讓學生動起來！打造不無聊的英文課——專訪臺師大英語教學博士生甘甯

受訪者：甘甯／國立臺灣師範大學英語教學博士生 💡受訪者與本集主題介紹： Nicole 先生（甘甯）係國立臺灣師範大學个英文先生，乜係英語學系英語教學組个博士生，來到節目分享佢對英語文產生興趣个過程，還有講著當多愛仰般分英文課變「生趣」个方式。毋單淨有透過看影集、問答遊戲个課程，先生還會分逐儕學生當「無閒」，毋過係有目標个無閒，分逐位同學都有在課程裡肚學著知識。先生乜打爛迷思，摎大家講學英文無定著愛要求講著當正，敢講斯最重要。最尾先生也講著「先生乜係學習者」，到底愛仰般培養這種心態？還有對教學者个角度，愛仰般保持學習語言个熱情呢？斯遽遽來聽這集節目～ 👂本集節目重點： ➢愛仰般設計一堂分學生「動起來」个英文課 ➢大眾對學英文愛有「標準口音」个迷思 ➢愛仰般保持學習語言个熱情摎動力 學兜仔客家話 & 延伸思考 「學一隻新語言个時節，愛仰般去面對堵著个困難？」