22 decembro, Atualidade Mediodía.

No informativo de hoxe falamos dun accidente en Caldas de Reis na madrugada do sábado ao domingo, que deixou varios feridos, entre eles un veciño da Estrada, tras unha colisión frontal entre un coche e unha furgoneta. O servizo móbil do DNI pecha o ano na Estrada con 630 citas atendidas e anuncia que todas as quendas de xaneiro están xa completas, permitindo renovar DNI e pasaporte ao mesmo tempo. A Estrada acolleu o encontro de irmandade das Tres Negreira de Galicia, un acto para poñer en valor a historia, a lingua e a toponimia compartida. Tamén destacamos o éxito de afluencia nas visitas ao Castro de Barbude, onde se amosaron os achados arqueolóxicos antes de seren cubertos de novo para a súa conservación. A fin de semana chegou cargada de actividades culturais, coa axenda do Nadal xa en marcha e coa celebración hoxe da Gala do Deporte. En comarcas, Vila de Cruces celebrou a súa 26ª Feira do Galo de Curral, con degustación e música tradicional. E en deportes, Rafa Vázquez achéganos os resultados da fin de semana no fútbol, que ademais veñen con victorias.