PODCAST · news
វិទ្យាសាស្ត្រ បច្ចេកវិទ្យា - វីអូអេ
by វីអូអេ
សំឡេងសហរដ្ឋអាមេរិក (វីអូអេ) ជាអង្គការផ្សាយព័ត៌មានអន្តរជាតិដែលផ្សាយទៅកាន់ទ្វីបអឹរ៉ុបកណ្តាលនិងអឺរ៉ុបខាងកើត តំបន់ Caucasus អាស៊ីកណ្តាល ប្រទេសរុស្ស៊ី មជ្ឈិមបូព៌ា និងបណ្តាប្រទេសបាល់កង់។
-
37
Hello VOA៖ បច្ចេកវិទ្យាផ្តល់ផលវិជ្ជមានដល់អ្នកមានជំនាញ តែផ្តល់ផលអវិជ្ជមានដល់អ្នកគ្មានជំនាញ - ធ្នូ 18, 2018
បច្ចេកវិទ្យាមានច្រើនសណ្ឋានតាំងពីផ្នែកព័ត៌មានវិទ្យាដល់ផ្នែកម៉ាស៊ីនស្វ័យប្រវត្តិ។ បច្ចេកវិទ្យាជួយបង្កើនផលិតភាព ប្រសិទ្ធភាព និងធ្វើឲ្យផលិតផលមានតម្លៃទាបជាងមុន។ ផ្ទុយទៅវិញបច្ចេកវិទ្យាក៏មានផលប៉ះពាល់ជាអវិជ្ជមានដល់ទីផ្សារ សេដ្ឋកិច្ចនិងសង្គមផងដែរ ជាពិសេសបច្ចេកវិទ្យាអាចបង្កើតនូវគ្រឿងម៉ាស៊ីនស្វ័យប្រវត្តិដែលអាចជំនួសកម្លាំងពលកម្មរបស់មនុស្ស ដែលអាចបង្កើតបញ្ហាជាច្រើនបន្ថែមទាំងនៅក្នុងសង្គម។ ទោះជាយ៉ាងនេះក្តី លោក ហៀន ឧត្តម បេក្ខជនថ្នាក់បណ្ឌិតខាងផ្នែកសេដ្ឋកិច្ចដែលបានសិក្សាអំពីផលប៉ះពាល់របស់បច្ចេកវិទ្យានេះ ជំរុញឲ្យប្រជាពលរដ្ឋពង្រឹងជំនាញនិងបង្កើនសមត្ថភាពប្រើប្រាស់បច្ចេកវិទ្យាឲ្យកាន់តែខ្លាំងជាងមុនដើម្បីប្រកួតប្រជែងជាមួយប្រទេសដែលមានបច្ចេកវិទ្យាជឿនលឿន៕ (ស្រេង លក្ខិណា，Hello VOA សំឡេងជំនាន់ថ្មី, វ៉ាស៊ីនតោន, ១៧ ធ្នូ ២០១៨)
-
36
បទសម្ភាសន៍ VOA៖ យុវតីកម្ពុជាមានស្នាដៃបង្កើតមនុស្សយន្តក្នុងកម្មវិធីអន្តរជាតិ - វិច្ឆិកា 05, 2018
យុវតីបីនាក់ដែលជាសិស្សវិទ្យាល័យនៅឡើយ មានសមត្ថភាពបង្កើតមនុស្សយន្ត ឬហៅថា រូប៊ូត ទោះបីជាពួកគេមានការលំបាកខ្លះៗក្តី។ សមត្ថភាព រួមទាំងការចូលចិត្តវិស័យបច្ចេកវិទ្យា បានធ្វើឲ្យពួកគេតស៊ូជម្នះការលំបាកនានាទាំងនោះ។ ថ្មីៗនេះ ក្រុមយុវតីនេះ ត្រូវបានជ្រើសរើសឲ្យតំណាងឲ្យសិស្សវិទ្យាល័យមកពីប្រទេសកម្ពុជា ដើម្បីចូលរួមប្រកួតក្នុងកម្មវិធីប្រកួតបង្កើតមនុស្សយន្តអន្តរជាតិ (International Robotic Competition) ដែលប្រព្រឹត្តឡើងនៅប្រទេសម៉ិកស៊ិច កាលពីខែសីហាកន្លងទៅនេះ។ ក្រុមយុវតីកម្ពុជា ដែលមានកញ្ញា លី រ៉ាសា ជាមេក្រុម និងជាអ្នកសរសេរកូដសម្រាប់មនុស្សយន្តនេះ បានទទួលចំណាត់ថ្នាក់លេខ២២ ក្នុងចំណោមប្រទេស១៩៣។ តទៅនេះគឺជាបទសម្ភាសន៍រវាងអ្នកនាង ទែន សុខស្រីនិត នៃ VOA ជាមួយកញ្ញា លី រ៉ាសា អំពីបទពិសោធន៍របស់យុវតីកម្ពុជា ដែលចូលរួមការប្រកួតមនុស្សយន្តអន្តរជាតិនេះ។
-
35
Hello VOA វិទ្យាសាស្ត្រនិងបច្ចេកវិទ្យា៖ វិធីសាស្ត្រទប់ទល់នឹងព័ត៌មានក្លែងក្លាយ (ភាគ២) - វិច្ឆិកា 02, 2018
លោក គុណ ចិន្តា អ្នកគ្រប់គ្រងផ្នែកអនឡាញ នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ឬ Cambodian Center for Independent Media បានចូលរួមជាវាគ្មិនក្នុងកម្មវិធី Hello VOA ស្ដីពី «វិទ្យាសាស្ត្រនិងបច្ចេកវិទ្យា» កាលពីថ្ងៃច័ន្ទទី០១ ខែវិច្ឆិកា ឆ្នាំ២០១៨នេះ ហើយបានថ្លែងថា៖ «ឥឡូវនេះ យើងអត់ចាំបាច់ត្រូវការច្បាប់ប្រយុទ្ធប្រឆាំងព័ត៌មានក្លែងក្លាយទេ ពីព្រោះថា ខ្ញុំឃើញថា បើតាមការសិក្សាស្រាវជ្រាវ យើងមានច្បាប់ផ្សេងហើយ យើងអាចយកមកប្រើបាន។ ហើយ ខ្ញុំក៏លើកទឹកចិត្តដល់ រដ្ឋាភិបាលឲ្យពន្លឿនច្បាប់ទទួលបានព័ត៌មាន ព្រោះវាការពារផលប្រយោជន៍សាធារណៈ និងប្រទេសទាំងមូល»៕ (ចាប ចិត្រា, Hello VOA, វ៉ាស៊ីនតោន, ០២ វិច្ឆិកា ឆ្នាំ២០១៨)
-
34
Hello VOA វិទ្យាសាស្ត្រនិងបច្ចេកវិទ្យា៖ សក្ដានុពលនៃមុខជំនាញសិក្សាព័ត៌មានវិទ្យា ក្នុងសម័យទំនើប - តុលា 02, 2018
លោក យូ រតនៈសំរិទ្ឋ អ្នកបង្កើតកម្មវិធីកុំព្យូទ័រនៃក្រុមហ៊ុនបច្ចេកវិទ្យា Things9 ក្នុងប្រទេសកូរ៉េខាងត្បូង បានចូលរួមជាវាគ្មិនក្នុងកម្មវិធី Hello VOA ស្ដីពី «វិទ្យាសាស្ត្រនិងបច្ចេកវិទ្យា» កាលពីថ្ងៃច័ន្ទទី១ ខែតុលា ឆ្នាំ២០១៨នេះ ហើយបានលើកឡើងថា៖ «មិនថាប្រទេសណាទេ ជំនាញខាងផ្នែកព័ត៌មានវិទ្យាគឺត្រូវការខ្លាំងមែនទែន»។ (លោកចាប ចិត្រា, Hello VOA, វ៉ាស៊ីនតោន, ០១ តុលា ឆ្នាំ២០១៨)
-
33
បទសម្ភាសន៍ VOA៖ ទោះខ្វះជំនាញ តែដោយសារការប្តេជ្ញា សហគ្រិនស្ត្រីម្នាក់បង្កើតក្រុមហ៊ុនបច្ចេកវិទ្យា InoTED - កញ្ញា 24, 2018
កញ្ញា ទូច សុជាតិតា គឺជាសហស្ថាបនិកនៃក្រុមហ៊ុន InoTED ដែលផ្តល់សេវាកម្ម និងប្រឹក្សាយោបល់ខាងផ្នែកបច្ចេកវិទ្យា និងព័ត៌មាន ដើម្បីដោះស្រាយកត្តាប្រឈមផ្សេងៗក្នុងវិស័យអប់រំ ទេសចរណ៍ និងវិស័យកសិកម្មឧស្សាហកម្ម។ កញ្ញា សុជាតិតា ក៏ជាសហគ្រិនស្ត្រីម្នាក់ ក្នុងចំណោម១២នាក់ ដែលត្រូវបានអញ្ជើញឲ្យចូលរួមក្នុងគម្រោងទស្សនកិច្ចស្តីពីភាពជាអ្នកដឹកនាំអន្តរជាតិ របស់ក្រសួងការបរទេសអាមេរិក។ នៅក្នុងបទសម្ភាសន៍ជាមួយអ្នកនាង ទែន សុខស្រីនិត នៃ VOA កាលពីពេលថ្មីៗនៅ កញ្ញាបានលើកឡើងថា វិស័យបច្ចេកវិទ្យានៅកម្ពុជា ត្រូវការគំនិតច្នៃប្រឌិតថ្មីៗ និងការបណ្តាក់ទុនបន្ថែមទៀត ពីព្រោះវិស័យនេះ អាចនាំមកនូវដំណោះស្រាយដល់បញ្ហាប្រឈមខាងសេដ្ឋកិច្ចជាតិ និងសង្គម។ កញ្ញាក៏បានរៀបរាប់ពីកត្តាប្រឈមផ្សេងៗ ដែលសហគ្រិនស្ត្រីកម្ពុជាបានជួបប្រទះ នៅក្នុងការបង្កើតអាជីវកម្ម និងក្រុមហ៊ុនផងដែរ។ សូមលោកអ្នកនាងស្តាប់បទសម្ភាសន៍នេះទាំងស្រុងដូចតទៅ៕
-
32
បទសម្ភាសន៍ VOA៖ វិស័យ STEM នៅកម្ពុជានិងសក្តានុពលនៃវិស័យដ៏សំខាន់នេះសម្រាប់កម្ពុជា - កញ្ញា 22, 2018
លោកស្រី Ayanna Howard គឺជានាយិកាសាលាព័ត៌មានវិទ្យានៃវិទ្យាស្ថានបច្ចេកវិទ្យា Georgia Institute of Technology និងជាស្ថាបនិកក្រុមហ៊ុន Zyrorobotics ដែលមានគោលបំណងផ្សារភ្ជាប់ទំនាក់ទំនងរវាងកុមារជាមួយនឹងមុខវិជ្ជាវិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា ហៅកាត់ថា STEM។ លោកស្រី Ayanna ក៏ធ្លាប់បានបម្រើការនៅអង្គការ NASA ផងដែរ។ ក្នុងដំណើរទស្សនកិច្ចមកកាន់រាជធានីភ្នំពេញ កាលពីដើមខែកញ្ញានេះ អ្នកជំនាញខាងវិទ្យាសាស្ត្ររបស់អាមេរិករូបនេះ បានធ្វើបាឋកថាមួយក្រោមប្រធានបទ «អនាគតវិស័យមនុស្សយន្ត និងភាពឆ្លាតវៃសិប្បនិមិត្ត»ដល់សិស្សានុសិស្សកម្ពុជា។ លោក ណឹម សុភ័ក្រ្តបញ្ញានៃ VOA បានជួបសម្ភាសន៍ផ្ទាល់ជាមួយលោកស្រី Ayanna Howard ក្នុងអំឡុងពេលទស្សនកិច្ចនេះ។ លោកស្រីបានប្រាប់ VOA អំពីទស្សនៈរបស់លោកស្រីទៅលើវិស័យ STEMនៅកម្ពុជា និងសក្តានុពលនៃវិស័យដ៏សំខាន់នេះសម្រាប់កម្ពុជា៕
-
31
Hello VOA៖ អ្នកជំនាញថាកម្ពុជាត្រូវខិតខំបង្រួមគម្លាតបច្ចេកវិទ្យា - កញ្ញា 06, 2018
ក្នុងពេលដែលប្រទេសវៀតណាមនឹងរៀបចំវេទិការសេដ្ឋកិច្ចពិភពលោក ពីថ្ងៃទី១១ដល់១៣ ខែកញ្ញានេះ ដោយផ្តោតជាសំខាន់លើ«សហគ្រិនភាពនិងបដិវត្តន៍ឧស្សាហកម្មលើកទី៤» អ្នកជំនាញមើលឃើញថា ប្រទេសកម្ពុជានៅខ្វះខាតធនធានខាងផ្នែកបច្ចេកវិទ្យា បើប្រៀបធៀបជាមួយនឹងប្រទេសក្នុងតំបន់។ លោកឈៀង វណ្ណារិទ្ធ អ្នកស្រាវជ្រាវនៃវិទ្យាស្ថាន ISEAS-Yusof Ishak បានបញ្ជាក់ក្នុងកម្មវិធី Hello VOA ថា កម្ពុជាត្រូវផ្លាស់ប្តូរឧស្សាហកម្មដែលពឹងពាក់លើពលកម្មដោយកម្លាំងទៅជាពលកម្មដោយចំណេះដឹង ហើយបើអត់ផ្លាស់ប្តូរទាន់បរិបទតំបន់និងសាកលលោក គឺអាចចាញ់គេហើយ។ (លោក ម៉ែន គឹមសេង, Hello VOA, វ៉ាស៊ីនតោន, ៦ កញ្ញា ២០១៨)
-
30
Hello VOA វិទ្យាសាស្ត្រនិងបច្ចេកវិទ្យា៖ កុំព្យូទ័រKoompi អាចជួយអ្នកប្រើប្រាស់ឲ្យរៀនបង្កើតកម្មវិធីថ្មីៗ - សីហា 30, 2018
Koompi គឺជាម៉ាកកុំព្យូទ័រយួរដៃ ដែលផលិតឡើងដោយកូនខ្មែរមួយក្រុម។ កុំព្យូទ័រយួរដៃ Koompi នេះ មានលក្ខណៈពិសេសដែលអាចជួយអ្នកប្រើប្រាស់ឲ្យរៀនបង្កើតកម្មវិធីថ្មីៗដោយខ្លួនឯង ដោយមិនចាំបាច់ប្រើប្រាស់តែកម្មវិធីដែលមានស្រាប់ ដោយសារតែប្រព័ន្ធប្រតិបត្តិការទូលំទូលាយរបស់កុំព្យូទ័រនេះ។ នេះគឺជាការលើកឡើងរបស់ លោក ធុល រិទ្ធី ដែលជាសហស្ថាបនិកកុំព្យូទ័រយួរដៃ Koompi នៅក្នុងកម្មវិធី Hello VOA ស្តីពីវិទ្យាសាស្ត្រនិងបច្ចេកវិទ្យា។ Koompi កំពុងទទួលការបញ្ជាទិញទុកជាមុនលើគេហទំព័ររបស់ខ្លួនពីអតិថិជននានា៕ (អ្នកនាង ហុង ចិន្តា Hello VOA វិទ្យាសាស្ត្រនិងបច្ចេកវិទ្យា រដ្ឋធានី វ៉ាស៊ីនតោន ៣០ សីហា ២០១៨)
-
29
Hello VOA វិទ្យាសាស្ត្រនិងបច្ចេកវិទ្យា៖ កុមារអាចប្រើ Smartphone បាន តែត្រូវមានការណែនាំពីឪពុកម្តាយ - មីនា 29, 2018
កុមារតូចៗអាចប្រើប្រាស់ទូរស័ព្ទ Smartphone បាន លុះត្រាតែមាន ការគ្រប់គ្រងយ៉ាងយកចិត្តទុកដាក់ពីឪពុកម្តាយ។ នេះគឺជាការលើកឡើងនៅក្នុងកម្មវិធី Hello VOA វិទ្យាសាស្ត្រនិងបច្ចេកវិទ្យា របស់បណ្ឌិត អេង សុធីរ សាស្ត្រាចារ្យផ្នែកអប់រំអន្តរជាតិនៃសាកលវិទ្យាល័យ Lehigh University ក្នុងសហរដ្ឋអាមេរិក។ លោក សុធីរ បានថ្លែងថា ការប្រើប្រាស់ទូរស័ព្ទ smartphone ជួយឲ្យកុមារឆា្លតវៃនិងមានការវិភាគបានច្រើនជាងមុន។ ក៏ប៉ុន្តែការប្រើប្រាស់មិនបានត្រឹមត្រូវដោយគ្មានការណែនាំពីឪពុកម្តាយ អាចនាំឲ្យកុមារប្រឈមនឹងបញ្ហានានា ដូចជាបញ្ហាសុខភាពភ្នែក ការឡើងទម្ងន់ដោយសារខ្វះចលនា និងចុះខ្សោយនូវជំនាញទំនាក់ទំនងសង្គមជាដើម។ លោកបានផ្តល់អនុសាសន៍ថា មាតាបិតាមិនគួរឲ្យបុត្រធីតាដែលមានអាយុក្រោម១៨ខែប្រើប្រាស់ទូរស័ព្ទ Smartphone ទេ ហើយចំពោះកុមារដែលមានអាយុលើសពីនោះអាចប្រើប្រាស់ទូរស័ព្ទ Smartphone ត្រឹមតែមួយម៉ោងប៉ុណ្ណោះក្នុងមួយថ្ងៃ និងត្រូវកំណត់ពេលវេលាដែលអនុញ្ញាតឲ្យពួកគេប្រើប្រាស់ឲ្យបានត្រឹមត្រូវ៕ (អ្នកនាង ហុង ចិន្តា Hello VOA វិទ្យាសាស្ត្រនិងបច្ចេកវិទ្យា រដ្ឋធានី វ៉ាស៊ីនតោន/Pennsylvania ២៩ មីនា ២០១៨) Dr. Eng Sothy, Professor of Practice in Comparative and International Program at Lehigh Univeristy, USA is the guest speaker in Hello VOA Science and Technology on the topic “Should children be allowed to use smartphones?” on March 29, 2018.
-
28
Hello VOA វិទ្យាសាស្ត្រនិងបច្ចេកវិទ្យា៖ អាជីពវិស្វករមិនមែនសម្រាប់តែបុរសទេ គឺសម្រាប់អ្នកមានសមត្ថភាព - មករា 30, 2018
អ្នកស្រី ដួង ដានី ដែលជាប្រធានការិយាល័យស្ថានីយ៍ប្រព្រឹត្តកម្មទឹកកខ្វក់និងគ្រប់គ្រងហេដ្ឋារចនាសម្ព័ន្ធកាកសំណល់រឹងនៃក្រសួងសាធារណការនិងដឹកជញ្ជូន បានថ្លែងថា ការងារជាវិស្វករគឺមិនមែនជាការងារបុរសនោះទេ ប៉ុន្តែជាការងារដែលសាកសមបំផុតសម្រាប់អ្នកដែលមានសមត្ថភាពអាចធ្វើបាន។ វិស្វករដែលបញ្ចប់ថ្នាក់បរិញ្ញាបត្រផ្នែកវិស្វករគីមីនិងវិទ្យាសាស្ត្រអាហារពីវិទ្យាស្ថានបច្ចេកវិទ្យាកម្ពុជាកាលពីឆ្នាំ២០១១ រូបនេះ បានបន្ថែមទៀតថា មូលហេតុដែលនាំឲ្យមានវិស្វករជាស្ត្រីតិចជាងបុរស ដោយសារតែជំនាញវិស្វករចំណាយពេលសិក្សាយូររហូតដល់៥ឆ្នាំ ជាមុខជំនាញមួយដែលពិបាកសិក្សា លទ្ធភាពទទួលបានព័ត៌មានពីមុខជំនាញនេះតិច និងឧបសគ្គពីក្រុមគ្រួសារដែលមិនលើកទឹកចិត្តឲ្យកូនស្រីរៀនខ្ពង់ខ្ពស់៕ (អ្នកនាង ហុង ចិន្តា Hello VOA រដ្ឋធានី វ៉ាស៊ីនតោន ២៩ មករា ២០១៨)
-
27
បទសម្ភាសន៍ VOA៖ ជ័យលាភីមេដាយមាសចែករំលែកបទពិសោធលក់សំបុត្រអនឡាញ - ធ្នូ 06, 2017
ក្រុមហ៊ុនបច្ចេកវិទ្យាកម្ពុជាចំនួនបីបានទទួលមេដាយមាសក្នុងការប្រកួតប្រជែងផ្នែកជំនួញទូទាំងតំបន់អាស៊ីអាគ្នេយ៍ពីក្នុងកម្មវិធី ASEAN ICT Award 2017 ដែលបានធ្វើឡើងកាលពីថ្ងៃទី៣០ ខែវិច្ឆិកាកន្លងទៅនៅទីក្រុងសៀមរាប។ ក្រុមហ៊ុនទាំងនោះគឺក្រុមហ៊ុន Codingate BookMeBus និង វិទ្យាស្ថានបើកទូលាយ Open Institute។ នេះជាកម្មវិធីជំរុញនិងលើកទឹកចិត្តចំពោះស្នាដៃច្នៃប្រឌិតរបស់សហគ្រិនផ្នែកបច្ចេកវិទ្យាហើយកម្ពុជាបានទទួលពានរង្វាន់មេដាយច្រើនជាងគេបង្អស់។ កញ្ញាទុំ ម្លិះ នៃ VOA បានសម្ភាសលោកជា ឡង់ដា សា្ថបនិកនៃក្រុមហ៊ុន BookMeBus ដែលផ្តល់សេវាឲ្យអតិថិជនអាចកក់សំបុត្ររថយន្តក្រុង ឬមធ្យោបាយធ្វើដំណើរសាធារណៈផ្សេងៗតាមប្រព័ន្ធ Digital និង online។
-
26
បទសម្ភាសន៍VOA៖ អត្ថប្រយោជន៍នៃការធ្វើការងារស្ម័គ្រចិត្តក្នុងវិស័យបច្ចេកវិទ្យា - វិច្ឆិកា 22, 2017
លោក ទួន សាម៉ន ដែលជាអ្នកធ្វើការស្ម័គ្រចិត្តឲ្យក្រុមហ៊ុន Google តាមរយៈការផ្តល់ព័ត៌មាននានាពាក់ព័ន្ធនឹងផ្លូវថ្នល់និងហេដ្ឋារចនាសម្ព័ន្ធនានានៅប្រទេសកម្ពុជា ត្រូវបានក្រុមហ៊ុន Google ជ្រើសរើសឲ្យចូលរួមក្នុងកម្មវិធី Google Local Guides នៅសហរដ្ឋអាមេរិកកាលពីខែតុលាកន្លងទៅនេះ។ កាលពីដើមខែវិច្ឆិកានេះ លោក សាម៉ន បានផ្តល់បទសម្ភាសន៍ដល់អ្នកនាង ហុង ចិន្តា នៃ VOA តាមរយៈទូរស័ព្ទ អំពីដំណើរទស្សនកិច្ចរបស់លោកមកកាន់សហរដ្ឋអាមេរិកក្នុងកម្មវិធី Google Local Guides នេះនិងអត្ថប្រយោជន៍នៃការធ្វើការងារស្ម័គ្រចិត្តក្នុងវិស័យបច្ចេកវិទ្យា៕
-
25
Hello VOA វិទ្យាសាស្ត្រនិងបច្ចេកវិទ្យា៖ សហគ្រិនស្ត្រីក្នុងវិស័យបច្ចេកវិទ្យាគួរមានភាពឯករាជ្យខ្លួនឯងដើម្បីបានជោគជ័យ - តុលា 31, 2017
អ្នកស្រី គង់ សូរីតា នាយិកាក្រុមហ៊ុន Ocean Technology ដែលនាំចូលឧបករណ៍បច្ចេកវិទ្យា GPS សម្រាប់កំណត់ទីតាំង និងប្រព័ន្ធតាមដានទីតាំងយានយន្តនៅក្នុងប្រទេសកម្ពុជាបានថ្លែងថា ដើម្បីធ្វើអាជីវកម្មក្នុងវិស័យបច្ចេកវិទ្យាឲ្យបានជោគជ័យស្ត្រីគួរតែមានឯករាជ្យខ្លួនឯង មានជំហរច្បាស់លាស់លើអ្វីដែលខ្លួនកំពុងធ្វើ និងចេះបង្កើតឱកាសដោយខ្លួនឯង មិនត្រូវរង់ចាំឲ្យគេបង្កើតឱកាសឲ្យនោះទេ។ អ្នកស្រី សូរីតា ដែលជាជ័យលាភីពានរង្វាន់សហគ្រិនស្ត្រីឆ្នើមពីកម្មវិធី ASEAN Women Business's Conference ក្នុងទីក្រុង ម៉ានីល ប្រទេស ហ្វីលីពីន កាលពីខែកញ្ញា កន្លងទៅនេះ បានចែករំលែកគន្លឹះសំខាន់ៗចំនួន៥ដល់សហគ្រិនក្នុងវិស័យបច្ចេកវិទ្យាដទៃទៀត ដែលមានដូចខាងក្រោម៖ ១. ព្យាយាម៖ ត្រូវខិតខំប្រឹងប្រែងធ្វើការ មានផែនការច្បាស់លាស់ ហើយទទួលខុសត្រូវលើអ្វីដែលខ្លួនសម្រេចចិត្ត ២. ហ៊ានប្រឈម៖ ត្រូវត្រៀមខ្លួនរួចរាល់ដើម្បីប្រឈមនឹងបញ្ហានិងការប្រកួតប្រជែងនានា ៣. លើកទឹកចិត្តខ្លួនឯង៖ ត្រូវគិតអ្វីដែលវិជ្ជមានឲ្យបានច្រើន ផ្តល់ក្តីសង្ឃឹមដល់ខ្លួនឯង ៤. មានការតាំងចិត្តខ្ពស់៖ ត្រូវតស៊ូមិនចុះចាញ់។ បើចង់លេចធ្លោជាងអ្នកដទៃ ត្រូវធ្វើការងារច្រើនជាងគេបន្តិច។ ៥. កសាងកេរ្តិ៍ឈ្មោះខ្លួនឯង (Personal branding) ៖ ត្រូវកសាងកេរ្តិ៍ឈ្មោះឲ្យល្អ ឲ្យមានគេស្គាល់ច្រើន៕ (អ្នកនាង ហុង ចិន្តា, Hello VOA, រដ្ឋធានី វ៉ាស៊ីនតោន, ៣០ តុលា ២០១៧)
-
24
បទសម្ភាសន៍ VOA៖ កម្មវិធី IVLP និងសហគ្រិនភាពបច្ចេកវិទ្យានៅកម្ពុជា - តុលា 13, 2017
ថ្មីៗនេះស្ថានទូតសហរដ្ឋអាមេរិកប្រចាំប្រទេសកម្ពុជាបានជ្រើសរើសសហគ្រិនបច្ចេកវិទ្យាវ័យក្មេងចំនួន ៧នាក់ដើម្បីចូលរួមក្នុងកម្មវិធីភាពជាអ្នកដឹកនាំ International Visitor Leadership Program (IVLP) នៅក្នុងសហរដ្ឋអាមេរិករយៈពេល៣សប្តាហ៍ក្រោមប្រធានបទ «ការបង្កើនល្បឿនសហគ្រិនភាពបច្ចេកវិទ្យា និងការអភិវឌ្ឍ សហគ្រិនធុនតូច និងមធ្យម»។ នៅក្នុងដំណើរទស្សនកិច្ចនេះពួកគេនឹងធ្វើដំណើរទៅកាន់រដ្ឋធានី Washington DC ទីក្រុង Raleigh ទីក្រុងCleveland ទីក្រុង Ohio ទីក្រុង Akron និងតំបន់បច្ចេកវិទ្យា Silicon Valley ដើម្បីជួបតំណាងនានាមកពីរដ្ឋាភិបាលសហព័ន្ធ រដ្ឋបាលរដ្ឋ និងរដ្ឋបាលមូលដ្ឋាន ព្រមទាំងតំណាងនានាមកពីសាកលវិទ្យាល័យ អង្គការក្រៅរដ្ឋាភិបាល និងវិស័យឯកជនដែលឈានមុខគេផ្នែកបច្ចេកវិទ្យាថ្មីៗ។ កញ្ញា កែវ គូនីឡា នាយកគ្រប់គ្រងនៃក្រុមហ៊ុន REDHILL Asia ដែលជាសហគ្រិនមួយរូបក្នុងចំណោមសហគ្រិនទាំង ៧រូប ដែលកំពុងចូលរួមក្នុងកម្មវិធី IVLP នេះបានអញ្ជើញមកកាន់បន្ទប់ផ្សាយរបស់ VOA ក្នុងរដ្ឋធានីវ៉ាស៊ីនតោន ហើយបានផ្តល់បទសម្ភាសន៍ជាមួយនឹងកញ្ញា ស្រេង លក្ខិណា នៃ VOA អំពីការចូលរួមក្នុងកម្មវិធី IVLP នេះ និងទស្សនៈរបស់កញ្ញាអំពីសហគ្រិនភាពបច្ចេកវិទ្យានៅក្នុងប្រទេសកម្ពុជា។
-
23
Hello VOA វិទ្យាសាស្ត្រនិងបច្ចេកវិទ្យា៖ កម្មវិធីទូរស័ព្ទអំពីសុខភាពត្រូវការការសហការជាមួយស្ថាប័នសុខាភិបាល - សីហា 01, 2017
កម្មវិធីទូរស័ព្ទ សុខក្រម (Sokhakrom) របស់ក្រុមហ៊ុន Codingate ជាកម្មវិធីមួយដែលផ្តល់ព័ត៌មានអំពីការថែទាំសុខភាព និងអាចប្រាប់ពីទីតាំងមន្ទីរពេទ្យ គ្លីនិក និងឱសថស្ថាននានា ដែលស្ថិតនៅជិតបំផុត។ កញ្ញា នូ ចន្តារី ដែលជាប្រធានគ្រប់គ្រងគម្រោង សុខក្រម បានថ្លែងថា គោលបំណងនៃកម្មវិធីទូរស័ព្ទដែលបានឈ្នះពានរង្វាន់ធុរៈកិច្ចពីកម្មវិធីប្រកួតប្រជែងពានរង្វាន់បច្ចេកវិទ្យាសារគមនាគមន៍និងព័ត៌មានកម្ពុជាឆ្នាំ២០១៧នេះ គឺដើម្បីចែកចាយចំណេះដឹងខាងសុខភាព បង្កើនទំនុកចិត្តក្នុងវិស័យសុខាភិបាល និងកាត់បន្ថយការចំណាយមិនចាំបាច់នានាក្នុងការថែរក្សាសុខភាព។ កញ្ញា ចន្តារី ក៏បានលើកឡើងថា ដើម្បីអភិវឌ្ឍកម្មវិធីទូរស័ព្ទរបស់កញ្ញាឲ្យកាន់តែមានប្រសិទ្ធភាពនិងធានានូវសុក្រឹតភាពនៃព័ត៌មានគឺត្រូវការការសហការជាមួយនឹងស្ថាប័នដែលពាក់ព័ន្ធដូចជាក្រសួងសុខាភិបាល ដើម្បីធានាថាមន្ទីរពេទ្យ ឱសថស្ថាន និងពេទ្យជំនាញនានា មានការទទួលស្គាល់ត្រឹមត្រូវ៕ (អ្នកនាង ហុង ចិន្តា, Hello VOA, រដ្ឋធានីវ៉ាស៊ីនតោន, ៣១ កក្កដា ២០១៧)
-
22
បទសម្ភាសន៍ VOA៖ កម្មវិធីទូរស័ព្ទសុខក្រមលើកកម្ពស់ការយល់ដឹងពីសុខាភិបាលដល់សាធារណៈ - កក្កដា 29, 2017
កម្មវិធីទូរស័ព្ទមួយ ដែលមានឈ្មោះថា សុខក្រម (Sokhakrom) ត្រូវបានបង្កើតឡើងដោយក្រុមហ៊ុន Codingate ដែលជាបណ្តុំព័ត៌មានទាក់ទងនឹងសុខភាពដើម្បីផ្តល់ព័ត៌មានអំពីសេវាសុខាភិបាលនៅតាមមន្ទីរពេទ្យនិងគ្លីនិក វិធីសាស្ត្រផ្សេងៗនៃការថែរក្សាសុខភាព និងអំពីគុណភាពនៃសេវាកម្មសុខភាពផ្សេងៗជាដើម។ នាពេលថ្មីៗកន្លងទៅនេះ កម្មវិធីទូរស័ព្ទ សុខក្រម បានឈ្នះពានរង្វាន់ Best Startup Award នៅក្នុងកម្មវិធីពានរង្វាន់ខាងបច្ចេកវិទ្យា គមនាគមន៍ និងព័ត៌មានកម្ពុជាឆ្នាំ២០១៧ (CICTA)។ កញ្ញា នូ ចន្តារី ប្រធានគ្រប់គ្រងគម្រោងនៃកម្មវិធីទូរស័ព្ទ សុខក្រម នេះ បានផ្តល់បទសម្ភាសន៍ឲ្យនាង ទែន សុខស្រីនិត នៃ VOA អំពីតួនាទី និងសារៈប្រយោជន៍នៃកម្មវិធីទូរស័ព្ទនេះ។ សូមលោកអ្នកនាងស្តាប់បទសម្ភាសន៍នេះដូចតទៅ។
-
21
បទសម្ភាសន៍ VOA ៖ ការចេះវិភាគទិន្នន័យទំហំធំ Big Data មានសារៈសំខាន់សម្រាប់គ្រប់វិស័យរបស់កម្ពុជា - កក្កដា 01, 2017
បច្ចេកវិទ្យាអ៊ីនធឺណិតបាននាំឲ្យបរិមាណទិន្នន័យមានកាន់តែច្រើនឡើងនិងសម្បូរបែបក្នុងពិភពលោក។ ប៉ុន្តែការចេះវិភាគទិន្នន័យដ៏ច្រើនបែបនេះឲ្យមានប្រយោជន៍មិនមែនជាការងាយស្រួលទេ។ កាលពីដើមខែមិថុនាកន្លងទៅនេះ មានសិក្ខាសាលាមួយស្តីអំពីការវិភាគទិន្នន័យទំហំធំឬ Big Data នៅសាកលវិទ្យាល័យ Brigham Young នៅរដ្ឋ Utah សហរដ្ឋអាមេរិក ដោយមានសិក្ខាកាមមួយរូបមកពីប្រទេសកម្ពុជាបានចូលរួមផងដែរ។ នោះគឺ លោក ច័ន្ទ រ័ត្ន ប្រធាននាយកដ្ឋានស្រាវជ្រាវវិទ្យាសាស្ត្រនៃក្រសួងអប់រំ យុវជន និងកីឡា និងជាប្រធានសហគមន៍អ្នកគណិតវិទ្យាកម្ពុជា។ លោក សឹង សុផាត នៃ VOA បានសម្ភាសន៍លោក ច័ន្ទ រ័ត្ន តាមទូរស័ព្ទក្នុងថ្ងៃទី៣នៃសិក្ខាសាលានេះ ដើម្បីស្វែងយល់បន្ថែមអំពីថា តើទិន្នន័យទំហំ Big Data ដែលរួមមានដូចជាទិន្នន័យអ្នកបោះឆ្នោតនិងទិន្នន័យពីអ្នកប្រើប្រាស់ Facebook និង YouTube ជាដើម មានសារៈសំខាន់យ៉ាងណាសម្រាប់ប្រទេសកម្ពុជា។
-
20
Hello VOA វិទ្យាសាស្រ្តនិងបច្ចេកវិទ្យា៖ អ្នកប្រើប្រាស់គួរចែករំលែកព័ត៌មានអំពីទីតាំងរថយន្តក្រុងសាធារណៈ - មិថុនា 30, 2017
មានប្រជាពលរដ្ឋមួយចំនួនត្អូញត្អែរអំពីការចំណាយពេលយូរក្នុងការរង់ចាំរថយន្តក្រុងសាធារណៈក្នុងរាជធានីភ្នំពេញ ហើយថែមទាំងមិនដឹងពីពេលវេលាប្រាកដដែលរថយន្តមកដល់ទៀតផង។ ដោយធ្លាប់ជួបប្រទះនឹងបញ្ហាដូចគ្នានេះដែរ ថ្មីៗនេះ កញ្ញា ប្លុង ម៉ាលីពណ៌ បានបង្កើតកម្មវិធីទូរស័ព្ទ Stops Near Me ដែលផ្តល់អត្ថប្រយោជន៍ទៅលើការផ្តល់ព័ត៌មានមួយចំនួនដូចជា អំពីទីតាំងចំណតរថយន្តក្រុងបន្ទាប់ និងពេលវេលាដែលរថយន្តក្រុងនឹងមកដល់ជាដើម។ ប៉ុន្តែកញ្ញា ម៉ាលីពណ៌ ដែលជាសហស្ថាបនិកកម្មវិធីទូរស័ព្ទនេះ បានអំពាវនាវនៅក្នុងកម្មវិធី Hello VOA វិទ្យាសាស្ត្រនិងបច្ចេកវិទ្យាកាលពីយប់ថ្ងៃព្រហស្បតិ៍ថា សូមឲ្យសាធារណៈជនដែលប្រើប្រាស់កម្មវិធីទូរស័ព្ទនេះ ជួយចែករំលែកព័ត៌មានអំពីទីតាំងរបស់ខ្លួនលើកម្មវិធីទូរស័ព្ទនេះ ដើម្បីឲ្យកម្មវិធីទូរស័ព្ទនេះអាចទាញយកព័ត៌មានអំពីទីតាំងរបស់រថយន្តដែលខ្លួនកំពុងជិះយកទៅចែករំលែកដល់អ្នកប្រើប្រាស់កម្មវិធីទូរស័ព្ទនេះដទៃទៀតបាន៕ (ហុង ចិន្តា, Hello VOA វិទ្យាសាស្ត្រ និងបច្ចេកវិទ្យា, វ៉ាស៊ីនតោន/ភ្នំពេញ, ២៩ មិថុនា ២០១៧)
-
19
បទសម្ភាសន៍ VOA ៖ ក្រោយហោះសាកល្បង អ្នករៀនច្នៃបង្កើតយន្តហោះពី YouTube នៅព្រៃវែងចង់ឲ្យមានការគាំទ្រគំនិតច្នៃប្រឌិតនៅជនបទ - មិថុនា 23, 2017
តាំងពីនៅកុមារ លោក ប៉ែន ឡុង តែងសុបិន្តចង់ឆ្នៃបង្កើតយន្តហោះដោយខ្លួនឯង ក្រោយពេលលោកបានប្រទះឃើញយន្តហោះដំបូង ដែលធ្លាក់នៅស្រុកកំណើតរបស់លោកក្នុងខេត្តស្វាយរៀង។ ជិត៣០ឆ្នាំក្រោយមក និងអស់ថវិកាជាងមួយម៉ឺនដុល្លារផងនោះ លោក ប៉ែន ឡុង ដែលសព្វថ្ងៃជាជាងមេកានិករថយន្តរូបនៅខេត្តព្រៃវែង បានច្នៃបង្កើតយន្តហោះមួយពិតប្រាកដមែន មួយផ្នែកដោយមានជំនួយពីវីដេអូណែនាំបច្ចេកទេសតំឡើងយន្តហោះ ដែលលោកបានរកឃើញក្នុងបណ្តាញ YouTube។ ក្នុងវ័យ៣០ឆ្នាំ អ្នកផលិតយន្តហោះមិនមានជំនាញរូបនេះ ថែមទាំងបានសាកល្បងហោះហើរយន្តហោះបង្កើតដោយខ្លួនឯងនេះទៀតផង។ បើទោះបីអាជ្ញាធរខេត្តព្រៃវែងមិនបានរារាំងលោកពីការសាកល្បងដ៏អាចមានគ្រោះថ្នាក់នេះក្តី ក៏លោក ប៉ែន ឡុង យល់ថា អាជ្ញាធរមិនបានលើកទឹកចិត្តគ្រប់គ្រាន់ខាងបច្ចេកទេសដល់គំនិតច្នៃប្រឌិតនៅជនបទ។ លោក សឹង សុផាត នៃ VOA បានសម្ភាសន៍លោក ប៉ែន ឡុងតាមទូរស័ព្ទដូចតទៅ។
-
18
Hello VOA៖ សីលធម៌ និងវិន័យអាជីវកម្មជាគន្លឹះទាក់ទាញមូលធននិងការវិនិយោគ - កុម្ភៈ 21, 2017
សហគ្រិនខ្មែរជោគជ័យមួយរូបគឺលោក ជី សីលា នាយកប្រតិបត្តិក្រុមហ៊ុន Sabay Digital និងសមាជិកក្រុមប្រឹក្សាភិបាលនៃសមាគមសហគ្រិនវ័យក្មេងកម្ពុជា ថ្លែងប្រាប់កម្មវិធី Hello VOA «សំឡេងជំនាន់ថ្មី» កាលពីយប់ថ្ងៃច័ន្ទថា បរិយាកាសនៃការស្វែងរកមូលធន និងអ្នកវិនិយោគក្នុងស្រុកសម្រាប់សហគ្រិនវ័យក្មេងកម្ពុជាមានភាពប្រសើរជាងមុន ដោយសារកត្តាមានប្រភពមូលធនពីធនាគារ និងការចងជាសម្ព័ន្ធនៃក្រុមវិនិយោគិនក្នុងស្រុក។ លោកថា អ្វី ដែលសហគ្រិនវ័យក្មេងទាំងនោះត្រូវបង្ហាញទៅក្រុមអ្នកវិនិយោគវិញ គឺសីលធម៌និងគោលការណ៍នៃការធ្វើអាជីវកម្ម និងគំនិតល្អខាងអាជីវកម្ម។ (សឹង សុផាត, សំឡេងជំនាន់ថ្មី, ភ្នំពេញ, ២០ កុម្ភ: ២០១៧)
-
17
Hello VOA៖ ស្ថាប័នរដ្ឋនិងក្រុមហ៊ុនធំៗត្រូវជួយជំរុញសមត្ថភាពខាងបច្ចេកវិទ្យារបស់យុវជនដល់កម្រិតខ្ពស់មួយទៀត - មករា 17, 2017
អ្នករៀបចំកម្មវិធីចែករំលែកបច្ចេកវិទ្យាឈ្មោះ BarCamp និង Startup Weekend គឺលោក បេ ចន្ត្រា ថ្លែងប្រាប់កម្មវិធី Hello VOA «សំឡេងជំនាន់ថ្មី» កាលពីយប់ថ្ងៃច័ន្ទថា យុវជនកម្ពុជា ជាពិសេសក្នុងរាជធានីភ្នំពេញ មានទាំងចំណាប់អារម្មណ៍ និងសមត្ថភាពជាអ្នកប្រើប្រាស់បច្ចេកវិទ្យាថ្មីនិងជាអ្នកបង្កើតបច្ចេកវិទ្យាថ្មី។ ប៉ុន្តែដើម្បីឲ្យពួកគេអាចឈានដល់កម្រិតសមត្ថភាពដូចយុវជននៅប្រទេសជិតខាង ទាមទារឲ្យមានការជ្រោមជ្រែងខ្លាំងជាងមុនពីស្ថាប័នរដ្ឋ ក្រុមហ៊ុនបច្ចេកវិទ្យាធំៗ ក៏ដូចជាប្រព័ន្ធផ្សព្វផ្សាយ ដែលត្រូវសហការគ្នាជំរុញសមត្ថភាពនិងការចូលរួមរបស់យុវជនក្នុងវិស័យបច្ចេកវិទ្យានេះ។ (សឹង សុផាត, សំឡេងជំនាន់ថ្មី, ភ្នំពេញ, ១៦ មករា ២០១៧)
-
16
យុវជនខ្មែរដែលបានទៅដល់ចំណុចកណ្តាលនៃបដិវត្តន៍បច្ចេកវិទ្យា - វិច្ឆិកា 25, 2016
តំបន់ Silicon Valley ក្នុងរដ្ឋ California ត្រូវគេចាត់ទុកថាជា មជ្ឈមណ្ឌលបច្ចេកវិទ្យាទំនើបរបស់ពិភពលោក ដែលជាទីតាំងរបស់ក្រុមហ៊ុនធំៗដូចជា Apple, Google, និង Facebook ជាដើម។ សម្រាប់អ្នកស្រឡាញ់បច្ចេកវិទ្យា ការមកដល់និងបានធ្វើការទីនេះប្រៀបដូចសុបិនមួយ។ នៅមុនកម្មវិធីប្រកួត hackathon មួយនៅរាជធានីភ្នំពេញនៅចុងសប្ដាហ៍នេះ ដែលដឹកនាំដោយអង្គការ Cambodians in Tech ដែលមានមូលដ្ឋាននៅតំបន់ Silicon Valley នេះ លោក សឹង សុផាត នៃ VOA បានជួបជាមួយជនជាតិខ្មែរនិងខ្មែរអាមេរិកាំងបួននាក់ដែលបានមកធ្វើការនៅទីនេះ បើទោះបីជាពួកគេត្រូវសម្របខ្លួនទៅនឹងជីវិតការងារដ៏មមាញឹកនៅតំបន់នេះក្ដី។
-
15
បទសម្ភាសន៍ VOA៖ បណ្ណាល័យជាតិនឹងតាំងពិព័រណ៍សៀវភៅផ្នែកវិទ្យាសាស្ត្រទំនើប (STEM) នៅដើមខែធ្នូនេះ - វិច្ឆិកា 18, 2016
ពិព័រណ៍សៀវភៅនៅកម្ពុជាលើកទី៥ នឹងប្រារព្ធធ្វើឡើងនៅឯបណ្ណាល័យជាតិ ក្នុងរាជធានីភ្នំពេញ រយៈពេល៣ថ្ងៃ ចាប់ផ្ដើមពីថ្ងៃទី០២ ដល់ថ្ងៃទី០៤ ខែធ្នូ ឆ្នាំ២០១៦ ខាងមុខនេះ។ ពិព័រណ៍សៀវភៅដែលធ្វើឡើងក្រោមប្រធានបទ «បង្កើនការអាន បង្កើតការសរសេរ» នេះ នឹងផ្ដោតសំខាន់ទៅលើសៀវភៅផ្នែកវិទ្យាសាស្ត្រទំនើប ឬហៅថា« STEM» ។ នៅក្នុងបទសម្ភាសន៍មួយតាមខ្សែទូរស័ព្ទជាមួយនឹងនាងហ៊ាន សុជាតានៃ VOA លោកស្រី ខ្លូត វិបុល្លា នាយិកាបណ្ណាល័យជាតិកម្ពុជាឲ្យដឹងថាការរៀបចំ«ពិព័រណ៍សៀវភៅ»បែបនេះគឺជាយន្តការសំខាន់មួយដើម្បីជួយជំរុញការអាន និងការសរសេរសៀវភៅនៅកម្ពុជាកាន់តែប្រសើរឡើង។
-
14
Hello VOA៖ បទពិសោធន៍ការងារនៅក្រៅប្រទេសអាចជួយបង្កើនឱកាសការងារពេលអនាគត - កញ្ញា 19, 2016
លោក តាំង កេងស្រេង អ្នកសរសេរកម្មវិធី software នៅក្រុមហ៊ុន Cisco តំបន់បច្ចេកវិទ្យា Silicon Valley រដ្ឋ California សហរដ្ឋអាមេរិក ថ្លែងថា ការធ្វើការនៅក្រៅប្រទេស ទោះបីរយៈពេលខ្លីឬវែងក្តី មិនត្រឹមតែផ្តល់ឱកាសដល់ពលរដ្ឋកម្ពុជារៀនសូត្រពីលក្ខណៈល្អៗនៃរបៀបធ្វើការបែបបរទេសប៉ុណ្ណោះទេ ប៉ុន្តែថែមទាំងអាចជួយឲ្យពួកគេមានឱកាសការងារច្រើនថែមទៀតទៅអនាគត ទាំងក្នុងប្រទេសនិងក្រៅប្រទេស។ លោកថា បទពិសោធន៍ជំនាញជាកត្តាសំខាន់សម្រាប់ការទទួលបានឱកាសទៅធ្វើការនៅបរទេស។ (សឹង សុផាត, Hello VOA សំឡេងជំនាន់ថ្មី, វ៉ាស៊ីនតោន/កាលីហ្វ័រញ៉ា, ១៩ កញ្ញា ២០១៦)
We're indexing this podcast's transcripts for the first time — this can take a minute or two. We'll show results as soon as they're ready.
No matches for "" in this podcast's transcripts.
No topics indexed yet for this podcast.
Loading reviews...
ABOUT THIS SHOW
សំឡេងសហរដ្ឋអាមេរិក (វីអូអេ) ជាអង្គការផ្សាយព័ត៌មានអន្តរជាតិដែលផ្សាយទៅកាន់ទ្វីបអឹរ៉ុបកណ្តាលនិងអឺរ៉ុបខាងកើត តំបន់ Caucasus អាស៊ីកណ្តាល ប្រទេសរុស្ស៊ី មជ្ឈិមបូព៌ា និងបណ្តាប្រទេសបាល់កង់។
HOSTED BY
វីអូអេ
CATEGORIES
Loading similar podcasts...
Frequently Asked Questions
How many episodes does វិទ្យាសាស្ត្រ បច្ចេកវិទ្យា - វីអូអេ have?
វិទ្យាសាស្ត្រ បច្ចេកវិទ្យា - វីអូអេ currently has 24 episodes available on PodParley. New episodes are automatically indexed when they're published to the podcast feed.
What is វិទ្យាសាស្ត្រ បច្ចេកវិទ្យា - វីអូអេ about?
សំឡេងសហរដ្ឋអាមេរិក (វីអូអេ) ជាអង្គការផ្សាយព័ត៌មានអន្តរជាតិដែលផ្សាយទៅកាន់ទ្វីបអឹរ៉ុបកណ្តាលនិងអឺរ៉ុបខាងកើត តំបន់ Caucasus អាស៊ីកណ្តាល ប្រទេសរុស្ស៊ី មជ្ឈិមបូព៌ា និងបណ្តាប្រទេសបាល់កង់។
How often does វិទ្យាសាស្ត្រ បច្ចេកវិទ្យា - វីអូអេ release new episodes?
វិទ្យាសាស្ត្រ បច្ចេកវិទ្យា - វីអូអេ has 24 episodes. Check the episode list to see recent publication dates and frequency.
Where can I listen to វិទ្យាសាស្ត្រ បច្ចេកវិទ្យា - វីអូអេ?
You can listen to វិទ្យាសាស្ត្រ បច្ចេកវិទ្យា - វីអូអេ on PodParley by clicking any episode. We provide an embedded audio player for direct listening, and you can also subscribe via your preferred podcast app using the RSS feed.
Who hosts វិទ្យាសាស្ត្រ បច្ចេកវិទ្យា - វីអូអេ?
វិទ្យាសាស្ត្រ បច្ចេកវិទ្យា - វីអូអេ is created and hosted by វីអូអេ.
URL copied to clipboard!