23 decembro, Actualidade Mediodía

No informativo de hoxe contamos que a Administración de Lotarías da Estrada repartiu máis de 300.000 euros no Sorteo de Nadal, quedándose a tan só un número dun quinto premio. Falamos tamén da remodelación do albergue de Sabucedo, cuxas obras o Concello prevé contratar no mes de xaneiro. Na axenda cultural, hoxe temos cita no Teatro Principal co Obradoiro de Música Moderna Carlos Barruso, e mañá, tras o tradicional Mercado de Nadal, chegará á Estrada a visita máis esperada: Papá Noel. En comarcas, Moraña anuncia unha residencia pública, Cuntis recibe o circuíto +Escénicas coa obra Superhéroe, Cerdedo-Cotobade inviste 100.000 euros na mellora da Casa do Pobo de Caroi, e Silleda pecha os seus obradoiros de terapia cognitiva para persoas con alzhéimer e demencias. En deportes, repasamos a VII Gala do Deporte da Estrada 2025, o éxito da V Clinic de Nadal con 70 rapaces adestrando con técnicos do Celta, e a concentración estatal de salvamento deportivo que acolle o noso concello.