Fantasma Accidental Cuac FM

Neste episodio non temos aos lemures con nós, pero déixan unha sesión coa música das bandas que soarán en La Melona Fest o 9 de abril. Organizado por La Melona, dinamizadores culturais que queren enriquecer a oferta cultural en Santiago de Compostela, e que se vai celebrar no Bar Embora e na Discoteca Ruta. Un festival auténticamente underground cun cartaz que nos gusta moito. Conectan con Portugal traendo músicos de alí e fan unha selección das máis emerxentes mentes que actúan en Galiza. Aquí tedes o listado e o minutaxe da sesión. 01 Uppercut - Crujida - El Cuerno (Porno, 2014) 02 Jay - Los Colegas no te Olvidan - Buen viaje (Discos Humeantes, 2015) 3:42 03 Pantis - Pranto - Xinxa (Prenom, 2016) 7:15 04 Ocre - Torpe - Pentium3 (Discos de kirlian, 2014) 10:35 05 Aries - Adieu or Die - En el oceáno (La Castanya/K Records, 2016) 14:30 06 Twisted Freak - Summer Nights EP - Summer Nights (ZigurArtists , 2015) 16:25 07 Pálida - Days Static - Relayer (2015) 20:40 08 Azul Revolto - S O M A - When this fog of yours clears ( ZigurArtists , 2016) 25:20 09 Erreome - Avery [Original Mix] (Crossfade Sounds, 2015) 29:05 10 Atila - V - Ritos Fúnebres (Bisnaga Records, 2015) 31:43 11 P Vicio - Your Room / Want Ya - Flat Circle (Disco Episcopal, 2015) 37:15 12 Aloe Perra - Your Room / Want Ya - Lotta Nights (Disco Episcopal, 2015) 42:26 13 Chago - Rituals (2105) 53:10 14 Abelo Valis - ¿Qué harías? (2015)

Aries presenta o seu disco Adieu Or Die. Preguntámoslle pola súa música electrónica favorita. Delia Derbyshire é unha pioneira da música electrónica, como traballadora da BBC e compositora, non suficientemente recoñecida. Consideramos que o feito de ser muller ten moito que ver coa falta de reivindicación do seu nome. Os lemures fan unha selección na que non queda dúbida da súa grandeza compositiva. Chicharrón presentan o disco Postal e Alberto M. Vecino, o seu cantante, fala de tres temas escollidos pola banda. Na sección Lemuria temos a Marco Maril (Apenino) recordando un momento emotivo na súa prolífica discografía e falando dunha canción importante na súa vida.

Escoitamos o disco Salve Discordia de Triángulo de Amor Bizarro e poñemos a Julio Iglesias xunto a Suicide por unha estrana razón. Ilegales únense por un motivo certo. Celebramos o 25 aniversario de Hipnosis de Lagartija Nick. Luis Casanova de Guerrera aparece na sección Lemuria recordando gratos momentos e recomendando música. Moito ruido e moito rock.

Episodio no que voltamos a vista atrás 30 anos para enfrentar dous discos publicados en 1986. Desde Nova York o "Licensed to Ill" de Beastie Boys contra o "Fai un sol de carallo" de Os Resentidos desde Vigo. Falamos tamén da dobre estrea de Malandrómeda publicada por Matapadre. O Hevi e O Master do Son presentan tras cinco anos sen publicar Cada can que lamba o seu carnallo e Os corenta e oito nomes do inimigo. Facemos unha pequena escolma doutras gravacións do Hevi con Fluzo e Non Residentz.

Queimamos as nosas caretas tralo último baile ritual nas corredoiras choqueiras do Entroido. Mércores de cinza cun programa dedicado ao Primos Hermanos, festival de irmandamento entre Galiza e Asturias organizado por Desconcierto Cultural, que celebra a súa terceira edición este 2016. A viaxe é de ida e volta entre Compostela e Oviedo deste festival que "xorde do agarimo e simpatía que comparten as comunidades galega e asturiana. Deste xeito, búscase establecer un intercambio cultural, centrado na música independente, entre ambos os territorios" Na nova sección chamada Lemuria onde unha persoa vencellada á música feita en Galicia fai unhas recomendacións temos de invitado a Rubén Domínguez (Pantis e Chicharrón) que rescata a efémera banda Cudevaso e recomenda a Jackson do Pandeiro, músico brasileiro de principios dos anos 50 considerado o Rei do Ritmo.

Programa emitido na Cuac FM o 27 de xaneiro de 2016. Rematamos coa serie de programas nos que xente de bandas galegas falan e recomendan cancións favoritas do seu repertorio, e de repertorios alleos escoitadas no pasado ano 2016. Colaboran Toño de diola, Manu de Selvática, Raúl de Músculo! cos seus aportes e Isabel Fdez. Reviriego (Aries) é a primeira invitada a nova sección fixa de gravacións accidentais. A parte final do programa recorda a David Bowie, que trala súa morte, logo de publicar Dark Star como testamento, deixa música e emocións para revivir ad eternum.

Programa emitido na Cuac FM o 13 de xaneiro de 2016. Continuación do programa #EspecialNadal no que lle pedimos a varias persoas de varias bandas galegas que nos contaran cal era a súa gravación favorita das que tiñan feito ata o de agora e ademais que recomendaran unha canción ou tema que escoitaran no pasado 2015.

Programa emitido na Cuac FM o 30 de nadal de 2015. Derradeiro programa do ano cun #EspecialNadal no que lle pedimos a 8 persoas de varias bandas galegas que nos contaran cal era a súa gravación favorita das que teñen feito ata o de agora e ademais que recomendaran unha canción ou tema que escoitaran este 2015.

Programa emitido na Cuac FM o 16 de decembro de 2015. Conformamos un programa de electrónica e kraut rock cun ollo na actualidade sen perder o retrovisor do pasado con raíces alemás. Estreamos en exclusiva o adianto do disco de Pantis, proxecto en solitario de Rubén Domínguez (Telephone Rouges, Chicharrón), e que sairá editado por Prenom Lab o próximo ano. Escoitamos o novo de Pálida e unha maqueta do proxecto ambiental e misterioso chamado Torso. Hans-Joachim Roedelius é unha figura musical da vangarda, activo aos seus 81 anos, do que facemos unha breve retrospectiva polas súas bandas Harmonia e Cluster. Contrastamos coa actualidade da electrónica orgánica de Klara Lewis. Tanto a inglesa como Roedelius estiveron na última edición do Semibreve en Braga do que damos fe que non se botou en falla a Tim Hecker. Falamos do microfestival organizado por Desconcierto Cultural #CortaPega. Korokati, John Grvy, Aloe Perra (Disco Episcopal) e Fire To Fire, xunto con Morales, estiveron en Compostela mostrando as últimas tendencias no xénero electrónico estatal.

Programa emitido na Cuac FM o 2 de decembro de 2015. O desbordante triplo CD do ourensán, de Quins (Melón), Emilio José, ocupa este episodio. "Agricultura Livre" foi publicado en Foehn, o selo máis independente da independencia estatal. O nosa pescuda lévanos ata Apeiron, banda única dun so disco publicada, onde deuse a coñecer Emilio José. A bossanova galega de Pescando em Copacabana, a brasileira de Antonio Carlos Jobim e Gal Costa, o viaxe de sorriso e pesadelo de Beach Boys no "Smiley Smile" , as 69 cancións de amor de Magnetic Fields e o jazz inmortal de Coltrane e Miles Davis configuran un programa que fixemos totalmente espidos.

Programa emitido na Cuac FM o 18 de novembro de 2015. Neste episodio sustituimos a nosa sintonía por un pequeno manifesto anti-barbarie, coa música do xitano sinti Django Reinhardt, na memoria das víctimas do terror en Paris, Siria e calquer lugar do mundo. O programa está centrado na publicación dos discos de Selvática e Travesti Afgano. Presentación dobre: "Un mundo extraño", o esperado disco de Selvática, editado conxuntamente por Mama vynila e Discos de Kirlian, que será a excusa para construír unha ponte co Brazil tropical. Escoitaremos tamén a Travesti Afgano con "Jefes de Julais" para que os lemures mostren algunhas das súas perversións musicais.

Programa emitido na Cuac FM o 4 de novembro de 2015. A música tribal e as gravacións de campo para perpetuar a cultura musical é o contido deste episodio no que podemos escoitar sons e voces de Aforca e de occidente. Centrámonos en Alan Lomax, inmiscilo estadounidense, considerado como un dos máis grandes compiladores de cancións populares do século XX, do que celébrase o seu centenario este ano. A través das súas gravacións descubrimos a Galiza de principios dos 50 en localidades afastadas con O Hío e Corcubión. Os lemures aportan música tribal do seu Madagascar natal; un cachiño de Cabo Verde canta na voz de 24 mulleres en Burela; un tolo sueco chamado Peder Mannerfelt sintetiza músicas do Congo Belga dos anos 30; o tribalismo que recupera a tradición non-folk de Caxade e a innovación da etnomusicóloga Mercedes Peón da banda galega. Coa escuridade emanando vudú haitiano quedamos sen tempo. Quixemos rematar con IGMIG pero o tempo pasou por riba noso, sabemos como empezamos pero non como rematamos.

Programa emitido na Cuac FM o 21 de outubro de 2015. Unímonos ao Felabration 2015, unha celebración da vida de Fela Kuti a nivel mundial. Os seus valedores en España son Dj Floro e a periodista Sagrario Luna. Na cidade da Coruña houbo celebración propiciada polos Dj´s Jas Processor e Isaac Peces. Fela Anikulapo Kuti é unha das figuras máis importantes da música africana, creador do Afrobeat e activista político cunha máxima: "A música é a arma do futuro" Escoitamos a súa mensaxe e tamén aos seus fillos Femi e Seun que continúan representando o seu legado. Soa tamén Ogun Afrobeat dende Madrid. Escoitamos ao percusionista Tony Allen que ocupa un lugar fundamental dentro do xénero concibido polo músico nixeriano. E rematamos con Bento Veloso & Los Doce Trinches, gañadores da XVII Edición do Concurso de Maquetas de CUAC FM.

Programa emitido na Cuac FM o 7 de outubro de 2015. Comezamos a 4ª tempada na Cuac FM con máis música, lemures, fantasmas e outros accidentes. Este programa viaxa no tempo e no espazo para pescudar na música alternativa galega e as súas posibles conexións. No episodio un viaxamos ao Londres de 1977 para escoitar a música da explosión Punk. Falamos do libro "Punk, La muerte joven" de Juan Carlos Kreimer. O autor viviu ese momento e foi publicado no ano 1978, agora cunha reedición e a perspectiva do tempo facémonos preguntas sobre ese momento de significado vital na música popular contemporánea. As bandas galegas que soan son Perpetuo Socorro, mellor banda da Coruña no XVI Concurso de maquetas da Cuac, Nave Nodriza e Sra Sr Sra.

Programa emitido na CuacFM o 22 de abril de 2015. Grampoder, a banda de Compostela, saen dos escenarios por un tempo por elo dicímoslles ata logo agardando o seu retorno. The Homens é a banda de power pop de onde saíron Martin Wu e Le Roi. Uns clásicos que nunca se foron de todo. Unha das bandas que queriamos oír no programa é Matogrosso, na que militaron membros de Samesugas, The Lorchas e The Homens. Na segunda parte escoitamos a Martin Carr e as súas bandas The Boo Radleys e Bravecaptain ante a súa visita a Santiago de Compostela.

Programa emitido en CuacFm o 15 de abril de 2015. Baixo unha abafante onda de calor primaveral escoitamos a "Asfixia" de Disco las Palmeras!, o novo disco da banda de Sarria na súa nova singradura co selo madrileño Sonido Muchacho. Repasamos a súa discografía composta por tres discos nos que plasman unha constante tensión entre potencia e control. Completamos con Bob Mould e os Sugar confrontados co a versión de "The Act We Act" que a banda liderada por Diego Castro fixo para a homenaxe que o programa "La Isla de Encanta" realizou polo 20 aniversário da publicación de "Copper Blue". Na parte final apetecíanos pinchar uns temas da universal banda granadina Lagartija Nick, con case 25 anos de historia dentro do rock alternativo estatal.

Programa emitido na Cuac Fm o 8 de abril de 2015. Das Kapital son un tumulto, unha irrupción violenta ante este estado das cousas. Socialismo ou barbarie. Tres discos, dous largos e un EP, que din xa dabondo para eles. O deixan e nos deixan un último manifesto de ruído negro. Facemos unha visita a Portugal para escoitar o seu latexo en espazos industriais abandonados, con Sektor 304, Ode Filipica e Erros Alternados. Cut Hands e Godflesh son posíbeis influencias a banda marxista do selo de Compostela Discos da Máquina.

Este programa foi emitido na CuacFm o 25 de marzo de 2015. Celebramos os 19 anos da Cuac, a radio comunitaria da Coruña da que formamos parte. Pasamos a dar caña cos TriCiclos de Work On Sunday a quen lles dedicamos o programa. O primeiro dos TriCiclos xa anunciados é número 7 con Oneida, People of the North e Farniente o 28 de marzo. Seguiránlle o 17 de abril Helms Alee, Russian Circles e Cuchillo de Fuego có número 8, para rematar o día 25 con Nueva Vulcano, Rosvita e Djalminha. Escoitamos a fondo o último disco de Nueva Vulcano e presentamos tamén o novo de Discos Las Palmeras!.

Sesión especial Semana Santa. Con música de tremor devocional. Nine Inch Nails, One For Apocalypse, Florence & The Machine, Joy Division, Piwi Bizarre Tech, Reserva Espiritual de Occidente, Scott Walker + Sunn O))), Esquelas, Atillla, Avispa, JIJIJI, Depeche Mode...

Programa emitido na Cuac FM o 14 de xaneiro de 2015. Segundoo programa no que acemos escolma de bandas que máis que emerxentes son urxentes. Propoñemos un ano máis a unha serie de formacións galegas a seguir ao longo do ano 2015. Unha lista con diversos xéneros musicais nos máis diversos estilos dentro da música alternativa de Galiza. Concordamos con desconcierto.com na aposta por algunhas destas bandas.

Programa emitido na Cuac FM o 7 de xaneiro de 2015. Facemos escolma de bandas que máis que emerxentes son urxentes. Propoñemos un ano máis a unha serie de formacións galegas a seguir ao longo do ano 2015. Unha lista con diversos xéneros musicais nos máis diversos estilos dentro da música alternativa de Galiza. Concordamos con desconcierto.com na aposta por algunhas destas bandas.

Programa emitido na Cuac FM o 3 de decembro de 2014. Falamos dun invento musical de principios do século XX: o theremin. Precursor dos instrumentos electrónicos, xunto o martenot. Contamos a atribulada vida de Leon Theremin e escoitamos bandas de son espectrales. Dedicamos segunda parte a banda de Vigo Camarada Nimoy.

Programa emitido o 26 de novembro na CuacFM. Celebramos os vinte anos do selo discográfico de Compostela Lixo Urbano e contrapoñémolo ao de San Francisco Alternative Tentacles. Escoitamos as bandas históricas destes selos e tamén as novas formacións. Programa en loita apoiando a Stop Desafiuzamentos Coruña ante a ignominia inmobiliaria do Ofimático na Coruña.

Programa emitido na CuacFM o 19 de novembro de 2014. Neste espisodio escoitamos a música da alemaña kraut, do repolo como despectivamente lle chamaron os críticos musicais ingleses. De La Düsseldorf e Cluster nos 70 para pasar a Galiza con Lendrone ou Músculo! e descubrir a unha nova banda chamada Farniente con membros de Lüger e Schwarz.

Programa emitido na CuacFM o 12 de novembro de 2015. "Isto é hardcore" deberon pensar os políticos de ambos os dous bandos ante a "Consulta sobre o futuro político de Cataluña" do 9N. Os lemures pensaron en poñer hardcore catalá neste programa. Oriol Junqueras emocionouse, Artur Mas non entendeu nada, Alicia Camacho ficou coa boca aberta, Mariano Rajoy tentou proibilo. Unha selección musical sobre a independencia, o amor romántico, a emancipación, a posesión; Catalunya vs Espanha, o hardcore en definitiva.

Programa emitido o 5 de novembro de 2014. Facemos un repaso a new wave, a nova onda, con jits moi coñecidos e outros que nunca o foron. Estrambote como banda a seguir na primeira parte. Rescatamos aos coruñeses Metro e homenaxeamos a Poch no tramo final, porque non? Moita movida, e moito baile con bandas que tocan mal e o pasan ben.

Programa emitido o 29 de outubro de 2014. Dedicado a Apenino e as súas conexións. Colaboracións con Irantzu Valencia, Mónica Vacas e Árbore. Repasamos a súa discografía e facemos unha ponte coa banda asturiana Mus. Temos unha exclusiva, a canción inédita de Noise Project nun homenaxe a Lois Pereiro que nunca viu a luz.

Este programa foi emitido na CuacFm o 22 de outubro de 2014. Deseñamos un programa sobre espectros do pasado no presente. Sobre música empapada de nostalxia. Escoitamos a Scritti Politti unha banda con nome que refire a Antonio Gramsci e que lle da título a unha canción con nome de outro teórico e filósofo: Jacques Derrida. "Á “ontoloxía” do fin da historia, Derrida opoñía unha “fantoloxía” asediada polos espectros que superan a barreira do vivo e o morto, da alma e o corpo. (“Ontologie” e o neoloxismo “hantologie” son homófonos en francés; en inglés, “haunt” é “asexar” e incluso “embruxar”)." (Pablo Schanton) Estreamos dous discos; o do galego Alex Casanova có seu debut Antagonasia (Crispis, 2014), e a chilena Javiera Mena con Otra Era.

Programa emitido o 15 de outubro de 2014. Este é un programa de libre configuración, de escaleta móbil, de guión improvisado e de fantasmas accidentais. Non sabemos se a nosa distinguida audiencia pertence a igrexa de Elvis, se creen que o seu espírito aínda vaga entre nós. Os lemures creen que Elvis está morto. Non creen no seu reinado. Foi o elixido para branquear o rock and roll. Os brancos non saben bailar. A rebeldía de Elvis era mellor, máis guapa, máis americana que a de Chuck Berry ou Lil´Richard. Reivindicamos aos Elvis negros, e escoitamos aos que herdaron o seu nome. Traemos a Elvis Perkins e a Elvis Costello a colación. Pero queriamos falar do Elvis Negro da Coruña. Unha banda de íntimo surrealismo e shoegaze mental. Buscamos algunhas conexións como a de Nouvelle Cuisine e rescatamos os proxectos dun dos seus ex-membros: David Miranda. Rematamos con post-punk, os axitadores Ornamento y Delito con novo disco, e traemos do pasado a dúas bandas lendarias: Pere Ubu e Half Japanese que estarán no futuro inmediato en Galiza nun novo Sinsal en Vigo.

Programa emitido o 8 de outubro na Cuac FM 103.4 de A Coruña. Selección musical que busca o futuro a través da electrónica. Experimentación e pescuda de espazos sonoros alternativos galegos xunto a braindance actual na península. Listaxe 08/10/2014 01 Korokati - MaA3 - MaA2, el ascenso del estado penal 02 Matar Gente - Todo le llega al que sabe esperar - Terrible 03 Blixdeina - Palabras 04 Ulobit - Vikingland Noise Redux (live) 05 Alva Noto + Ryuichi Sakamoto - Insen - Moon (Raster-Noto, 2005) 06 Uner - Tune432 - Tierra Hueca (Original Mix) (Diynamic Label, 2014) 07 LCC - d/evolution - Quarz (Editions Mego, 2014) 08 Aphex Twin - Syro - minipops 67 [120.2][source 1="mix" language="field"][/source] (Warp, 2014) 09 Svreca - Obscur. Alternative. - Seda Muerta (Semantica, 2011) 10 Downliners Sekt - Silent Ascent - Silent Ascent (InFine Music, 2014) 11 Humanoid - Vectorspheres - Analogue Dream (Jabalina, 1998) 12 Prozack - Tan lejos - Dualidad (Elefant, 1998)

Emitido na Cuac FM o 1 de outubro de 2014. Retornamos cunha terceira tempada con máis música que viaxe no tempo e no espazo. Estreamos sintonía creada por Roberto Casteleiro "Korokati". A selección musical está composta polo disco de Cuchillo de Fuego, nova banda galega, e unha nova entrega de Shellac. Post hardcore e post humor.

Este programa foi emitido o 18 de xullo de 2014 na CuacFM. Facemos un programa moi quente, explícito e directamente centrado no porno. En discos Porno para ser exactos. O selo "Do It Yourself" de Ourense é moi activo e decidemos dedicarlle a primeira parte do noso programa. Así escoitamos a bandas pornográficas como Haecceidad, Avecrem, Uppercut, Monstruo e Uzumaki. Facemos o noso habitual contraste con bandas como os postrockeiros Pele e a vehemente contundencia de Killing Joke e Suicide. Despois de poñernos cachondos co catálogo do selo continuamos na cidade das burgas para, precisamente, recordar o pasado da Burgas Beat escoitando a Cosecha Roja e Viernes y Los Robinsones.

Este programa foi emitido o 25 de xuño de 2014 na CuacFM. Rematamos a nosa segunda tempada cun programa con futuro e pasado. Pálida, proxecto de música electrónica do cantante de Durararará!!! Nelo, é a música que queremos que soe nas nosas raves no espazo exterior. Contrastámolo con Nathan Fake remisturado por James Holden. Chicharrón é o novo proxecto de Alberto Martinez Vecino e nace das cinzas de Franc3s. Acompañado de Ruben Dominguez, de Telephone Rouges, e Diego "Chape" Gende escoitamos a súa música de expiación que nos remite a Michel Gira e o seu World of Skin. A segunda parte está dedicada aos vinte anos de "Super 8", o primeiro larga duración de Los Planetas é homenaxeado por xente como Klaus & Kinsi e os galegos Disco Las Palmeras! nun CD que acompaña a "De viaje por Los Planetas" da editorial Ondas del Espacio. Despedímonos ata a próxima tempada deste programa que viaxa no espazo e no tempo da música alternativa.

un programa cargado de angst, o término existencialista acuñado por Kierkegaard que designa o punto de vista luterano e protestante, de orixe hebráico-bíblico. A angustia frente ao pecado o “angst” ante un Deus que é tan Santo, e “fundamentalmente distinto” do ser humano pecador. A frustración fronte a incapacidade para alcanzala pureza da alma, do espírito mortal que nunca será divino. Van vinte anos dende que Trent Reznor e Nine Inch Nails descenderon por unha espiral de angustia e tortuosa autodestrucción, puro angst. “The Downward Spiral” (Nothing/Interscope, 1994) é o punto de partida para escoitar a bandas galegas enfurecidas como Rave Party Animals, PulsLottus e MINIM xunto a carraxe de Das Kapital e a tensión en climax ascendente de LED (Light Emitting Diode). As referencias expostas neste programa que viaxa no tempo e no espazo son as de Gary Numan, antes e agora, Bauhaus, KMFDM, Coil e The Young Gods.

Este programa foi emitido na Cuac FM o 21 de maio de 2014. Facemos un programa de etérea forma dedicado ao pop máis ensoñador. Centrámonos nos 30 anos da edición do disco Cocteau Twins "Treasure" (4AD, 1984) rescatando das sombras a This Mortal Coil e pescudando conexións e posibles influenciadxs en Galiza. Escoitamos as ensoñacións musicales de alDDao, Primrose, Linda Guilala e as novas formacións Visceral Eyes e Xoves. Unha selección pre e post rafaelita de onírica beleza.

Programa emitido en Cuac FM o 14 de maio de 2014. Tomamos posicións nun programa político que vira á esquerda.

A trama Gürtel comeza en Valencia e remata en Galiza, tamén poderiamos dicir que a ruta do bakalao foi un camiño tan espiritual como o é o xacobeo. Con esta escusa argumental facemos unha conexión valenciana. A banda nexo é A Veces Ciclón, a unión do galego Óscar Vilariño (ex- Triángulo de Amor Bizarro, Vale Tudo e tamén en Musel) con Marcos Junquera (Estrategia Lo Capto, La Orquesta del Caballo Ganador, Betunizer) e Xavi Muñoz (ex Litius, e parte da banda de directo de Daniel Johnston, Ora Cogan ou Laetitia Sadier), valencianos ou residentes, a lo menos. O selo Acuarela editou o primeiro disco homónimo de A Veces Ciclón no 2013, que xa presentáramos no seu momento. Percorremos un chisco da escena actual alternativa de Valencia, con Jupiter Lion, Negro, Estrategia lo Capto!, Cuello, deBigote, Los Amantes e Alberto Montero. Tamén falamos do TriCiclo de Work On Sunday, xa na súa quinta edición, que se celebra en Compostela.

Emitido o 11 de xuño de 2014 na CuacFM. Programa dedicado íntegramente á Romaría Pop 2014. O festival de balde organizado pola asociación Desconcierto Cultural e que terá lugar o sábado 14 no parque de Belvís en Compostela.

Este programa foi emitido na CuacFM o 9 de abril de 2014. Valga, poboación do concello de Pontevedra, é a protagonista deste programa emitido na Cuac FM. De alí son Noise Project, banda de ruído e melodía guitarreira á que recordamos por ternos deixado marabillados no seu momento. Trala súa separación os seus membros repartíronse entre outras interesantes formacións e proxectos. Músculo! é unha delas e escoitamos do seu primeiro Ep 'Selección natural' un corte que nos leva a un gozoso clímax. Cazador sería outra e estrean tres temas en cartucho USB, presentado nun paquetiño selado. Ademais escoitamos a Álvaro Blanco, ex-Noise Project e parte de Músculo!, que presenta un proxecto en solitario baixo o nome de Incurable. Engadimos uns temas de Screaming Trees, Neu!, Slowdive e algún máis sacado da maleta dos lemures para facer contraste. Recordamos tamén ás Franc3s, que se disolveron o ano pasado deixándonos o seu ruído zumbando entre as orellas.

Este programa foi emitido na CuacFM o 2 de abril de 2014. Coa publicación de "Cuando Ríes. Los Contentos (Unos Malditos Pioneros del Garage)" (Xonix Records, 2014), escrita por Fernando F. Rego e o ex-membro da banda luguesa Piti Sanz, revindícase esta formación de garaxe de finais dos 80. Xa lles dedicáramos un programa na tempada anterior e nesta quixemos facer un pouco de retrospección emocional e retromusical. Recordamos locais emblemáticos da cidade bimilenaria como o Pío Pío e o 2 de Copas que albergaron os directos que formaron en cultura alternativa a parte da xuventude local, entre eles quen firma este radio programa. Escoitamos a bandas do revival garaxeiro dos sesenta nos oitenta en España como Sex Museum, Los Negativos e Los Macana. Poñemos orixinais de The 13th Floor Elevators e Los Yorks para voltar á actualidade e despedir a Fantasmage e Los Thyssen. Tamén presentamos a nova gravación de Mack Barracuda Paramo Fuzzy Blues. Un programa sobre a nostalxia revisitada e o rock garaxeiro sen fronteiras.

Este programa foi emitido na CuacFM o 26 de marzo de 2014. Presentamos 'Mauna Loa' o novo disco de Guerrera. Esta banda da Metamovida publica con Matapadre, aos que lles agradecemos facernos entrega en man do seu segundo disco (grazas Toño!). Un álbum concepto dedicado ao volcán hawaiano con dous cortes "Montaña y Fuego" e "Magma y Trueno" que escoitamos ao completo. Dureza, psicodelia, rock e lava fundida na música destes galegos. Avivamos o fogo con Black Sabbath, Máquina!, Masters of Reality e Kyuss. Atención: programa Inflamábel!

Este programa foi emitido na Cuac FM o 19 de marzo de 2014. Deslumbrados polo sol da primavera ofrecemos un programa de pop luminoso e psicodelia. Aries é a protagonista, presenta o seu novo disco 'Mermelada dorada' e facemos unha breve escolma da súa biografía. Escoitamos a súa formación punk rock Electrobikinis e ás imprescindibles e popeiras Charades. Brincamos entre a psicodelia de Spring ou Jefferson Airplane a neo psicodelia de Animal Collective nunha festa pre-primaveral. Wild Balbina, Los Chavales e Chiquita y Chatarra son algunhas das bandas que aluman este progama tan pop. Así mesmo celebramos o día da maternidade pasiva presentando un disco idóneo: 'Nelson es perfecto' de Remate.

Este programa foi emitido na Cuac FM o 12 de marzo de 2014. Participamos do aniversario da publicación do ‘Selected Ambient Works Volume II’, do ano 1994, segundo álbum de Richard D. James como Aphex Twin. Un dos cumios musicais do ambient editado polo selo Warp. A música de ambiente, termo acuñado por Brian Eno, lévanos a un certo orixe que Erik Satie chamaba “música de mobiliario”. Engadimos electrónica musical e ambientes selectos galegos con Dræn, GAS NOBLE, Noel Lou e Anda-lh’à Lus. Despedimos o programa coa estrea do ‘Blank Project’ de Neneh Cherry e facemos un manifesto anti-patriarcado con Mercedes Peón.

Este programa foi emitido o 26 de febreiro na Cuac FM. Celebramos o cumpreanos de Johnny Cash, tería 82 anos se estivera no mundo dos vivos, escoitando o súa voz. Este é un programa moi clásico de country e rock. Dámonos o gustazo de concibir un programa de nostálxicas cancións e sabor da América do Norte. Dende A Coruña temos a All Night Workers, son uns revivalistas do rock and roll máis clásico e unha superbanda que grava en analóxico, o segundo álbum "Do It Again, Please" saíu con Grabaciones de Impacto no 2012, conseguindo un son xenuíno. Outros que interiorizan e fan seu sons do outro lado do atlántico son os membros de WolRus co seu magnífico 'Chasin' the Light'. Graham Summer súmase a selección de músicos galegos xunto con Niño y Pistola. Neil Young e Flying Burrito Brothers soan como parte da colleita máis clásica e anella. Tom Waits soara tamén para darlle ambiente de bar a este programa lemuriforme. O disco que nos gustaría que escoitaras hoxe é o do coruñés Luís Moro que ven de editar 'Cielo color Burdeos'.

Este programa foi emitido na Cuac FM o 5 de marzo de 2014. O mércores de cinza supón a fin do entroido, o carnaval rematou pero nós temos un programa cheo de tolemia musical controlada e progresiva. Presentamos o novo disco de Cró!, a banda da Metamovida ponlle o titulo de "Pera" a un traballo de virtuosismo prog, jazz e rock. Así mesmos repasamos a súa discografía. Buscamos conexións con Frank Zappa, John Zorn, Raymond Scott e máis música tola. Escoitamos tamén a bandas afíns da Metamovida como Es Un Árbol ou Trilitrate que presentan o seu primeiro disco "Faláchesme na man".

Emitido na CuacFM o 5 de febreiro de 2014. Este programa chámase Fantasma Accidental por ser a traducción o castelán da novela "Ghost of Chance" de William S. Burroughts. Este ano cumprense 100 do nacemento do escritor, adicto, terrorista das verbas, voz apocalíptica da distopía, creador de ruidos, inspirador e inspiración, amigo dos gatos e amante dos lemures. Este programa provoca disturbios. Na segunda parte facemos eco outra vez do Festival Primos Hermanos, que celebra a irmandade musical astur-galega, centrándonos en Xabel Vegas e Elle Belga

Programa emitido na CuacFM o 29 de xaneiro de 2014. Facemos unha conexión directa con Asturias e a industrial e primaria música de Fasenuova e Pablo Und Destruktion. Eles son parte do cartaz do primeiro festival "Primos y Hermanos" celebrado en Santiago de Compostela. Facemos a nosa habitual viaxe de ida e volta traendo a Chris And Cosey e Liaisons Dangereuses. Escoitamos aos galegos Das Kapital outra vez no programa e a uns Anda-lh'à Lus descoñecidos para nós.

Este programa foi emitido na Cuac FM o 12 de febreiro de 2014. Do río Mississippi á ría do Burgo imos pola senda do blues salvaxe. O blues é o grito que afasta da escravitude. Escoitamos a Memphis Minnie no ano 1930 en Louisiana e voltamos a nosa época coa banda galega Moondogs Blues Party repasando a súa discografía. Coma sempre pescudamos na música na orixe e na actualidade.

Este programa foi emitido na CuacFm o 22 de xaneiro de 2014. Germán Coppini deixounos na noiteboa de 2013. O cantante máis emblemático da "movida" tivo unha longa e prolífica carreira musical. Sentímonos moi aflixidos por tan irreparabel perda para a música e facemos nosa a súa lemuria. Dedicámoslle este programa a un dos nosos santos ateos con devoción.

Programa emitida na CuacFM o 15 de xaneiro de 2014. Primeiro programa do ano no que retomamos a lista de música alternativa galega que máis que emerxente é urxente. Completamos así a do anterior programa coa aportación da confeccionada pola redacción de Desconcierto.com chamada '14 bandas gallegas para el 2014'.