婚姻關係，理解到基督為教會捨己呢個咁匪夷所思嘅救贖計劃。原因似乎係夫妻一體嘅呢個設定，同基督救贖有好多共通點。今集會講下2種關係嘅類比...

妻子順服丈夫嘅教導對於現代女性係一個很難聽入耳嘅說話。要為妻子放低自己條命，對普遍自我嘅男人來說，同樣係好銀耳。今集會講下呢2句說話...

上次提到，讀以弗所書可以見到婚姻係有形地，反映基督教會嘅恩典和關係。今次就開始慢慢進深探討。第一步係講下以弗所書嘅上下文。作者提到一個交匯點，分別係基督救贖奧秘，同埋對於基督徒嘅家庭生活規範：家規...

恭喜你堅持撐到第4季，亦都係第2部份嘅第1章(第1、2部份各有3章，共計有6季) 。一般基督徒可能對 聖 事 呢粒字好冇feel﹐其實佢嘅意思就係無形恩典在世上有形嘅標記。恩典係抽象，咁點知咩係恩典呢？具體就係可以眼見嘅xxx ....呢個概念就叫做聖事性。身體，係人嘅精神性嘅具體標記，有形可見。婚姻呢，係無形嘅教會和基督關係嘅一份具體標記....今集開始會慢慢解釋呢件事...

第一部份建基在基督所訴諸嘅3個錨點：起初、人心和復活，豐富咁解釋了乜嘢係人(人學)﹐而人係有希望可以邁向圓滿嘅，不論係婚姻還是獨身，都可以有成熟嘅交付自我嘅自由。個希望，亦就係肉身嘅救贖。

保羅(和基督) 都係好清楚咁，將誡命和勸諭區分，尤其在談論到為天國獨身和婚姻生活嘅事上。佢地亦都同時肯定婚姻和獨身嘅好，並且冇話到結婚就係屬肉體情慾，或者唔覺得獨身先係屬神、高人一等。呢集係保羅解釋為天國獨身嘅一個小短結...