Actualidade Mediodía Martes 13 de Xaneiro

Neste episodio repasamos a actualidade da Estrada e da comarca cunha ampla variedade de temas de interese cidadán. O Concello da Estrada, xunto coa Atención Primaria, activa o Plan de Saúde Local 2026-2030 tras a primeira reunión do Comité de Dirección, orientada a reforzar a atención sanitaria de proximidade. Ademais, nos vindeiros días perfilarase un novo plan de tráfico motivado polas obras da Praza de Galicia, mentres a Policía Local pide paciencia ante os novos cortes de rúas. No ámbito político, o PSOE cuestiona a cesión de parcelas para aparcamentos disuasorios na praza da Farola e critica o elevado custo do aluguer, apostando pola compra de espazos municipais. Tamén destacamos que o Concello incorpora o baile galego ao programa de envellecemento activo , unha iniciativa que chega tras a petición unánime das persoas maiores e que abrirá inscricións dende mañá. Falamos tamén do Sorteo de ACOE ️, que se celebrará mañá martes con arredor de 35.000 tickets participantes, e lembramos que o xoves se contactará cos agraciados no programa “É de Maña” de Radio Estrada . Na sección comarcal, informamos dun incendio rexistrado nunha vivenda de Soutelo de Montes , que afectou parte do teito e o mobiliario dunha habitación. Ademais, Ames será sede do Campionato do Mundo de 100 quilómetros o 20 de setembro de 2026 ‍♂️ , e o Concello de Cerdedo-Cotobade volverá adxudicar dúas das vivendas sociais situadas no antigo centro médico de Carballedo.