Informativos Radio Estrada

Un novo intento de fraude pon en alerta á veciñanza da Estrada: varios usuarios recibiron mensaxes falsas sobre a suposta caducidade da súa tarxeta sanitaria. Lembramos que as tarxetas sanitarias galegas non caducan desde 2012, polo que se trata dun engano destinado a obter datos persoais. Falamos no Centro de Saúde coa súa Xefa do Grupo Administrativo, Mery Bermúdez, para coñecer os detalles e as recomendacións de seguridade. Ademais, repasamos a actualidade local: Desaloxado un edificio na Avenida Benito Vigo por unha alarma de incendio. As farmacias da vila dispoñerán dunha praza de aparcamento de uso exclusivo durante 10 minutos. O Pleno municipal debaterá mocións sobre Mercosur e o sector primario, e o PSOE propón un espazo interxeracional no antigo Xulgado Nº1. Novas marquesiñas para o transporte escolar xunto ao Concello. O alcalde pide civismo na recollida do lixo tras detectar voluminosos fóra dos colectores. Un cento de escolares visita o Concello e participa en plenos infantís. Na comarca: Cerdedo-Cotobade celebra unha xornada aberta de pickleball polo Día da Muller. A Vía Verde do Salnés mellora o acceso en Vilagarcía. A Deputación convoca a décima edición dos Premios Provinciais á Xuventude 2026. En deportes: O estradense Nico Lorenzo, campión do Trail de Quiroga con só 15 anos. O Clube NS A Estrada logra sete récords galegos e dous de España na final da liga absoluta.