大學裡肚个客語課摎客家文化課！本土語言這下有哪兜挑戰呢？ Feat.呂亭慧老師

受訪者：呂亭慧 / 臺師大台文系講師 💡受訪者與本集主題介紹： 大家可能對國小个本土語言課還有印象，毋過有兜大學其實乜還有客語課喔！今晡日邀請臺師大台文系个講師：呂亭慧先生來到《有料無料共下坐尞》摎大家打嘴鼓！分享「初級客語」、「台灣客家文化」課程个狀況。到底上課个內容係麼个？愛仰般打分數呢？續下來，亭慧先生乜分享本土語言課程个困難摎挑戰，愛仰般克服語言環境个問題呢？最尾，先生乜分享佢个樂觀心態，客家路會緊行緊闊～遽遽來聽這集《有料無料共下坐尞》！ 👂本集節目重點： ➢國語政策造成語言斷層，這下愛遽遽救轉來 ➢大學裡肚个客話課、客家文化課愛仰般進行呢？分享生趣个課程！ ➢本土語言个課程堵著哪兜問題同挑戰呢？ 學兜仔客家話 & 延伸思考 「你會希望本土語言个先生仰般設計課程？當多學生對客語課無興趣个主要原因係麼个？歡迎留言分享你个想法！」