هو أنا حاسس بإيه؟ مفاتيح فهم المشاعر مع ليلة محمود

في جلستنا هنتكلم سوا عن المشاعر… إزاي بنحس، وليه أوقات بنلخبط بينها أو نهرب منها.هنقرب لفهم المشاعر الأساسية، وإزاي بتظهر جوانا،وليه أوقات بنحس بحاجة ومش عارفين نسميها.جلسة هادية وصادقة…يمكن تخلّيك أقرب لنفسك شوية.عن ضيفتناليله محمود هي أخصائية نفسية حاصلة على ماجستير في علم النفس الإكلينيكي، وبتشتغل مع البالغين في رحلتهم لفهم نفسهم والتعامل مع مشاعرهم بشكل أعمق.شغلها بيعتمد على أساليب علمية زي العلاج المعرفي السلوكي (CBT)، والعلاج الجدلي السلوكي (DBT) مع تركيز كبير على إن كل شخص له تجربته الخاصة، وإن العلاج مش قالب واحد يمشي على الكلليله مهتمة بشكل خاص بمواضيع زي القلق، الضغط النفسي، وتنظيم المشاعر، وبتحاول من خلال شغلها ومحتواها على السوشيال ميديا إنها تبسّط مفاهيم العلاج النفسي وتخليها أقرب للناس في حياتهم اليومية Aboutفي الموسم التاني، الجلسة كبرت…وبقى معانا ضيوف مختلفين، كل واحد جاي بحكايته وخبرته.فريده وسلمى لسه أصحاب أولاً وأخصائيين نفسيين ثانياً :)بس المرة دي الأصحاب كتروا، وفي جلساتنا هنفتح مساحة لوجهات نظر وتجارب أكتر حوالين الاضطرابات النفسية.كل حلقة موضوع جديد… من القلق والاكتئاب، للعلاقات، للمشاعر، ولحاجات كتير بنعدي بيها ومبنعرفش نسميها.بنحاول نفهم، مش نحكمنقرب الصورة، مش نعقدهاونخلي الكلام عن الصحة النفسية طبيعي زي أي قعدة صحاب… حتى وإحنا بنتكلم عن أصعب الحاجات.سواء بتدور على إجابة، أو مجرد حاسس إنك مش لوحدك…الموسم ده معمول علشانك.مفيش حلول سحرية…بس فيه ناس حقيقية، وتجارب بجد، وكلام ممكن يلمس حاجة جواك.Instagram [email protected] [email protected] Account@MentalMatters-fsAlso available on Apple PodcastSpotify