A tarde 23-05-2025

Quen non perdeu algunha vez un obxecto de valor? Preguntamos na Oficina de Obxectos Perdidos de Betanzos cales son os que máis se entregan alí. O director da Casa da Troya de Santiago, Benigno Amor, cóntanos como son as visitas teatralizadas que organizan por Compostela. Agustín Vázquez explícanos en que casos e como poden viaxar sós os menores de idade. A vocal do Colexio Oficial de Farmacéuticos da Coruña, Blanca González danos consellos para protexernos do sol. Adela Quinzá, directora do Instituto de Seguridade e Saúde Laboral de Galicia, fálanos da campaña impulsada pola Xunta para previr sobre o risco da conducción de tractores. O gaiteiro Cristian Silva preséntanos o seu próximo disco. O alcalde de Ribadavia, César Fernández, fálanos do seu plan para darlle vida aos baixos comerciais da vila. Ademais, acompañamos o movemento de apoio ao Celta na súa carreira cara a Europa e asistimos aos preparativos do Arde Lucus.