Informativos Radio Estrada

Hai historias que atravesan océanos e décadas para volver ao punto de partida. No informativo de hoxe abrimos cun relato cheo de memoria e saudade: o de João San Martín Paixão, cidadán brasileiro que busca na Estrada ás raíces do seu avó, José San Martín Camiña, emigrado a Brasil en tempos difíciles. Tras o falecemento da súa nai, João quere cumprir o seu último desexo: atopar aos descendentes da familia que quedou nesta terra. Unha mensaxe cargada de emoción que podería abrir a porta a un reencontro inesperado. Ademais, repasamos a actualidade da xornada cos asuntos máis destacados: Novos datos sobre o accidente no Alto da Cruz, no que un home de máis de 80 anos resultou ileso tras unha saída de vía. A Xunta suspende as queimas agrícolas e forestais ata novo aviso. O Pleno Extraordinario aproba os Orzamentos de 2026. A Praza de Galicia reabrirá ao tráfico mañá ás 14.00 h, con preferencia peonil. Continúa o programa de repintado de rotondas. O Concello rehabilitará a terraza do centro de día cun investimento de ata 5.000 euros. Presentación da Semana Santa da Estrada, que mantén percorridos e incorpora unha nova procesión o Venres Santo. Último día da Semana das Artes Galegas no Conservatorio, coa actuación da súa Orquestra. Mondra actuará na Estrada o 16 de maio. O Salón do Vehículo de Ocasión celebra a súa décima edición con máis de 4.000 m² de exposición. En comarcas: A Garda Civil esclarece tres roubos con forza no Umia e no Salnés, recuperando material valorado en máis de 5.000 euros. En deportes: O Estradense reforza a portería con Pablo Brea. A Estrada acolle este sábado o Campionato Galego Absoluto de bádminton. Seis deportistas do CNS A Estrada competirán no Campionato de España cadete en Valencia. Un informativo completo, con historias que emocionan e toda a actualidade da Estrada e comarca.