A tarde 21-01-2026

A Unión Europea prohibirá o uso na hostelería dos sobres de plástico monodose. Para saber como reciben a noticia os empresarios do sector falamos con César Ballesteros, presidente de Feprotur, pero tamén queremos coñecer o impacto que ten este tipo de plásticos no ambiente escoitando á bióloga Saleta González e á educadora ambiental Laura Calvo. Aumentar lixeiramente a actividade física reduce notablemente a mortalidade. É a conclusión dun estudo que analizamos cun dos seus autores, o investigador da Universidade de Vigo Adriano Sánchez. Na mesma universidade traballa Marta Pérez, que nos describe o programa "Cóntancho as matemáticas", co que se pretende estimular o interese dos escolares por esta materia. Achegámonos á entrega dos premios San Clemente para escoita-los escritores galardonados: Ledicia Costas, David Uclés e Lidia Jorge. Xa se pode ver en Agalega.gal a web serie "Peter Brandon". Conversamos co seu director, Jorge Boquete. O presidente do Banco de Alimentos de Vigo, José Ramón Santamaría fai balance do labor da ONG. O xerente de Recambios Frain, Paco Dorado, asesóranos para preparar o coche de cara ao inverno e o doutor Norberto Proupín cóntanolo todo sobre as varices.