BETOGING TEEN PRESIDENT KABILA VAN DRK

'n Handvol Kongolese burgers wat in Suid-Afrika woon, het Sondag buite die Presidensiële gastehuis in Pretoria teen die besoek van die DRK president, Joseph Kabila, betoog. Die betogers sê Kabila is onwettig die president van die DRK en kan daarom nie names die land optree nie. Hulle meen Kabila het opsetlik die presidensiële verkiesing in 2016 tot 2018 uitgestel, omdat hy langer aan bewind wil bly. Sy twee termyne as president het verlede jaar ten einde geloop en luidens die DRK se grondwet mag 'n president slegs twee termyne dien. Liela Magnus berig Kabila het President Jacob Zuma besoek.