Kosningar

Það ætti ekki að koma neinum af ykkur á óvart að fyrsti þáttur haustins hjá okkur fjallar um mál málanna, það sem við gætum ekki forðast við að verða var við jafnvel þó við myndum fela okkur í helli. Kosningar eru á næsta leyti og þó okkur geti fundist þær leiðinlegar eða þreytandi, við vitum ekki hvað við ætlum að kjósa eða hvernig sem það er, þá er mikilvægt að nýta þennan rétt, sem fjöldi fólks barðist ötulega fyrir að fá, og hafa áhrif á samfélagið sem við búum í. En kosningarkerfið sjálft hefur þó alltaf virkað frekar fráhrinandi fyrir mig, ég skil það en samt ekki, ég kýs en veit oft ekki almennilega hvað verður um atkvæðið mitt. Í þættinum í þetta skiptið ætlum við að leytast við að skilja kerfið betur, hvernig það þróaðist og hvað gerist þegar eftir að við skilum x-inu okkar á kjörstað. Ég fékk til mín Gunnar Helga Kristinsson prófessor í stjórnmálafræði við Háskóla íslands til að tala við okkur um þetta.