HIGHVELD STEEL

Die Vakbond Solidariteit waarsku dat 'n tweede Stilfonten humanitêre krisis hom afspeel in Emalalheni na Highveld Steel sy deure moes sluit. Nagenoeg 2 187 mense is deur die afleggings by onderskeidelik Highveld Steel en Vanchem Vanadium Products geraak. Die hoofsekretaris van Solidariteit, Gideon du Plessis, sê politieke inmenging op internasionale en plaaslike vlak het die mense hulle werke gekos. Hy sê Solidariteit se helpende hand moet reeds kospakkies begin uitdeel aan behoeftige gesinne, net soos met die skielike sluiting van die Durban Roodepoort Deep myn destyds in Stilfontein, Noordwes. Die departement van Arbeid en omgewingsake het nog nie op Spektrum se navra in die verband gereageer nie. Intussen het die mynreus De Beers vandag in ʼn artikel 189-afleggingskrisis aan die vakbond Solidariteit aangekondig dat hy eersdaags met ʼn grootskaalse afleggingsproses sal begin. Die maatskappy, wat deur Anglo American besit word, beplan om 152 poste by sy Venetia-myn buite Musina af te skaf. Daarby beoog die maatskappy om sowat 214 poste by van sy ander myne in Suid-Afrika af te skaf.