'Daar is twee-vlak polisiëring in Brittanje'

Die herrie rondom die dood van die Britse wit student Henry Nowak deur ‘n Sikh in Southampton, bly in die nuus. Daar word beweer dat polisie-opleiding oor rassisme sogenaamde twee-vlak polisiëring tot gevolg gehad het, wat rassisme teenoor witmense veroorsaak. Die Konserwatiewe Party se skadu-energie-minister Claire Coutinho sê die mense wat veronderstel is om die publiek te beskerm, kan nie daardie werk doen nie, want hulle is bang om as rassisties beskou te word.