Amushelelo wil hof toe oor omstrede spoedbrekers

Die vervoerministerie se besluit om spoedbrekers op Windhoek se B1 Westelike Verbypad en die A1-hoofweg te installeer, lok steeds kritiek uit. Die spoedbrekers, wat ingestel is as 'n maatreël om voetgangerongelukke te verminder, het eerder gelei tot swaar verkeersopeenhopings en groeiende frustrasie onder motoriste. Die aktivis Michael Amushelelo voer aan dat voetgangerbrûe en strenger handhawing teen onwettige padkruisings meer doeltreffend sou wees. In 'n gesprek met Kosmos 94.1 Nuus het Amushelelo gewaarsku dat die maatreëls noodvoertuie kan vertraag en sê regstappe sal geneem word indien dit nie verwyder word nie.