Hou dadelik op om druipende leerlinge oor te plaas: Onderwysersunie

Die Onderwysersunie van Namibië het die regering versoek om die praktyk om leerders na die volgende graad oor te plaas sonder dat hulle aan die vereistes voldoen, onmiddellik te staak. Die unie se visepresident, Tjandero Tjituka, sê dit is een van die grootste bydraers tot die land se hoë druipsyfer. Hy het gepraat tydens 'n sitting met die Nasionale Raad se Staande Komitee oor Onderwys, Wetenskap en Jeugontwikkeling in Otjiwarongo.