Informativos Radio Estrada

A Estrada convértese hoxe no epicentro da última das Festas do Correlingua 2026, unha celebración que percorreu Galicia durante todo o mes para promover o uso do galego entre a mocidade. Once centros educativos da Estrada, Forcarei e Cuntis participan nunha xornada chea de actividade polas rúas e na Praza do Concello, presentada por Fran Rei e coa tradicional carreira pola lingua como punto de partida. No informativo de hoxe repasamos tamén a actualidade local e comarcal: A Xunta suspende todas as queimas agrícolas e forestais pola vaga de calor. Convocada unha folga na recollida do lixo na Estrada en plenas festas patronais. O conselleiro Diego Calvo participa nun exercicio de busca con unidades caninas. Terra Emprende vive unha segunda xornada de éxito con 45 firmas galegas. A residencia pública de maiores celebra 40 anos. O San Xoán do Areal de Berres anuncia a súa última edición. Presentacións culturais no Concello e unha nova peza audiovisual de Habita Inmobiliaria que reivindica a identidade estradense. A Escola Municipal de Artes Escénicas homenaxea a Virxinia Pereira cun ciclo teatral. Confirmada a actuación de Goyo Jiménez no Teatro Principal o 10 de decembro. Na comarca: Condenados cinco homes en Campo Lameiro por maltrato animal. Cerdedo-Cotobade aproba investimentos millonarios no pavillón de Tenorio e no vial Caroi–Cerdedo. E no deporte: Marián Mouriño e Gudelj participan na Romaría Celtista. Fin de semana intensa para o Atletismo A Estrada. A AE League bate récord con máis de 500 xogadores. Tinto deixa o Sporting Estrada tras lograr ascenso e permanencia.