EPISODE · May 28, 2026
'Reset' da aurtengo gaia, hasiera barri baten aurrean gagozalako
from Goizeko Izarretan · host Javi Onaindia eta Gontzal Galán
GetxoPhotok edizino barri bat ospatuko dau gaurtik, maiatzaren 28tik, bagilaren 21era bitartean Getxon. Jokin Aspuru GetxoPhotoko zuzendariak esan deuskunez, Reset da aurtengo gaia, Pausa, Play eta REC gaiak jorratu eta gero. Hasiera barri baten aurrean gagoz, beraz. Aurton, Maria Ptqk ikertzaile eta kultur-kudeatzaile bilbotarrak komisariatuko dau azken aldiz GetxoPhoto. Aurtengo edizinorako 25 bat erakusketa antolatu dabez. Jaialdiaren gune nagusiak Punta Begoña Galeriak (sei erakusketa egongo dira bertan) eta Algortako Azoka izango dira. Azken honetan, GetxoPhotoren artxibo historikoari buruzko instalazino handia egongo da. Bitartean, edizino honetako apusturik garrantzitsuenetako bat GetxoPhotoren artxibo digitala sortzea izan da. Mundu guztiarentzat eskuragarri, euskeraz, gaztelaniaz eta ingelesez, besteak beste, jaialdian parte hartu daben ia 400 artisten lana, informazinoa, biografiak eta instalazinoak biltzen ditu. Ganera, jaialdiak 20 urte beteko ditu aurton. Aspuruk esan deuskunez, gauzak asko aldatu dira 2007tik 2026ra. Esaterako, irudiagaz lotura oso estua daukan Instagram sare soziala ez zan existiduten orain dala 20 urte eta historiako lehen iPhone gailua be urte horretan bertan kaleratu eben.
Embed this episode
Ready to play
'Reset' da aurtengo gaia, hasiera barri baten aurrean gagozalako
No transcript for this episode yet
Similar Episodes
No similar episodes found.