NATO

Þessa dagana erum við að upplifa frekar skringilega tíma, fólk á mínum aldri er að upplifa stríð sem virkar einhvernveginn aðeins nærri okkur en oft áður og þar af leiðandi erum við oft að tala um hluti og hugsanlega mynda okkur skoðun á hlutum sem við höfum ekki endilega þurft að gera áður. Ég ímyndaði mér þá að það væri varla til betri tímasetning til að setjast niður og læra meira um þetta fyrirbæri sem er töluvert á milli tannana á fólki þessa dagana, Atlantshafsbandalagið, öðru nafni Nato. Hver eru ríki Nato, hvað gerir Nato og af hverju gerir Nato ekki meira? Af hverjum erum við í Nato? Þegar maður segir Nato nógu oft virkar það eins og maður sé að tala um einhvern vin sinn hann Nato en þið venjist því eftir því sem líður á. Til að tala við mig um þetta allt saman og meira til fékk ég til mín Brynju Huld Óskarsdóttur sem er hvað fróðust á þessu landi um málefni þessa stóra sambands. Umsjón: Atli Már Steinarsson