A tarde 02-07-2024

Levar a maxia do cine ás vilas e pobos sen salas de proxección é o obxectivo de Cine na Rúa, unha iniciativa que nos explica o seu responsable, Xoán Mariño. En Galicia hai arredor de 2.000 radioafeccionados, unha actividade que se mantén malia o empuxe das redes sociais. O presidente do Consello Territorial da Unión de Radioafeccionados cóntanos as razóns polas que seguen navegando nas ondas. Afondamos na figura da cantante e compositora Mari Trini coa autora da súa biografía, a cantautora Esther Zecco. Conversamos con varios integrantes da produtora musical coruñesa SunWalk Record e con algúns dos seus artistas, como Crystal Kid. O especialista Maximino Pérez comenta algúns cambios planeados na normativa de tráfico e a incorporación de pantallas ós coches.