ក្រសួងស្ថាប័នរដ្ឋ ចេញញត្តិ គាំទ្រការកែច្បាប់ ដើម្បីដកសញ្ជាតិខ្មែរ ពីពលរដ្ឋខ្មែរណា ដែលក្បត់ជាតិ

ក្រសួងស្ថាប័នរដ្ឋ និងក្រុមអង្គការសង្គមស៊ីវិលមួយចំនួន ដែលស្និទ្ធនឹងរដ្ឋាភិបាលកម្ពុជា បានចេញញត្តិគាំទ្រជាបន្តបន្ទាប់ និងដាច់ដោយឡែកពីគ្នា ដើម្បីបង្ហាញការគាំទ្រនូវការលើកឡើងរបស់លោក ហ៊ុន សែន ប្រធានគណបក្សប្រជាជនកម្ពុជា ដែលបានប្រកាសឱ្យរដ្ឋមន្ត្រីក្រសួងយុត្តិធម៌ ធ្វើវិសោធនកម្មច្បាប់ ដោយកែរដ្ឋធម្មនុញ្ញ ដើម្បីដកសញ្ជាតិពីប្រជាពលរដ្ឋខ្មែរទាំងឡាយណា ដែលបានគប់គិតជាមួយបរទេស មកប្រឆាំង និងបំផ្លាញជាតិខ្មែរ។