نعیمه کشور وايي قبایلي ضلعې تش په نوم په خیبر پښتونخوا ورګډې شوې دي

دا اوونۍ مو په مشال مرکه کې د پارلېمان پخوانۍ غړې او د جمعیت علمای اسلام سیاستواله نعیمه کشور مېلمنه ده. نوموړې د مردان ده او له پېښور پوهنتونه یې لوړې زده کړې کړې دي. هغې په ۲۰۰۲ز کال کې پارلېماني سیاست پیل کړ. نعیمه کشور وايي چې په پاکستان کې ګوندونو اکثر غیر جمهوري قوتونه مخکې کړې دي او واک یې ورزیات کړی دی. هغه وايي، همدا لامل دی چې اوس د امنیتي ادارې (اېسټیبلېشمنټ) له مرستې پرته حکومتونه نه شي چلېدای او ماتېږي. هغه داراز وايي چې قبایلي ضلعې تش په نوم په خیبر پښتونخوا ورګډې شوې دي او ورسره ژمنې نه پوره کېږي. بشپړه مرکه واورئ.