ខួបរដ្ឋប្រហារថ្ងៃ១៨មីនា៖ លោកនាយករដ្ឋមន្ត្រីថា កម្ពុជាបច្ចុប្បន្ន ខុសពីកម្ពុជាកាលពី៥៥ឆ្នាំមុន

ក្នុងវេទិការវាងរាជរដ្ឋាភិបាល និងរដ្ឋបាលថ្នាក់ក្រោមជាតិ ស្តីពី " កំណែទម្រង់វិមជ្ឈការ និងវិសហមជ្ឈការ ដើម្បីចូលរួមសម្រេចបានចក្ខុវិស័យកម្ពុជាឆ្នាំ២០៥០ " កាលពីព្រឹកថ្ងៃទី១៨ ខែមីនា ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែត បានលើកឡើងថា ថ្ងៃនេះ ៥៥ឆ្នាំមុន ថ្ងៃទី១៨ មីនា ឆ្នាំ១៩៧០ ជាព្រឹត្តិការណ៍មួយ បានកើតឡើងក្នុងប្រវត្តិសាស្ត្រកម្ពុជា គឺការធ្វើរដ្ឋប្រហារទម្លាក់សម្ដេចព្រះ នរោត្តម សីហនុ និងការចាប់ផ្ដើមនៃសង្រ្គាមស៊ីវិលនៅកម្ពុជា។