IS SLIMFONE BESIG OM 'N GENERASIE UIT TE WIS?

Is slimfone besig om 'n hele generasie uit te wis? Die antwoord hierop is, volgens 'n Amerikaanse wetenskaplike "ja". Jean Twenge vors verskillende generasies en die gapings tussen hulle al 25 jaar lank na. Sy het bevind dat die generasie gaping tussen die sogenaamde "millenials" en die generasie wat op hulle volg baie groot is. Millenials is gebore in die laat 1980's tot laat 1990's. Die generasie na hulle is gebore tussen 1995 en 2012. Monitor praat hieroor met Letitia Smuts, sy is besig om haar doktorsgraad te finaliseer en dit gaan oor 18-28 jarige, middelklas mense in Suid-Afrika. Letitia is 'n dosent by die Universiteit van Johannesburg se departement van Sosiologie en 'n doktorale kandidaat by die Vrije Universiteit in Amsterdam op 'n Desmond Tutu beurs.