1 de Decembro, Actualidade Mediodía.

Hoxe na Estrada temos cultura, luces, controversia… e por suposto, deporte! Arrincamos co peche do Ano Cultural dedicado a Avelina Valladares. A nosa poeta recibe unha homenaxe preciosa coa presentación da súa obra poética. Seguimos co espírito do Nadal: Servizos Sociais convida ás AMPAs dos coles ao acendido do alumeado este 5 de decembro. Un momento para vivir en comunidade ✨ Na actualidade local: a Xunta de Goberno analiza unha nova parcelación urbanística en Piñoi, e a Praza de Galicia recuperará a fonte histórica da Farola coa súa reforma. Tamén hai crítica política: o PSOE denuncia problemas na recollida do lixo e fala de incapacidade de xestión. E nas comarcas, Forcarei anuncia que devolverá os cobros excesivos do Servizo de Axuda no Fogar básico. Peche deportivo coa voz de casa: Rafa Vázquez repasará todos os resultados dos equipos da contorna. O que pasa na Estrada e arredores… pasa por aquí