កម្ពុជាតវ៉ាជាថ្មីចំពោះសកម្មភាពរបស់កងទ័ពថៃ ដែលបានរំលោភដែនអធិបតេយ្យកម្ពុជា តាមរយៈការរាយបន្លាលួស

កម្ពុជា តាមរយៈក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី២៥ ខែសីហា បានបញ្ជូនលិខិតប្រឆាំងតវ៉ាទៅកាន់ភាគីថៃ ចំពោះសកម្មភាពរបស់កងទ័ពថៃ ដែលបានបន្តរំលោភបំពានដែនអធិបតេយ្យភាពកម្ពុជា និងពង្រីកជម្លោះ ទៅក្នុងតំបន់ជនស៊ីវិល។ នោះគឺកងទ័ពថៃ បានបន្ត រំលោភដែនអធិបតេយ្យកម្ពុជា តាមរយៈការរាយបន្លាលួសព័ទ្ធផ្ទះ និងដីប្រជាពលរដ្ឋខ្មែរ នៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។