مش كل زعل اكتئاب فى حلقتنا الثامنة مع د/ رنا هيبه

في ثامن حلقة من جلسة صحاب – الموسم الثاني، بنستضيف د/ رنا هيبةوبنتكلم فيها عن واحد من اكتر المواضيع اللي حوالينا بس ساعات بنخاف نسميه باسمه الحقيقي: الاكتئابامتى الحزن الطبيعي بيقف ونبدأ نقول ان في حاجة اكبر؟ وازاي نفرق بين زعل عادي وبين اكتئاب محتاج فهم ومساعدة؟ الحلقة بتاخدنا خطوة خطوة من الفرق بين الحزن والاكتئاب، لاعراضه، ولما التشخيص يبقى مهم ومفيد مش مجرد تسمية.كمان بنتكلم عن ليه بعض الناس بيبقوا اكثر عرضة للاكتئاب، وايه العوامل اللي ممكن تساهم فيه، من البيولوجي للنفسي لحد الاجتماعي والثقافي.وفي جزء مهم جدا بنفتح فيه زاوية مختلفة: هل ممكن نفهم الاكتئاب بشكل اعمق من مجرد "مرض لازم يتشال"؟ من منظور علم النفس الوجودي، ومع تأثير المجتمع اللي حوالينا على الطريقة اللي بنشوف بيها نفسنا ومشاعرنا.وفي الاخر بندي ادوات بسيطة وعملية لاي حد بيمر باكتئاب او عايز يكون سند لشخص بيعدي بده… لان ساعات فرق كبير جدا بيعمله فهم، وكلمة، ووجود.عن ضيفتناد. رنا هيبة هي اخصائية نفسية استشارية، درست العلاج النفسي في كلية ريجنتس بلندن.وحصلت على درجة الدكتوراه في علم النفس الاستشاري والعلاج النفسي من جامعة ميدلسكس والمدرسة الجديدة لعلم النفس والاستشارة (NSPC).تقدم الدكتورة رنا الدعم للبالغين الذين يعانون من القلق والاكتئاب، وتساعدهم على فهم العلاقة بين الألم الجسدي والضغوط النفسية.في عملها العلاجي، تتبنى منظورًا وجوديًا يركز على معنى التجربة الإنسانية وكيف يمكن للإنسان أن يجد توازنه داخل تعقيدات حياته، بدل الاكتفاء بالتعامل مع الأعراض فقطوتعمل الدكتورة رنا في عدة مؤسسات طبية وتعليميه منها:• مركز بيلدينج بلوكس للعلاج (Building Blocks Therapy Centre): تعمل كأخصائية نفسية ممارسة في المملكة المتحدة.• التدريس: تشارك كأستاذة في تقديم المساقات التعليمية عبر الإنترنت للمدرسة الجديدة لعلم النفس والاستشارة (NSPC).Aboutفي الموسم التاني، الجلسة كبرت…وبقى معانا ضيوف مختلفين، كل واحد جاي بحكايته وخبرته.فريده وسلمى لسه أصحاب أولاً وأخصائيين نفسيين ثانياً :)بس المرة دي الأصحاب كتروا، وفي جلساتنا هنفتح مساحة لوجهات نظر وتجارب أكتر حوالين الاضطرابات النفسية.كل حلقة موضوع جديد… من القلق والاكتئاب، للعلاقات، للمشاعر، ولحاجات كتير بنعدي بيها ومبنعرفش نسميها.بنحاول نفهم، مش نحكمنقرب الصورة، مش نعقدهاونخلي الكلام عن الصحة النفسية طبيعي زي أي قعدة صحاب… حتى وإحنا بنتكلم عن أصعب الحاجات.سواء بتدور على إجابة، أو مجرد حاسس إنك مش لوحدك…الموسم ده معمول علشانك.مفيش حلول سحرية…بس فيه ناس حقيقية، وتجارب بجد، وكلام ممكن يلمس حاجة جواك.جلستنا بتكبر… وأصحابنا بتكتر 🤍بودكاست جلسة صحابInstagram [email protected] [email protected] Account@MentalMatters-fsAlso available on Apple PodcastSpotify