JONGSTE OOR QATAR

Qatar se Minister van Buitelandse Sake, Sheikh Mohammed bin Abdoel Rahman Al-Thani, het die dertien eise deur sy buurlande verwerp. Die diplomaat het gesê die lys is onrealisties en onmoontlik om aan te voldoen. Hy het uitgebrei daarop deur te sê dit gaan nie hier oor terreur nie, maar die beperking van vryheid - onder meer vryheid van spraak. Die Ministers van Buitelandse Sake van die Verenigde Arabiese Emirate, Saudi Arabie Bahrein en Egipte kom vandag bymekaar om hul reaksie op Qatar se skuif te bespreek. Vir meer hieroor, praat ons nou met professor Dirk Kotze van UNISA se Departement Politieke Wetenskap.