GBYH: Gwneud Bywyd yn Haws

Pennod 30. Ar Orffennaf 30. Ar y diwrnod mae fy mamgu yn troi'n 90. A blwyddyn o bodlediad: Haf 2024 - Haf 2025. Doedd dim cynllun lawnsio, dim pwysau, dim ond ymddiriedaeth y byddai'r podlediad yn darganfod y bobl oedd ei angen. Ac mae wedi. Yn y bennod hon, dwi'n myfyrio dros beth mae'n ei olygu i greu rhywbeth oedd â'r bwriad i fod yma i aros - mewn byd sy'n obsesiynol am amserlenni a phethau cyflym, Dwi'n sôn am pam dwi heb fod yn hysbysebu'r podlediad, a pham fod y podlediad yn mynd yn dawel am nawr. Beth sy'n newid... a beth sy ddim am newid! Diolch o galon i Marc Griffiths o Stiwdiobox am bob cymwynas wrth roi'r bennod hon allan i'r byd bob pythefnos dros y flwyddyn ddiwethaf, ac i Ieuan Wyn am gerddoriaeth ffab pod GBYH. Os wyt ti'n newydd yma - croeso. Cei glywed yn y bennod hon ambell awgrym ar ble i ddechrau yn llyfrgell podlediad GBYH. Ac os wyt ti wedi bod yn gwrando ar y dechrau - diolch. Mae'r bennod hon i chi gyd. 

Y bennod olaf ond un (am y tro!) - nid hwyl fawr sydd yma - ond dechrau newydd. Cyfle i anrhydeddu beth mae'r gofod hwn wedi bod a chyflwyniad ysgafn i'r hyn sy'n dod. Mae'r rhythm ar fin newid - nid achos bod rhywbeth yn dod i ben, ond achos bod rhywbeth arbennig yn barod i ddechrau. Os ydy HARBWR - Ehangu'n Esmwyth yn teimlo fel dy rythm nesaf di, mae croeso i ti ddysgu mwy yma

Os yw'r haf yn gyfnod sy'n teimlo fel ei fod yn llithro rhwng dy ddwylo wrth i ti gadw'r heddwch, cynnal y cynlluniau, a gosod dy anghenion di i'r naill ochr - dyma'r bennod i dy helpu i wasgu pause. Byddi di'n clywed am y posibilrwydd o gael haf sy'n teimlo'n wahanol. Nid un sy'n uwch, nid un sy'n brysurach ond un sy'n teimlo mwy fel dy haf di. Ac mae gwahoddiad cynnes i ti enwi yr hyn rwyt ti eisiau ei deimlo erbyn mis Medi - cyn iddo basio heibio unwaith eto. Dwyt ti ddim angen rhagor o amser. Rwyt ti angen caniatâd i archwilio beth wyt ti ei eisiau. Ac efallai, y tymor hwn, rwyt ti'n gwneud lle i'r cwestiwn: Pam ddim ti? A pham ddim nawr? I helpu siapio beth sydd nesaf i ti - dyma'r ddolen ar gyfer yr holiadur byr dwi wedi'i greu. Bydd yn cymryd llai na 3 munud i'w lenwi. Gelli di gael mynediad ato drwy glicio yma. Beth am wneud yr haf hwn yr haf ble rwyt ti - o'r diwedd - yn cadw'r addewid i dy hunan mai y tro hwn, bydd pethau'n wahanol.

Pa mor aml ydych chi'n dal eich hunan yn dweud y geiriau hyn? Sut maen nhw'n gwneud i chi deimlo? Gwrandewch ar y bennod i ddysgu sut gallwn gadw at deimlad y frawddeg hon, heb dynnu oddi ar ein hunan hyder. A gyda llaw - mi rydych chi - wrth gwrs - yn gwneud synnwyr - ddoe, heddiw a fory. Peidiwch â gadael i hunan-amheuaeth ennill y dydd. Gwrandewch i newid y llais mewnol hwn. 

Mewn byd ble mae cymaint yn teimlo eu bod ar ras - sut gallwn ni diwno fewn i'n doethineb mewnol i'n helpu darganfod y llwybr sy'n iawn i ni?Y penodau eraill y cyfeiriir atynt yn y bennod hon ydy Pennod 5: Tymor y Bwa a'r Saeth a Phennod 15: Angen Vs Eisiau. Mwynhewch!*Cofiwch fod unrhyw wybodaeth sy'n cael ei rannu ar y pod ddim yn gyfystyr â chyngor meddygol, felly os ydych chi'n poeni am rywbeth, ewch i weld eich darprwr meddygol proffesiynnol. Diolch!*

Ydy prysurdeb yn rheoli eich bywyd? A beth yw’r buddion o adnabod a gweithredu o fewn eich llif egnïol? Dyma ddau o’r pethau sy’n cael eu trafod yn y bennod hon! 

Cymharu - p'un ai bod e'n cymharu yr hunan ag eraill neu'n gymharu ni ein hunan gyda fersiwyn ohonom yn y gorffennol - mae e'n gwasgu 'pause' ar datblygiad. Yn y bennod hon, rydyn ni'n archwilio sut mae cymharu yn cymylu'r ffordd ymlaen i ni ac yn oedi penderfyniadau cynhyrchiol, yn ogystgal a beth all gael ei wneud er mwyn shiffto pethau i'r cyfeiriad cywir gyda hyder a rhwyddineb. *Mae cofrestru ar gyfer Cwrs Gwneud Bywyd yn Haws nawr AR AGOR. Llewnodd llefydd y cwrs diwethaf cyn y dyddiad cau am gofrestru, felly, os oes diddordeb gyda ti, derbynia dy le nawr. Modiwl 1 yn dechrau 29/04/25*

Yn y bennod hon, mae Hanna'n esbonio sut mae dysgu cofleidio chwilfrydedd a pheidio ag aros am yr 'amser perffaith' wedi Gwneud Bywyd yn Haws iddi hi. Mae hefyd yn gyfle i ddysgu mwy am 12 modiwl y cwrs ynghyd â'r modiwlau bonws! Gwrandewch i ddysgu mwy!*Mae cofrestru am y cwrs yn agor 22/04/25 - niferoedd cyfyngedig - Modiwl 1 yn dechrau 29/04/25*

Beth mae cwrs GBYH yn ein ddysgu i ni am hunan hyder? Ym mhennod 5 y gyfres fonws, cawn gyfle i ddysgu ychydig am y modiwl hwn yn ogystal â dod i adnabod yr 'H' ar y fframwaith sy'n sefyll am 'Hawlio'. Mae hwn yn gam pwysig a chyffrous ar y fframwaith sy'n ein helpu i wreiddio'r newid! Ydych chi'n barod i ddysgu am hawlio eich hunaniaeth newydd?*Mae cofrestru am y cwrs yn agor 22/04/25 - niferoedd cyfyngedig - Modiwl 1 yn dechrau 29/04/25*

Mae pennod 4 y gyfres fonws yn rhoi cipolwg ar fodel y tri system emosiwn sy'n cael ei gyflwyno ar y cwrs. Mae'r bennod hefyd yn ein gwahodd i ystyried beth mae gwir 'ymrwymo' yn ei olygu a sut mae'r cwrs yn ein helpu i gadw at ein ymrwymiadau mewn ffordd gynaladwy.*Mae cofrestru am y cwrs yn agor 22/04/25 - niferoedd cyfyngedig - Modiwl 1 yn dechrau 29/04/25*

Ym mhennod 3 o'r gyfres fonws, cawn flas ar y modiwl sy'n cyflwyno strategaethau i fynd i'r afael â 'plesio pobl'. Rydym hefyd yn cael ein cyflwyno i'r hyn sydd y tu ôl i'r 'B' ar y fframwaith. Sut mae'r cam hwn yn gwneud bywyd yn haws? Gwrandewch i ddarganfod mwy!*Mae cofrestru am y cwrs yn agor 22/04/25 - niferoedd cyfyngedig - Modiwl 1 yn dechrau 29/04/25*

Yn ail bennod y gyfres fonws, mae fframwaith unigryw Cwrs Gwneud Bywyd yn Haws yn cael ei gyflwyno. Heddiw, y cam cyntaf - y 'G' - sydd o dan sylw. Gwrandewch i ddysgu am sut mae'r cwrs hwn yn cyflwyno ffordd wahanol o gyrraedd ein nodau a chynnal ein llwyddiant. *Mae cofrestru am y cwrs yn agor 22/04/25 - niferoedd cyfyngedig - Modiwl 1 yn dechrau 29/04/25*

Croeso i'r gyfres fonws o bodlediad Gwneud Bywyd yn Haws! Cyfres o benodau byrion bob dydd am 6 diwrnod wrth edrych ymlaen at Gwrs Gwneud Bywyd yn Haws: Gwanwyn 2025. Heddiw, rydym yn ail-edrych ar y syniad o 'falans bywyd' a'r teimladau sydd y tu ôl iddo. Sut mae diffinio'r teimlad hwn yn wahanol yn gallu ein helpu? Gwrandewch i ddysgu mwy!*Mae cofrestru am y cwrs yn agor 22/04/25 - niferoedd cyfyngedig - Modiwl 1 yn dechrau 29/04/25*

Ydych chi'n dal eich hun yn siarad yn negyddol â chi eich hunan? Neu a ydy hynny'n digwydd mor gyflym fel nad ydych hyd yn oed yn sylwi, efallai? Fe allai fod yn ddefnyddiol ystyried beth mae ail-fframio ein meddyliau yn ei olygu a sut mae hynny'n gallu Gwneud Bywyd yn Haws. Gwrandewch i ddarganfod mwy!

Treulio amser? Gwario amser? Buddsoddi amser? Beth yw'r gwahaniaeth rhwng y disgrifiadau hyn? A sut mae ail-ystyried ein perthynas ag amser yn gallu GBYH? Gwrandewch i ddarganfod mwy!

Pa mor aml dych chi'n dal eich hun yn dweud 'dwi jyst eisiau...' neu 'beth dwi rili eisiau ydy...'. Ond tybed a ydych chi wedi ystyried beth ydy'r gwahaniaeth rhwng 'eisiau' ac 'angen'? A beth yw'r negeseuon sy'n dod atoch chi wrth newid y gair o 'eisiau' i 'angen'? Gwrandewch i ddarganfod sut mae gwneud y newid hwn yn gallu ein helpu i ddarganfod y pethau a all Wneud Bywyd yn Haws.

Cyfle i ddysgu am rywbeth ymarferol heddiw sy'n gallu GBYH. Triwch hwn os ydych chi'n teimlo ychydig bach ar goll yn eich meddyliau er mwyn ail-gysylltu a gwrando ar y doethineb sydd y tu mewn. HEFYD - blas bach ar newyddion gen i fydd i'w rannu'n llawn yn y bennod nesaf!

Beth mae'n ei olygu i fod yn agored i dderbyn rhywbeth? Yn y bennod hon, cawn gynghorion ar sut mae'r weithred honno yn gallu ein helpu. Trafodir hefyd beth yw ystyr 'glimmers' a sut maen nhw'n mynd law yn llaw â'r syniad o 'dderbyn'. Ydy'r ddau beth hyn yn gallu Gwneud Bywyd yn Haws? Gwrandewch i ddysgu mwy!

Beth mae 'byw bywyd bwriadol' yn ei olygu? A sut y gallwn ddechrau gwneud hynny?

Ym mhennod gyntaf 2025, cyfle i ystyried beth sy'n gallu ein helpu ar ddechrau cyfnod newydd? Beth yw rhai o'r pethau y gallwn eu hystyried? Sut gallwn sicrhau ein bod ni'n cymryd camau tuag at ein gobeithion mewn modd cynaladwy? Yn ystod y bennod hon, mae Hanna hefyd yn trafod y dyfyniad enwog o gerdd Mary Oliver sy'n aml yn cael ei gam-ddehongli: 'Tell me, what is it you plan to do with your one wild and precious life?'. Sut gall ystyried ystyr wreiddiol y dyfyniad ein helpu yn ystod y tymor hwn? Gwrandewch i ddarganfod mwy!

Cyfle i grisialu rhai o’r teimladau sy’n gallu codi ar ddiwedd blwyddyn, yng nghanol tymor hynod o lawn. Ond - os ydych chi’n gwrando ar y bennod ar adeg wahanol o’r flwyddyn - na phoener! Mae digon o bethau yma i fyfyrio drostynt wrth i Hanna ein tywys drwy rai o brif bwyntiau cyfres gyntaf podlediad GBYH. Mwynhewch!

Mewn cyfnod sy'n gallu teimlo'n orlawn a ble mae amryw o emosiynau yn dod i'r wyneb, dyma gyfle i ddechrau dysgu sut y gallwn greu lle ar eu cyfer nhw a beth yw'r buddion o wneud hynny. Cawn gyfle hefyd i ddysgu ychydig bach mwy am y critic mewnol. Croeso i GBYH! 

Yn y bennod hon, mae Hanna'n trafod y gwahaniaeth rhwng 'Gad iddo fynd' a 'Gad iddo fod' yng ngoleuni cân enwog y Beatles 'Let it be'. Sut mae ail-fframio dywediad rydym yn ei glywed yn gyson er mwyn Gwneud Bywyd Yn Haws? 

Cwrs GBYH - Cwrs Gwneud Bywyd yn Haws. 12 modiwl sydd â'r bwriad o wneud yr union beth hynny. Yn y bennod hon, ceir cyfle i gael blas ar gynnwys y cwrs - mae  cofrestru'n cau 10/11/24! Gwrandewch tan y diwedd am wahoddiad i ddysgu mwy cyn ymrwymo. 

Yn y bennod hon, cyfle am ychydig bach o wybodaeth tameidiol - 'bite-size' - ar 'ddechrau cyn eich bod yn barod' (start before you're ready) ac am bwysigrwydd anrhydeddu ymrwymiadau 'dych chi'n gwneud i chi eich hun. 

Sut mae'r cyfnodau o gymryd 'cam nôl', o ddweud 'na', o newid cyfeiriad neu o gymryd saib yn gallu cyfrannu at ein datblygiad? A sut gallwn ddefnyddio'r cyfnod i'n helpu ni baratoi at bennod newydd? Yn y bennod *bonws* hon, mae Hanna yn trafod y syniad o dymor y 'bwa a'r saeth' a sut mae ystyried y tymor fel hyn yn gallu helpu.

Beth yn union yw ystyr 'compassion'? Beth yw ystyr 'self-compassion'? Yn y bennod hon, mae Hanna'n trafod y syniad o 'hyfforddiant cryfder mewnol' (inner strength training) ac yn edrych ar bwysigrwydd y derbyn a'r gweithredu. Sut mae'r elfennau hyn yn gallu Gwneud Bywyd yn Haws? Gwrandewch i ddysgu mwy!

Yn y bennod hon mae Hanna'n rhannu rhai strategaethau y gellid eu trio wrth ddechrau dewis llwybrau newydd. Trafodir hefyd y gwahaniaeth rhwng cael gweledigaeth a chael gôl, a rôl 'gobaith' ar hyd y daith. 

Yn y bennod hon, mae Hanna'n rhannu ambell stori sy'n ein helpu i feddwl am newid, ymarfer meddylfryd hyblyg a bwydo'r lleisiau a'r systemau fydd yn ein gwasanaethu ni orau. 

Yn y bennod hon byddwn ni'n dysgu ychydig am sut daeth Hanna i faes coaching