កម្ពុជាប្រកាសឈប់ផ្តល់អាជ្ញាប័ណ្ណថ្មី សម្រាប់ក្រុមហ៊ុនបង្កើតរោងចក្រផលិតស្រាបៀរ ចែកចាយក្នុងស្រុក

លោកនាយករដ្ឋមន្ត្រី ហ៊ុន ម៉ាណែត បានប្រកាសថា លោកសម្រេចឈប់ផ្ដល់អាជ្ញាប័ណ្ណថ្មី ដល់ក្រុមហ៊ុនឯកជន ដើម្បីបង្កើតរោងចក្រផលិតស្រាបៀរ ចែកចាយក្នុងស្រុកទៀតហើយ។ មូលហេតុដោយសារតែពេលនេះ មានក្រុមហ៊ុន បើករោងចក្រផលិតស្រាបៀរក្នុងស្រុក ចំនួន ៧រោងចក្រហើយ។ លោកនាយករដ្ឋមន្ត្រី បានលើកទឹកចិត្តឱ្យក្រុមហ៊ុនឯកជន វិនិយោគលើវិស័យឧស្សាហកម្មធុនធ្ងន់ ដូចជា បើករោងចក្រដំឡើងរថយន្ត ជាដើម។