ព្រះមហាក្សត្រ និងព្រះរាជមាតា បន្តគង់ប្រថាប់នៅប្រទេសចិន ក្នុងអំឡុងពិធីបុណ្យចូលឆ្នាំថ្មីប្រពៃណីខ្មែរ

ក្រសួងព្រះបរមរាជវាំង បានចេញប្រកាស កាលពីរសៀលថ្ងៃទី៣១ ខែមីនាម្សិលមិញ ពីទីក្រុងប៉េកាំង ប្រទេសចិន មកថា ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី និងព្រះរាជមាតា សម្តេចព្រះមហាក្សត្រី នរោត្តម មុនីនាថ សីហនុ បានយាងមកពិនិត្យ និងព្យាបាលព្រះរាជសុខភាព នៅមន្ទីរពេទ្យប៉េកាំង ប្រទេសចិន ហើយតាមវេជ្ជបញ្ជាក្រុមគ្រូពេទ្យចិន តម្រូវឱ្យព្រះអង្គ គង់ប្រថាប់បន្តមួយរយៈទៀត ដែលពុំអាចយាងនិវត្តន៍ ពីប្រទេសចិន មកកាន់មាតុប្រទេស នៅពេលនេះបានទេ ។