កម្ពុជាបញ្ជូនបញ្ហាតំបន់មុំបី ប្រាសាទតាមាន់ធំ តាមាន់តូច និងប្រាសាទតាក្របី ទៅកាន់​តុលាការ​យុត្តិធម៌អន្តរជាតិ ICJ

រាជរដ្ឋាភិបាលកម្ពុជា បានប្រកាសពីការបញ្ជូនវិវាទតំបន់ព្រំដែន នៅតំបន់មុំបី ប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ទៅកាន់តុលាការយុត្តិធម៌អន្តរជាតិ ICJ នៅទីក្រុងឡាអេ រួចហើយ កាលពីថ្ងៃទី២ ខែមិថុនា ឆ្នាំ២០២៥។ តាមសេចក្តីថ្លែងការណ៍ បញ្ហាព្រំដែននៅតំបន់ទាំង ៤នេះ មិនត្រូវបានដាក់បញ្ចូលក្នុងរបៀបវារៈ នៃកិច្ចប្រជុំនៃគណៈកម្មការចម្រុះខណ្ឌសីមា និងបោះបង្គោល ព្រំដែនគោកកម្ពុជា-ថៃ (JBC) ដែលគ្រោងធ្វើ នៅថ្ងៃទី១៤ ខែមិថុនា ឆ្នាំ២០២៥ នៅរាជធានីភ្នំពេញ នោះទេ។