កម្ពុជាតែងតាំងកូនស្រីច្បងរបស់លោក កឹម សុខា ធ្វើជាប្រេសិតពិសេសរបស់លោកនាយករដ្ឋមន្ត្រី ហ៊ុន ម៉ាណែត

កូនស្រីច្បងលោក កឹម សុខា ប្រធានអតីតគណបក្សសង្គ្រោះជាតិ គឺកញ្ញា កឹម មនោវិទ្យា ត្រូវបានតែងតាំងតាមរយៈព្រះរាជក្រឹត្យ ចុះថ្ងៃទី១៧ ខែសីហា ឆ្នាំ២០២៦ ជាប្រេសិតពិសេសរបស់លោកនាយករដ្ឋមន្ត្រី ហ៊ុន ម៉ាណែត មានឋានៈស្មើរដ្ឋមន្ត្រី។ មុនការតែងតាំងកូនស្រីច្បងលោក កឹម សុខា ឲ្យទទួលបានឋានៈខ្ពស់ក្នុងជួររាជរដ្ឋាភិបាល ដែលដឹកនាំដោយគណបក្សប្រជាជនកម្ពុជាដូចនេះ បានធ្វើឡើង បន្ទាប់ពីកញ្ញា កឹម មនោវិទ្យា បានចូលជួបជាបន្តបន្ទាប់ ចាប់ពីថ្ងៃទី១៤ ដល់ថ្ងៃទី១៧ ខែសីហា ជាមួយលោក ហ៊ុន ម៉ាណែត លោក ហ៊ុន សែន និងចុងក្រោយ កញ្ញា កឹម មនោវិទ្យា បានជួបលោកស្រី ម៉ែន សំអន អនុប្រធានគណបក្សប្រជាជនកម្ពុជា និងជាប្រធានសមាគមមិត្តភាពកម្ពុជា-វៀតណាម។