Trabayando por Asturies

Yolanda Huergo afirma que los datos de desemplegu y de la tasa d’actividá son el reflexu d’unos políticos asturianos que prefieren discutir sobre la independencia de Cataluña, que sobre los problemes d’Asturies nel Parllamentu Yolanda Huergo, como portavoz nacional de Compromisu por Asturies, calificó como previsibles y apavoriantes los datos de la Encuesta de Población Activa (EPA) del III Trimestre de 2012, onde a una tasa de paru de 21,84% únese la tasa d’actividá más baxa del Estáu, lo que quier dicir qu’ensin la emigración de los xóvenes y les prexubilaciones anticipaes esistentes, Asturies superaría guapamente la media estatal de desemplegu del 25,02%. La portavoz nacional criticó la escusa habitual del Principáu énte estos datos, xustificándolos como frutu d’una crisis mundial contra la que poco se pue facer dende Asturies. “Mui cerca d’equí hai comunidaes con datos bien diferentes, como Cantabria col 15,71% o’l 15,48% del País Vascu, colo que nun tenemos por qué resignanos, nin aguantar escuses que namás sirven pa tentar d’esconder el bultu”. Dende Compromisu por Asturies, los datos de la EPA son consecuencia d’una clas política asturiana que “llee los discursos que-yos escriben dende Madrid, onde’l paru d’Asturies nin se menta” y punxo como exemplu la última xunta sobre l’estáu de la rexón onde “prefieren discutir sobre la independencia de Cataluña que sobre los problemes d’Asturies” Yolanda Huergo recordó que “la tasa d’actividá d’Asturies, la más baxa del Estáu con un 52,72%, ello ye que somos la Comunidá Autónoma con menos persones n’edá de trabayar que puen y quieren facelo, y qu’ello remanez de los procesos d’esmantelamientu de los sectores productivos del país vía prexuvilaciones” unío a ” la emigración creciente de los mozos asturianos espulsaos del mercáu llaboral” son los únicos motivos polos qu’Asturies nun supera la tasa estatal de desemplegu asitiada nel 25,02% y convierten en fantasía’l datu del 21,84% de paru n’Asturies, ya de por sí inasumible. Asina, afirmen que “con una tasa d’actividá como la de les Islles Baleares del 69,14% les cifres de paru n’Asturies sedríen de récord na nuesa historia”: Pa Compromisu por Asturies “la fuelga xeneral del 14 de payares tien que ser una oportunidá p’acabar coles polítiques de recortes de la Troika y el gobiernu de Rajoy, y pa ello tenemos que superar el marcu de protesta de los sindicatos UXT y CCOO, y plantegar una crítica que vaya más allá de reforciar la posición negociadora de los sindicatos mayoritarios, sinón pa obligar a un cambéu de réxime onde la política económica seya de y pa la ciudadanía” apuntó Yolanda Huergo.

Compromisu por Asturies anunció que la organización sofita la marcha del 15 de setiembre en Madrid y qu’una delegación va dir a la mesma’l próximu sábadu. La organización asturiana considera que “l’amenaza de los retayos y el retrocesu brutal nos derechos llaborales y sociales faen necesariu’l sofitu a les respuestes que s’articulen, y coles que se debe dar al gobiernu del estáu un avisu contundente que-y faiga rectificar la situación actual”. Dende Compromisu considérase igualmente que nos atopamos nuna situación de involución na que se tán cuestionando tolos mecanismos democráticos de decisión y pretende desmantelase lo poco que queda del exiguu estáu del bienestar col que cuntábamos, al traviés d’una estafa na que la tarifa de la crisis van pagala los que nun la xeneraron”. Compromisu señaló amás que la situación actual n’Asturies superpónse a la crisis estructural que sufrimos nos postreros 30 años, y a una condición subordinao y periférico a la que se nos condergó, lo qu’amenacia con convertinos definitivamente nun país esmanteláu nel que l’únicu futuru sía la emigración xeneralizada a la que yá se vieron espuestes delles xeneraciones de mozos y moces, polo que nun cabe la resignación y ye obligada la llucha contra l’actual modelu y pol futuru de Asturies. Sicasí dende Compromisu por Asturies plantégase que la presencia na marcha faese con un espíritu d’unidá na respuesta y de la necesidá d’un mensaxe claru y conxuntu, pero ensin escaecer que parte de los convocantes tienen una gran parte de responsabilidá na situación actual, especialmente nun país como Asturies, nel que coxestionaron un modelu económicu nos postreros 30 años que nos llevó a la situación na que nos atopamos, y que s’agrava poles polítiques selvaxes del PP y ponse de manifiestu que nesta y na anterior llexislatura’l PSOE ta aplicando en Asturies una política de retayos en servicios públicos.

La baxa de les subvenciones a la llingua asturiana en más del 60% solo pue lleese en términos políticos, non económicos Dende Compromisu por Asturies alértase sobre l’ataque que ta sufriendo la llingua asturiana dende l’alministración pública cola sida de la crisis económica, al conocese esta selmana la rebaxa en más del 60% les ayudes que tolos años se destinen a la promoción llingüística. Yolanda Huergo, portavoz de la organización, afirmó que “si la cultura ye una de les principales perxudicaes pola baxada de presupuestos, y la cultura asturiana va vese especialmente desprotexida pola falta d’inversiones y presupuestos específicos, la llingua va vese especialmente perxudicada polos prexuicios ideolóxicos de la xente que nos gobierna”. Huergo recordó que la llingua asturiana “ al nun tener oficialidá nin existir una política normalizadora afayadiza, tan nuna situación límite y nun podemos escaecer que la promoción y l’apoyu del PSOE nun vien d’una convicción propia, sinon de la movilización social y la voluntá de la mayoría de la sociedá asturiana, incluyendo votantes de los partíos mayoritarios, que nes décades pasaes apoyó un procesu de normalización que dende l’alministración trató de ralentizase”. Nesti momentu, según Huergo “ la crisis ta valiendo pa que’l gobiernu, que nun tien nengún interés real cola normalización de la llingua asturiana, tenga una oportunidá pa desentendese cola sida de la situación económica, y ello pue vese nesti recorte desproporcionáu y mui perriba de la media d’otres partíes, lo qu’amuesa una motivación política”. Poro, dende Compromisu por Asturies exíxese una rectificación, pídese claridá na política llingüística y ufiértase l’apoyu a les aiciones o iniciatives que puedan llevar alantre organizaciones cíviques o defensores de los derechos llingüísticos pa tornar estos ataques.

El Llagar del Restaurante Casona El Carmen, en Perlora, ye’l sitiu escoyíu por Compromisu por Asturies pa cellebrar el Día de la Nación Asturiana. Un actu políticu va abrir la xornada, pa continuar depués con una espicha. Yolanda Huergo, vocera de Compromisu por Asturies, y Roberto Holgado, conceyal d’Unidá Nacionalista Asturiana (UNA)-Bloque por Asturies de Carreño, van ser les dos persones que van intervenir nel actu políticu, previstu pa les 12.30 hores. Tres los dos discursos, alredor de les 14 hores, va tener llugar la espicha, abierta pa tolos asistentes a un preciu económicu. Los interesaos en quedase a la xinta han de contautar cola organización al traviés de la so web o de les redes sociales.

La formación nacionalista Compromisu por Asturies -integrada por Bloque por Asturies y Unidá Nacionalista Asturiana (UNA)- esixe al Principáu que se moye» pa consiguir una parada d'AVE nel conceyu de L.lena. El voceru de la coalición nel Conceyu, Agripino Pérez, señaló ayeri que'l Presidente del Principáu, Javier Fernández, debe tomar cartes nel asuntu pa «dar la oportunidá al país de cuntar con un serviciu d'Alta Velocidá nun plazu mediu de tiempu» ante l'ausencia de plazos pa la llegada de l'AVE a Xixón. Va dos meses, la formación nacionalista presentó al Plenu una moción pa faer llegar el pidimientu de la parada de l'AVE al Ministeriu de Fomentu. La propuesta recibió'l sofitu del equipu de Gobiernu (IX), PP y Foro Asturies. El grupu municipal del PSOE abstúvose, al considerar «más prioritaria» la necesidá de construyir una nueva estación de cercaníes en La Pola L.lena.

Entrevista: - ¿Qué valoración faes de les resultancies electorales BA/UNA previes al procesu de Compromisu? - ¿Cómo foi'l procesu que desaguó en Compromisu? - ¿Qué ye Compromisu? - ¿Por qué CNA, ENA, UNA, XNA, AA, IAS, INA, BIA, CA nun trunfaron y Compromisu sí? - ¿Qué valoración faes del percorríu de la esquierda nacionalista asturiana? - ¿Por qué el sentimientu identitariu asturianu nun se traduz en votos? - ¿Hai güecu pa un asturianismu políticu d'esquierdes? ¿Esi espaciu nun lo ocupa IX fácilmente? - ¿Qué valoración facéis de la non participación de IAS dientro de Compromisu?

Según Manolo Benayas y Yolanda Huergo, co-voceros de la coalición de Bloque por Asturies y UNA “más que nunca, na situación actual de crisis, ye necesaria n'Asturies una alternativa que se base na defensa del país, la xusticia social y l’ecoloxismu y cola apertura d’esti censu y esti procesu fundacional queremos contribuyir a construyila”.

Mañana 5 de mayu ábrese'l censu pa participar nel procesu constituyente d'una alternativa política na que tu pues participar. Collabora y comprométete pa iguar ente toes y toos l'alternativa política pla que naguamos y qu'Asturies necesita.

Bloque-UNA sofiten les movilizaciones contra los retayos y la manifestación del 1º de Mayu. Bloque-UNA llamen a la movilización social pa evitar los retayos en sanidá y educación y anuncien la so participación na manifestación del 1 de Mayu que se va celebrar en Xixón, convocada por SUATEA, CSI y CXT a les 12:00 am na Plaza del Humedal.

El Conceyal del Bloque por Asturies-UNA-Los Verdes-Grupu Verde presentará nun prósimu plenu una moción pa pidir una parada del AVE na Pola L.lena

Bloque por Asturies-UNA en Xixón, al traviés del so voceru Daniel Fernández, considera que'l Conceyal de Cultura Carlos Rubiera quedó ensin capital políticu pa exercer les sos competencies, ante la reprobación de la so xestión realizada polos ciudadanos de Xixón por cuenta de la destitución como director del FICXixón de Jose Luis Cienfuegos.

Rafa Palacios fala nesti alderique al rodiu de “Centroamérica ya el Caribe nel camín dica la xusticia y la paz” de la so esperiencia nos sos viaxes per estos llugares de Llatinoamérica.

Alderique final al rodiu d'Asturies con Gaza nel chigre Cantábrico de Xixón el 4 setiembre de 2010

Pallabres de Rafa al rodiu de la so esperiencia na Flotilla de la llibertá

Intervención de ún de los participantes de la II Flotilla de la llibertá

Charra al rodiu de la Campaña Rumbo a Gaza nel chigre Cantábrico de Xixón. 4 setiembre de 2011.

Rafa Palacios va dir na flotilla de la llibertá qu'entama una vegada más un viaxe camín de Gaza pa denunciar la situación de la xente que vive ellí.