mengisch frög ich mich

#63: ich ha mir das lang überleit, aber ich glaub es isch de ziit eu en teil vo mir z'verzelle woni bis jetzt no nöd ha... HAPPY PRIDE mit ganz vielne chline stories vo mir und minere fründin, wo hüt au debi isch bim podcast, vo eusere findigsphase als queeri persone und denn als chlines sweet treat es lang ufgsparetes coming out vo minere siite. hol dir en snack und es glas sirup, will es git tea.

#62: Kennsch das Gefühl, wenn alles grad gleichzeitigschief lauft? Irgendwie chunt es Problem selte allei, sondern immer gaht plötzlich uf ein Schlag alles mitenand… als wär’s kein Zufall meh.Aber isch das nur ee Illusion oder isches wük au bewisse, dass Unglück selte allei chunt? Und hend mir vilicht selber sogar en Iifluss druff? Ich ha mich chli durs Interweb duureglese und deswege gönd mir hüt zeme ufd Spur vom Phänomen, dass alles immer gaht uf einmal passiert. Spoiler: Mir Mensche hend e natürlichi Tendenz, Muster z’erkenne und das sogar det, wo gar kei sind. DasPhänomen nennt mer Apophänie oder Clustering-Illusion. Da dezue chunt no die eigeti Stressreaktion und die emotionali Belastig vode Unglückfäll oder depressive Phase. Die  chönd üs i negativi Verhaltens-Loops bringe, wo tatsächlich dezue biiträged, dass sich Problem wiiter verstärched. Nöd will s’Universum gege üs isch, sondern will üsere Umgang mit Schwierigkeit e Kettenreaktion uslöse cha.Aber ich chas besser erchläre ii gsprochene Wort, desewege los eifach mal dri 😉P.S: danke viel viel viel mal fürs lose und für die 50‘000 Streams!!! Das isch s absolut schönschte Geburtstagsgschenk woni ha chöne becho!!!!!!Quelle:Clustering-IllusionApophänieWhy Do Bad Things Seem to Happen in Clusters?Seeing Patterns inChaos: Understanding the Clustering Illusion1. Baumeister, R. F., & Vohs, K. D. (2016). Handbook ofSelf-Regulation: Research, Theory, and Applications. Guilford Press.2. Conrad, Klaus (1958). Die beginnende Schizophrenie. Versuch einer Gestaltanalyse des Wahns [The Onset of Schizophrenia: An Attempt to Form an Analysis of Delusion]. Stuttgart: Georg Thieme Verlag.3. Brogaard, B., & Gatzia, D. E. (2024). Psychedelics: A Window IntoPerceptual Processing. In Chris Letheby & Philip Gerrans(eds.), Philosophical Perspectives on Psychedelic Psychiatry. Oxford: Oxford University Press, 92–115.

#61: Autismus und ADHS überlapped sich nöd nume, sie chönd au gleichzeitig vorcho. AuDHD bezeichnet Mensche, wo sowohl e Autismus Spektrum Störig (ASS), als au ADHS, hend. Obwohl die Kombi häufig isch, isch AuDHD kei offizielli Diagnose im DSM und durch die so gegesätzliche Bedürfnis vo ADHS und ASS, ischs Verstah und s’Erkenne vo AuDHD eso schwierig.Bi rund 40–50 % vo Mensche mit ere Autismus-Spektrum-Störig tretet zusätzlich ADHS uf. Umgekehrt chunnt ASS bi ADHS zwar au häufiger vor, aber weniger oft. Beidi Neurotypen sind stark genetisch bedingt, und neuere Forschig zeigt, dass es erheblichi erblichi Überschneidige git. Bis 2013 het me Autismus und ADHS gar nöd gleichzeitig diagnostiziere dörfe. Das het dezue gführt, dass vill Doppeldiagnose vor allem bi Persone, wo nöd de stereotypische Bilder entspreched, überseh worde sind. Doch wie fühlt sich AuDHD überhaupt a?Die innere Widersprüchlichkeit macht AuDHD komplex, aber au extrem spannend. Denn genau i dere Kombi ligged au Stärche: kreativ Problemlöse, tiefe Leidenschafte, enormes Wissen, Innovationskraft und e ganz eigeti Art, d’Wält wahrzneh. In dere Episode rede mer über:– was AuDHD isch (und was nöd)– warum es so lang überseh worde isch– wie sich ADHS und Autismus gegesitig verstärched oder blockiered– und warum AuDHD meh isch als nume „ADHS + Autismus“Quellen:https://adhs-muenchen.net/adhs-bei-erwachsenen/adhs-und-autismus/https://gtsg.ch/de/audhd-wenn-autismus-und-adhs-zusammentreffen/https://www.londonpsychiatry.clinic/blog/audhd-explainedhttps://www.tiimoapp.com/de/resource-hub/audhd-autistic-adhd-explainedhttps://www.audhdpsychiatry.co.uk/audhd-explained/https://embrace-autism.com/an-introduction-to-audhd/https://health.clevelandclinic.org/audhdhttps://autisticgirlsnetwork.org/knowledge_base/audhd/

#60: Was isch wenn mir kein Alters- sondern en Schönheitsabstand hend ide Beziehig und ich bi am untere Endi… De Beziehig isch immer volle mit Unglichheite und so au bim Ussehe. Egal ob wahr oder nöd, ich fühl mich wie die hässlicheri Person ide Beziehig… und leider schriebet mir das Lüt au gern mal uf Social Media. Es isch es Tabu und tönt nach Compliment fishing, aber ich bin siit Jahre überzoge, dass ich Welte hässlicher bin als mini Partneri. In dere Episode rede ich ehrlich drüber, was das mit mir macht, wänn anderi Mensche das Gfühl no verstärket. zum Biispiel, wänn nur mini Fründin Komplimente bechunnt: "dini Fründin isch so schön" und nöd "ihr sind es schöns Paar." und ich bewusst oder unbewusst usgschlosse werde.all das prägt s’Selbstbild meh, als mer oft zuegeh wend. Es geit um Scham, Unsicherheit, Selbstwert und d’Angst, nöd z’gnueg z’sii.Doch es geit au drum, was so Erfahrige über üsi innere Werte säged. Wieso triggert mich das? Weli Moral und weli Überzügige hend mini Reaktion geprägt? Und wie chani die Werte nöd nur a anderi stelle, sondern au uf mich selber anwände?Zwüsche Verletzlichkeit und Wachstum luege mer ane, was Schönsii eigentli bedeutet und für wen.die Epsiode isch für alli, wo sich scho mal „weniger“ gfühlt hend :)

#59: Wänn weisch obs jetzt zviel isch? Will Stress isch ja biz normal. Stress ghört hüt für vill Mensche zum Alltag. Doch wänn wird Stress eigentli krankhaft? Und was sind d’klare Burnout Symptom, wo mer ernst sött neh?In dere Episode luege mer gnauer ah, wie sich Burnout bi neurotypische Mensche zeigt, aber au bi neurodiverse Persone (z.B. bi ADHS, Autismus oder hochsensibleti). Chronischi Erschöpfig, emotionale Überforderig, Reizüberflutig, sozialer Rückzug oder s’Gfühl, gar nüme funktioniere z’chöne.Ich teile, wieso so vill vo eus momentan Müeh hend, mit allem klar z’cho, was Dauerstress mit em Nervensystem macht und wieso Selbstfürsorg kei Luxus, sondern Notwendigkei isch.Burnout Symptom sind Warnzeiche und je früener mer sie kennt, desto besser chönd mer gegestüre.Was isch „normaler“ Stress und wänn redet mer vo Burnout?Lueg mer zäme gnauer ane :)Quelle:Burnout-Syndrom: Anzeichen und Burnout-ErlebenUnderstanding autistic burnoutAm I in Autistic Burnout? Signs and SymptomsStiller Burnout: Symptome und Warnsignale erkennen

#58: Borderline, ADHS und Autismus überlappet sich starch, was oft zu Fehldiagnose füehrt – vor allem bi Fraue und genderqueere Persone. Vill Symptom wie Impulsivität, Emotionsschwierigkeit oder en diffuses Selbstbild chönd sowohl uf ADHS, Autismus Spektrum Störig wie au uf BPS hinweise. Diagnoseskriterie sind meist uf männlichi Verhaltensmuster usgrichtet, drum werde Fraue oft spöter erkannt, will sie soziale Muster imitieret und maskiere. Doch was isch de Unterschiid ide Symptomatik zwüsche de Borderline Persönlichkeitsstörig, Aufmerksamkeitsdefizit- / Hyperaktivitätsstörigund Autismus Spektrum Störig? Negiert mini Autismus Diagnose mini vorherigi Borderline Diagnose? Unterschiede ligged im Detail, bide Ursach und Trigger und Denkeswiise vode Symptom. Doch rede mer doch gnauer drüber ;)Quelle:Neurodivergent Insights: Borderline Personality Disorder, ADHD, and AutismAutismus.ch: Autismus-Spektrum-StörungenAutistische Züge bei Patientinnen mit Borderline-Persönlichkeitsstörung unter besonderer Berücksichtigung der EmpathieDies Episode isch gsponsoret worde vo marko, em Schwiizer Secondhand Marktplatz für die GenZ. Mit mim Code "MENGISCH2025" entfallet dir bime Chauf uf Marko bis am 31.12.2025 d'Transaktionsgebühre. :)

#57: "habe ich autismus?" hani fascht scho so viel mal iigeh wie "bin ich lesbisch?" uf google, aber mer weisse snie mit gwüssheit bis mer sich dem verdacht stellt. ich ha vor paar monet als erwachseni, wiiblich sozialisierti person autismus spät diagnostiziert becho . das het ohni z'lüge recht fescht mis lebe uf de chopf gstellt und ich übertriebe nöd wenni segge, dass ich mich nöd nur wie en neue mensch fühle, sondern die autismus spektrum störig diagnose für mich extrem viel neui struggles aber au so viel meh lebensfroid und selbstakzeptanz bracht het. doch gömer de reihe nah: wie findet mer überhaupt use ob mer autismus het? wie verlauft ee diagnose oder sone autismus abklärig? chönd wiiblich sozialisierti persone überhaupt autismus ha? was wird genau gfrögt ii sonere abklärig? was isch wenn ich keis spezialinteresse oder zwäng han? und vor allem... isches scary?

#56: Externi Validation | wo sie überall vorchunt & was sie mit eim macht - Teil 2hüt hani mini Fründin, Zoë, mit debi und mir schwätztet ime wiitere Teil über externi validation vo Soziali Phobie / Angststörig und wiemer die cha aagah bis zu männlichi validation vomer genauso ine queere Beziehig wie au unter nöd-Männer finde duet und wie belohnend d Arbet isch vom sich hinterfröge und selber finde. wär mega froh, wenn dir de Podcast gfallt du en mit teile, bewerte oder dini Kolleg*inne schicke, unterstütze chöntisch <3

#55: Externi Validation | wo sie überall vorchunt & was sie mit eim machthüt hani mini Fründin, Zoë, mit debi und mir schwätztet über externi validation im Chindesalter wie denn au über Notedruck, Performance Ängst, Soziali Phobie / Angststörig und People Pleasing. wie externi validation wichtig isch fürs ufwachse aber au dur die üsseri sogar positivi rückmeldig en Zwang oder Druck chan entstah, wo eim abbringt vom eigene Weg und de eigene Wert.

#54: du bisch doch z'alt zum no problem ha mit SH. du bisch doch scho erwachse,wieso fangsch jetzt aa rauche. du bisch doch z'jung zum es burnout ha. problem zha usserhalb vode timeline womer gwüsse problem zuegschriebe becho het, isch doch peinlich, fascht chindlich. die verinnerlichti timeline wie und wänn du was derfsch betrifft viel lebensbereich aber genauso struggles, vo mentali gsundheit zu gängigi problem. und s'spannendschte woni debi usegfunde ha: die timeline isch hauptsächlich vo falsche aanahme/informatione und vo de gsellschaftliche verharmlosig/entwertig prägt. Quelle:Age Effects in Eating Disorder Baseline Risk Factors and Prevention Intervention EffectsRisk of Self-harm in Children and Adults With Autism Spectrum Disorder

#53: Was isch wenn du uf de Suechi nach dim Selbschtwert ee Abchürzig findsch? Es App, wo dir dini Zahl seit, wo dich nachher definiert. Du weisch zwar nöd was die andere füre Zahl hettet aber die hend definitiv ee höcheri als Du oder süsch würsch du ja au nöd eso liide unter .... Sich selber kontrolliere und messe kenne ich no allzu guet vode Essstörig. Wo Chleidergrössene zu de Zahl uf de Waag biszu de Kalorie, woni immer wieder usgrechnet ha. Doch au woni mich ha chöne mit viel Müeh befreie vo dere Essstörig, isch die Obsession mit sich selber messe nöd verbi gange, sie het eifach shapeshiftet. Vo mim gsparte Geld ufem Bankkonto zu de Follower uf TikTok oder denn ein uf de ander Schlag d Follower uf Instagram oder denn wieder d Bewertig vo mim Podcast oder die 4/5 Pünkt uf mim Mobiliar App, wo mis Fahrverhalte misst. Mich selber zmesse het nie ufghört, aber wer heti gwüsst, dass s Massband au anderi Forme als ee Essstörig chönd aaneh.

#52: ich bi müed. Müed vom ständige geh, für lüt da sii, zuelose, tröste, ratschläg geh– und selber kei Platz zha. Immer müese sich bewiise und anderi vor sich zstelle, het nöd nume öppis mit mim Selbstwert z'tue, sondern au mit Misogynie: Mit de Erwartig, dass wiiblich sozialisiereti Lüüt sich für anderi ufopferet münd, sich um alles und jede kümmeret und emotionali Dienstleistung (!) erbringet – wiedermal gratis natürlich. I red drüber, wie das us mir e Rolle gmacht het, wo i gar nüm will sii. Weder im echte Lebe no Online.

#51: Arbet isch nöd alles! Das isch es Mindset womer immer meh bide Gen Z findet, doch bedütet das, dass mir trotz Jahre Arbetserfahrig söllet de Mindestlohn verdiene oder gegenüber ältere Konkurrente benachteiligt werde? "Die Jugend will nöd schaffe" wird eus immer wieder vorgworfe. Stimmt das? isch es würkli d Fuulheit vo eusere Generation wo so viel Gen Z's arbetslos macht oder isches Ageismus? Alles das und no vieles meh ii dere episode drüber wie toxisch d Arbetskultur jungi Lüüt behandlet und mit dem Voruteil s Versage nöd vo eus, sondern vo de iistellig gegenüber eus liit.

#50: wenn du s gfühl hesch dass dir d ziit durd finger rinnt obwohl du gaht die beschte ziit vo dim lebe sötsch ha:vores paar täg het cris uf ihre privatstory gshared wie fescht sie angscht het vorem 25i werde. dass jedes jahr wenn ihre geburtstag chunt sie depressed wird und sich mitem jahr vorher vergliicht. wie ihre denn genau bewusst wird wie d ziit schiinbar ihre durd finger rinnt und das genau ide 20er, ii dere ziit womer ja no so jung, früsch und anschinend die beschti ziit vo sim lebe söt ha. mir schwätzet hüt über d doppelmoral vode 20er, vo de romatisierig vo dere ziit, vode ängscht, struggles, wiemer söt jetzt erwachse sii aber glichzitig behandlet wird wie weniger als all andere erwachsene. 20er sind scary deswege redemer zeme hüt drüber <3

#49: wenn du das losisch bisch du gay! du bisch en lgbtqia+ und häsch pronome. (obv en joke aber ich will wük nöd dass die episode aa die falsche lüt glangt.)die episode liit mer scho länger ufem herze, wills für mich sehr lang brucht het zum verstah und es mich au tüfer belaschtet het, aber au will ich nöd will ee wiiteri aagriffsflächi ufd community geh, bsundrigs lüt wo ES EIGENTLICH NÜT WÜR AAGAH! ich persönlich verspüre recht en feschte druck, gnueg gay zsi, oder es sogar bewiise, dass ich mich wük ee richtigi lesbe cha nenne. vilicht bin ich überempfindlich, vilicht zu unsicher, aber mit de chance, dass sich öper genau wegem gliiche allei und zwenig fühlt, möcht ich das gern teile. WICHTIG: ich verzelle da über mis empfinde und mini wahrnehmig. daher alles isch prägt vo minere sicht und isch daher au nöd d absoluti wahrheit. ich ha kei intention irgendöperem zsegge wies für alli isch und wenn du anderi erfahrige gmacht hesch , denn derfsch sie super gerne teile :) ich bin immer froh anderi perspektive zghöre :)

#48: body image isch sones thema das wird wahrschinli nie usdiskutiert sii. ganz viel lüt verzellet mir vo immer bezug zu ihrem körper und es schiint es git fascht niemer wo wük es "gsunds" body image het. es paar überkompensieret, es paar verdränget oder hasset sich eifach im stille. body image isch für mich scho immer es schwierigs thema gsi dur mini langjährigi essstörig, wo ich jetzt zum glück frei devo ha chöne werde, aber au dur mis umfeld, mini sozialisierig und dur vieli gschichte woni vo anderene mitbechum. mer ghört zu oft, was au richtig isch, dass sin eigne körper nöd muen schön sii, aber mir hilft de gedanke nur begrenzt. iide letschte täg isch mir nomal en wiitere gedanke dezue in sinn cho, wo no wiiter bewiist, dass euse körper und de wert womer sim ussehe gebet, nöd erschti priorität hend ii eusem lebe, sondern es nebeprodukt isch vo eusem ziitvertriib, euse interesse, eusne hobbies etc und das genau s schöne isch oder wie mir vilicht es biz meh chönd gseh, wie euse körper eus präsentiert dur das. falls du dich dominiert fühlsch vo dim body image, seggs dur dis gender oder gwicht, legi dir mega as herz mit öperem zrede, wo usbildet isch ii dere thematik. ich versuche natürlich mit mim podcast en edge wegneh vo sonere bedrückende thematik und au offe drüber chöne zrede und sihc usztusche, demit mir eus gegesiitig chönd unterstützte, verstah und helfe, aber ich bi nöd usbildet.

#47: fründe finde ide schwiiz isch eigentlich impossible, jede/i het scho irgendwie sini gruppe sit chindergarte und wenn dsa nöd irgendwie als 4 jährigs greglet hesch, stahsch churz oder spöter jahre lang allei da, bisch nie en richtige teil vo fründschafte. viel vo eus hend dur eusi umständ nödchöne en aaschluss finde und fründe isch allgemein schwer desto älter mer wird aber jetzt auno ide schwiiz. wük eine vode verchlemmtischte ört. wenn du würsch uf de strass öper aaspreche, wirsch ehner als coucou aagluegt oder chli weird oder en druggie anstatt als öper offnigs, öper wo eifach mal will mit randos quatsche anstatt sich aktiv gegesiitig ignoriere wies irgendwie de norm isch. ich ha sehr lang ii mim läbe kei fründe gha, es het nie passt oder au anderi gründ aber au wenn ich mini ziit allei schätze, tuet eim trotzdem guet mal mit öperem zschwäze und siit es paar euche bini endlich ufem richtige weg, ich lerne endlich lüt kenne ganz unzwünge und ohni blöds app sondern eifach ii dem ich mich getraue usezgah und ackwardi situatione akzeptiere und wer weiss vilicht, wenn bis zum schluss losisch, findsch use was ich plant ha zum de podcast nöd nur online sondern au real zmache hehehe

#46: irgendwie isch mis lebe wie trennt vo mir. es ghört wie nöd mir sondern ich lebs eifach als wärs zwar ee strass für mich aber sie ghört mir nöd. ich möcht mis lebe zu mim dihei mache, es dihei, wärmi und vertraue, sicherheit ii mim läbe finde und es zlebe als wärs mis. di episode isch chli meh calm und eifach chli zum zeme nahdenke, visualisiere und reflektiere :) ha eu lieb mini zimtschnägli ;)

#45: Immer wieder glaubed mir, mir müend öpis perfekt mache oder sus isch’s nüt wert. Was, wenn mir eifach würkli nöd immer alles müend chönne? Was, wenn’s okay isch, schlecht z’sii – und nöd nur okay, sondern nötig? I red drüber, wie sehr mir üs selber lähmed mit de Angscht nöd es 100% zchöne, es nöd richtig zmache oder gar grotte schlecht. Wie’s plötzlich wieder leicht wird, wenn mer eifach ja seit zu dem, wo nöd klappt.Du darfsch hässlich male. Schlechti Reels poste. En unfertige Lifestyle lebe. Du darfsch das alles. Und d’Freud, wo du eigentli hesch – die chunnt zrugg, wenn d’Angscht nume chli lisme gah.E Folge für alli, wo grad z’viel funktioniere müend. Für alli, wo wüsse müend: Du muesch nüt beweisä, zum wertsii.

#44: ich ha wahrschinli öpe 200 regle wo ich täglich muen iihalte. nöd us zwang aber us "selbstliebi" oder selbstverbesserig. mir kennets doch alli so 1x/Tag go spaziere söt helfe oder meh bewegig und plötzlich wirds zumene innere battle öpis z mache womer eigentlich gern macht oder es eim guet tueht eifach will die regle eso starr isch. Eimal pro Tag und süsch bisch enttüscht vo dir, schämsch dich, entwertisch dich. und das binere regle wo dir eigentlich söt guettueh. hüt schwäzemer über das und ich share es paar eigeni regle und natürlich wie immer luschtigi analogie.

#43: helloo ich machs churz will bi nöd so gern öper wo caption schriebt. bi wieder zrug, danke eu und au de usziit. ich ha wük mega froid und au enegerie zum zrugg zsi, es acht so spass zum wieder chöne is mikro schwätze es paar gedankegäng zteile und sich selber z reflektiere. VIELE DANKE für eue konstanti support und ich freue mich wük tuuuussiig zum zruggsi hihihih

es isch soo wichtig zum en space ha womer sich selber und sicher cha sii, aber abene gwüsse punkt, bi zuu viel comfort, erlürt mer sich, mer hört uf sache mache womer eigentlich will und d agscht die safe bubble zverlah wird immer grösser. hüt echli drüber wie ich mini comfort zone versueche immer meh verlah inkl some chlini story times

e Live-Episode, wo ich vor paar Woche vor eu in Züri geh ha. Es isch unglaublich gsi, mega uss minere comfort zone aber so so schön und ich bi extrem dankbar für alli, wo dabi gsi sind – Live aber au immer wieder da. In dere Episode gah mir de Angscht und de Glaube-Satz uf de Grund, nie gnueg erreicht z’hend. Mir erläutere, wie sich die Gedanke nöd nume uf Leischtig wie Schuel und Arbeit, sondern uf vil meh im Läbe uswirket. Im Verlauf vo dere Episode wird klar, wo die Gedanke här cho, was sie mit eus mache und wie mir besser mit ihnen umgöhnd chönd. Zum Schluss git’s au paar praktische Tipps, wie mer sich vo dem Druck chönd löse.

#40: tickets (gratis) für min live-podcasthttps://suisse-podcast.ch/festival-anmeldung-2024/hüt ee ganz rohi persönlichi episode über mis overthinking. über sache woni momentan angscht ha und wie ich versueche realistisch aa die angscht anezgah, zerkenne was ich konstruktiv cha drus use neh und so wiiter.

#39: ich bin en loser. es isch eso oder jedefalls bin ich überzügt vo dere sicht uf mich. anstatt gege de glaubenssatz aazkämpfe mit "nei nei bin ich nööd" lerne ich drüber wieso ich so über mich denke und erkenne schlussendlich, dass en loser sii eigentlich eis vo de beschte sache isch ii mim läbe.

#38: wie findet mer sich selber, bsundrigs wenn mer so long öper andersch gsi isch? wer isch die person, wo ich bin? wie finde ich mich wieder? gits s wahre ich überhaupt no? wenn mer im leere isch wer mer selber isch , los die episode!

#37: ich verändere mich zum guete und doch vermisse ich s alte ich. ich ha sie cool gfunde und bsundrigs isch sie eifacher gsi. ich ha sie kennt, ich ha mich nöd müesse wehre gege schlechti gedanke und jetzt wonis mache und besser wird, bin ich müed. ich wünscht ich chönt zrugg zu ihre aber ich derf und cha nöd. es isch ziit mis alte ich ztruure.

#36: momentan gseeni sonen trend uf tiktok, wo lüüt ihres mentale alter testet und es eigentlich immer älter als die eigentlichiperson usechunt.ich rede hüt über euses mentale alter und s gfühl hinedrii und glichzitig voruus zsi. ich rede über was das gfühl siit de jugend mit mir macht und wie so viel verschiendeni wert eim fascht zum platze bringet.

#35: mer will sich eifach so schnell wie möglich us dere blöde situation, us dem nervige, verletzende gfühle usehole. aber was isch wenn genau das sfalsche isch und dini heilig stoppt? hüt redemer wie oft mir vo eusne gfühl flüchtet ii dem mir eus eigentlich wend helfe und au schniidet mir s thema vode selbstverletzig aah. ich wird sehr sachlich und nöd urteilend rede daher denki es wird nöd triggering :)

#34: hellooooich bin jetzt es ziitli weg gsi und ha eigentlich au nüme vorgha zrugg zcho. ich erchläre wieso no gnauer ide episode, aber jetzt bin ich DANK EU wieder da. ohni eu hätti glaubs de muet nüm gha zum wiiter mache. DANKE AA ALLNE VO EU WO MIT MIR INTERACTED HENDwenn mich supporte wilsch denn check out mis yt @mengisch

de übergang vo jugend und erwachse si isch mega furchtiflössend und es chömed so viel asprüch und verantwortige uf eim zue, obwohl mer überhaupt nöd weiss, wer mer isch. daher redemer hüt über die angst und glichzitig die co-existing angst vo ziit verpasse/nöd mitcho mit anderne.

#32: zum d celine und ihres projekt füren treffpunkt für flinta people of color in kollaboration mit café revolution z unterstütze, folget doch ire uf instagram (@celine.osei) sie postet det updates und infos!!!hüt rede mer über es recht aktuells thema in bezug uf ghana und wie detet lgbtq persone verfolgt und iibuchtet werdet uf grund vo ihrere art wie sie gebore werdet. zu gascht ha ich d celine (ig: celine.osei) wo selber wurzle in ghana het und dur das au dur die momentani situation extrem betroffe isch. ich finds es wichtigs thema zum liecht druffschiine und au drüber rede besonders hald au als lüüt wo selber zum lgbtq schirm ghöret.

#31: ich bin ii letschter ziit chli untertaucht und ich möcht eu en ehrliche iiblick geh was genau lauft demti du falls du inere ähnliche position bisch maybe dich au chasch identifiziere und dich nöd allei muesch fühle. ich bi ide episode chli umenand gschweift aber finde es het allg no viel sache zum mitneh au wenns keis spezifischs thema het :)

hüt behandlet mir s thema vom loslah. wie eusi aagstrengti versuecht alles z kontrolliere s lebe zu liid verwandelt. mir redet drüber wie sich die aagspannheit üsseret, wieso sie da isch und wie achtsamkeit, im moment sii es mittel cha sii, de griff langsam zlöse. am schluss machemer ee meditation wo mir werdet versueche eusi gedanken verbiizflüsse lah und sich ii sim körper gspüre nd sich selber meh zbemerke.

#29: churze disclaimer: die episode isch en luschtige late night talk. daher alles chunt useme place vonere liechtigkeit und au chli luschtigkeit. s beschriebene isch nöd fakt, sondern eusi experience und mir chömed useme place wo mir eus selber zwunge hend mit em andere gschlecht öpis zha, will mir sgfühl gha hend mir münd. daher straighte sex hittet für EUS nöd und mir findets nöd geil, will mir immer eus vorstellet mir sind das ii dere filmszene oder irgendwo andersch udn es daher ii eus en ekel erzügt, will mir eus zu dem selber zwunge hend aber so nöd gern gmacht hend. daher pls straight people you are valid as well, es sind wük nur ee lockeri luschtigi unterhaltig. scho wieder es sexs thema aber dasmal in bezug zu mim neue format mit anderne queere lüüt: Queer Talk. wo mir über verschiedenschti erlebnis, verhaltenswiise, gschichte us de queere community direkt vor dinere nase redet. daher hüt mit minere fründin zum thema: wieo mir jemals mit männer sex gha hend? wie? wie wie wie? jetzt isches eus so klar, dass mir lesbisch sind, aber no vo churzem bin ich zB no als bisexuell dusse gsi. daher wie weissmer, bsundrigs au im schlafzimmer, das de straighti sex eifach nöd hitted.

#28: was isch din bodycount? ee typischi fraag anere party. ganz harmlos eigentlich. nöd für mich. nöd für vieli lüüt. hüt redi drüber wie mini beziehig zu sex sich über mini jugend veränderet het und wie ich sex als selbschtverletzig benutzt ha. ich rede drüber wie ich behandlet worde bin je nach mim bodycount und wie mich das mini beziehig zu sex beeifluss het. schick die episode nur us edukative gründ öperem, will es isch sehr persönlichs thema. ich selber het öper brucht früener, wo mit mir so ehrlich gsi wär, daher ich hoffe es hilft öperem.

mich selber aafange liebe. es tönt so eifach aber so fern. mer weiss nöd wo aafange oder was mer überhaupt falsch macht. vilicht bin ich eifach nöd für selbstliebi gmacht. alli andere schiinets z schaffe aber ich irgendwie nöd. deswege die tipps wo dir genau segget was du chasch mache zum die eschte schritt zuemene lebe in friede mit sich selber. zum verstah wie wichtig es isch ziit mit sich selber zverbringe und wie die tipps mis lebe veränderet hend. schick die episode au kollege wo es problem demit hend demit sie au vilicht chönd inspiriert zwerde öpis ii ierem lebe zändere. ich hoffe die episode hilft so vielne so fescht wie sie mir gholfe het.

Ich bin scho uf de ganz welt gsi, aber ganz ehrlich, ich hasse reise. hüt chli ee chilligi episode, wo ich eu vo costa rica verzelle und au wieso ichs nöd gern ha umezreise, obwohl jedes mal weni ee ferie bueche, das wieder vergisse. AHH UND vergessed nöd min Podcast zbewerte dobe;)

kensch das au wenn du eigentlich nur churz wetsch öpis go iichaufe aber du trotz jogginghose und zwiitem tshirt vo männer aagmacht, aapfiifft oder sogar verfolgt wirsch? jede tag, ufem weg zum schaffe oder is gym, bim iichaufe am mäntig abig wird ich beläschtigt. ihri auge ziehnd mir regelrecht d'chleider vom liib und ich will nöd dass sie mich mit ihrne blick gschweige denn mit ihrne händ berüeret. aber das seggi normal.das seggi eifach eso. schliesslich sind mir frau eigentlich wük nüt meh als eifach es s*x-objekt für de mah, ee gratis huusfrau und sobald mir alt und faltig werdet nurno die nervigi zicke wo ihn nöd churz will "iehebe lah will es gaht ja schnell"mir isch schlächt nur scho vom schriibe.es muen sich öpis ändere. es muss sich im rechtssystem öpis ändere damit femizid und gwaltdelikt vo männer gegenüber non-männer besser verfolgt wird. es brucht sicherheit uf de strass. es brucht ee grösseri diskussion, meh bildig und schuelige. es brucht ee besseri gsellschaft. daher: es brucht de feminismus immer no genaus so fescht wie vor 100 jahr für mich, für trans-persone, intersex-persone, persone vo verschiedenschte kulturelle hintergründ und huutfarbe, persone mitere behinderig oder ee mentale iischränkig. ich ha nüme eifach d fressi hebe. es isch eifach gnueg.

#24: ii dere episode erkläre ich wieso ich nöd aa ein aesthetic glaube, wieso die idee schädlich isch für eus und ee kapitalistischi idee wo sich uf euses sozialverhalte übertreit het. Ästhetik isch nöd nur d Lehr vom Schöne sondern wird hützutags au sehr für Mikro-Trends benutzt wie zB gorpcore, bloquette etc. doch de drang nach zueghörgkeit und identität laht eus leer und fern vo eusere individualität und wahre selbst. hüt verzell ich wieso ich lieber hässlich und mich selbst als schön und öper andersch bin.

ich hasse neujahr. neujahr git mirs gfühl, dass ich nüt erreicht ha, hinne dii bin im vergliich zu de andere und definitiv nöd ready füren neuaafang bin. deswege möcht ich ee neui tradition aafange für mich um die neujahr, wos nöd drum gaht, sich mit friends, wo eim übers ganz jahr vergesse hend, zbesuufe oder allei dihei zsii und vor fomo und sozialem druck sgfühl ha, dassmer nöd ines neus jahr oder überhaupt da ane ghört. scheiss uf neujahr.

#22: cybermobbing isch öpis woni sehr angscht ha drüber zrede. ich weiss nöd gnau warum, aber desto meh ich mit influencer rede, desto meh wird mir bewusst, wie jede vo eus demit kämpft und daher es wichtig isch drüber zrede.ich gibe gege endi es paar tipps wo mir helfet daher wenn du momentan unter cybermobbing liidisch, chönd die dir sicher bizli helfe und süsch denk drah dass du immer dargeboteni hand chasch aalüte (die sind gratis und lieb) pls stay respectful <3 das isch alles eifach mini meinig und experience

#21: Mir tauchet tüüf i das gfühl ii, vo de gesellschaft als nöd attraktiv wahrgenoh z'werde und schlussendlich mit dere resultierende unsicherheit und endlose strebe nach schönheit umzgah.oft isches als wür ich voreme verzerrte spiegel stah und es ishc mir nöd möglich mich selber zgseh. ich gseh nur was die anderne immer bemänglet hend, wie ich vo usse schiinbar wahrgnoh wird und nöd die person wo ich eigentlich bin. mir luegetuf wunde, wo die kommentär und ziite vo usschluss uf grund vo mim ussehe hinderlah hend und wie ich mit dene umgah, was ich us ihne glernt ha.die episode isch ee reflexion über persönliches wachstum, selbstakzeptanz und em weg zur erkenntnis, dass die vorstellig vode gesellschaft nöd die eigeni identität definiere sött. es isch ee reis zu eme tüfere verständnis vo selbstliebe und em muet, die eigeni unsicherheite aa z'erchenne, anstatt von ihne beherrscht z'werden.

#20: immer wenn ich en ruum betritt, han ich automatisch d'aanahm, dass all mich vo grund uf nöd gern hend und ich muen sie jetzt all überzüge, dass ich doch cool bin, dass ich doch en wert ha. ee kombination und selbsthass und selbstwiefel kombiniert mit dem ewige dran people z’please. hüt schwätzemer über das dilemma und drüber wieso es so wichtig isch so mechanisme ii sim verhalte zerchenne.

#19: ii dere episode gahts um jahre vo träne, mental berak downs, selbstzwiifel und eme vollkommene allei sii als influencer. Ich bliibe recht gfasst im video und gahne au nöd uf theme ii wie cyber mobbing (wird e eigeni episode), trotzdem hender hüt en iiblick wie es hinder dere perfekti gphotoshopped fassade vo influencer abgaht und i promise you es isch nöd so lässig wiemer denkt.

#18: "beziehige mit borderliner sind manipulativ! sie sind toxisch, unstabil und immer es uf und ab!" = ich cha demfall nie gliebt werde...oder jedefalls han ich das so immer verstande. ee persönlichkeitsstörig wo genau das als grösschti angscht het: immer verlasse zwerde. Und genau eso wird ee beziehig mit eus oft betitlet. ich frög hüt mini früdin wie sie mit mine struggles und minere "toxische" art umgaht. wie mer en borderliner verstaht und ihn sogar liebe cha. danke aa mini fründin wo mir als erschti person zeigt het, dass ich nöd das monschter bin, wo mir immer all iigredet hend. ich lieb dich über alles und hürate dich bald. (du musch immerno de aatrag mache ich warte nur)

#17: de aateil vo persone, wo bide arbet unter stress liidet, isch vo 18% im Jahr 2012 uf 30.3% gstiige. knapp d'hälfti (49%) vo gstresste persone fühlet sich emotional erschöpft, was als zeiche für es hohes burn-out-risiko und in verbindig mit eme weniger guete gesundheitszuestand staht. ich bin konstant unter stress. nöd nur nimmt d arbetslascht vo jahr zu jahr zue, sondern au de stress im alltag, social media wo eus dezue drängt konstant schöner und "annerchannter" zsi, de kapitalismus wo eus siit chli mitgeh wird, dass mir immer besser, immer erfolgriicher münd si, familieproblem, schuelproblem etc. wie chan ich abschalte? wie chan ich min alltag in griff becho ohni ines burnout zrenne?Ich bin kein Arzt oder medizinischer Experte. Die Informationen und Tipps, die ich teile, basieren ausschließlich auf meinen eigenen Erfahrungen und persönlichen ErkenntnissenQuellen: Stress und psychosoziale Risiken am Arbeitsplatz haben 2017 zugenommen - Schweizerische Gesundheitsbefragung 2017: Arbeit und Gesundheit | Medienmitteilung | Bundesamt für Statistik (admin.ch)Psychosoziale Risiken durch Überbeanspruchung: Stress, Burnout, Monotonie (admin.ch)Gesundheit bei der Arbeit: Emotionale Erschöpfung steigt weiter an, Stress auf hohem Niveau stabil – Ergebnisse des Job-Stress-Index 2022 | Gesundheitsförderung Schweiz (gesundheitsfoerderung.ch)

#16: heeeyy, hüt gits nomal ee episode zu body image. es isch sones relevantes und grosses thema und es liegt mir au am herze, dass mir eus mit hilf vo mim wüsse au chönd immer meh akzeptiere und liebe egal was eus d schönheitsnorme segget. din körper isch dis huus und er isch so guet zu dir. your body is your vessel.

#15: heeeyy ich ha die wuche mega problem mitem audio gha und au 2 mal d datei verlore und wieder ufgnoh dh entschuldige es wird nögscht mal besser. selbstvertraue isch glaubs so öpis wo mir all biz problem demit hend und daher dueni hüt gern mini wichtigste tipps mit eu teile, falls ihr au no eigeni hend let me know ich cha au no en zweite teil mache :)enjoooyyy

#14: ich cha mir kei hilf hole will ich bin nöd chrank gnueg. ich chas niemerem segge will die andere sind schlechter drah.hüt redemer über de gedanke "nöd chrank gnueg zsi" und wieso das de gedanke selber dich scho chrank gnueg macht.mir schwätzed drüber wo mir de gedanke überall chönd finde und natürlich au wasmer gege ihn cha mache. wie immer ee episode wo dir söll unterstützig und verständnis zeige oder au dir cha denkenswiise vo anderne lüt cha ufzeige hihi